—類投稿

Guest

(超長文慎入)(1999見諒) 大家好,阻大家少少時間,希望大家可以好好讀完篇文,之後俾啲建議我。小妹啱啱踏入中一,但係中學生活同我想像中有啲唔同。 件事要從我join咗個bridging course(暑假同中一銜接課程)開始。我識咗個女仔(下稱m)我同m一開始可以話friend到極點,我哋有傾唔完嘅話題,可以用WhatsApp連續傾半日,無所不談。我信任到佢一個程度,就係我會將我所有秘密都話晒畀佢聽。m同我講,佢係比阿媽逼先入來我間學校。(重點,之後會再提) 但過咗暑假正式返學之後,問題就開始出現。因為我本身比較外向,我覺得我同一個人做唔做朋友亦都唔應該衡量性別,所以我喺小學嘅時候,身邊都有好多異性朋友,亦都唔太感受到要同異性保持「一定距離」,所以我返中學第一日,就好熱情咁同所有人嘗試交朋友,之後亦都識咗好多新朋友。 但m就好似有啲不滿,我小息同其他人玩嘅時候聽到m係後面同其他女仔講“你有無發現(我個名)日日都淨係同男仔玩” 當下聽到,我有啲愕然,因為m平時表現都好real,估唔到會因為咁少事都要講出來。但我當時冇太放在心上,因為我確實比較另類,班裡面其他女仔亦都有晒小圈子,平時唔會同男仔講任何嘢。 佢又開始不斷同我講間學校幾差,嫌三嫌四,又話想返去之前間學校比人bully(小學可以直升中學各種),m話下年就會走(無論自己成績如何,都會因為小學校長好鍾意m而成功上返) 之後,我發現m一啲小動作越來越多,佢試過偷偷地入我Google Classroom(我學校gmail密碼係自己生日日期,我當時覺得無人會咁得閒login我gmail所以無改)m話要login睇功課,但係明明m個acc都睇到。佢當時有求情又話講比老師聽都唔會嬲我,我好容易心軟,所以最後原諒咗佢。 然後喺班grp,有人就開咗一啲完全唔好笑嘅玩笑(我同某某某係情侶關係)(我同某某某只係朋友關係,完全冇親密關係)。另外,佢又乘機爆我秘密出來比全班知,我個吓好hurt,但係我無講出來(我曾經以為我真係可以完全信任佢,我講得比m聽就代表我認定m唔會同任何人講) 另外仲有就係啱啱先講完a壞話,放學就拖住佢手去買珍珠奶茶,分開個陣仲大大聲叫“唔好走啊”,我睇到都唔敢相信m啱啱先用咗$20來買a嘅YouTube channel dislike(奧斯卡都無佢咁逼真,唔去做戲真係曬咗) 然後有一日,一個男仔突然同m反咗面,我當時因為幫個男仔而被m屌到開花,然後個男仔有一日突然搵我講m壞話,我當時當然即刻附和,不過過咗一排,m就send返我同個男仔嘅聊天紀錄比我,然後我又比人理直氣壯咁屌咗一次。 我因為呢件事無咗好多朋友。 我當時已經冇乜朋友,但m似乎仲未滿足。而家,我唯一最後嘅中學朋友都比佢搶走咗,方法如下: 1.佢會不斷問我個朋友(下稱b)係咪鍾意我 2.b會覺得我一定做咗啲咩/b會想避嫌(因為佢都幾識講嘢,佢講咩全班都信曬) 3.b就會開始慢慢疏遠我。 之後我有搵返m問m係咪想挑撥離間,不過m冇正面回應,而係喺IG Story不斷攻擊我,仲用假血漿扮割手博同情(佢之前同我講過淘寶有得賣,wtf) (佢平時習慣用Story串人但又唔開名) 我而家得返幾個小學朋友,反而當初鄙視我「太多朋友」嘅佢,而家就有最多朋友。 其實以上都只係冰山一角,仲有好多但唔一一講了。

閱讀更多

GUEST

大家好:D 介紹返背景先,小妹今年13歲,樣同身材都唔係幾好,成績都唔係好掂。我有個5歲阿妹,屋企平時都幾融洽,只係周不時會同老豆嗌兩句交,但係都係隔一日就好返嗰種。阿爸阿媽關係好好,因為阿媽以前有cancer,所以阿爸都好就佢,到依家結婚咁多年都feel到仲好care好愛佢。 入正題,我自從小五小六就識咗班好好嘅朋友,有時會講有關性嘅笑話,令我開始覺得老豆原來好似有啲問題。阿爸時不時會係我換衫嘅時候「唔小心」咁入我間房,有試過閂門但係老豆會藉口多多話要入嚟攞嘢。咁其實都唔緊要,因為我只要唔開門就冇咩問題。 但係我發現原來我同我老豆有肢體接觸嘅時候,佢會默默地扯旗。大約幾個月前,我只係挨落佢膊頭度同佢係電視睇造星,內容好正常但係佢無啦啦扯旗。我緊係扮睇唔到,但係當下好尷尬,之後我走咗入房扮攞嘢,佢就入廁所然後扮無事咁出嚟。近排我少咗出房或同老豆單獨相處,但係有時候唔記得,然後一齊係客廳都有時會見到佢望住我扯旗…… 其實諗落都唔對路,因為我好清楚記得我細個嗰陣都有類似事情發生,都係有扯旗。因為呢件事我同老豆好大隔膜,每次諗返起都好想嘔,成件事真係好噁心,有時望到老豆會有小小想反胃,真係好難受。 對住我扯旗嘅但凡係另一個人我都可以話比阿爸阿媽聽,但係嗰個係我老豆,我完全唔知同邊個講,驚阿媽會有好大刺激,阿妹又太細。如果最後搞到阿爸阿媽離婚點算……阿爸一向都係屋企嘅支柱,阿媽冇錢但有過cancer做嘢又唔方便。更擔心係我老豆都可能對阿妹有啲咩諗法。我依家連friend都唔敢搵,真係好難開口。上網test過有中度憂鬱……我究竟應該做咩好…..真心好驚…… 我應該點算好……真心求意見或辦法… 多謝晒大家同admin~ sorry for 1999+長文 and 希望無打錯字:) (admin po ig plz)

閱讀更多

GUEST

小妹今年中三,自從停課開始,成日同個男仔打機,傾計,同佢講嘢好開心,不過有時會有少少緊張,得閒嘅話就會諗起佢,想搵佢傾計。見到佢同其他女仔一齊就會有啲唔開心。。。呢啲係咪叫做鍾意?我應唔應該同佢講 ? 因為我驚同佢講咗嘅話連朋友都冇得做。希望咁多位 comment話俾小妹聽。感激!

閱讀更多

guest

純發洩 友情真係好撚膠:) 好似派卷前口聲口氣話唔會問成績嘅你,派卷之後又問合唔合格,又問有無ABCD,不如直接問幾多分? 好似假假地都同我一個squad嘅你,溫書無帶書問你影範圍俾我,影咗一兩頁就直接唔理我。想你影埋仲好假咁話呢到就得啦。呢到就得??我屌你得唔得???每次都勁暗示咁問人分,唔明想知道咪坦誠啲交換咯,點解我講確實數字你可以講我都差唔多就收皮拜拜。傾八卦最叻,一問到關你利益事嘅就直接縮頭一係hea覆兩句一係已讀不回。真係未見過啲咁市儈嘅人 老師好麻煩每次上堂link都唔同,仲擺喺google calender,但係唔知我個calender有咩問題,除咗功課之外乜link都無。搞到每次都要問人拎link code,好煩。 喺squad group問一句可唔可以send條link俾我?即刻上線架!有個人覆喺google calender。屌,搵到仲撚駛問你地嘅。咁我都話搵唔到,然後就俾已讀。全部已讀! 等咗幾分鐘都無人覆我。算,問其他同學拎先入到個meet,已經遲咗10分鐘。 去到今日又有呢個老師堂,咁我唔信邪再問多次,上次可能係朝早眼訓得滯先無留意到我條訊息啫。再問,又係同一個人,又係“in google calender”呢句。重複上段動作,直接已讀。我都係問番其他同學先拎番條link。 屌你老母send個code啫,家陣好委屈你地啊?係咪copy and paste幾隻英文字會死啊?係咪唔識打英文?你老母教你abc嗰陣係咪激到要入廠仲準備送你去弱智兒童嘅特殊學校? 屌 好似宜家開post屌鳩你地嘅我,果然上年唔應該原班升,麻撚煩:) 某啲人只可以做到朋友,無法加上一個“好”字 唔該對號入座,就係講緊你地

閱讀更多

GUEST

-英國就讀中三 又細到大我都好怕羞,尤其係喺英國讀書, 圈子都好細, 同男仔講嘢更加係少之又少。 呢一年地理堂我分咗同一個白人男仔在坐。佢雖然都算popular,但係份人都好nice,周不時都撩我講嘢。但係我份人好孤僻,通常淨係睬佢幾句。 因為有啲事,我返咗香港一個月,我第一日返翻學嘅時候,係都幾多人面前嗌咗我個名,話“xxx, I’ve missed you” 佢當時嘅語氣係好隨性,好似隨口咁講咗出來咁,但係都即刻令我有啲心動。 有一次地理堂,咁啱講開香港,老師就問我想唔想講下發生咪事,我一開始想解釋嘅時候就忍唔住喊咗出來。佢就開始拍下我膊頭,安慰我,去到落堂嘅時候,佢都繼續一直問候我,仲摸一摸我個頭。 佢平時都會周圍撩女仔講嘢, 所以佢應該都係無聊先至同我講嘢,對我應該都唔感覺…掛?

閱讀更多

Guest

小妺準備9月去英國讀大學 收到 Lancaster同Newcastle嘅sociology嘅conditional offer 請問大家覺得邊間好啲 求解答🙏🏻🙏🏻

閱讀更多

GUEST

求admin po ig please🙇🏻‍♀️小妹係讀一間band1學校F.3,我有一個虎媽,只要考試默書測驗唔夠60分都會打我,之後佢都唔會幫我簽名。我中一中二次次都70幾分,都會俾我阿媽鬧一兩句,不過今年默書就次次都唔合格,搞到我更加唔夠膽俾我阿媽簽名,我就冒簽,但我二月學校要正常舉行家長日同派成績表,我阿媽就會見到我嘅成績。我已經俾依件事困擾好耐啦,我日日係咁喊。你覺得我可以點樣做啊?加埋我想問下點樣可以令到英文Unseen Dictation有改善? Sorry for 1999🙇🏻‍♀️唔該admin

閱讀更多

Guest

Admin po ig thx 小弟今年中三,大家都知而家香港移民潮,我身邊都有好多同學去左外國讀書,我見到佢地send啲相出嚟我好羨慕佢哋可以去外國,我一兩年後就要操卷,繼續喺香港啲垃圾環境到讀,跟住佢哋就住大屋,享受自由同外國良好既教育制度,我叫父母用BNO去英國,佢哋就叫我得閒諗下諫咩科,大佬,係啲咁嘅環境同學習制度我邊有心機同你讀啊屌。如果有人係外國讀書見到呢篇文,希望你地可以留言講下外國啲生活同埋讀書環境,例如啲野深唔深,間屋幾大,一年考幾多次試之類。

閱讀更多

GUEST

係咁嘅,小妹想問下大家如果追星嘅話會唔會同屋企人講?因為就鍾意咗個明星,但係就冇同屋企人講,所以想問吓大家追星會唔會同屋企人講?

閱讀更多

觀塘某男女校

唔知大家想同friend unfriend會點樣表達出嚟?話說之前就同一個friend unfriend 我哋就簡稱佢做a 約佢8點minecraft見 不見不散 我同班friend 7:30就上線就拆咗佢間屋 仲喺佢間屋裏面瘋狂spon北極熊 同雞 仲幫啲雞改晒名。(真人真事 )你哋覺得我哋係咪好過份?而家想同佢和好返 我係咪應該幫返佢起返間屋? 希望小編可以post我出嚟😋

閱讀更多