—類投稿

Guest

近哩幾個月有個男同學鍾意左我,但其實我對佢淨係得友情。 佢同我好熟,喜好差唔多又夾得埋,亦有人話我地好夾,但我真係無鍾意佢嘅感覺。聽到佢鍾意我嘅消息其實我反而唔相信甚至有少少反感,但我唔想失去呢個珍貴嘅朋友,亦唔想收兵阿等等。 雖然佢鍾意我呢樣野我知道左好耐,但佢唔知我知呢樣野好耐。而其實我都喺中間多次暗示我唔鐘意佢,佢都feel唔到,但我唔想hurt到佢咁多,而貿然講拒絕又好尷。 所以我想問係咪應該等佢表白再明確拒絕佢?又或者有冇其他方法可以幫到我? 希望有答覆可以幫助到我同埋其他有同樣困惑嘅女仔。 多謝您睇到呢度(。>﹏<。)希望大家考試攞到好成績!

閱讀更多

Guest

我係2021 DSE考生,屋企有個好難頂嘅阿哥。佢份人極度自我中心,覺得自己做咩都啱晒,一定係我同其他屋企人錯。 佢讀中學嗰陣就成日叫我幫佢做功課,未讀完中學就出咗嚟做地盤,但成日唔返工,怨父母生得佢唔夠聰明先要做勞動嘢,有咩唔開心就攞我哋發洩。我就快考DSE,放咗學就會喺屋企溫書。佢成日行埋嚟阻住我溫書,話我讀到大學又點,大學畢業得萬幾蚊一個月,佢做地盤仲多錢喎…… 有次佢訓到下午一點先醒,我同阿媽喺客廳嗰度傾緊食咩,佢突然行出房係咁講粗口鬧我地,話「你哋晨早流流做咩講嘢咁大聲」,「做咩嘈住佢瞓覺」,「其他人唔使瞓咩」,咁阿媽比佢鬧咗半個鐘。我一駁佢咀,佢就開始發癲,不停打牆同打門,然後喺度大叫鬧人。佢成日同其他親戚講話屋企人淨係偏心我,唔當佢係仔,喺度講我哋壞話。明明我屋企人對佢好好,冇人肯請佢,我阿媽阿爸特登幫佢搵咗份工。佢返咗咁耐工都冇交過家用,屋企人關心下佢,佢又講粗口鬧佢地好煩。佢冇問過我地就帶佢女朋友返屋企住,成日喺佢女朋友面前鬧我屋企人。 最難頂係佢每一日都喺度呻自己有幾慘,佢成日同我阿媽阿爸講我呢個細佬有幾乞人憎,又會同我呻點解有咁冇用嘅父母。佢仲好得戚咁講話自己已經叻過好多後生仔,至少冇吸毒同做隱青喎…… 有冇人屋企都有個咁難頂嘅家庭成員?到底我有啲咩方法先可以擺脫佢,每一日見到佢我就好唔開心。我好想佢快啲搬出去住,但佢一定賴死唔走住係屋企。

閱讀更多

Guest

Admin pls po ig 唔知有冇人同我一樣對補習有恐懼 因為我間小學係果一區都算top,所以由一年班開始逢星期一至五都要補習,由放學四點補到夜晚六點幾,有時會去到九點十點,嗰陣我覺得好辛苦,每一日放學之後就打俾阿媽,喊晒咁話唔想補,之後我阿媽就會用各種方法氹我去(申利:我阿媽唔係怪獸家長) 好似係四年級嘅時候,有一段時間我一做功課就喊,好想死,阿媽就幫我停咗補習差唔多半年,又幫我學校請假一個禮拜(佢係社工,可以寫紙)甚至諗住幫我轉校,嗰一個禮拜基本上淨係每日兩個鐘學習,其他時間都係玩,成個人開心返晒 去到六年級因為要升中,我比自己好大壓力,同補習老師講俾多啲練習,後來成日匿係廁所喊,大咗唔識點樣講出口,成日收埋自己,搞到自己對補習有恐懼,一到補習社門口就喊,即使坐喺度咩都唔做,我都會流汗 去到中一就冇再補習,而家中三因為要揀科,以為自己已經唔會再有恐懼,所以就走去補習,點知一個禮拜之後又係好似之前咁,到補習社門口,就會即刻掉頭跑走,但係 唔知點解,如果去一啲專補數學嘅補習社,我又冇事,阿媽有成日同我傾偈,開解我,但係都冇用,而家已經有少少跟唔上,想去補習,但係又克服唔到🤦🏻‍♀️😭😭 有咩辦法可以克服恐懼😢(睇醫生見社工好多都試過晒) Sorry for 1999

閱讀更多

guest

呢個世界畀我嘅感覺就係「我講咩都係錯㗎啦,從來冇人認同我,根本我就唔屬於呢個世界,呢個人類世界,我嘅諗法從來冇人明。sorry,係我唔好,我以後唔會講自己諗法,我會好好模仿你哋」呢推字成日係我個腦出現,有冇人可以話我知,我係唔係有病?我成日畀人話我有病

閱讀更多

GUEST

admin pls po ig 唔好意思小女想問下大家點樣可以令到個電話號碼?係唔係要買咩電話卡? 因爲我成日比人收手機收好耐同埋成日有人whatsapp我我又覆唔到,搞到勁耐先覆佢地(一個月以上) 所以打算自己買部手機,其實電話號碼唔知咩電話卡好似係係個電話入面,我自己都識拆不過唔知邊張係之類啦 自己都對呢方面唔係好有認識所以想請教下大家,希望有人答到,同埋我都想問下電話卡電話號碼大概要幾多錢? sor for 1999

閱讀更多

Prefer not to say

屋企人一直有臨近新年打麻雀嘅傳統,但係今年因為疫情約定打麻雀同學校考試嘅時間撞到應一應,應該點做好? Sor for 2000

閱讀更多

UST PG

一九年入大學嘅人,係咪剩係上過兩個月堂? 陰功,佢地到大三都未享受過校園生活,相反在下因為某種偏執嘥左自己四年。所有學校都係安全至上,但大學係咪咁?UG結束左一年〇八個月,依然酣醉未醒 —— 或者係唔肯醒。 注:在下唔飲酒

閱讀更多

GUEST

Did you know that the Democratic Party defended slavery, started the Civil War, founded the KKK, and fought against every major civil rights act in

閱讀更多

Guest

你好!小女喺早前識咗一個男仔.佢係Bi .識咗一個月左右.日日都有傾偈亦都call過幾次.我發現自己好在乎佢.我會呷佢醋.其實唔係話醋得好緊要.佢都知我呷緊醋.我哋嘅對話未係好曖昧,都係普普通通嘅早唞嗰啲.小女唔知呢啲係好感定鍾意.佢身邊好多女仔frd.有時都會醋醋地.日日同佢傾偈好開心.但係唔知佢究竟係咪只係當我係close frd.我有說服過自己唔好咁在意佢,但係唔得.我無論幾被動都會去主動搵佢傾偈.佢算係幾主動嘅人.但係多數我搵佢先.我真係好鍾意同佢傾偈,少一日都唔舒服.我成日都等佢message, 一見到就秒回,但係我覺得我會唔會只係因為佢同我日日傾偈先鍾意佢/對佢有好感? Sorry for 1999

閱讀更多

WYC

Admin po ig thx 今年因為疫情關係,所以我哋學校嘅考試取消咗,淨係維持左中三嘅考試、中六嘅mock同埋分中四嘅M1M2 exam. 教育局話淨係可以六分一返去考,咁即係要將個考試攤長,但係點解中四個考試會無啦啦變咗星期六考呢?事先冇問過同學意見,提早兩個禮拜通知大晒?Expect中四啲學生個個星期六朝頭早都冇嘢做?實體上堂都唔會將個考試變咗星期六考啦!點解而家停課就好似乜都得?你話星期一至五嘅下晝考,都仲可以接受,平時返學都可能會留堂,會遲啲離開學校,亦都依然係上學日。但係星期六考究竟係邊個定嘅呢? 之前都有我哋學校嘅人po 出嚟,話學校嘅政策越嚟越有問題,我嗰陣時都覺得冇嘢。到今時今日先至發覺原來真係變咗好多。特別係個新副校同埋訓導主任,對學生嘅限制越嚟越唔合理,冇得自由發表言論。有一次有club 派save 12 卡仔,竟然話因為張卡尖得滯,驚唔安全,所以要收返?? PS 華英仲有好多好嘅老師,依然好錫啲學生,但係副校同訓導佔一個咁重要嘅位置,對學校影響真係好大。 我冇諗過香港變咗咁多,原來學校都唔可以成為我哋嘅避風港,原來學校都會變…(唔包括同學) 今時今日嘅華英,已經唔係我中一入嚟嗰間,希望學校會變返我熟悉嘅樣啦! 亦都希望香港唔好再咁樣落去… 光時

閱讀更多