—類投稿

GUESS

[音樂] 有冇人有聽My Little Airport? 佢哋啲歌真係好正⋯啲歌詞好中現實 好聽又有啲sad~ 講愛情嘅遺憾 社會 抗爭 香港 暗戀單戀 孤獨 時代嘅無能 政治 壓力⋯ 好有特色 好正⋯ 純問/不喜勿插~ Ps.其實香港仲有好多高汁好正嘅indie band~ 好多都好underrated 我真係覺得 大家應該留意多啲呢啲樂隊

閱讀更多

Guest

唔係神愛世人咩?點解我係LGBTQ就有罪? 我係一個Bi,之前同一個好信任嘅人講我係Bi,然後佢即刻用一種好嫌棄嘅眼神望住我,又話咩好恐怖啊,點解要做雙性戀啊,你咁樣會有罪,入唔到天堂架(佢係基督徒) 又話咩婚姻係應該一夫一妻架,你咁樣係罪黎架,仲有同性性行為都係好嚴重嘅罪行黎架,你唔好咁啦好唔好,跟我返教會洗淨心靈你就唔會咁㗎啦 / 咩事啊宜家,大佬咩年代啊,同性婚姻都合法化啦,憑咩話LGBTQ嘅人噁心核突啊,你都好核突啊

閱讀更多

Guest

Admin po ig thx 小弟今年中三,大家都知而家香港移民潮,我身邊都有好多同學去左外國讀書,我見到佢地send啲相出嚟我好羨慕佢哋可以去外國,我一兩年後就要操卷,繼續喺香港啲垃圾環境到讀,跟住佢哋就住大屋,享受自由同外國良好既教育制度,我叫父母用BNO去英國,佢哋就叫我得閒諗下諫咩科,大佬,係啲咁嘅環境同學習制度我邊有心機同你讀啊屌。如果有人係外國讀書見到呢篇文,希望你地可以留言講下外國啲生活同埋讀書環境,例如啲野深唔深,間屋幾大,一年考幾多次試之類。

閱讀更多

GUEST

係咁嘅,小妹想問下大家如果追星嘅話會唔會同屋企人講?因為就鍾意咗個明星,但係就冇同屋企人講,所以想問吓大家追星會唔會同屋企人講?

閱讀更多

Guest

我係一個好黃嘅人,我鍾意咗一個藍嘅偶像,究竟應唔應該繼續追佢? 我哋全家都好黃,只係聽黃藝人嘅歌。有一日,我無意中聽到一首好好聽嘅歌,不過係藍藝人唱嘅(唔係tvb)。跟住就鍾意咗佢。 究竟我應唔應該繼續追佢? Sorry for 1999 Admin pls po ig🥺

閱讀更多

Guest

係咁 小妹自從入咗間女校,發現自己好似鍾意女仔,開始有啲擔心。雖然依家社會文明左開放左,但係始終都係有班人唔接受(包括我阿爸阿媽)佢地一直思想都比較保守,每次提及到有關啲同性戀嘅嘢,佢哋都會感到反感,同埋之前亦都因為政治立場鬧過一次交,所以唔敢同佢哋講,怕會傷到我同佢哋關係。又唔敢同我啲friend講,但係呢啲嘢隱唔到一世,佢哋日日同我講女仔大個要結婚生仔,令我感到好大壓力,我係咪好細膽?佢哋得我一個,唔想令佢哋失望

閱讀更多

GUEST

致王xx,其實我鍾意咗你幾個月。每次和你談話,我都覺得很開心和興奮,我很認真對待和你說的每一個話題,你很聰明,熱情和很有氣質,我好想和你有更進一步關係。可能你覺得我有時不經常說話,有少少蠢。多謝你看這一番說話,答案唔緊要,我只想俾你知道我嘅心意。❤️❤️❤️

閱讀更多

GUEST

小妹中一,一直都好鍾意唱歌(淨係連上床瞓覺嗰陣都喺度唱歌嗰種)。 你問我唱得點嘅話,我覺得還可以啦,冇太難聽,都唔係好勁好勁嗰種。 問題嚟啦~記得唱歌考試嗰陣,好多同學都話我唱得好聽好勁完全同佢地差好遠,唔知點解覺得內心有啲唔舒服,一方面可能我唔鍾意比較,一方面又覺得佢哋唱得唔係好差……. 到底係我太唔知足定係對自己信心太低?

閱讀更多

GUEST

(無小人小妹👀)真心覺得而家有啲人質素好差,D人投稿啫,有人又係咁鬧人,又話玻璃心又話xxxxxxx,其實講一句好聽啲嘅嘢唔得咩…….唔好以為每個人都係鐵石心腸。最後如果你覺得反感嘅話請離開¯_(ツ)_/¯ 另外唔好問點解冇寫自己係女定男嘅因為我唔想

閱讀更多

GUEST

是咁的,小妹呢排係友情上遇到D問題,我有兩個frd,就將佢地簡稱為a同b. 一開始我嘅某一科test成績炒左,咁我就好希望有考試可以補返D Grade,跟住所以我就唔希望停課,但係點知第四波疫情果陣,教育局宣布停課,令我跌落谷底,好擔心如果考試取消,咁我嘅grade咪會好差?加上我平時嘅成績唔係咁,我就好驚如果比阿媽阿爸發現左,佢地會點對我…所以就好愁 呢個時候a就send 左條信息話「停課啦🥳」,跟住就好開心咁啦,但係佢成績好好,所以冇嘢好擔心,但係係我嘅角度,我會覺得佢係度幸災樂禍(我之前有同佢講過驚如果停課我個grade會好差)所以情緒就唔係好好 跟住唔記得左咩原因,我就搵左一個平時唔算特別frd 但係都frd 嘅人傾啦(個個係啊b),我就同佢講我覺得a唔當我係朋友,係度幸災樂禍(大約內容係咁啦)跟住b就同我講「係咯你知唔知佢點點點」跟住就講a嘅壞話啦,跟住b就話不如我地test下a睇下佢咩反應,咁我當時就冇明確拒絕,跟住就應承左b,之後啊b就走去同a講,話我講佢壞話,就叫我求其Send D鬧a嘅嘢畀佢,咁我就開始覺得有D過分,就同b講話,下唔好喇掛…b就話快D啦,要cap圖啊,咁我咪是但打兩句話有時啊a有D返煩咁。 跟住佢就send zhor 比a,咁跟住我都以同樣嘅方法send 比a la,咁a就唔知點,跟住a就莫名其妙啦,後來b就同我講話要我同a講我係度玩梗a,因為a而家開始唔係好想理b,咁我就同a講話我地係想試下佢,跟住a就可能冇特別留意我講果D嘢啦,就覺得係b呃梗佢,咁佢就唔理b啦,咁b就將我send 比佢果D對話比a,但係因為我地係傾電話,跟住b都唔係cap到好多,我唔係話我講左D咩唔見得光嘅嘢,所以想隱藏,咁正常人都唔想俾人知你講人地壞話㗎啦。 跟住a就同我zoom la,我就見到佢地嘅對話,發現左一樣令我覺得超級恐怖而且以後都唔可以再相信b嘅事,佢竟然係我同佢傾電話嘅時候錄我音,我果下真係接受唔到,點解可以錄人音,就好後悔我點解腦殘要搵佢講,跟住佢越講越離譜,咁我就都冇點講啦,因為的確我自己係有錯,呢件事係因我而起,a就想同老師講,咁我就覺得冇必要,因為只係一D朋友之間嘅分歧,咁我就同a講話冇必要啦,我亦都唔想見到佢地咁,所以就幫b同a講話叫佢原諒b(事先聲明我已經對a同b道過歉,佢地都接受左) 但係a就話唔會原諒b,之後佢地就鬧交啦,咁我就好內疚唔知點好,身邊嘅朋友都知道,第二日返學b就拉左a跟住唔知講左D咩,跟住a就同b和好啦,跟住a就嬲左我,跟住我問返朋友,先知道b同a講話我當a係隻狗?!我聽到O曬嘴,我從來都唔會講呢D嘢,啊b仲話我淨係會係佢面前講,但係事實上我同佢真係唔算好frd,係我最frd 嘅朋友們都話我唔會講嘅情況底下,a選擇相信b,咁我覺得其實幾好,起碼佢地可以和好,咁我就冇咁內疚。 但係我以為我冇想像中咁重視友情,可以拿得起放得低嘅時候,我果兩三日好似失魂咁,完全聽唔入書,情緒都好崩潰, 完全冇力去做任何事情,好幾日先恢復,但係呢件事就成為左我嘅一個心結,我果幾日都係度諗,如果我唔打果個電話或者自己冷靜下嘅話,會唔會就唔會發生咁嘅事,a就話佢果幾日就心好累,b就話信任破產,我真係唔知應該點做,我同a道過歉,我唔係話道歉大曬,我只係希望佢可以原諒我,但係過左幾個月我都係唔知應該點。 多謝你願意睇到而家,希望你地可以比D意見我 Tks admin❤️

閱讀更多