*由於搵唔到適合嘅圖所以求其搵張兵長比大家養下眼(˶‾᷄ ⁻̫ ‾᷅˵)+文筆會有少少唔順 小妹今年F1,本身喺小學成績麻麻地,好彩考到間理想嘅學校。阿媽本身體弱多病,阿爸又成日出去賭出去玩唔返屋企,阿媽就越嚟越大壓力,成日發我脾氣。但我明白佢好辛苦,我忍。一開始都還好,但後尾我地嘅關係越嚟越差。 間唔中我會問下阿媽身體如何、有冇咩事發生,佢總會話:你唔使擔心任何嘢 你只要讀好書做好自己就得。我都係好擔心,一開始我以為一切都會變好。但現實同我諗嘅總會不同。我第一次科學測驗好低分,但我自問我已經盡咗力。阿媽睇咗我分卷 就問我:「我咪叫咗你唔好擔心我專心讀書囉 點解仲咁低分 你到底明唔明白?」我就話明白啦,佢突然捉住我衣領大叫:「既然你明白你就同我讀好書唔好再激嬲我 你都唔明白我嘅苦處!」跟住我喊咗出嚟 佢成日都話你要明白我嘅苦處我有幾辛苦但佢又叫我唔好擔心唔使理專心讀書,我唔明佢想點,好難唔擔心。加上可能我青春期脾氣變得少暴躁有時會發下脾氣咁,但又未至於鬧阿媽打阿媽。 有時真係唔想返屋企,好多嘢煩,好多嘢要諗。夜晚會好想好想自殘但又好驚阿媽會發現。我好想令到個關係變好啲,我大家可唔可以話我知要點做,希望可以po上ig thxxx sor for 1999
小妹今年中二 1月10號第一日考試(網上考)咁就要兩部device一部睇題目一部就影住你作答 我就用電腦睇題目,真心覺得老師有問題。用電腦睇題目當然要用滑鼠啦,但係個老師就喺度話「X X,唔該你作答先唔好睇住部電腦住。」我心諗好L on9。份答題紙有五六頁,點可以唔用滑鼠就睇到晒啲題目,仆街啦!佢勸過我之後我當然繼續用滑鼠,今次火都嚟埋就話, X X而家喺度考緊試,你唔好睇電腦住(黑人問號)。我真係冇佢冇辦法,直接用鍵盤嘅上下左右來控制,不過我睇份問題卷要睇超耐,心諗,「老師你用下腦啦!」之後我就做唔晒分卷 真係好想校長炒咗佢 小妹第一次投稿,sorry for 1999 21/1/2021
求po ig 係咁嘅,小妹今年17但係身高得148cm🥲🥲 咁入正題啦,自己本身有啲鐘意跳舞 所以有時都會睇下啲 cover咁 不過前面講到鐘意跳舞但係其實我係唔識㗎。所以成日都想報班學但係就比個身高令到自己卻步。因為睇啲cover 啲女仔都高 起碼睇落有165或以上 ,有條長腿咁。 所以就驚我跳出黎會唔好睇或者係班人入面凹左入去咁。 同埋之前啲friends知道左之後,就話咩叫我唔好跳 話我矮跳舞唔好睇 ,之後又話咩我會毁左隻舞。所以跳舞對我黎講就好似係一個好難實現嘅嘢咁,成日都想生高啲好似果啲女仔咁跳得靚啲。 我依家就唔知點好,一方面想去學但一方面又驚身高果面會被人笑🥲🥲🥲有冇人可以比D意見我?please 🙇♀️🙇♀️
有冇人有方法可以令我忘記之前被人網絡欺凌,性騷擾嘅回憶?我係一個中三女仔,事情係咁嘅…上年武肺停課無聊,就開咗個打機ig account,喺上面識咗一班好好嘅朋友,一開始都幾開心,直到有一日,我見到一個小YouTuber喺ig到鬧佢啲路人「雷」隊友,完全冇幫隊友個名打格仔,仲要係其實佢冇雷過,只係個YouTuber失誤殘血但係隊友冇去幫佢,個YouTuber 又將所有責任推曬落個隊友度,總之我覺得點樣都未至於要公開鬧佢啦,咁我喺下面留言咗自己嘅一啲意見, 類似「睇落你雷啲, 使唔使咁樣公開鬧人,可能人哋lag咗呢」嗰啲,聽落都唔會係一啲好唔舒服嘅字眼,其實真係好小事, 點知有一個佢嘅粉絲就發咗癲咁鬧我, 一開始我心平氣和咁同佢慢慢解釋, 點知佢越嚟越癲,不停侮辱我, 咁我承認我當時有火遮眼,講咗啲操口鬧返佢,但佢完全唔講道理,同佢鬧咗成粒鐘,佢話要瞓覺走咗,我之後反思咗一下都知道其實咁樣好似唔係太尊重,所以del咗comment,諗住可以告一段落,點知佢竟然繼續dm侮辱我,我一開始我係當佢笑話咁睇,但係佢唔日日都send幾個侮辱我嘅說話,我開始頂唔順咪block9佢,點知我block一個佢開一個,我block咗佢20幾個account 佢仲開。我唔理佢,佢就開始騷擾我啲朋友,又出po鬧我,我講乜佢都話我係呃緊人,但叫佢拎證據佢又拎唔出… 咁樣持續咗四個月。 之後佢唔知用咩途徑揾到幅我有露臉嘅相,我明明set哂private。佢post咗出嚟,tag埋我,仲要喺下面侮辱我… 不幸之中嘅大幸係佢係用大空account post, 所以應該冇乜人見到。之後佢又知道咗我喺網上面識咗一個男朋友, 就開始性騷擾我,話我係淫婦(wtf?),仲話我會畀人強姦,畀人插…(睇圖,佢自稱Adam ),呢個只係其中一啲,仲有好多揾唔返…我點report都冇用。 我畀佢搞到崩潰,加上生活嘅壓力差啲想自殺。我知道佢大account 係咩,但係佢有我幅相,如果公開佢佢個account我驚佢癲起上嚟公開我幅相,我怕會比人起底, 唔知之後點見人…我最後我忍痛del咗ig account。 雖然事情算係告一段落,但每一晚瞓覺或者冇嘢做嘅時候,就諗起佢想喊, 就算係見到一啲相關嘅字,就會即刻諗起佢,成個人超唔舒服…. 大家有冇啲咩可以解決到呢個問題嘅辦法?雖然差唔多過咗一個月 ,但我差唔多每日都諗起佢,真係好辛苦…可能你會覺得成件事好on9,我相信我亦有錯嘅地方,但係我真係好撚辛苦。