唔知大家有冇發過一啲咁嘅夢,唔係春夢。呢篇文係我啱啱起身寫,因為真係好難忘。 夢中我行緊一條回家路(唔喺香港),仲記得嗰度有一大塊正方形田園,要知道徒步行係會好耐,我都冇理咁多。 突然有一個年約17-18歲,身高米八嘅男仔,佢低住頭,有啲碎碎嘅劉海kum住咗眉毛。喺日光燈嘅照耀下,他那層次分明嘅茶褐色頭髮頂上居然仲映著一圈好靚嘅亮光。凜冽桀驁嘅眼神,雙眼皮,高鼻樑,下面係兩瓣紅潤嘅薄唇,簡直係偶像劇入面嘅百分百校園男神,我認得佢係我阿哥嘅中學同學。 我記得嗰陣係下雨天,下著淅淅瀝瀝嘅雨,迷濛嘅霧氣掩蓋曬整個天氣。佢揸住架摩托車(ps唔係大陸嗰啲 係類似台灣嗰啲) ,擔住一把透明嘅雨傘,問我:「不如…我車妳返去吖?」我一開始都唔係好願情,最後見自己都冇戴啫,條路又長就上咗佢嘅車。 我i喺佢背後,無奈要攬實佢背後,令我耳紅面赤,之後佢同我傾起彼此之間嘅嘢,然後佢突然哼起一首歌…我好記住係「好想你好想你好想你」,佢真係唱得好好聽,聲音清澈溫柔,好似帶咗我去另一個世界嘅夢幻國度。 「想見妳只想見妳,我只想見妳~」 佢將其中一隻手伸向我,我記得佢隻手比我隻手大好多,隨著唱歌旋律演奏,我不知不覺亦將自己嘅背手放喺佢手掌上,感覺自己開始慢慢畀佢吸引,開始慢慢陷入e個陷阱,已經無法自拔… 過程真係分唔到係夢境定實境,真係好真實,好清晰,撲朔迷離,令人永想沉醉喺e一刻嘅童話世界,而我都開始想嘗試「愛情」e個禁果。 「會不會…妳也和我一樣… 在等待一句我願意~」 佢唱完e句,我feel到變到好嬌羞羞澀,對佢嘅感覺情緒,已經達到咗最高峰,已經一發不可收拾,我喺佢耳邊輕輕細語一句 「我願意……」 「叮鈴鈴!!!!」 我突然畀床邊嘅鬧鐘嘈醒,如夢初醒。 我知道人嘅記憶有限,所以我都好興幸自己可以記到佢嘅樣貌再記述落嚟。 可能我文筆唔好,令大家無法想像到個畫面,但有冇女仔或者男仔試過咁?真係好令人面紅心跳加速…😳如有錯字 歡迎大家留言更正 Sorry for 1999
識咗一個男仔四個月左右,我哋嘅關係好Close,差唔多每晚都會傾偈傾到三更半夜。我發覺我有啲在意佢,但唔知係朋友嗰種定係愛情嗰種。前幾日,佢打俾我嘅時候把聲好沉,好冇力,只係係咁講:陪我。我同佢傾咗幾句之後我只係以為佢眼瞓,就cut咗佢線啦 第二次打返比佢嗰陣時,佢成把聲喊晒,好似失戀咁,佢同我講而家唔係時候同你玩,就cut咗線,而佢cut咗之後我先意識到佢好似有事,依家好自責,覺得係我害咗佢。依家搵佢又唔覆我,一諗到冇咗佢就想喊….好想修復返啲關係。想問吓各位覺得我係咪鍾意佢,係咪做錯事,我又應該點做? sor for 1999🙇🏻♀️ 求各位嘅意見🙇🏻♀️
小妹中三,對學業好迷茫,個個同學都好有方向讀邊科,但係我到而家都唔知我想讀咩。成績方面好飄浮,有時合有時唔合格。我比較鍾意畫畫,但係覺得冇出路,即使老豆老母有能力比我出國學(但我自己冇諗過,都唔知可以去邊度比較好),但係都係賺唔到錢,呢個係事實。同埋有聽過有人講話art係留畀啲讀唔到書嘅墊底去讀…. 我喺歷史方面比較好,背書好過用腦諗,但係我對佢哋冇興趣。又或者講都仲未搵到讀書嘅方法,之前想過跟住youtube睇好多人哋點樣讀書,我都有試過但係都唔係好啱。 靚仔靚女可唔可以幫手解答下! 1)讀art辛唔辛苦? 2)有art嘅人出咗嚟可以做乜?(google我已經搵過 想問下啲讀完出嚟嘅人 或者有少少了解嘅人 3)個個都話跟興趣好啲 但如果好似我咁應該跟興趣定係跟考得比較好嗰科? Sor for 1999 第一次投細力啲屌thx