點解同朋友相處,朋友個阿媽咩都要管住曬? (長文慎入)(以下稱對方為A,A係一個F5學生) – 我同A識咗有1年半,講真開頭係唔知道佢阿媽管咁多,直到有一次A同人鬧交,佢阿媽唔理咩證據,只係話自己個女冇錯,(但係個次好多人都知根本就係A嘅錯,出嚟道歉咪得囉,使唔使出動阿媽…)佢阿媽仲打電話叫我幫A解決問題,仲一直講對方壞話,叫我唔好同個人玩,我當場問曬號,不過自己衰心軟就幫佢處理咗 – 跟住冇幾耐,A就同我其中一個fd嘈交,(各位你哋冇估錯又出動阿媽啦)個次之後我開始喺好多人口中聽到A咩都靠阿媽,連較鬧鐘都要靠阿媽…真心救命…仲未完!2020年尾A同我哋好多人嘈,(事件就係A將事實扭曲,誤會我哋成班人)呢件事就冇出動阿媽啦,不過就好成功將我哋成班人分開兩派… – 跟住呢件事就係同我有關,事緣呢A就無啦啦學我追星,咁有一日我朋友就有啲關於kpop嘅嘢唔要,就想我幫佢問下其他人要唔要,我個刻問咗A要唔要,佢話要,之後我朋友話唔忍心賺錢就決定原價放畀佢,我問多幾次同佢確認,佢都話要,仲應承我同我朋友由2020年11月開始每個月還300,(咁A之前有爭人錢嘅跡象,我又唔忍心我朋友賺唔到錢於是我就幫A填差價)開頭冇事㗎,佢自己收咗啲貨,一直都冇問題,直到… – 去到今日(1月7號)佢阿媽無啦啦凌晨2:25am打電話畀我,我聽咗,0.01秒之後佢阿媽講diu爆我話我做咩收佢個女咁多錢,之後我打算同佢阿媽講係佢個女自己想買,佢阿媽就話唔聽唔聽,我話有cap圖有證據,佢阿媽都唔聽,淨係一直diu爆我,仲話1月11出嚟解決,會帶埋A同A老豆出嚟見我,叫我嘔翻900出嚟,唔出嚟就搞大件事,之後佢自己發脾氣cut線,我cap圖有證據,你個女話要,係你自己唔聽… – A個阿媽做手術嗰陣,我一放學就去A屋企煮飯,幫手照顧A,一句說話都冇講過,結果換嚟今日呢個結果,A同其他人鬧交個幾次,已經搞到其他人一見到A就驚,因為A後面有個蠻不講理嘅阿媽。我自己已經畀A個阿媽搞到崩潰,1月11都唔知會發生咩事…其實我同A做fd之前已經有好多人叫我小心啲,我而家好後悔點解自己唔小心啲… – 係咪得我一個同人做朋友會遇到人哋阿媽管住曬…我好攰…開始覺得我會消失…我懷疑自己係唔係做錯…我應該點做…
我要多謝生命熱線上面嘅姑娘趕住食飯令到我睇得開咗。 話說之前自己想自殺勁唔開心,覺得自己太怪之後上網check過自己係咪有抑鬱症, 再睇咗好多有關抑鬱症嘅片,仲有抑鬱症嘅由來 ,抑鬱症藥嘅壞處….. 發現咗自己有嚴重抑鬱症, 但係又唔想依賴藥物, 所以就試咗打去生命熱線。點知接聽我電話嗰個姑娘非常之趕住去食飯, 給我嘅所有嘢全部都好hea, 到最尾仲講咗句「你仲有冇嘢講冇嘢講我就收線啦」聽完呢句之後我從此 特別得非常之樂觀, 因為佢令到我非常之嬲, 嗰陣我咁唔開心佢竟然咁樣講, 覺得自己唔開心得好戇鳩所以就睇嘢開咗好多。 唔知大家會唔會好似我咁諗或者覺得我諗嘅嘢好奇怪。
小妹係英國讀咗三年書,今年第四年,一開始係有啲困難,不過幾個月之後就有個女仔開始同我傾偈,我哋之後慢慢就變咗best friends,乜嘢都會傾,總之係冇一種文化差異嘅感覺,我同佢係學校相處嗰陣係可以話最開心嘅時候,不過,我轉左校就好似乜嘢都唔同晒,我同佢都好似冇以前咁close。 我哋就叫佢做M同學。 讀完第二年就搬屋轉校,轉左校嘅第一年,我哋日日都會傾偈,由朝早傾到夜晚。上年因為英國疫情太勁,所以有個lockdown(即係邊度都唔使去,學都冇得返,淨係留喺屋企)所以果斷時間我哋決定早啲返香港過暑假(四月幾) 我同M同學係嗰啲時間都唔係傾得特別多,因為時差問題,所以果斷時間係傾少咗,同埋佢開始有啲唔開心(日日都係屋企悶到自閉),我都feel到 所以我日日都會抽時間傾吓計,我都好想幫佢 不過佢對我嘅態度好似完全唔同晒,冷淡咗好多 我初初仲以為可能因為時差。 有時佢唔開心先至搵我發洩,我都有聽佢發洩因為我都好想幫到佢就幫。 但係佢每日都喺度喊, send啲喊嘅片比我,我就要安慰下佢,陪住佢。不過有時可能我send啲好搞笑嘅嘢俾佢,佢會同我講”you’ve just waste 10 seconds of my life” 我聽完都幾唔開心,心諗其實都想佢開心返姐…不過我會盡量理解。 當我過完暑假返到去英國,佢都仲係好唔開心,我都日日撩佢講嘢,吹吓水,不過次次佢都係like 我message 就完. 我認真唔知講咩好,我都好想同佢傾偈,我想過返以前咁樣,唔想次次佢唔開心先至搵我發洩,我就要氹佢,但係我唔開心佢就會like我message或者直接seen我,佢好似已經唔再當我係佢個friend,其實佢份人好自我中心,佢係要我所有嘅注意力都要聚集晒去佢身上,我講吓自己啲嘢佢都會就咁like 我message跟住就講返自己嘢,佢講過俾我聽。 我好攰,我覺得維持呢段友誼好辛苦,我應唔應該放棄?我應唔應該繼續努力去維持?但係就算我努力去維持同佢嘅關係,但係佢唔俾屎嘅話,其實都好難再friend