—類投稿

GUEST

想同某個人講: 我當你係兄弟 但你當我契弟 你話你冇當過佢係真心friend 咁你當我係咩 話人扮晒蟹 又痴埋去奶 平時當我透明 有事就搵我呻咁咪好撚勁 比你無視已經係慣例 其實你先係最撚虛偽 你都戇撚柒鳩鳩 係咪以為我唔會嬲 屌你老母 我唔撚係你個水泡

閱讀更多

Guest

1/21 今日係紅色的士見到一部ipad (連keyboard) 黑色殼 我想問有冇人唔見左? 如果係你嘅話可以cm 好想比反你 🙏🏻🙏🏻🙏🏻 Sor 1999 希望睇得明 TAT

閱讀更多

Guest

有個問題困擾左小妺好耐,唔該大家幫下我😩 有個朋友(都幾熟,同班,男,都算靚仔(///) 佢對我係忽冷忽熱,試過唔理我,又試過為左搵我打埋比我,我一路都冇乜感覺,當佢普通朋友,直到… 1. 佢不斷叫我down某隻game同佢一齊玩 2. 同我dm時會用❤️,🥺呢d emoji 3. 佢會問我功課,我做幾耐佢都肯等 4. 佢係一個超級超級被動嘅人,但係成日主動搵我 5. 成日prank我扮憎我(🙃)但近幾次好快又whatsapp我,有一次仲話咩咩忍唔住同我講嘢(🗿wtf) 6. 佢曾經講過最信我,無論愛情,學業野都會問我 7. 我問一個朋友(好信得過,女)關於第5點,佢話個男仔…中意我!? (但係我又唔知會唔會係中央空調🙂) 自問絕對冇外表上嘅優勢,性格都唔係特別好,仲要係最被動既魔羯座🥲 如果大家有咩意見唔該幫下我!sor for 1999😖 Admin please

閱讀更多

GUEST

交代下背景,小弟係一個中五學生,因為自身好懶加上近期疫情唔洗返學嘅關係,成個人放低曬學業,同埋因為無得返學,搞到同朋友疏遠左,甚至被排擠。 宜家每晚都因為擔憂自己落後於其他人而瞓唔到,再者就如上述被排擠,搵唔到人傾訴,亦都唔敢同屋企人講,長期積累落嚟搞到自己經常有自殺嘅念頭。 每次諗起想自殺,都會覺得好對唔住自己父母,身為一個獨仔,由細到大佢地都將全副心機擺晒落我度,但如果我落實自己自殺嘅決定,就會白費佢哋十幾年嘅時間同心機,覺得自己真係好不孝同埋好自私,但係除咗唔想令佢地傷心之外已經搵唔到其他理由繼續生存落去。 我到底可以點做。 (多謝每一個善良嘅人睇到呢到。)

閱讀更多

GUEST

. To my Love, . 我以為: 我地可以一直走落去。 我以為: 我地嘅關係會一直都咁好。 我以為: 我地可以咁樣就到老。 直到今日。 我先意識到自己嘅錯誤。 對唔住。 我做錯咗好多嘢。 我好後悔。 . 或者我從來都唔應該表白。 . 一年過去 我以為我已經放低咗。 但今日 無意中聽到my little airport。

閱讀更多

Grad

最近見到好多小朋友話驚自己有抑鬱?憂鬱之類,喺睇到個啲post同comment之後我想比啲意見同分享我嘅經歷同感受。 我係一個已確診抑鬱症同焦慮症嘅20歲女,喺幾個月前出國讀書,喺疫情下,我發現自己嘅病嚴重咗。 我喺中五六呢兩年入面因為學業、社交、社會時件同一啲欺凌事件嘅發生,令我由本來有抑鬱徵狀、上網做抑鬱測試好高分之類,到一起身就失去控制咁大喊、食量大減、體重跌咗十幾公斤。之後因為我長期唔返學,我媽媽終於帶我去睇醫生同確診抑鬱同焦慮,其後當然要keep住食藥同複診。 喺上年二月開始,疫情越嚟越嚴重,診所亦因此無開,我就攞定咗好幾個月嘅藥。食咗藥好幾個月嘅我,之後都有返翻學,同學都覺得食咗藥嘅我好奇怪,由以前成日笑口細細、嘈喧巴閉,到一粒聲都唔出、做乜都無反應,個陣時對我嚟講,笑已經唔係我開心嘅表達方式,只係面對其他人嘅工具。 我係喺疫情期間出國嘅,喺嚟之前我已經有個拍拖兩年幾嘅男朋友,仲喺香港嘅時候我嘅病情已經好咗好多,當然仲係會時不時爆喊同好多負面諗法跑出嚟,不過喺同朋友嘅相聚同傾訴下都可以適當咁發洩出嚟。而我而家身在異鄉,加上啱啱嚟到要隔離好耐,因為隔離完返學有同學確診而再次隔離,令我少咗好多好多嘅社交,亦因為LongD嘅緣故,我同男朋友都成日鬧交,令我壓力倍增。嚟緊一年入面可以返香港嘅機會真係微乎其微,一直睇唔到返香港嘅一日令我覺得好迷惘,所以呢排我又開始爆喊,有時候仲會蠢到同自己講我已經好返、已經大個女唔可以再喊而抑壓落去,請大家唔好學我! 至於點解唔食藥呢?係我蠢,我覺得自己已經好得七七八八,加上唔想再比藥嘅副作用搞到個人無曬感情,所以我無帶藥出國,諗住自己會無事,就變成而家咁,病情又嚴重返。 喺之前嘅post入面,各位都會話自己成日好唔開心、會想喊,請你明白唔開心同喊都係正常人嘅情緒反應,當然你可以控制同抑壓佢哋,但係只會令你更辛苦同更唔開心,所以適當地發洩佢哋係正常㗎,千祈唔好比自己覺得唔應該、好羞恥之類。如果你哋真係好擔心自己有情緒病,真係考慮下睇醫生,接受適當嘅治療。 而我覺得同朋友分享都未嘗唔係壞事,但請記得,唔係所有人都會理解你嘅行為同煩惱,所以先三思再搵人陪你傾訴。之不過,同朋友、社工傾訴嘅效果真係遠遠唔及睇醫生,所以真係頂唔順,一定要睇醫生,雖然好貴,但係可以搵到合適嘅方法去解決呢啲問題,點都係值得。 最後,好對唔住,呢篇文好長,而且我中文差咗,可能會打錯字,希望大家見諒。DSE嘅同學要加油,仲有兩個月就開考,要盡力,唔好比自己後悔之餘唔好太chur,小心身體。 疫情下,香港人,加油,小心身體!

閱讀更多

SPC Grad

以前中學成日唱呢首聖詩。離開左中學六年,六年,聽返再冇窩心,而係傷痛。四年UG打内戰咁款,小生變左個一敗塗地嘅人,愧對部分中學先生 —— 雖則佢地都唔多係好人。

閱讀更多

GUEST

話說小弟細細個嗰陣喺度睇人打機,之後聽到一首幾好聽嘅音樂,事隔差唔多89年,我想揾番首音樂嚟聽,但係我又揾唔番條片,又唔記過左啲歌詞,淨係記得一部份旋律,請問各位有咩方法可以幫到我? Sor for 1999

閱讀更多

GUEST

小弟form3就嚟揀科 但係好矛盾同迷惘 自細好鍾意Character design、Comic、Animation、插畫嗰類嘢 成日係度畫 我都畫得唔係差 雖然好有興趣 不過將來出嚟做嘢從事依行 好似有啲困難 而且聽人講讀art用好多時間 驚搞唔點其他科 加上art我好似淨係對「畫」呢方面有興趣 唔知揀唔揀好 有冇讀緊/過art嘅分享下大概讀乜 打緊有關art嘅工都分享下 請問大家揀科會揀興趣定有利你升學、工作嘅科? Sorry for 1999🙇‍♂️🙇‍♂️ Admin pls po ig

閱讀更多