—類投稿

#NSS學校 [GUEST] 身邊有個唔鍾意嘅人，但偏偏佢同我個個frd都係frd🥲（我簡稱佢叫M） 話説之前我鍾意緊一個男仔，嗰陣我哋都算係曖昧緊嘅關係，佢都暗示過好多次話鍾意我。M嗰陣話幫我綴合同個男仔一齊，其實我同M唔係勁frd，佢未至於會咁幫我，但M好識同人交際，好多朋友，咁我覺得冇所謂啦。 佢哋日日call，一齊打機，post close frd。初頭個男仔有突登同我講，因為M揾佢 佢唔好意思拒絕先會咁。我知我哋又唔係情侶，我都冇資格管佢，所以自己呷醋咪算。 後嚟佢哋又成日約出街，最終不出乎我所料，佢哋兩個係埋咗一齊。嗰陣M打電話嚟同我講呢件事，同我講對唔住，控制唔到自己嘅感情。 嗰刻我都唔知自己應唔應該嬲，明明當初話幫我同個男仔一齊，而家就自己同咗佢一齊，我淨係覺得好愕然。但我知道自己冇資格嬲，自己咩身份都唔係，好似都冇咩原因話佢做錯啲咩。佢哋拍拖嗰段時間，M唔畀個男仔同我傾計，我又好成功咁冇咗個朋友。 兩個月之後，佢地分咗手，其實都唔出奇，M拍過好多次拖，每次都好快就分手。佢哋分手嗰陣，M打電話嚟同我講，佢同我講個男仔嘅壞話，好彩我冇同個男仔一齊，依啲咁差嘅男人等佢嚟承受就得，但我一啲都唔覺得慶幸。 除咗呢件事，M以前成日無啦啦走嚟揾我，叫我陪佢係學校行，但次次行下行下佢一見到佢啲frd就拋低我，自己同啲frd行，搞到唔哦勁尷尬。 我唔知幾時開始對M反感，我都唔知自己對佢嘅憎恨係咪正確，究竟係我有問題定佢有問題？無奈身邊個個frd都係佢朋友，佢哋都冇覺得M有啲咩問題，一見到我嘅frd同M一齊玩就會不自覺咁好唔開心。 Sorry for 1999 我都唔知自己想點，但一見到自己啲frd同佢玩就好唔開心，我唔想依種感覺再出現，M有咁多frd我都冇可能直接表現出自己唔鍾意佢，如果唔係好驚會畀佢排擠。

#NSS個人 [GUEST] 小妹今年14，頭皮問題困擾左我好多年。 本身個頭係偏油性，基本上每日都洗頭。 六七歲開始我個頭就開始生頭皮，換咗唔同牌子嘅洗頭水都係咁。 後來我老竇睇唔過眼就幫我洗咗一次。 佢洗到好似髮型屋嗰啲手勢咁，所以洗完之後就冇事，但係過幾日又生番。我又冇可能叫老竇日日幫我洗頭，同埋都開始大個。 始終影響外觀，同學有時都會笑我，屋企人都係，仲幫我改花名，叫頭皮X(名） 幾年間都換過十幾隻洗頭水、成日上網睇唔同嘅按摩方法、一個禮拜洗頭嘅次數減少，情況都冇太大改善。直至到半年前用咗一隻男人嘅去屑洗頭水，嗰排個頭真係冇晒頭皮。 但唔知點解兩個月前又開始生番，仲要死唔斷，換另外一隻洗頭水都係咁生。每日個頭都好多頭皮真係令我好困擾😩 都就快返學，唔想返到學校就繼續俾人笑。大家有冇咩辦法可以幫幫我呢個情況？😫 – Sor for 1999 Thx admins

#NSS家庭 [GUEST] 我想問大家一個問題，你地覺得你地既人生點樣先為知充實？每日要過成點先叫充實？ 是咁的，我呀哥就狂咁係度問我咩野先係充實？充實既定義係點？咩野既人生先屬於充實？ 咁對我嚟講充實對每個人既定義都有所不同，咁我認為每日都嘗試一啲新野（因為有時我每日都過得好dry）可能想學下琴，每日試下寫下日記（成日寫到一半就停左）溫下書學到啲野都覺得滿足，因為起碼有做到我想做既野，我自己滿足，開心就已經覺得個一日充實。 咁我呀哥就諗唔明點樣先為之充實，我講我自己認為既充實，佢就係度反駁我話咁講法有啲人食屎可能佢地都過得充實啦喎？（咁我唔排除係咪真係有人咁啦）咁我就答唔到啦，佢就話我講既例子好闊，根本講唔通，咁每個對充實都唔同㗎嘛，對我嚟講做我想做既野，我既心靈同身心都係滿足，因為呢啲係自己認為，我自己鍾意，咁好難講到真正既定義，呢啲野就梗係自己去摸索㗎喇，自己嘗試一啲新野睇下。 咁佢又講話，唔明啲人點解覺得去旅行會充實，因為佢認為學唔到野。咁你覺得學唔到野唔代表其他人覺得學唔到野㗎嘛，而且有時人生唔一定時時都要學到知識為充實㗎嘛，起碼放鬆下，睇下一啲同自己日常生活中好少接觸既野，欣賞下人地當地既事物，享受當下既快樂，根本明明對自己人生嚟講個個既回憶，當下既感受，當下既得益，都係帶來一個充實既人生，但佢就話唔明，ok fine咁每個人既定義都唔同，但可唔可以唔好用自己認為一定要學到野既標準嚟評價充唔充實呀，仲要狂咁反駁我，想點呀！之後我唔理佢，佢就話我只會一直講佢唔明我㗎喇！咁同樣道理，我講左咁多野，你都唔明我啦！仲講！咁我覺得自己講完都係嘥氣，之後佢仲講話，我終於明白點解我睇唔起你地，仲話雖然我唔明充實定義係點，但我明白咩野先係最浪費時間喎，之後就走左。我都係呀！！ 唔好意思有啲長😅只係當係發洩下啫，因為同我啲frd講，講講下就冇左影。 希望admin揀我🙏🥺 亦都希望你地吊細力啲🥺唔知自己有冇講錯啲乜野（第一次投稿） sorry for 1999

#NSS個人 [Guest] 想問你哋會如何化解呢件尷尬事 – 小妹初中，好鍾意打🏀，封街場之前間唔中都會落街去隔離屋苑打波。 問題黎，平時係籃球場入邊多數都係男嘅，有時可能見到一班，有時可能見到幾個射下波咁。小妹因為冇識打波嘅朋友住附近，加上每次打波一定係夜晚嗰陣先打，唔知點解每一次自己行入個籃球場都好尷尬，冇人嘅時候就好少少，有時甚至可能因為見到另一半球場有人用緊唔夠膽行入去打（另一邊球場冇人）然後喺側邊行嚟行去睇時機行入去😹。 可能因為多數鍾意打波嘅人都係男仔，變相得我一個女仔自己行入去籃球場打波會feel到好尷尬，有時覺得d 男仔用歧視我嘅眼神望過嚟。 重點係我每次入到去射射下波另一半球場嗰班男仔不斷喺度講粗口，我唔係話好驚但係個腦會開始諗佢地會唔會無啦啦過嚟叫我讓返個場比佢哋玩，或者過嚟無啦啦鬧我阻住佢哋玩。 最尷尬嘅係，有時候好好彩有半個場冇人用緊咁我就入去射波啦，然後打咗一陣有班男仔（大概4-5個咁，中學生）過嚟我用緊嗰半個場隻揪（另一半場冇人用緊）我唔知佢哋係特登要同我一齊用呢個場定係懶得過去另外個半場玩，但係我自己覺得好尷尬，好驚佢哋打打吓咁啱我射波打中咗佢哋…..或者佢哋無啦啦撞咗埋嚟 第二個問題：有一次我打打下有個細我少少嘅男仔行過嚟問我同唔同另外半場嗰班男仔打,我嗰陣因為約咗朋友所以直接say no 我諗返轉頭如果我冇約朋友嘅話我都想試吓同佢哋玩，但係我都有諗過驚會發生碰撞呢個風險….大家覺得如果下一次有人過嚟問我同唔同佢哋玩而我一班係我唔識嘅男仔….我應唔應該應承同佢地玩（ps.射波射到悶但唔想咁快返屋企又冇人同我打） 想問咁嘅情況大家覺得我應該點做🥲（索性唔好去打波定係還是繼續入去玩但會尷尬😹) Sor for 1999

#NSS個人 [Guest] 是咁的，小妹平時練鋼琴嘅時候用開中間嗰個pedal (消音嗰個) , 唔知係用得太多定點，宜家鬆開咗佢，個琴仲係維持緊消音模式😭我check咗下個pedal，發現佢鬆鬆地。平時lock住個padel嘅時候有幾個鍵消唔到音，所以我係一直自己踩住，唔通因為踩落去或者放開嗰陣太大力搞到佢斷咗…？問過身邊彈琴的朋友佢哋都話冇試過，上網查又查唔到呢種情況…有冇人都試過? 可唔可以話畀我知我要點做, thank you so much！

#NSS學校 [CFSS] 話講form2某位高姓同學短信騷擾女同學未果，便私底下開始威脅別人，啲女同學唔敢講畀老師聽，又好中意打聽咪嘅班嘅人嘅八卦，唔管乜事情跟佢有關冇關都要知，別人告訴佢嘅秘密結果下一秒全校都知，希望可以借助呢個平台幫受到佢欺負嘅女生發聲 Sorry for 199 Admin please post ig

#NSS個人 [guest] 有冇人知道點樣克服容貌焦慮？ 自己個鼻好扁， D牙又唔整齊然後搞到個側面超樣衰， 正面睇就ok ge，個側面真係唔得！ 加上我塊面有D嬰兒肥… 我好自卑，因為唔想俾人知道我咁自卑，所以有時會係朋友面前自嘲，但時間長咗佢哋好似認為我唔care呢件事，然後不斷係我面前笑我個鼻啊、面啊個D。 我好想改變…….應該要點做？

#NSS個人 [GUEST] 我由細到大都係算黑嗰D，仲要有做開運動，所以會俾正常人黑。我成日都好自卑，因為好似女仔一定要白先好睇，著衫先會好睇。 起學校同埋運動team之間都會有唔少花名。D花名係同歧視黑人有關，所以為咗維繫佢哋就扮唔介意，笑吓就當冇嘢。 我唔明點解好多人/大部分人都覺得白先好睇，黑就係唔靚。但係都有D friend話佢哋想有呢一種皮膚嘅顏色 Tan。所以要點樣先可以變白或者令大眾可以唔歧視皮膚黑/Tan嘅人? Sor for 1999

#NSS個人 [Guest] 呢一篇文係for想揾真心frd ge人 我先講一講我自己ge經歷。喺f1ge時後，我有4個frd，甚至有一個係會令我特別偏心ge(簡稱A)，有一個係我第一個係班到認識ge人(簡稱B)，其他兩個都係男仔。我地每日都會一齊返學、放學，我有親手整手鏈畀佢地4個，我以為呢份友誼會一直落去ge時候。 原本同我好frd ge A同B好似開始唔理我，當我同佢地玩ge時候，我會顧及佢地每個ge feeling ，但係佢地真係有d過份，明明我地三個平排行，無啦啦佢地自己向另外一邊行。 有一次返學ge時候，我見到A一直睇手機，我就望左望佢部手機，係個wts group，屬於佢地4個ge best frd group。 雖然，我早就應該知道你對人地好，人地冇必要對你好，但係每次我睇到佢地一齊出街，一齊post ig ge 時候，我都好難受，我覺得我好似一個小丑，佢地睇住我無條件咁付，我真係好想問佢地係咪好好玩。 之後，我唔再同佢地返or放學，我唔再同佢地食野，當然普通ge交流都會有ge，但係唔會再似以前一樣，由佢地自己行唔等我，由佢地自己出街唔揾我。 已經過左一年幾，我唔會再擔心，因為我已經學識帶面具，就算係frd都只係普通frd，唔會將心事同人地講，我反而覺得咁仲好，唔使驚佢地做野唔帶我了。 sor for 1999

#NSS家庭 [wsc ] 我今日想講下屋企經濟嘅解決辦法 話說我阿爸下年就要退休(小妹而家f.1)我仲有一個阿哥，佢而家有一份工作係做平面設計，但係人工得1萬幾蚊。阿媽係個冇工作嘅家庭主婦，所以最主要嘅收入係靠阿爸。 其實我喺小五有諗過喺YT開channel ，專係放彈結他嘅片，但係因為驚會影響到未來嘅學業所以就放棄咗呢個諗法。 咁我上年就諗住買部比較便宜嘅電子琴學彈流行曲(今年唔知點解有又返開YT channel嘅諗法)，跟住喺YT眯睇片自學。咁今年就同咗阿媽同阿哥講，佢哋都支持我，但係我唔敢同阿爸講，因為之前我阿媽想我學結他，佢令到我產生咗對結他嘅興趣，所以就同阿爸講，説服咗佢成個星期佢先至俾我試下玩幾個月，鐘意就繼續玩，咁我而家都有玩。但係我今日同阿爸講想學彈電子鋼琴，佢即刻黑晒塊臉，跟住就罵我:學結他乜夠lor ！仲學乜嘢鋼琴呀！你唔好人學你又學la！ 我真係好想幫佢哋分擔下經濟問題，幫手搵下啲錢，但係我又未成年，唔知點做好。淨係諗到開YT channel，想幫補下家計。唔想淨係眼金金望住佢哋為呢啲嘢煩惱。 我想問下有咩方法可以分擔下屋企嘅經濟🙏🙏 真係麻煩晒admin🙏 Sorry for 1999🙇‍♀️🙇‍♀️