—類投稿

#NSS個人 [港島某band1男女校] ［戴定頭盔 文筆唔好 唔好屌咁大力 pls］ 是咁的，小妹身邊有個好friend嘅同學 咁下稱 A 咁十一月左右，我就同 A 開始熟啦，咁嗰陣時就真係唔所不談咁，我亦都會將好多自己私人嘅嘢同佢講 嗰陣時嘅佢喺我唔開心嘅時候真係會安慰會聆聽，咁但係問題來了 近排唔知做咩 我講任何嘢嘅時候佢都淨係會串我 咁我本身科學同中文個底都唔係咁好啦，咁佢就係公認呢兩科嘅學霸 但係當我一同佢講我有咩難題嘅時候佢都會串咗我先 話我無腦又有，話我人蠢無藥醫又有 ，話我一世都唔會進步就家常便飯添 我認我係蠢，我係比唔上佢嘅聰明，佢亦都絕對有呢個實力行出嚟串我 但係咁樣日日夜夜其實開始令我自尊同自信插水 所以我就開始係度諗 我究竟係唔係信咗錯嘅人？ 但係身為學校入面嘅邊緣人 我唔可以就咁唔同佢繼續做friend

#NSS家庭 [GUEST] 最近食飯嗰陣，因為我想同我細佬傾計，因為電視聲太大所以我地就傾得大聲左d。 結果老豆就無端端鬧我地太吵所以聽唔到電視。 你無睇錯，係聽唔到電視。 電視明明就有字幕比你睇，你憑乜嘢 黎鬧我地？ 再加上你個位對正部電視，睇唔到d字幕真係好高難度lor。 所以我想問下大家到底你地d屋企人係唔係都係咁？ sor for 1999

#NSS個人 [Guest] 小妹今年就15歲啦 唔知點解近呢兩年情緒成日都好低落基本上每日都會喊一次但係其實以前嘅我係一個好外向嘅人唔開心好快就冇事，而依家嘅我正正相反.所以成日想睇心理醫生了解自己究竟發生咩事但係完全唔知點同阿媽講因為係佢哋眼中我完全係一個冇壓力唔會唔開心嘅人. 點解我好想睇心理醫生？我唔知點解有時成日會手震仲要係震得好嚴重，有時喺條街度或者喺學校無啦啦會覺得好緊張好驚好想喊然後就會好想逃避嗰個地方亦會有時會心臟跳得好快仲會好暈甚至會變得面青口唇白，以上問題唔知係咪對正常人來講好正常嘅一件事但係對我來講真係好困擾 以前嘅我好開朗成日都會笑成日都會講嘢但係而家簡直係一個好安靜嘅人身邊嘅人都係咁講同埋變得好唔識同人地溝通而令到我失去咗好多朋友. 其實唔開心嘅時候真係唔知可以搵邊個講同埋我個人唔係好信學校啲社工所以都唔敢同佢哋講亦冇朋友可以傾到心事其實我都有同阿爸阿媽講過但係佢哋可能覺得好小事所以都唔會理.

#NSS個人 [Guest] 小弟我有社交障礙 是咁的，小弟今年f2，好難同人面對面溝通，次次同人哋傾偈就唔小心鬧咗人哋幾句，明明人哋冇做錯嘢，面對面講嘢又會緊張，有時仲會亂噏廿四，唔知點解決好 事例一 同學A：（搵阿B一齊食飯） 同學B：雖然我阿媽煮咗飯不過我都可以出嚟食嘅 我：哇，咁自由嘅，好討厭（又開始口殘） 事例二 我：（生日） 小學friend姑姐：（請我食飯） 我同小學friend講：你姑姐今日咁做係咪扮嘢（冇嘢講搞到口殘） 以上我講嗰啲嘢都搞到人哋避開我，成個情況好似俾人bully ，仲會有人特別話「都係唔好同你玩啦費事又俾你鬧」 啱啱開學嗰陣（f2）有啲人唔知點解特別避開我，有次小息嗰陣時我去完洗手間返去課室，偷聽到有人講我壞話，佢就話我小學雞，聲未變，又矮，Kam lun 我都嘗試改善小學雞同埋Kam ，但係改極都改唔到，或者我真係過分小學雞，到而家仍然係冇咩friend 到而家肯同我溝通嘅人最多都係問我攞答案（啲好學生特別假期一直都冇做功課）攞完就拍拍囉柚走人，想知如果要改善社交障礙可以點樣做 Sorry for1999 ，預咗俾人屌，麻煩細力啲

#NSS學業 [GUEST] hi，大家好 小女宜家中一，最近考慮緊要唔要轉去香島中學（九龍塘）。想問下大家對呢間學校有咩評價？ 同埋我想問下大家學習嘅方法xdd，感覺自己的學習方法好似效果唔太好。 sry for 1999

#NSS個人 [Guest] 小妹份人冇乜frd,只係得一個識咗兩年到既frd(下稱c)。 同我相反,c有一大班frd。我明白見住自己既frd同人地玩係會有D唔開心,因為我都係咁。我知我咁樣諗係唔啱,我冇權霸住佢,所以我都會盡量克制呢個心情。當然,我對C既frd毫無敵意,甚至想識佢哋,但係反而我feel到佢哋對我有。咁我就諗住同佢哋傾偈(普通話題,唔係叫佢哋唔好憎我),希望同佢哋做到朋友,令佢哋唔好再誤會我。但係好明顯佢哋並唔想,咁我都好快放棄咗。我開頭以為只係女仔普通既妒忌心,但係慢慢佢哋開始一見到我就黑面,見到我同C玩就更加唔洗講。 本身已經冇朋友,而家仲要有人唔鍾意我,呢種感覺真係好難受。點樣先可以識多啲朋友?點樣先可以令人哋鍾意我? (多謝各位浪費寶貴嘅時間嚟睇我呢篇廢文。Sor for1999

#NSS愛情 [guest] 今日(5月4日)朝早係西營盤地鐵站，有個女拔嘅女仔好似係睇緊手機，所以成個人撞左落我度，佢仲差啲跌親。佢即刻不斷道歉，把聲好溫柔好甜，我話唔緊要，佢對住我笑咗一下，對眼咪起好得意，好似隻兔仔。講完之後佢就走左去。嗰一刻我有個衝動想抄佢牌但係唔敢。 我依家諗返都好後悔冇問佢囉ig。雖然係短短一分鐘都唔夠嘅對話，但係佢嘅可愛真係好令我心動。補充一下，今朝佢係著女拔體育服，長頭髮空氣瀏海，帶圓形眼鏡，把聲好溫柔，身高到我膊頭，大概165。如果你睇到呢個post嘅話我好想識你，就算你唔鍾意我，都可以交個朋友啊

#NSS個人 [Guest ] 我真係好廢 希望Admin可以po啦🙏🏻Tysmmmm 我今年f2 其實由小學開始覺得自己好樣衰 超自卑 成日見到自己個樣就想喊因為真係好樣衰 已經唔知因為自卑喊咗幾多次 加上最近喺度戴口罩所以唔肯除口罩 覺得好尷尬 之前都一直唔會Selfie 直至到f2 慢慢咁樣接受自己個樣 不過有時候都係覺得自己真係好樣衰 唔應該係呢個世界上 有時老師要影相嘅時候我唔想入鏡 影完之後見到自己個樣就想整走佢 點解我同人哋嘅差距咁大？身邊啲friend大部份都出晒pool 好似得我一個A0 開始覺得可能係因為我自己太樣衰冇人鍾意 有時自己一個人出去覺得好尷尬 好似全部人都喺度望住我覺得我好樣衰咁樣 我仲要又柒又肥又矮

#NSS個人 [GUEST] 標題：乜我社交真係咁絕緣咩？ 小弟今年f4,前排喺遊戲入面識咗個女仔,之後大家交換咗ig日日都傾計,咩都傾下,大家又有同一個興趣ㄧ睇k-pop.所以就成日傾,之後傾嘅野已經同遊戲冇咩關係,變咗傾吓生活日常。識咗一個禮拜到,嗰日都係普普通通咁傾計,之後我同佢講早唞啦,然後就下線,因為日日傾到12點幾1點都成日被屋企人鬧,去到第二日竟然見到佢block咗我,連遊戲入面都del咗我…之後就見到原來我講完gn之後佢都有打翻gn,仲要係1分鐘內,咁我就唸:唔通佢因為我唔覆佢而block我？我唸咗一陣,唸我究竟應唔應該繼續沉默而唔理佢block我嘅原因,之後自己真係好想知原因,覺得「沉默並不是今晚的康橋」,於是就用private acc問佢,佢冇覆.所以我好想喺呢到問究竟我做錯咗d咩？因為我真係唔想咁就冇咗個朋友…🙏🙏 麻煩版主po ig🙏🙏🙏

#NSS愛情 [GUEST] 小弟今年13歲，暗戀緊一個女仔，佢係女神级嗰種(只小我認為係)。上一次老師安排我坐佢隔離，我嗰陣好興奮但與此同時亦好緊張，唔知點同佢傾計佢先有特別興趣，跟住係復課嗰陣我同佢傾咗好耐，我好心動。 其實我應唔應該同佢表白，定係同佢繼續保持朋友關係，因為佢之前同佢男朋友分咗😬 大家大佬們有冇方法可以令佢對我有興趣？ Sor for 1999 Thx admin