—類投稿

#NSS家庭 [wsc ] 我今日想講下屋企經濟嘅解決辦法 話說我阿爸下年就要退休(小妹而家f.1)我仲有一個阿哥，佢而家有一份工作係做平面設計，但係人工得1萬幾蚊。阿媽係個冇工作嘅家庭主婦，所以最主要嘅收入係靠阿爸。 其實我喺小五有諗過喺YT開channel ，專係放彈結他嘅片，但係因為驚會影響到未來嘅學業所以就放棄咗呢個諗法。 咁我上年就諗住買部比較便宜嘅電子琴學彈流行曲(今年唔知點解有又返開YT channel嘅諗法)，跟住喺YT眯睇片自學。咁今年就同咗阿媽同阿哥講，佢哋都支持我，但係我唔敢同阿爸講，因為之前我阿媽想我學結他，佢令到我產生咗對結他嘅興趣，所以就同阿爸講，説服咗佢成個星期佢先至俾我試下玩幾個月，鐘意就繼續玩，咁我而家都有玩。但係我今日同阿爸講想學彈電子鋼琴，佢即刻黑晒塊臉，跟住就罵我:學結他乜夠lor ！仲學乜嘢鋼琴呀！你唔好人學你又學la！ 我真係好想幫佢哋分擔下經濟問題，幫手搵下啲錢，但係我又未成年，唔知點做好。淨係諗到開YT channel，想幫補下家計。唔想淨係眼金金望住佢哋為呢啲嘢煩惱。 我想問下有咩方法可以分擔下屋企嘅經濟🙏🙏 真係麻煩晒admin🙏 Sorry for 1999🙇‍♀️🙇‍♀️

#NSS社會 [[GUEST]] admin們辛苦晒，希望可以po ig🙏🏻🙏🏻 想講 做女仔真係好辛苦。 點解呢個世界嘅人就係咁鍾意評論女仔？個胸細又要俾人話冇波、飛機場，個樣生得唔靚又要俾人話，稍為肥少少又要俾人話豬扒。其實天生呢啲嘢真係唔係我哋控制得到，點解我哋嘅外表唔符合「世人嘅眼光」就要不斷咁俾人批評？我知道大家可能會覺得其實男仔都係，不過我相信大家都睇得出大家對女仔嘅批評係特別多。好想話俾你哋聽，我哋聽完呢啲說話之後真係會好唔舒服，如果你睇緊呢篇文，可唔可以喺你批評人哋嘅身材、外貌之前諗一諗先？如果大家都講少句，批評少啲，做女仔嘅我哋會好受好多🙏🏻 另外，點解我哋着咩衫都要理？着條短裙就會俾人望腳，着件背心又俾人望。肯定又有啲人會話：你哋咁着都係想俾人睇姐！但其實唔係，只係我哋鍾意着呢啲衫。點解着呢啲就一定要係為咗俾人睇？ 最後，想講嚟m真係好辛苦。連續好幾日痛到郁都郁唔到，仲要長期噏住，真係好唔舒服。有陣時撞正考試或者其他緊要嘢今日嘅因為嚟m而表現得比平時唔好。究竟點解我哋要承受啲咁嘅嘢🥲 我打呢篇野嘅目的只係想大家平時多啲關心你身邊嘅女仔，同埋唔好再對佢哋嘅身材/樣貌有咁多批評。讚下佢哋啦，女仔聽到人讚真係會好開心㗎，當幫下忙啦🥲🤍 多謝睇到呢度嘅人，祝你哋有開心嘅一日～ sorry for 1999

#NSS愛情 [GUEST] 超長文注意 小妹F3，因為肥咗少少而令男朋友飛我，甚至人人都憎我，我好內疚。 我由細到大都肥，一直都唔在意，少運動又成日食肥膩嘢。舊年，157cm/58kg 嘅我有咗鍾意嘅同班男同學，下稱A，佢同我係朋友，但我一定配唔上靚仔又瘦嘅佢，於是我決定減肥，飲食控制、有氧運動同肌肉訓練令我4個月瘦咗10kg。期間我又修整過眉毛同髮型、又開始注重護膚、每晚都做雙眼皮、高鼻嘅按摩，甚至飲豆漿+按摩，由A cup變C cup，朋友都話我靚咗。 今個學年初，A話原本見我讀書認真，已經覺得我唔普通，見到我咁努力改善自己，已經被我吸引，於是向我表白，一齊咗，一開始好sweet。 上次考試，我自己要求高，溫書夜瞓，但壓力大又忍唔到口，心諗下次再減，但又冇時間做運動。考完試嘅聖誕食咗好多大餐，聖誕後一磅，反彈肥咗5kg，我冇高過，睇落去明顯肥咗。 1月嘅時候，我已經努力做運動，但阿爸阿媽唔再俾我斷食/夜晚戒碳水，我忙住補習又做功課搞到夜瞓，所以成效唔大，呢個時候A好似冷淡咗。佢小息成日有原因唔陪我，例如要去陪兄弟溫書。我仲係好鍾意佢，唔想因為自己黐身而令佢唔鍾意我，所以我只可以容許佢去。 不幸嘅事嚟喇，有次A喺小息帶咗個高瘦靚嘅F4女仔入嚟，下稱B，B同我班好多人friend。當時課室少人，佢一入嚟就拍我枱同我講：「死肥婆，我兩年前開始識A，我鍾意A先㗎，你溝佢咩玩法呀？」我話：「佢主動同我一齊，我一直唔知你嘅存在！我係冇錯㗎！冇人會預留佢俾你㗎！」A一直企喺B嗰邊，無論係物理上，定係心理上。突然，B打咗我塊面一下，佢哋兩個走咗。我終於不忍流出眼淚，我唔知係因為受刺激，定係因為心靈痛苦。我唔敢向老師講，如果我告B，我隨時冇晒朋友。 第二日，件事傳到成班都知，同B同我都唔熟嘅人冇理到，但有幾個人開始唱衰我：「臭雞，你搶B嘅男朋友喎，你有咩好講？」「你咁樣衰，以為有人會鍾意你？我一直好憎你呀，減肥啦！」當時呢啲說話，加上被佢哋孤立，令我開始討厭返學，到平息咗，我身邊只剩低幾個知心朋友撐我，但我而家開始出現身材焦慮症狀，好易發脾氣，日日都唔開心。 每日我好自卑，身材臃腫嘅我少咗食嘢，連酵素都食埋，但減肥仲係停滯緊，可能因為我遺傳體質係瘦唔到，我唔知，淨係知道自己感覺每日都活喺黑暗，呢種黑暗唔係最近天氣嘅黑暗。我感覺自己身材係醜嘅，我冇做錯其他嘢，就係咁冇人要我喇。 我真係好愛A㗎，點解無端端有隻臭雞搶咗佢？如果我當初唔食咁多，係咪就唔會咁？想問有冇天生肥底嘅人可以分享下減肥方法？

#NSS愛情 [**] 背景： 小妹最近放假日日留係屋企好悶， 去咗玩heymandi，搵認真正常啱feel嘅人， 然後就識咗一個20歲嘅男仔（小妹17歲A0讀女校）。 我哋傾咗一陣就轉咗用tg， 交換咗selfie之後就開始call。 call嘅時候正常嘅，都ok嘅， 佢聲稱自己同ex散咗一個月多啲 但係佢好似有少少太急進（主觀感受） 第一次call已經講緊同我傾計好開心，幾啱傾， 仲講埋 自己有包含到女朋友係入面嘅未來人生發展大計 提到自己家境非常不錯，如果我做佢女朋友嘅話，唔洗擔心物質問題。 雖然小妹無從考究，但只可暫且相信。 小妹本人唔太鍾意call，唔太喜歡講咁多嘢， 但係認識佢嘅第一日call咗三次，小妹已經覺得有啲overwhelmed。 第二日佢打過嚟兩次，雖然佢幾好人，做friend的確不錯， 但係只係第二日，小妹累了。 佢攞小妹send比佢嘅selfie（with中指😂）做lockscreen wallpaper 小妹覺得有少少over咗 問題： 1）

#NSS個人 [GUEST] 本人小弟依家14歲就快15 先想講一講我自己文筆唔係好好 請體諒 呢個問題困擾咗我一段時間 都唔知其他男仔有冇同樣情況 我中一時班上面有個發育比較發達嘅女仔，但我哋本身都frd因為係同小學，下學期有一日上體育堂做熱身嘅時候我發現我自己被佢豐滿嘅胸部吸引住，一直都冇試過，自己下體突然變硬，突然回一回魂跟住心諗：咪住等等，我頭先望住人哋個波？然後forget about it （先講明我之前從來冇咁試過咁樣） 之後要record翻上堂做咗咩，突然聽到個女仔個frd叫佢打羽毛球，佢就跑過去，但跑嘅過程我竟然望住佢個胸彈上彈落，我覺得好吸引，但我又突然回魂有心諗：我又望住左？（想講我望過去係因為佢個frd好大聲大叫所以我望咗過去睇發生咩事） 我翻到屋企然後係自己間房沉思今日發生嘅事，上網搵青春期（當時13）嘅嘢然後發現“性好奇”呢樣嘢，然後所代表嘅意思完全符合我嘅狀態，對異性嘅身體感興趣。 覺得自己有啲變態因為自己想知道胸係點樣，摸落去嘅質感係點，除咗呢啲亦想知道其他地方係點樣，甚至性交係點樣。隨着時間過去我變得更感興趣。 平時係學校見到佢都會想望下佢個波，而且發現自己見到佢會有性慾，想扑*，佢個波非常凸，開始覺得自己再係咁會做啲傷害到佢嘅嘢。 我上網搵解決方法，但都唔work。最後發現其實好多男仔講嘢都18+所以選擇上網睇A片紓緩性慾同好奇，結果覺得自己有啲上癮，有時係學校見到佢會手淫，有性幻想，唔知想點。 搵家長講會比佢哋打死，搵朋友講又驚佢哋覺得我變態而遠離我，唔知點好，而好多人對呢種情況都唔使再講就覺得係變態甚至打一鎚。 （嚴重好奇，嚴重上癮） 我真係唔知點樣好，咁已經持續咗差唔多成10個月，而平時見到其他女仔都會注目係私隱啲嘅位置。開始覺得自己變態同睇A片上癮，好想親身去了解同解決性慾，而且發現自己啲性慾有啲爆滿。 我知好多女仔會睇到呢張post，甚至男仔，我希望你哋唔會立即覺得我變態，但你點睇我控制唔到，我只係想搵人講我嘅問題然後解決，避免遲啲影響到我日常生活。如果我呢張post令你覺得唔自在，我真係好Sorry，希望你體諒我，但我希望可以有人比啲意見我應該點面對，我真係好想正常翻。 多謝🙏🏻🙏🏻 第一次投稿 求admin post 🙏🏻

#NSS家庭 [💛] 大家覺得初中/高中仲同阿媽訓有冇問題

#NSS個人 [GUEST] 小妹嘅屋企人一直都唔係幾支持打機，但係小妹鐘意打機，所以經常偷偷地打機，最近唔小心俾阿媽同阿爸發現咗自己同frd打機，因為我阿爸都打個隻game，所以阿媽用各種條件引誘我講係隻game入面嘅名，最終小妹都係講咗，而嗰兩個frd知道之後，就同我鬧交，搞到我哋關係好僵，但係小妹唔想失去呢2個frd，因為小妹比較內向，好少frd，而且平時佢哋係我嘅樹窿，當佢哋同我鬧得好僵，我有一瞬間好想自殺，而家阿媽知道咗就成日都話唔點做就收手機，小妹好後悔，好迷茫，唔知點算好🥲🥲🥲

#NSS個人 [GUEST] 唔好意思小妹第一次投稿可能會好長篇大論(ू˃̣̣̣̣̣̣︿˂̣̣̣̣̣̣ ू) 講返少少背景 小妹今年f3，自認係一個比較識襯衫同鍾意襯衫嘅人，覺得每日著到好靚咁出街先可以維持到我嘅好心情，身邊嘅人都會讚我衣品好好，俾到自信我。甚至係小妹喺繁重嘅學業中間得到喘息嘅時刻。呢樣嘢都係小妹媽子影響小妹嘅，因為佢都關心自己襯衫同保養方面所以細細個就會買好多唔係好貴但係襯出嚟效果好好嘅衫。 咁入正題(〃▽〃) 小妹一直好著迷於一啲比較小眾嘅風格，e.g. gothic lolita/漢服等等，亦都好鍾意日本地雷系同量產系嘅著衫風格，不過因為前幾年未有零用錢所以就冇得買，小妹都冇特別同佢哋講。小妹屋企都比較開放自由，向佢哋出櫃都表示支持，但係奇怪嘅係我買完一啲量產系嘅衫返嚟嘅時候全家人都覺得核突，甚至同佢哋出街之前係會叫我換過第二套。令到小妹嘅自信心受到好大嘅打擊。可能好多人唔太明，但係襯衫可以話係小妹自己覺得最擅長甚至唯一喜愛擅長嘅嘢，依家俾最親近嘅人否定，實在令小妹太受打擊。 雖然佢哋都有表示過唔理解但係尊重我嘅著衫風格，但係嗰種嫌棄嘅眼神小妹都清晰感受到，令小妹開始懷疑自己係咪著衫風格有問題，甚至下意識批評自己嘅身材，同自己講呢啲衫你carry唔起。 逐漸地襯衫好似由興趣變做負擔，著衫亦都長期係嗰幾套。雖然嗰幾套襯出嚟係好靚，凸顯到我身材嘅優點，但係每次襯都冇晒興趣，跟住以往公式嚟襯。 小妹好煩惱，到底我應該要點樣先至可以唔理會人哋嘅目光咁追隨自己覺得靚嘅嘢，啲lolita漢服仲係掛喺我個衣櫃入面，啲地雷系嘅衫都就嚟墊底咁濟。小妹仲係覺得呢啲衫好靚，但係唔敢著上身。所以小妹想問下大家可以點樣改變呢個心態，畢竟小妹都唔想自己曾經熱愛嘅嘢變做陰影🙏🏻

#NSS學業 [CFSS] admin po ig please 係又係呢間學校 見到有啲留言話呢間學校好似香港縮影。係呀，我好同意。 最近係咪都討論緊某個中二大陸仔，你哋以為正係得佢？傻啦。 幾年之前有個男仔專溝女然後拍女仔裙底，仲威脅受害者，依家好似中五，當時件事出去到Facebook。睇到呢到基本上都知邊位。 呢間學校知咗件事好似唔係好想理，呢件師兄就犯多幾次，最好笑係佢身邊啲朋友仲要唔少。 CFSS真係一間十分正常嘅學校 唔好估係邊個投稿啦，不如正視個問題先

#NSS個人 [Guest] 小妹今年07，高一米六，但係65kg 我係一個肥妹仔，一直有跟啲YouTube片做運動同埋出街跑步，但係依然冇乜效果….. 因為肥胖，我個人真係好冇信心，由之前唔敢著短衫短褲，去到依家連街都唔夠膽出….. 我試過節食，食減肥藥，但係冇用不特只仲要有反效果….. 我想問吓各位有咩減肥方法可以俾到我🙏🏻🙏🏻我真係好想著靚衫，有自信咁出街😭😭