想同欺凌人嘅人講:我屌鳩你老母。 其實點解要咁做?攞快感?要覺得自己好有氣勢,地位好高?你地班人係咪有反社會人格,完全冇同理心,唔識理其他人嘅感受? 唔該唔好喺留言度話咩「無啦啦乜都冇做過點會比人欺凌啊,一定做咗啲嘢先會比人欺凌」,講得出呢啲嘢就知你一定冇俾人欺凌過。唔一定做咗啲嘢先要比人欺凌,佢哋只要覺得你個樣好好蝦咁就會黎欺凌你。 事關我女朋友佢本身好大壓力(學業/社交/家庭),個人十分負面,有諗過自殺,但我地識咗大家,一齊咗之後我地兩個都開心咗好多,而佢嘅情緒問題都好咗好多。但有一排佢成日唔開心,我問佢做咩,先知原來佢喺學校比人欺凌。次次見面/打電話都見到佢咁唔開心我個心真係好痛,我喺第二間學校所以完全幫唔到佢,個種無奈感真係好幸苦,每日好擔心佢。佢喺我面前成日話自己冇嘢但盲嘅都睇得出佢有幾在意呢件事。好好彩,佢比人欺凌完冇耐就開始停課,呢件事亦都告一段落。但今日又要返學啦,我真喺好好好擔心佢又會比人欺凌,又驚佢自己喺屋企做傻事。我已經每日去接佢放學,唔得閒嘅話打電話,翻到屋企又打電話,但好似做咩都唔夠咁。 好啦,其實講咗咁多,我都喺想比啲欺凌者知,你講出黎好簡單,但比你講嗰個人會唔開心成日,甚至至會長期對佢做成心理創傷或者令佢有自殺嘅念頭。如果你喺一個欺凌者,希望你睇完呢篇文之後唔好再欺凌人,依家改過仲有機會。最後,希望全世界嘅欺凌者冚家死清光,多謝。 p.s.唔好意思可能會有啲1999🙏🏻但點都好,多謝咁多位睇到呢度。btw admin 可以嘅話po ig pls, 唔該曬!!
我今年中三,就嚟揀科,中一二成績一直都幾好,keep住都有頭十,我以為自己可以喺中三都keep到,但係完全唔係我諗嘅咁… 本身返學嗰幾個月,成績都ok,但係一停課,好多quiz都好低分,就算溫咗,都成日錯好多careless mistake,搞到成份卷都好低分…其實錯好多careless mistake 小學已經係咁,但係中一二已經有好大改善但係就唔明點解而家中三又變返以前咁… 就係因為呢個問題成日令到自己好大壓力,唔知點算,因為本身身邊嘅朋友,老師,屋企人都對我有好大期望,真係唔想令佢哋失望….搵過人傾,但係好似都冇乜用…我覺得錯careless mistake真係最抵死 溫書我願意付出時間,問題係如果我考試錯careless mistake錯得好嚴重,咁可以點…有咩方法可以改咗呢樣野 11/1/21 Sorry for 1999🙇🏻♀️🙇🏻♀️
小妹今年f1, 升到上中學好難識到新朋友 我不嬲都唔多frd, 小學啲朋友好多都唔同我讀同一間中學, 本身諗住搵到相同興趣或者愛好就會識到frd, 但係我嗰班個個都鐘意kpop, blackpink啊bts嗰啲. 我有唸過搵共同話題, 但係個個都唔鐘意動漫, 一講啲動漫就比人話我毒L, 宅女…我再咁樣落去真係變邊緣人. 😔 一開始我都對係我個班識朋友冇乜希望, 但後嚟發現好多相同政見既同學, 諗住應該有共同話題啦, 點知真係偽黃. 話咩撐手足原來只不過係表面上, 然後又喺ig post埋啲抖陰片+殘體字, 用we7, 小紅書… 我真係黑人問號😃 其實仲有更加多離譜嘅嘢, 呢度唔講往. 我想知有咩方法可以融入到佢地…
我係一個Form2 女仔,小學嘅時候成績一直幾好。依家勉強係中上果批。 講返背景先,我一直都係一個唔識點溫習嘅人。小學時有補習社上功課導班,D老師好好,會順便比我做練習,通常主攻數學。我既記憶力唔錯,通常睇一兩次課文就可以背返出黎。理解方面好一般,理解文字都仲可以,但一見到數字就會好驚,完全唔明白要點做。最後都成功入到心儀中學。 可能因為係 band 1A 嘅學校,周圍嘅同學都好犀利,成日都抄 notes。我試過學佢地抄 notes,但始終覺得果 D內容書裏面都有,無謂再抄多次。 一般我上堂聽過嘅野,我考試測驗嘅時候都會由腦裏浮現返出黎。但數學我係真係唔掂。雖然老師教嘅我全部記得,但係我完全理解唔到。我會上堂提出問題,老師都會將佢講既重新講一遍比我聽。雖然依然唔明,但係為左唔好煩住人,我通常會話自己明白。 雖然數學我真係好唔得,但係我喺 science方面表現得唔錯。可能因為我爸媽都係醫護人員,我對人體非常有興趣,亦都另我比較了解生物。同時屋企都有好多化學物理嘅書,我細細個就對呢 D好有興趣。 我個人一直都好樂觀,考試嘅時候都係笑一笑帶過,唔會特別擔心。可能因為呢種性格,我一緊張就會好崩潰。成日做數都會做到嘔。 對唔住離左題,同埋阻住你 D時間。到底我可以點解決數學唔掂嘅問題,同我應該要用咩方法温習? Sorry for 1999 11 January, 11:38 am 辛苦哂admin🙏