—類投稿

GUEST

從前有個讀小五嘅女仔,佢好鐘意睇言情小說,班上嘅女仔知道後都好鄙視佢。 上到中學後,有年嘅小學同學聚會,女仔發現曾經鄙視過女仔嘅女同學都拍緊拖,而被人鄙視過嘅女仔已經唔夠膽去愛。好耐好耐之後,嗰個女仔發現自己已經失去咗愛人同愛自己嘅能力。 明明每個人都會拍拖,但點解對愛情有嚮往嘅人就要被人鄙視呢? 大概係嗰個女仔被同年人早一步踏入青春期,而令佢受咗好多來自所謂天真無邪嘅細路仔嘅惡意。 原來,早熟有罪。

閱讀更多

GUEST

我仲有冇得高? 小妹今年13歲form2 得145 半年前已嚟經m 本身由細到大已經係細粒 父母亦都唔高 母:155 父:169 我想問四樣嘢 (1)我因為身高問題成日俾人笑 所以希望可以高到160, 有冇方法? 有冇人有相似經驗?唔該 (本身已經有游水,但最近一年因為疫情所以停咗) (我飲奶就會噁,所以飲奶冇用) (2)上網有人話拉筋有用所以有拉, 但網上有好多唔同拉筋方法, 唔知邊種有用… 所以亦希望有拉開嘅人可以俾意見,多謝 (3)有人話去醫院照骨片睇吓骨骺線有冇閉合, 其實有冇必要?唔該晒 (4)我距離上年高咗7 cm , 咁我下年大概會高幾多?

閱讀更多

GUEST

Admin po ig pls 其實人生嘅起跑線喺咪一早定好左? 小妹早排喺一個交友app到識咗個讀SPC嘅男仔啦(我讀band3…),一開始都冇咩野,只係唔係太習慣一直同人用英文溝通。但係後尾佢越講越令到我覺得我地之間嘅距離差左十萬八千里… 首先,我本身覺得我係我間學校英文成績都係最後個10名內,但同佢溝通左一陣就覺得我嘅英文差到不得了,連佢平時常用嘅字眼都唔識。簡直覺得我有認知障礙症… 其次,佢屋企超級有錢。有次我同佢call嘅時候,我同佢講:「我要去做家務,費事阿媽返嚟鬧我。」佢話:「今日都唔係週末,你工人咁早放假?」之後我同佢講我冇工人,佢個下個反應係完全嚇親,覺得每個家庭都會有一個工人,我真係完全唔知俾咩反應好,我覺得如果我話俾佢知我住公屋,佢應該會嚇到死。 最後,都係最痴線,佢話佢讀書完全係為左玩,因為佢之後都可以繼承屋企嘅公司,完全無壓力,仲話其實佢依家都可以入到大學(f5),只不過想再玩多陣。今次到我嚇親,我從來都唔知有人讀書係為左玩,喺我地學校入到大學既人都唔知有冇5%,佢竟然同我講可以輕輕鬆鬆入到,我真係唔知應該俾咩反應佢好… 突然間覺得個天好唔公平,點解我好努力咁讀書考到嘅成績都不如佢裸考,點解佢屋企可以咁有錢,啲係咪教育嘅問題?定係純粹我個人諗多左,喺我廢,如果當初認真讀考一間band1中學會唔會完全唔同?而家我見到一啲band1學生都會覺得自己好自卑,完全冇競爭力… Sor for 1999

閱讀更多

paulsec

https://youtu.be/mz1b7eXnSpQ 點解有啲咁嘅師姐? 點解成隻豬咁嘅樣都可以做律師會理事,日日出入馬會? 點解知法犯法,限聚令都咁多人同佢慶生? 可憐我係個傻妹 無肉腿 疫情下生日要自己一個食😐 師姐教教我啦 https://youtu.be/mz1b7eXnSpQ

閱讀更多

GUEST

想請教下各位有冇咩方法可以係幾個月內將chem由1升上3?我係2021dser,chem一直考試小測都係得一兩分。呢排考mock加上就快dse,令我終於覺醒,好想考返個3入u,但每次拎起本書都無從入手,勉強背咗啲嘢,但連份卷都睇唔明,啲題目好似同書嘅內容完全唔同咁。由中四開始已經理解唔到啲內容,想知可以點樣做,希望大家可以俾啲意見。🙏🏻 Post IG please

閱讀更多

GUEST

求求admin post ig🙏投咗好多次都冇中 小妹依家中三,但係我真係唔知讀書有咩用處,我而家記緊嘅英文文學、中文詩歌等等究竟有咩用?究竟讀書係為乜?為搵工?為興趣?定係為左增長知識?即係好似電競咁,有天賦咪去做囉。你讀書勁唔代表你搵到工wor,唔識去思考,淨係跟番人地比你嘅標準做嘢,同一個機械人真係無乜分別。 講番我自己,件事係咁嘅,我阿媽一直想我讀醫,但係我真係好唔鍾意讀醫。大家都知,細細個嘅時候都唔知讀書有幾難啦,所以我就口多多話自己想做醫生,結果阿媽記到依家,仲話咩宜家得醫生唔會失業,阿爸就話興趣只會乞食,做醫生最好。但係問題就係我除咗phy都唔係幾鍾意其他科,對bio更加冇興趣,講真真係超多嘢背,根本冇可能記得晒囉☹️ 我就比較鍾意關於電腦或者剪輯之類嘅嘢,所以有諗過讀ICT,但係阿爸阿媽都話做IT冇啖好食,但係我覺得為咗錢而做自己唔鍾意嘅嘢,生存落去好似都冇乜意義姐。 我都知香港唔專心考試都唔得,但係我每次諗住溫書都會分咗心,呢個就要講另一件事啦。話說我近排搵到一款令我好沉迷嘅game,我覺得係我玩過咁多game入面最好嘅,入面嘅人都好好,我好享受同佢哋一齊傾偈,亦都好鍾意同佢地打個幾鐘頭副本嘅成就感,和諧到令我想一直留喺入面。問題就嚟啦,我每次溫書嘅時候都成日想打開個game,我有嘗試過收埋部手機,但係時間維持唔到好耐,搞到我好似全日唔知做緊乜,好快一日就過左去,我都唔知點算好。 好多謝睇到呢度嘅你 呢篇文都係想搵地方講下我嘅心事 同埋想搵個理由說服我唔好沈迷遊戲 sor for 1999🙇‍♀️

閱讀更多

Guest

小妹今年中四 以前有學過小提琴,但係因為個老師教得麻麻地,所以冇咩興趣繼續學落去,所以就放棄咗。 呢排睇咗人地cover動漫歌,自己都好想好似佢地咁,同埋都想搵下強項咁,突然有少少想學翻,但係由於未確定自己係咪真係好有興趣,所以淨係唸下,同埋我阿哥都話我要好好準備dse,我未有好好管理自己時間嘅能力,所以唔比我學。 呢排老豆老母,想日攞我呢d事出嚟講,話我3分鐘熱度,我聽到嬲嬲地,老豆就話:「你咩都唔識啦,鋼琴又冇興趣(4歲被人迫去學 跟住不斷喊),小提琴又唔學哂。」我真係聽到好嬲,過多幾日,老母又攞翻出嚟同佢d friend講(傾電話 好大聲個種)。 我應該點做好?係咪應該學翻? 如果要我又唔知點開口,佢地實又比說話我聽,驚我半途而廢又浪費錢。

閱讀更多

GUEST

求po ig) 話說我最近迷上咗泰腐+泰星(男女都有), 想問下有冇啲咩係香港人開嘅, 而全部內容都係有關泰星嘅ig page??唔係單人fans page, 而係咩泰星都有啲嘅嗰啲page。求推介(希望係內容唔差又有少少資訊性嘅page, 只要嗰個小篇有心多少followers都可以)。 感激不盡 sor for 1999

閱讀更多