hello~admin pls po IG🙏🏻 講返而家背景,form 2,讀書成績麻麻,全級中間嘅中間,讀緊band 1B-A女校 本身我小學嘅時候係校外女童軍 入到中學之後,因為學校強制性f.1參與制服團隊,所以參加咗Red Cross,諗著f.2就走。 不過f.2嘅時候Red Cross有個committee做, 雖然而家嗰個committee位唔係幾高, 但係過多幾年之後有機會做到一個都幾高嘅位。 但係亦都係因為呢個committee嘅關係。我今年(f.2)仲未可以退出Red Cross。 女童軍f.2嘅時候都做咗一個小隊副嘅角色, 過多幾年有機會做小隊長。 而且我對女童軍係有熱誠過red cross 始終係女童軍嘅團隊裏面都留咗 4/5年。 但係我知道有一日一定要二揀一, 紅十字會可能可以喺我入大學嘅時候寫多樣嘢, 始終係學校俾嘅位置,
Re #NSS219105U7 . 好心你哋班話要將來要從事電競,放棄學業,然後怨家長、怨老師、怨社會嘅人收一收皮啦。 . 唔係叫你放棄夢想啊,亦都唔係叫你安安穩穩咁搵份文員嘅工就算,而係你要幫自己留返條後路囉。你讀到中六畢業,都起碼可以搵到份工,保障你有衫著、有飯食啊。再睇睇電競?係,有人做到月入百萬,好風光啊,但係你睇下追夢失敗嘅人有幾多?嗰啲人,如果淨係靠電競養活自己,一早餓死街頭啦。你要冒呢個風險,就首先要有第二種技能,當你面臨失敗時都有另一條路行啊嘛。而喺呢個知識型社會之中,九成人都係靠學問或者技能過活嘅。你中學都讀唔好,點生存? . 再者,做電競唔係同你班朋友打機咁輕鬆啊,好辛苦㗎。重複又重複咁練同一套動作,日夜顛倒,對住啲靶不停做,仲悶過你背書啊。為乜?咪就係為直播/比賽時要百發百中囉。實戰裡面嘅每一個失誤,都可能會令你嘅電競生涯結束㗎,壓力之大,你又承唔承受得起?你究竟有冇認真了解過呢個行業? . 好啦,我俾你真係做到電競啦。你諗住做到60歲退休啊?當你18歲入行,做個三五七年已經退得休啦。唔係因為你搵夠錢啊,而係潮流唔興得幾耐,你搵唔到食㗎啦。到時你二十幾歲,冇乜學識嘅話,唯一嘅解決方法咪就係攞張紙,摺個兜,出去同啲老鼠啊、曱甴啊,一齊瞓囉。 . 夢想呢家嘢,你追到嘅話的確係人生嘅一樁美事嚟嘅。但係你係咪諗住呢一世人淨係學一種技能?你打電競,唔代表你可以大條道理咁唔讀書。掛住打機唔想讀書,仲幻想打機一定可以養活自己呢啲叫懶,同電競冇關係嘅😉 (圖源: Bloomberg.com)