—類投稿

Guest

其實我係咪真係好廢 14歲 女 阿爸阿媽喺我細個嗰陣離咗婚,已經過咗十幾年,點解我仲行唔返出嚟? 阿爸依家有新老婆,生咗嗰阿妹,唔係惡毒後母,算得上對我好好,我係咪已經好幸福? 想見阿媽嗰陣就可以見,無比人限制過自由,有物質上嘅富足,我係咪幸福過其他人好多? 明明有其他朋友都有類似嘅情況,點解佢哋可以睇得開,而我唔得,淨係可以好似條廢柴咁匿喺度喊 我知我講野一舊舊,好難理解咁,但係好對唔住,我依家打緊字嗰對手都震緊 我知天一光,我又要開心返

閱讀更多

guest

小弟今年中六 鍾意咗我個中一就識嘅兄弟 佢好charm 每次同佢出街我都心跳加速 然而佢下年去英國 我去日本天各一方 但係我真係好鍾意佢 (佢唔知) 我愛佢嘅程度令我對芫茜極度反感到慢慢為咗佢接受芫茜 點算好

閱讀更多

GUEST

同性戀很難,追人本身就唔容易,仲要係同性,對方有機會淨係當你做friend,比佢/其他人知道又唔知會係咩反應。所以就算幾鍾意佢都要睇/暗示對方接唔接受到同性,又要接受別人的目光。男仔起碼可以「名正言順」咁暗戀/單戀佢,比人知道都可能覺得冇乜嘢,但係女仔嘅話就只可以暗地裏鍾意,而對方有機會永遠都唔知你鍾意佢,連機會都冇,真係難😫。

閱讀更多

GUEST

喺低form嘅時候,數學都ok唔錯,但係一到中四就深左好多,而且我仲要揀左M2,開始覺得有啲concept唔係好明白,而且好易唔記得,但係屋企冇人識做數,又冇補習嘅習慣,大部分都係問同學或者老師,又或者上網睇下人地嘅教學。我自問平時好懶,考試前一日先溫書,又係deadline fighter,但係一到中四之後,逢考試一個月前左右都有開始溫習,唔係話讀數學好辛苦,而係唔係好知道同埋唔係好理解數學嘅concept/skills。而且bio好多野背,背野都ok但唔係話好好,唔想淨係背,唔知點樣溫bio好,想問有冇建議?🙏🏻

閱讀更多

GUEST

小學細細個成日比阿媽鬧,以為大個左會唔驚佢可以反抗。依家我中三,高過佢都算大力,點知有次阿媽打我嗰陣時,我諗住反抗,都係比佢撳住黎打,完全唔夠佢黎。我阿媽見到我發嬲佢跟住仲嬲,一嬲起上黎真係冇人夠佢抽,搞到依家我係屋企完全唔夠膽出聲,驚比佢打。

閱讀更多

guest

每晚都會夢見親人離世而喊醒 好冇安全感 亦都驚自己第時接受唔到家人離開我(可能因為阿爸成日食煙飲酒 我勸唔到佢) 有咩方法可以令自己冇咁驚呢樣遲早都會發生嘅事 希望admin po ig🙇🏻‍♀️🙇🏻‍♀️

閱讀更多

Guest

話說小弟之前喺朋友推介之下接觸咗Pokémon card呢款卡game,覺得幾好玩,所以一直都有keep住玩開。咁我早幾日同其他frd講咗,想推介俾佢哋。但係佢哋話Pokémon card真係好低能、outdate,仲笑我…究竟我應唔應該放棄?sor for 1999🙏🏻

閱讀更多

GUEST

希望大家比少少建議🙏🙏小弟第一次投稿 A=男仔frd B=女仔frd 我本身係因為A先識到B,佢哋都係中一,而我中二。 我最近知道咗A鐘意咗B,但係A表白咗之後,不出所料A被拒絕咗,而A呢排成日同我講佢有幾鐘意B,成日仲覺得自己有機會,我婉轉D咁勸又聽唔入耳;而B仲係知道A仲鐘意自己,所以成日叫我勸A佢哋係無可能嘅。 但係我每次想真接啲咁叫A認清事實,但係又驚hurt到A,同埋A嘅心態係唔成熟嘅,就算追到,都未必長久。 而家兩邊都搞到我好困擾,我究其點先可以勸到A。我而家做中間人做到勁痛苦🌚 Sor for1999,唔該唔好鬧我鬧得咁勁🙏🙏

閱讀更多

GUEST

回覆新名校secrets backup 嘅#NSS210118U2 就你所講嘅問題,窺淫罪係幫助女性逼害男性嘅法例。同女性做愛之前需要先取得對方同意,然後記錄作出證明你係有取得對方同意嘅情況下進行性行為先唔會俾人告上法庭。 * (下文嘅你字唔係指上一篇嘅po主) 首先,女性有幾大機率會將你告上法庭。呢個世界大部分嘅人唔算好人,但至少唔會無端端控告一個人。儘管佢可能同你熟,但大多數時候會釋放善意而唔係惡意。 其次,假如你咁唔好彩被衰女人纏住,女性有幾大可能可以將你告上法庭?第一,證據方面。其實女性告你上法庭大機率需要取得驗身報告,假如冇嘅話佢仲可唔可以成功告到你呢?第二,經濟方面。(假如有錯,請細細力diu)以我所知,上法庭需要好多金錢。假如係冇外界幫助下,對方有冇經濟能力可以控訴你強姦?第三,時間方面。打官司通常都係需要好長時間,對方有冇足夠時間可以”專心”咁同你打官司?有冇呢一個”持之以恆”嘅心?第四,對方智力方面。假如對方係故意作啲野陷害你,咁你完全冇做過,佢講嘅證供有冇足夠嘅說服力,令人相信? 從po主嘅推斷嚟睇,該男性係有同取得女性同意下發生性行為而有影低證據證明自己唔係強姦,但係又會犯咗窺淫罪。 首先,窺淫罪嘅定義。根據香港01嘅一篇新聞。“窺淫罪指,為了得到性滿足而觀察或記錄私密行為。而私密窺視指,不論目的為何而觀察或記錄私密行為,包括賺取金錢,勒索或報復等。後者為前者的法定交替罪行。「私密行為」指身處有合理期望能提供私隱的地方的行為,包括正露出其生殖器官,臀部或胸部,或這些部位只以內衣遮蓋;正在如廁;或正進行性行為。 窺淫罪係有明確指明目的,例如偷影人地裙底都係犯咗窺淫罪。而私密窺探係不論任何目的而只論私密行為。睇清楚私密行為嘅定義。所以我將提出以下防止被控告嘅幾種方法。 1)讓女性自己錄影一段影片,向鏡頭明確講出,自己喺幾年幾月幾日幾時出於自愿嘅情況下同邊個發生性行為。 為避免對方刪除,可以叫對方send份俾你keep。 2)根據一開頭我所講,告人係需要證據,你同女朋友發生性行為後,你可以要求佢沖完涼先瞓/走。 3)或者主動陪伴佢幾日,確保佢冇前往任何地方報案。(雖然好似唔係幾好,仲有少少似恐怖情人,假如你好驚對方會陷害你,咁你地嘅戀情唔係健康得去邊,你都唔相信你女朋友) 以上係解決你問題嘅方法。假如你仲唔同意窺淫罪,咁請問偷拍人地裙底,偷影人地發生性行為,保管他人色情照片或將人地嘅性行為影片轉發嘅人,可以點樣控告佢地。當然仲有好多法律可以告佢地,但佢地就相對地少咗一條罪行。冇左呢條罪,會唔會影響對女性嘅保障? 以下我想質問下po主(但我唔希望人身攻擊到po主,假如冒犯到你唔好意思,我會道歉) 首先,女性唔係自私嘅。當然人人都會利己或利他。你認為窺淫罪幫緊班自私嘅女人。我個人覺得你係指一班而唔係全部,但大多數女性係唔會有你猜想嘅行為。我唔否認有自私嘅女人,只係你嘅語氣太過激進,疑似對女性存有偏見。希望你可以盡量以和平嘅語氣去表達意見。 然後,男性對女性展開追求,唔係完全需要服從女性。係香港男性同女性嘅地位係平等嘅。你要知道男性係身理上係比女性更有優勢,所以我地需要法律去保護女性。從以前男尊女俾嘅時代(係遠古時代係母系社會)到宜家嘅男女平等係對男性嘅行為添加左一啲規限,但我認為係合理嘅。 係香港仍然有女性被強姦、非禮,甚至係未成年少女被強姦嘅出現,麻煩唔好認為女性逼害緊男性,有部分女性係受緊男性逼害。 假如你人生遇到嘅女性都係唔好嘅、壞嘅,雖然對你嘅遭遇無能為力,但我代佢地對你講聲對唔住,希望你可以調節自己的心態亦唔好仇視其他好嘅女性。 最後,我唔認為男性唔應該溝女,你嘅猜想發生嘅機率好細,大多數嘅女性都係好嘅(當然人人或多或少都有少少缺陷,不論人格或是身理),希望每個人都可以勇敢去愛,亦可以係傷痛中走出嚟。 多謝睇完呢篇文章嘅你地! *睇邊個新聞平台唔代表本人政治立場。 蘋果,01我都睇,唔該!

閱讀更多