#NSS社會 [GUEST] Admin pls po ig 🙏🏻🙏🏻🙏🏻 單純發洩一下 我想問吓而家香港搞到烏煙瘴氣正唔正常？國際大都市喎，金融市場喎，搞到咁嘅款，乜嘢都冇晒，啲人走晒，其他國家都放寬晒啦，香港呢？四月尾先至，仲有唔知真定假嘅，搞到香港本身呢個咁繁榮嘅地方咁嘅款正常？ 仲有你哋班人啊，去到今時今日仲撐政府？喺度睇埋乜鬼TVB，之前我見到個留言叫人去參加TVB星夢，可唔可以自己做TVB狗唔好叫人哋做TVB狗？好心你就咪睇TVB啦出晒智撚障 我真係寧願你去全民造星好過。 依家香港啲學校呢，我諗大部份學校至少有兩三成人都係大陸人啦 普通話又咬唔正 仲以為自己係大陸人好勁，想點啊你哋，收皮啦！
#NSS家庭 [Guest] Hello大家好， 我講下我個人背景，我係喺疫情中確診中度抑鬱症 (只係想講明我心理承受能力唔係咁好，已經唔係好頂唔順，真係好急需要你地嘅意見🙏拜託了) 圍繞阿媽帶來嘅問題： 我一直當佢係一個我可以學習嘅對象一個值得尊敬嘅人，我對佢好信任甚至依賴。佢都係我細個到大，一位對我嘅學習家教方面嘅好老師 但係我深入了解後發現，佢好賤 1.食煙，我自身好反感，只因為係佢。所以佢係廁所食佢嘅ok，但係可唔可以放返隻貓出黎先…d二手煙嘅危害我唔信佢會唔明。 同埋放返好d用品啦，就咁周圍放好好睇？ 明知我討厭。出街仲要扮晒野係我前面幫我擋著，皺晒眉扮討厭埋一份，我睇你想前d吸埋兩啖就真。 2.最主要投稿同令我對佢嘅幻想破裂嘅事 Wechat係有個功能搶紅包，本身佢係家庭主婦咁可以比佢搵到少少錢玩下都放鬆下。 但係佢完全係一日除咗瞓覺就無時無刻係咁玩緊呢樣野，認真。。。 仲grp埋一班單身人士，開埋相親主題嘅grp _ 佢係可以打兩句野做一下野咁keep著，所以一日洗衫/洗碗/掃地/買餸，淨係可以做到其中一樣 我試過睇唔過眼叫佢做完先玩啦，佢反而睇著仲未做好嘅野大言不慚咁話，就快Ok la佢有做到已經好好啦喎 _ 影響哂正常生活，破壞屋企之間嘅感情。 我地都有傾過下，佢每次都話我地點解可以玩手機佢唔得，咁做籍口。 但係其實我地一個就返工，一個就讀書，咁你作為家庭主婦你做咗d咩？ （我就認為家庭主婦既然寫得係工作嗰欄咁你就要當佢係你份工咁你就要做好佢，阿爸都有比家用你架，你都可以寫自己係無業咁咪唔洗做。） 而家我要做埋佢嗰啲野，佢仲火滾講我應該要幫佢做家務，我應該要分擔佢嗰份，因為我有份住。淨係攞我未成年黎駁我。
#NSS學校 [Guest] 最近收到來自協恩的通知，説我可以從下學期轉校。 我是一間Band1b中學的學生，在上次考試成績不錯，於是父母便在我不知情的情況下替我申請插班，幾天前才和我說出這件事。 聽起來很好是嗎？許多人會毫不猶豫地報讀，但身為有中度社交恐懼症的我卻有些顧慮，希望能聽聽大家的意見🙏🏻 首先，交友方面。上文提到，我有中度社交恐懼症，不認為自己可以在陌生環境下認識新朋友，加上，我在現今的學校也結交了幾個知己，不希望和她們分開。 其次，學業方面。據聞協恩下學期會考返上學期D嘢，要在Band1A的名校追趕進度，我怕有點吃力，如果補習的話也沒時間補不了這麼多科，因為聽說協恩是5-6點才放學，加上車程，至少6:30-7:30才可回家做功課，還要溫習上學期的東西，我不認為自己能做到。 其實我很迷惘，因為父母對我有很大期望，特別是協恩是我爸最希望入讀的中學，雖然完全不想去，但是很難選擇。他們（父母）對我說我曾經放棄過赤柱聖士提反書院的學位，這次不能再放棄了。 我該怎樣做？麻煩大家給些意見🙏🏻🙏🏻🙏🏻 Sorry for 1919（我只是F1，智商年齡3歲……），還有謝謝看到現在的你🥰 P.s. 如果有協恩的學生可以讓我知道協恩詳情的話，可以PM我:) Ig acc : Inazuma_eleven_keungson_bl（Ig名不是重點謝謝😅
#NSS社會 [GUEST] 同性戀社群唔值得支持 我要表明我係完全尊重同性戀，亦唔會歧視佢哋, 而我要針對嘅係佢哋嘅行為。 我想提出嘅問題就係同性戀社群係完全唔會接受其他人意見。即使其他人已經表明尊重，只係唔會支持，同性戀社群只會第一時間同佢哋開戰。覺得全世界都要支持同性戀，唔支持就係歧視。同性戀社群追求社會嘅接納，但自己卻唔接納不同嘅睇法，更加要強迫其他人接受自己嗰套觀念。真係值得支持? 我亦希望同性戀社群唔好將一啲唔支持你哋嘅人標籤為有「錯誤」嘅觀念。你哋要明白唔係所有人都係支持你哋，而接唔接受到係個人嘅意見，係唔會有對與錯。最後我想講，如果你哋想得到人尊重或支持，請你哋尊重返其他人嘅看法，否則只會有更多人對同性戀社群反感。
#NSS個人 [GUEST] 長文注意 小妹F2，一直覺得自己係零，受各方面問題困擾，開始出現焦慮症狀。 社交方面，我覺得自己無法真正融入同學嘅圈子。我小學時考全級頭三名，但因為肥、內向，又唔識流行娛樂(電視節目/藝人明星)，所以喺高小幾乎冇朋友。升上中學，我最初都係肥，但同學都對我友善，我都識到幾個真心朋友。後來到F2，同學來自唔同班，佢哋自己有小圈子，同隔離班啲人好熟，而我呢？有啲同學同我都算係朋友，我都唔至於被孤立，但就係冇辦法真正融入成為佢哋一份子。之前見住佢哋出story，放假又一齊去迪士尼/OP，我仲係同緊屋企人去；佢哋生日喺story長文互tag祝福，我生日又冇人dm講「生快」，我感覺到一種落差。我諗過係咪因為佢哋個個都瘦，我又少少肥(156/50)，樣又普通，所以就冇咁多朋友，但全班最肥嗰個(目測165/70)，四眼普通樣都有6-7個好朋友。我又諗過係咪我對佢哋唔好，但我又唔係，我只係正常咁喺學校度過每日。我覺得自己好廢，唔被人重視。 學業方面，我一直搵唔到動機溫習，拖延症點都改唔到。而家放假，我成日想溫習，但唔夠1個鐘又會開始分心，就係搵唔到興趣/動力去專心溫習全日，復課後會有UT，我覺得咁樣落去唔得。我覺得溫習、功課好苦悶，所以唔想做，但見到其他同學都努力緊，我覺得自責。 個人身形方面，我由細到大都肥，之前瘦咗少少，由當初嘅57kg變咗47kg，聖誕肥咗，1mm都冇高過，只係重到50kg。為咗可以好睇啲，我想減到48kg，但夜晚唔食碳水，多咗喺屋企食飯，日日運動都仲係停滯，體重冇減，唔好話我肌肉多咗，因為我體形都冇變化。鍾意嘅人係瘦啲嘅，有個瘦嘅女仔好似都鍾意佢，停課前日日小息見到嗰個女仔入嚟課室搵佢，以及其他同學傾偈，仲聽到我班上同嗰個女仔friend嘅女同學同我講：「XXX(嗰個女仔)唔會原諒你，話你咁肥都有面鍾意嗰個男仔。」我覺得好無力，我咁肥一定冇人會鍾意我，我唔想返學見人，最後幾日都係打鐘前五分鐘先敢入課室。我只想減到理想嘅體重，令自己更有自信。 停課期間，隨咗問功課外，冇同學主動wtsapp我，我又冇面主動搵人。連P6嘅阿妹日日都同朋友視像傾偈/一齊做功課，我都冇，我覺得自己係零。朋友又唔多，讀書又唔好，又因為身形而自卑，我厭倦嘅係自己。我已經唔再鍾意嗰個人，但我仲係討厭自己身材。我發現自己演變到開始有焦慮嘅症狀，日日覺得不安，小小事都發脾氣，又成日諗人地會唔會好討厭我，會唔會怪責我。 而家我有幾個問題： 1. 減肥一直停滯緊，點樣可以有效減肥？運動、飲食都得。唔好同我講「而家已經好好，唔使減」之類嘅，我只係想瘦咗之後着自己鍾意嘅衫，我之前連短褲都冇自信着。 2. 點先可以喺疫情期間保持讀書啲動力？ 3. 點樣可以喺學校融入到社交圈子？我唔係冇朋友，啲朋友都唔算係好外向嗰種，但我想真正融入圈子，停課日日聯絡，復課後日日小息一齊。 4. 多謝你睇到呢度^_^
#NSS家庭 [guest] （長文） 是咁的，我阿爸係個廢老。 咁小妹今年中六，我係15/3中咗，個日係朝早嘅時候就開始感覺到頭暈身體冇力之類嘅症狀，但是上晝做咗兩次快測都係陰性，我屋企人就當我係感冒啦，到左夜晚我再測多次就變咗做陽性，只係第二條線顏色比較淺。 我阿爸阿媽一直都唔信我中咗，仲在屋企group入面send啲「居家快篩1小時『浮兩條線』男大生二篩出爐虛驚一場」嘅嘢出嚟，咁我就想講我測都冇十五分鐘就測做出嚟陽性，你send哩個有咩意思？我同我家姐一直同佢哋解釋，佢哋都喺覺得我冇事，甚至話快測都唔准，我可能只係喉嚨發炎姐，仲懷疑快測係咪專門for肺炎嘅。 並且第二日，我阿爸就出咗去是早餐（佢以往一直都出去食），但是我琴日至測做陽性，佢係親密接觸者，佢出去同佢害人有咩分別？ 我原本就是自己一個人係房入面食飯，同屋企人分開，個個都帶住口罩，結果我爸唔信我中，除曬口罩入嚟我房叫我同佢哋一起食，之後我同家姐都呆曬，講真你咩料，我宜家中左唔該你就好好地咗防疫措施啦，我中咗宜家你都好想中？到最後我同我家姐都懶得理佢，反正要中都中咗，仲帶住口罩嚟有咩意思，防疫？冇架啦。 我自己本身體質都比較差，有貧血之類問題，原本我就係7/3抽咗血，預備要係22/3去複診，結果中咗就改咗期，結果係24/3嘅時候醫院打卑我阿爸話我抽血報告好似有啲問題，叫我第二日去一下醫院，我爸完全沒提到我中咗肺炎，整係喺group入面叫我去醫院，跟住我同阿媽講我都沒夠居家隔離十四日，唔應該出去，搞到阿媽要再特登打電話去醫院改時間。 之後到左22/3，我家姐同我阿爸都開始有啲唔舒服，測咗出嚟陽性，到哩個時候我阿爸至開始唸咁佢唔可以喺出面食早餐點算：）我真係笑死。同樣喺24/3嘅時候我媽亦都測出陽性。 27/3即係今日，我家姐就買咗送貨，結果個間公司就話有大廈入面有確診嘅話就唔可以送入去，最多淨喺可以送到樓下，即係要我哋自己摞，我宜家已經轉左做陰性，淨喺得我一個可以落去摞。 跟住我阿爸又開始吵住要去買煙，大佬你中咗啊，你自己有咗仲要搞埋人地係想點，你以前日日喺到鬧正苦林鄭廢，搞到香港宜家咁多人中招，你宜家咪就係你鬧進個班人lor，點解你可以咁理直氣壯好似自己一啲問題都冇咁。 我媽之後就叫我之後摞貨嘅時候順便買埋煙（我夠18歲），但係送貨電話未打嚟，我唔想再落去一次，我阿爸就開始發神經死都要落街買煙，話咩好多人都係照出街架啦，佢出街有咩問題，我即刻換衫去幫佢買，但係去已經出咗門口。 同埋我都已經中六，再過多一個月就要考DSE ，我係屋企都有盡量溫書，但係喺居家隔離個呢段時間阿爸仲一直超大聲咁播劇，同人打電話，我叫去細聲啲都冇理到我，就算我帶住耳機開住歌都仲喺聽到去把聲，但係阿爸阿媽又一直催我溫書，結果係溫咗同冇溫差唔多。 我真係唔明點解啲人可以咁pk，先不論佢唔卑空間我溫書，淨喺落街個方面，咁咁多人去打劫你又唔去打劫？哩啲嘢係底線嚟，你冇完全係你自私而唔係代表咁係正確，我同阿媽家姐都完全唔知佢究竟想點，點解會有啲咁個人。 thx admin🙏🏻 sorry for 1999
#NSS愛情 [GUEST] 小弟今年f2，性格好奇怪，可能係因為小學嗰陣班上面好少男仔，導致我成日同女仔傾計，咁所以一直都俾人話我乸型，身體又好瘦好軟弱。 直到上咗f1，我返學第一日遇到一個男仔坐我隔離。佢好熱誠咁樣對我，又係咁同我玩。真心佢超厚面皮，又搞埋晒d爛gag😂佢就係一個身材超好，樣唔差，幽默嘅人。我就係咁俾佢掰彎咗🙏🏿 嗰陣我淨係覺得好驚訝有d咁嘅人，亦都好曖昧，甚至乎仲試過錫我（隔口罩），不過佢又係咁強調佢自己唔係gay。 宜家f2，我一直都想忘記對佢嘅呢種感覺，我知道佢唔係gay，所以我宜家亦都唔抱有幻想，不過我好似真係放唔低佢……點算好……好想同佢一齊，但係又唔可以越界，好驚失去佢。 小弟初次投稿 sorry for 1999🙏🏿 麻煩admin po ig thx🙏🏿