#NSS學校 [浸會大學附近ㄧ間中學] 小弟係f2 , 我鐘意咗個同級女同學。 我地唔同班,但係個陣係學校已經開始留意佢,佢唔算高,目測150,戴紫色顏鏡,我覺得幾靚同可愛。有次我經過佢課室見到佢食緊飯(佢坐第ㄧ行),個刻我覺得佢真係好靚女。佢完全唔似f2，無論係樣,性格定其他,比較似小學生。佢唔係個D P圖show 身材個D,着衫嘅style比較隨意,着得比較中性,偏向男仔,佢唔講粗口,唔收兵,好乖好純。佢讀書好勁,係ㄧ個學霸,聽佢班D人講佢運動又叻,佢喺學校D frds唔多,來來去去都係個幾個(全部好乖,除咗ㄧ個好似好鐘意講粗口),但係個幾個全部都係學霸(全級1-5都係佢地幾個),佢果班D女仔除咗佢地幾個,全部都係p圖,p到人唔似人鬼唔似鬼個D。我試過係佢同佢D frds玩捉伊因嘅時候撩佢傾計(佢做捉,個陣佢啱啱數完30秒),佢望住我幾秒,講咗聲唔該借借,我個心不斷跳,個次係佢第ㄧ次同我講野。 後來上學期派卷,我見到佢地理科拿咗全級最高分,個刻我好想去揾佢恭喜佢,但係小弟冇呢個膽。我見到佢小息嘅時候同佢短頭髮嘅人玩得好埋, 嗰陣我有啲呷醋,不過後來我發現果個短頭髮嘅人係個女仔,我恨不得我係嗰個短頭髮嘅女仔，可以同佢玩得咁埋。 之後上網課,有ㄧ個週會係全校(或者s1-s5)一齊入meeting,佢開咗cam,所以我望到佢個樣,真係好可愛同好靚女,我好想揾多啲機會同佢傾計,但係自己知自己事,我讀書好差,入唔到精英班,根本冇乜機會可以同佢接觸。我可以做D咩拉近我地嘅距離?有冇人可以教下我🙏🏻🙏🏻
#NSS個人 [GUEST =]] 小妹今年f.3 而家身邊所有野都令我壓力爆煲。 首先係屋企人成日將我同家姐比較。我家姐永遠都比我優秀，不論係學業定係音樂。佢輕輕鬆鬆就全級第一而我點都係全級第十幾。佢不同樂器都考到演奏級而我先得八級。屋企人成日將我同佢比較，我媽媽講唧一句「無用」，每日都係我個腦到重複又重複。 第二係關於朋友。我自細就好內向，真心朋友一位都冇。雖然口講自己一個仲快樂，但係心入面就好希望擁有一啲可以講心事唧朋友。 第三係同屋企人唧關係。因「暑假」及疫情需留係屋企，致使對住屋企人唧時間多咗好多。雖然係咁，但係我呀媽除咗鬧我就冇野同我講而我爸爸就沉默睇電話。我想同佢哋正常溝通就會俾人鬧，搞到我日日係我房到做自己野。 可能因為好耐冇同人正常溝通搞到我成日都唔開心。凌晨自己一個好想喊，但係一諗到世界大把人辛苦、唔開心過就覺得自己唔配係到喊。睇到呢度唧人，好多謝你睇我無謂唧發洩。如果因為我中文廢而睇唔明或睇得好辛苦，十分抱歉。
#NSS個人 [guest] 蚊 蚊，點解你可以咁耐都唔絕種。我恨不得將全世界嘅蚊，全部油鍋炸死。你叮人唔緊要，你飛嘅時候飛得咁難聽都有嘅？聽到你把聲就想將你塞入枝針管內面，用氣壓玩死你。當你夜麻麻仲係到飛來飛去，我吊你呀吸血你就吸啦，吸完仲要飛多一陣，有冇考慮過我嘅感受？將你拍死已經算益咗你，聽日要早起但係你條粉腸仲係到嘈，簡直痛不欲生！ 身為人類，竟怕了一蚊？可笑！我畢生的願望只要一個，就係打7曬D蚊。我會用人類科學的力量，生化武器，去對付你，因為你嘅存在已經挑戰咗人為人類嘅我嘅尊嚴。第時種族滅絕記得唔好喊，諗吓自己為什麼有如此下場 以家係3:27am ，亦都係我訂立人生一大目標，與蚊勢不兩立之時。如果我有擁有普京一成的科技，我認為已經足而令蚊全lun部死晒。唔係同我講蚊有好多好處，因為蚊嘅影響力已經慢慢爬升，各種症毒，細菌只會越來越勁，及早消滅蚊類，我認為係人類統治地球嘅一大進展。
#NSS學業 [PolyU HKCC] 唉。。話說小弟今年係讀緊HKCC Asso Engine既Year 1，讀完第一個sem之後既CGPA 得果3.95，但身邊個個人都爆4咁款，好擔心自己真係上唔到UGC 讀，要出來做野🤦🏻♂️🤦🏻♂️有冇人可以分享下Asso既讀書心得比我？讀Asso真係好大壓力。。想跳樓。。 圖Link: https://ibb.co/gzHFfgV
#NSS個人 [GUEST] 是咁的……小妹今年f2，因為疫情問題屋企人成日都唔畀自己同朋友出街。由20-22阿媽嚴禁我出街，除咗返學，都冇得出街。搞到以家我D朋友開始唔理我，日日見佢哋又po story 又 po 相咁，就喺度諗「好希望張相入面都有我份」👉👈 我問阿媽可唔可以同朋友出街，佢一開聲就話：「你睇下呢個疫情幾嚴重，你不如留喺屋企溫書好過啦！玩玩玩，日日淨係識得玩，仲成日同埋D豬朋狗友一齊！」佢咁講搞到我有D唔開心囉，咩豬朋狗友wo，但我又反駁唔到（因為會畀佢鬧同罰）我真係好想出去同我嘅朋友玩／行街／影相👉👈唔想成日都喺屋企溫書做功課做練習，日日都重複做同一樣嘢，都搞到我覺得自己係一個機器人🤖仲會成日覺得好煩躁😖 有冇人可以畀意見我🙇♀️💦
#NSS愛情 [港島區某間中學] 以下我會用書面語（有小小口語）嚟寫嚟篇文： 最近放「暑假」，絲毫沒有夏天的感覺，但是我想起那年夏天的點點滴滴… 我和他在同一間補習社，是在某年暑假認識。當時還是互不相識，至於如何成為朋友，嗯…好像是由我們坐在一起，我問他問題時認識的。不過可惜疫情有些嚴重，補習社開始上了網課，我跟他也很少見面了。但是這段時間中，我確定喜歡上他了。 大概過了4個月，補習社恢復面授課堂。我們又開始聊天，漸漸熟絡。我和他之間，多了些曖昧，「友達以上，戀人未滿」——這種感覺，有些難受。我和朋友提過這件事，有的認為我要向他告白，有的認為我可以了解多些再告白，而我把對他的那份心意收起來，直到下一個暑假。 那是8月，我和他的一位朋友說「我喜歡的人就是他」。他那時應該聽到吧（？？？），我很想他知道，卻又怕如果被他知道會不會不能再做朋友，我很猶疑。後來，我和朋友玩遊戲輸了，他們讓我和他告白，我當時認為要找一個合適的時機。然而，他說過了這個月就不會再來補習社，於是我下定決心要讓他知道我的心意。我在朋友的見證下，在他的耳邊告訴他：「張XX，我鍾意你呀！」然後走出補習社。他則是笑而不語，紅着臉。他沒有明確的回應，但我知道，他應該不喜歡我。所以，這種曖昧，隨著他的離開結束了，在那個完結的夏天結束了。我想，只要他知道就好了，我也要為這份情，畫上一個句號了。 文筆唔好請見諒，sorry for 1999 希望admin可以po上ig，thx