hello係咁嘅,有個問題困擾咗小妹一段時間,想問下大家嘅意見🥶 小妹16歲,話說幾個月前打機識咗個男仔(下稱A),覺得佢幾好相處,之後我地就日日call一齊打機,晚晚都call到凌晨四、五點(其他frd有時都會入黎一齊call,但冇我地call咁耐)。之後其他frd覺得我地講嘢好曖昧,好似情侶,但其實係我眼中我只係搵佢傾計解下悶,冇任何意思。問題就黎了,其中有個frd有日同我講話A其實鍾意我,但佢就唔敢表白。我心入面其實都有少少feel到佢鍾意我,無奈自己戀愛經驗為0,所以一直都唔係好清楚,聽佢咁講完先肯定到我冇feel錯⋯ 我就開始有少少驚,唔知應該點做好,如果同佢講清楚話我對佢冇意思又好突兀,又唔想hurt到佢(佢家境有少少慘,之前又失戀過⋯),加上佢都冇表白⋯ 如果唔講,啲frd又會一直ship我地兩個,我自己就有少少唔like,始終我只係當佢係好好嘅frd⋯ 請問大家有咩建議、我應該點做好?我唔想失去左呢個frd,但又唔想hurt到佢⋯ 原諒小妹冇戀愛經驗,希望大家可以俾少少意見,thanks TT sorry for 1999 ><
致超長文po主: 好多謝你用心大出黎嘅文,但我對於你嘅觀點部分有所分歧。 從你po嘅文中,我大概接受到幾個point(講真,你篇文冇主題句,好難揾到你中心論據,只睇到你情緒好激動:) 1)男女入學入職不平均 2)男性喺職場受壓逼 3)政府操縱公眾視覺 4)性別定型 (可能不全面,盡量歸納) 第一,男女入職入學不平均。po主認為不論職場還是學院,皆處於女多男少嘅情況。 從po主下方留言中,有人指出香港男女總比係858:1000。 所以香港入職入學男少女多嘅情況出現係好fair。 以我所知,香港并冇老師調換學生成績嘅情況出現,假如男女入唔到大學,可能係成績方面嘅個人因素。 假如求唔到職,係取決於人事部or老闆是否願意聘請該事主。 “根據大學資助委員會(UGC)統計資料,2019/2020年度,中大女學生有10879人,男學生有9585人,女學生比男學生多出1294個”係po主所提供嘅資料。 取至x位整數,中大女學生大於有11000人,男學生則有10000人,其實我覺得個數量相差唔多。 (仲冇加埋其他大學) 影響呢樣野嘅可能係男女不同及個人因素 1)男仔發育比女性發育晚 2)男性偏理性,女性偏感性(睇下男女嘅大腦就知,網上有,從生理學嚟講,以大部分人為準)(所以男仔偏理科,女仔偏文科好fair)(假如 男仔從事社會輿論、媒體報章、學者,KOL都得噶,而且我想講係呢d地方我見到嘅男性都多lor) 3)個人對學習嘅專注力(可否持之以恆)及個人天賦(記憶力,讀寫障礙) (所以po主所講嘅問題存在但合理) 第二,男性喺職場受壓逼。根據po主係文中提及婦女團體宣傳「我是女性,我應先於男性獲得晉升考慮,因為歷史上對女性的壓迫實在太多了,所以現代男性讓路吧」的意識形態。 我極不同意呢種說法,亦希望唔會有人同意呢種想法(真係好唔合理,歷史嘅野就隨住歷史消失啦 能者居之係最好嘅意識形態(雖然係職場上好似有d過於理想化,世界上有樣野叫潛規則🙂唔單止對男性唔公平,對女性亦然,所以職場上有冇公平就真係唔知la