—類投稿

Guest

我哋咁早拍拖仲話要結婚 我14佢18 ,第一次比咗佢,啱啱好一齊咗1年 一開始同佢一齊都覺得1個月就會分手,直到我哋扑咗,我就覺得如果我哋分手冇其他男仔會接受我,所以我開始認真,佢由一開始一齊話我哋唔會分手,我哋會結婚,講到而家佢都咁覺得。 但係我哋又細,我淨係拍過2次拖,同埋我又唔想好早結婚,我覺得我哋唔會捱到咁耐。 我哋好愛對方,好少嗌交,但係我好驚。

閱讀更多

GUEST

唔知點講,咁多年我都係放唔低佢,好似呢世都愛到其他人咁。 平均暗戀一個人會過幾耐先會心淡?3個月?半年?一年?我暗戀左佢足足五年。 可能有啲人覺得,五年姐,有啲人暗戀左十幾廿年都未出聲。但係,五年近乎等於成個中學生涯,一個人生最重要嘅階段,直到依家都未曾停止過。 我同佢玩得好埋,見到就會一齊攬黎攬去,日日傾計傾唔停,都係多謝我係一個女仔;同時,亦都因為自己係女仔而無奈。有時會諗,如果我係一個男仔,會唔會就有機會?嬉笑怒罵中講嘅我愛你、我鐘意你,其實每一句都發自內心,不過比大家好詼諧咁帶過左。 我仲記得有次,我話你去grad trip嗰陣屋企人會掛住你,你問我「你講你呀?」我呆左,然後自己係度傻笑,個一秒連我地第時個仔叫咩名都諗埋。我答你「係呀」然後加啲emoji,令睇落去冇咁令人懷疑。然後大家笑下笑下就去左第二個話題。 唔知嗰刻,你知唔知我鐘意你呢? 又一次,你去同朋友慶祝生日,我內心百感交集,一方面見到你咁開心又鄧你開心,另一方面又諗緊,你會唔會有機會同我慶祝生日呢? 然後自己又打消左呢個念頭,始終我同你現實中都只係學會活動一齊玩。 你好靚,好可愛,成日有狗公搞你,每次問我點算點拒絕,我都會叫你block左佢。然後跟住你話:「咦我都未block佢已經unfollow左我。」我就會笑你:「可能眼花睇錯女掛」 其實係後面,我直接屌鳩條狗公,自問自己鬧人都有一手,鬧到啲狗公落花流水。可能啲狗公怕左我,或者覺得我煩啦,佢地通常都會乖乖地unfol你。 如果你知,你會唔會知我鐘意你呢? 每次你同我講今日發生咩事,學校發生咩事,我都會甜笑望住部電話。我記得你有次同我傾計,我搭緊8號,隔離個阿姐問我:「阿妹,拍拖呀,笑到咁。」我好想同佢講我係,但係最後都只係同佢講:「冇呀,好好笑姐。」但係嗰陣你只係同我講緊你今日碗拉麵好好食。我笑唔係因為內容,純粹因為講嗰個係你。你把口講嘅嘢就算幾無聊幾廢都好,對我黎講就好似福音、聖經咁,治癒我心靈,然後就不自覺咁係度傻笑,成個傻佬咁。 如果坐我隔離嗰個係你,你會唔會知我鐘意你呢? 我成績原本好差,唔鍾意讀書。你話:「你考到medic我就同你出去慶祝!」個下,我個心好熱,嗰一刻我好似搵到自己人生目標咁。於是,我cut左學左好耐嘅鋼琴堂,delete曬電腦同ps4啲game,全部時間係咁讀書。唔知幾多次我做數做到喊,唔知幾多次我望住堆範文幾想撕爛啲notes,唔知幾多次想放棄。但係因為你呢句「考到medic就一齊出去慶祝」我亦都唔知幾多次攞返起支筆,就算喊住都要做好啲嘢。結果,我成績突飛猛進,一年後,學校predict我已經夠medic門檻,連屋企人同埋個堆睇唔起我嘅老師都嚇親。問我點解突然間考得咁好,我都唔會出聲,笑下就算。因為我唔想浪費唇舌同佢地講野,淨係想同你講:「多謝。」我冇同你講我成績已經冇之前咁差,只係想你可以keep住幫我溫書,話我「又唔記得『鬻』字解咩,腦退化呀!」其實呢啲我一早就記得,仲記得蘇軾話你同周瑜一齊添。 如果你知我咁努力,會唔會知我鍾意你呢? 我最記得就係,嗰日你啲朋友打電話比我,話你入左醫院,嗰陣我上緊堂。我呆左,然後冇出聲就自己執嘢,咩書包衝左出門口。啲朋友問我咩事,我冇講野,我唔敢講野,我驚一開口我就忍唔到啲眼淚。老師叫我企係度,話我依家係曠課。我淨係望住佢,強忍淚水開口話:「你要記就記飽佢。」然後就衝左出課室,跑出校門。 我出左校門之後我call左架的士,比多一舊水叫司機渣快啲。司機好比面我(或者係啲錢),一首歌嘅路程就到左醫院。我照住你啲朋友send比我嘅房號樓層,一去到就見到你訓左係度。「佢話佢想見你。」你朋友話。之後圍住你張床嘅人好快就走晒,得返我同你。你講左好多,好似你平時咁講唔停口。但係同平時唔同嘅係,你講兩句就上氣唔接下氣。 我冇講野,淨係苦笑住問你:「做咩一早唔同我講吖衰鬼。」你話:「你要考dse啦,邊好意思姐。」 好賤,你直到呢刻都係咁得意。 我冇講野,只係烏低身攬住你,好似好耐之前係學校咁。同之前唔同嘅係,今次攬住你唔係因為贏比賽,而係因為你準備長眠。 我唔敢喊,我唔敢喊,但係都忍唔住抽搐。你攬返住我,好暖、好香、好軟。啲頭髮好順,個身好瘦。 之前點解會冇留意到嘅? 然後我慢慢放低返你,比你訓返係床度,你笑住望住我,好可愛、好可愛、好可愛。 「下次我會同你去慶祝㗎啦學霸。」你咁講。

閱讀更多

guest

求各位唔好信網上啲所謂情緒病測試 如果寧願信嗰十幾廿條問題都唔信醫生嘅話,我十分建議你去睇醫生

閱讀更多

港島某中學

我學校有個同學(自稱三合會社員) 之前欺淩一個校外學生之後比人放咗上網, 佢周圍同人講係個 女仔(自稱有跟人) 叫佢打佢先打 其實我覺得係唔通叫你打就打?兩個都有錯! 而且佢哋好似勁mk 成日好寸

閱讀更多

港島區某中學

長文!睇到之前個欺凌post有感而發 無悔意嘅欺凌者可以去死一死 小妹而家year 1 , 係F5個一年通過學會識左個同級嘅男性frd稱A , 佢份人雖然on99 , 不過都幾好人。之後開始慢慢熟左就成日都有傾計。直到有一日放學,有幾個frd同我講快d去隔離班睇下 , 我一去到就見到A同其他人打交 , 仲有成堆人睇戲係度嘲笑同諷刺。當然我就即刻搵老師啦 , 老師黎到A和同佢打緊嘅人就同老師講只係玩下 , 最後不了了之。 番到屋企我即刻wts A 問佢咩事 , 佢同我講有日小息佢打緊機無啦啦比人迫去打交 , 仲要唔係第一次

閱讀更多

guest

我係form two女 自問frd多但冇乜真心 頂籠一兩個好講得笑&好挽得 我有時成日好自卑 因為我d frd好似當我backup frd咁(我覺得) 需要我或者冇人同佢地挽先搵我 我亦都成日覺得佢地會喺背後講我壞話 唔係真心對我好 我盡量表現我同我屋企人傾計既態度出黎(同佢地傾計好少避忌) 但我都係會收收埋埋 之前既我好挽得 但相比起依家我會因為驚人覺我好on9或者好7而冇咁放 希望大家可以俾小小意見我 無論係邊方面都好 sorry for 1999

閱讀更多

港島某中學

我哋班有個同學(自稱三合會社員) 之前欺淩一個校外學生之後比人放咗上網, 佢周圍同人講係個 女仔(自稱有跟人) 叫佢打佢先打 其實我覺得係唔通叫你打就打?兩個都有錯

閱讀更多

guest

我係form two女 自問frd多但冇乜真心 頂籠一兩個好講得笑&好挽得 我有時成日好自卑 因為我d frd好似當我backup frd咁(我覺得) 需要我或者冇人同佢地挽先搵我 我亦都成日覺得佢地會喺背後講我壞話 唔係真心對我好 我盡量表現我同我屋企人傾計既態度出黎(同佢地傾計好少避忌) 但我都係會收收埋埋 之前既我好挽得 但相比起依家我會因為驚人覺我好on9或者好7而冇咁放 希望大家可以俾小小意見我 無論係邊方面都好 sorry for 1999

閱讀更多

Guest

女 成日唔開心 發覺自己冇幾個真心朋友 其實我需要佢哋嘅時候,佢地去晒邊?另一方面自己比較敏感,又成日諗太多 人地少少嘅行為/說話已經可以令我好擔心。 然後覺得自己好廢,乜都唔叻。最近學業亦越嚟越冇心機,退步中。 又成日覺得自己細膽,面皮薄 總之覺得自己差 如何改善?

閱讀更多

GUEST

Pls po ig🙇🏻‍♀️ 咁我係06嘅~啲同學大多數都聽開kpop或者歐美歌多(我間唔時都會聽下),但係可能自小聽得多屋企人播所以我就比較鐘意聽廣東歌多啲,例如係容祖兒/衛蘭⋯嗰啲舊歌,好似好少我呢個年紀會聽呢啲歌~可能同其他人聽嘅曲風唔同啦,所以硬係覺得我好似奇奇怪怪咁😔

閱讀更多