—類投稿

#NSS社會 [GUEST] 小妹我今年form 1 讀Band1A嘅女中學，文筆好差，希望唔好介意。 *長文慎入* 我以為上咗一間好嘅中學，啲人嘅學習態度會好啲，點知令我大跌眼鏡囉。 老師比咗2 projects我地做，4人一group，叫極佢哋都唔做，Message又唔覆，全部都已讀不回，臨近deadline都唔理，明明都分好晒工，每次啲嘢都係我做晒，但係我喺嗰四個人入邊我係最多嘢做嗰個 [考xxcse + UK學校嘅exams & interviews (total: 32 樣嘢 in a month)] 仲要一個人做四個人嘅工作量，我真係頂唔順😩。仲要有一次我因為要做四個人嘅工作做到零晨都未做完，我第二日7:00就要出門口返學，上數學堂瞓着咗之後俾老師鬧，啲組員都知我點解瞓着咗，但係佢哋好似好問心無愧gum。 就算我做完啲嘢都好，佢哋好似覺得呢啲係理所當然咁，當正我係阿四，真係好難頂。就算Send返答案比佢地，都係已讀不回，連多謝都冇句，每次我有唔識做嘅嘢，問佢哋佢哋又唔覆，但係一講其他嘢就即刻雞啄唔斷咁，真係唔知佢地係咪當讀書係玩玩吓。 有兩個次俾佢哋激到精神分裂，喺度爆喊，阿媽仲要成日係屋企，如果我同佢講，佢就會話我冇同啲frd打好關係，又喺度數落我。我已經打咗俾六、七個frd都冇人願意聽我傾訴，去到最後我打咗比一個唔同班嘅skumate，我完全冇諗過佢唔聽我電話，不過真係好多謝你（Jxxnx）。 講真佢哋真係俾咗好大壓力我，我做錯佢哋就會賴落我度，其實我幫佢哋做已經算好好人，其中有2個組員日日不停咁樣問我抄功課，我send俾佢又好似好衰咁，全部都識咗三至四年，我有時真係唔知點樣可以維繫一段友誼。但係每當我問佢哋功課問題嘅時候佢哋就已讀不回，我嘅壓力已經爆曬煲，我已經有中度抑鬱，我真係就lai崩潰，去到學校又要扮冇事發生過咁，扮到冇乜所謂，好似好positive gum，仲要有一個grpmate扮係我阿媽，但係佢細過我6個月，仲要成日用呢一個所謂嘅稱呼去點我做嘢。🙄

#NSS個人 [Guest ] 標題：有個異性朋友暗戀自己好煩 講返少少背景先，小妹今年中四，有個都算friend嘅異性朋友，話說佢四五個月前佢同我表白。由於我一直以嚟都只係當佢係朋友，亦都因為種種嘅原因(主要係個人喜好同埋佢心智成熟程度嘅關係)就拒絕咗佢，不過無論如何最後都做得返朋友。 補充少少表白前嘅嘢，佢都有叫我啲帶有曖昧嘅名(將我個名最後嗰個字double咁嗌我)本身覺得朋友咁嗌下冇所謂，直到果次我哋做返朋友之後佢依然都咁嗌(仲要變本加厲加埋BB)就真係反感囉⋯ 所以到最後所有上述嗰幾個曖昧名(當然包括未表白之前嗰個名)我都已經拒絕俾佢叫 起初我暗示一啲都唔鍾意佢，其實嗰啲所謂嘅暗示都暗示得幾明顯下，不過佢態度照舊。後尾真係忍唔住啦，直接叫佢唔好咁嗌我/好似而家咁直接已讀不回。知道呢啲方法佢都唔work。試過好mean咁鬧佢，不過唔知佢係受唔住定係點，之後寫篇文嚟鬧返我，同埋不斷send emoji。重點係佢send完嗰篇佢所謂精心寫過嘅文章同埋emoji之後知道我睇咗仲可delete，係大部份都del，即使我回覆咗佢段msgs都照del.跟住就send第二啲msgs再del⋯好啦，到我講啲有道理嘅事實屌返佢之後，佢嘅態度可以180度轉變。件事完咗之後，又話咩love u，大佬啊我拒絕咗佢咁多次，仲要都幾明顯下，都可以當冇事發生😶‍🌫️🤔 到我而家已讀不回/不讀不回佢，佢又喺度狂追問，其實就算我覆佢都已經好Hea，好多情況都係send emoji就當覆咗佢，佢又可以覺得我唔開心先Hea覆，其實蠢嗰個都知我係唔想覆佢啦。有冇諗過，有好多嘢之前都有同過佢講，不過佢唔聽先造成今時今日咁。最kam嘅地方係我做到咁佢都可以逼你同佢講早晨同晚安，就算Hea覆佢都可以話等待你的回覆嗰啲⋯ Sorry,我實在有太多嘢要寫，呢個只係佢嘅一部份，如無意外會寫兩個部份，但係如果我今次寫埋第二部份篇文就太長啦😞，所以我諗住等呢個post出咗之後再出過另一個投稿講關於佢嘅第二個topic。亦都希望如果可以嘅話希望大家俾少少意見我😢🙏🏻最後麻煩Admin幫我po上IG 👧🏻🙏🏻

#NSS愛情 [GUEST] 同女朋友一齊咗兩個月，情人節送咗摘花比佢，咁嗰陣我諗住佢都會送返啲嘢俾我啦，點知佢完全冇意欲送，咁我諗住白色情人節嗰陣佢就會送，點知到嗰陣佢淨係講咗句白色情人節快樂，其實真係有少少失望。純粹呻吓 完

#NSS其他 [GUEST] 話說我有個朋友近排好沈迷一隻大陸game， 玩得多左，所以打字嗰陣都多左用大陸用語， 例如咩一臉懵逼/yyds（呢個我都係近排先知咩意思），有時仲會打埋簡體。 雖然我唔可以逼佢唔用呢啲用語， 但大家有冇方法可以令佢唔好成日用🥲 有唸過直接同佢講，但用唔用係佢選擇， 所以最終都係冇同佢講… Sorry for 1999

#NSS愛情 [沙田區某一間中學] 大家好（＾ν＾）小妹近排有一個煩惱，希望大家可以幫下我(ノ_＜) 話說件事係咁，小妹有一個男朋友，人品唔錯都好專一，佢都接受到我嘅小脾氣，一開始覺得自己冇揀錯人，但係近排我發現我同佢政見唔同，而且佢係勁學霸嘅學生，令到我開始自卑仲比自己好多壓力｡ﾟ(ﾟ´ω`ﾟ)ﾟ｡我冇同佢講過（因為冇理由叫人地考衰D㗎），呢啲問題都算啦，我發現佢真係唔了解我，我想做嘅事佢都冇支持過，我唔開心嘅時候佢都好少安慰我_(:3」z)_ 而小妹有一個由細玩到大嘅兄弟，以前鍾意過佢( ・∇・)佢係一個好了解我嘅人，我一個小動作就知道我想做乜🫠佢亦都好關心我，有一次嚟M整污糟咗條裙，佢第一時間俾佢件褸我遮一遮；我哋兩個都唔好鍾意畫畫嘅人，雖然我將來唔係想做藝術但佢都好支持我。 我應該要同一個真係了解我嘅人一齊定係一個專一但政見唔同嘅人一齊？？？ 或者大家可能覺得我好花心，但請大家幫下我😥 Sorry for 1999😖

#NSS愛情 [喜歡人容易，但暗戀更難] 喜歡人容易，但暗戀更難。 吾知大家有冇同感，佢本身吾算顯眼，雖然未算於好文靜嘅type。明明大家本身都冇乜點交流，或者經歷d咩。但不知不覺我對佢有種吾知點講嘅感覺，由一開始對佢個名有興趣，到而家變得在意佢。 因為自己本身愛情吾係幾有經歷，所以想問下各位意見，我應唔應該向佢表白？ 最後送番一句比大家，愛情，本身係一場賭注。因為雙方其中一個講咗嗰句說話，友情嘅關係都吾會再存在……….. 只係我吾知嗰句說話自己會幾時講而已….. Sor for 1999

#NSS學業 [Guest] 有冇2022dser同我一樣，自從冇得入自修室之後，就好難温到書？屋企真係好嘈，除咗屋企人都有外來嘅聲音，令我好難專心。解決方法就係凌晨先温，但依然追唔上進度….DSE仲剩返廿幾日，我想糾正返自己嘅作息，但都想再温多啲，感覺搞到矛盾……..好佩服係疫情底下仲可以好好處理自己學業嘅叻仔叻女。

#NSS學校 [rhs] 間學校一D進步都冇，班高層（如校長、副校）乜都唔做，好似日日返學攞人工。好啦，今年F1收生不足，少咗班南亞仔，嚟讀幾年過腳班人又提早走咗，主要收生來源冇咗，咁好心你主要焗嗰班叻嘅學生，做好個成績，係discipline方面就嚴啲，做好校風。前幾年運動成績都唔錯，但唔識留人，勁嘅都轉晒校。幼稚園同小學部就幾好，都唔知點解咁失敗，再係咁就真係殺校。人做學校你做學校 sor for 1999

#NSS愛情 [GUEST] 我係女嘅bi 宜家初中讀女校 就係咁嘅 上年年尾我發覺我鍾意咗個女仔 雖然唔係成日傾偈 但係feel到鍾意咗佢 佢響班裏面都幾受歡迎 而我比較內向 上堂我坐後排 佢坐前排 我有陣時會無端端望住佢之後心入邊好開心 但係佢一望過嚟我就低返頭 又唔敢接近佢 又唔想同佢距離太遠 但係真係未試過咁鍾意一個人 但我未試過表白 今次好想試吓 因為真係好鍾意佢 唔返學都可以諗起佢個樣 但係驚表白完之後佢接受唔到女女 因為暫時未同irl 朋友或屋企人講 我而家仲有4年先畢業

#NSS愛情 [Guest] 本人係個f3男仔，非常平凡，有拍拖嘅男子。我女朋友有一個青梅竹馬，由細玩到大，間唔中上對方屋企玩下。但係我發現呢幾個禮拜佢地突然好close, 仲約埋出街添…… 大約一個禮拜前,嗰位青梅竹馬同我講, 佢鍾意我女朋友…… 仲要準備同佢表白, 我個刻心都碎埋, 我好驚我女朋友會出軌, 請問大家,我應該點算好 🙁 Sor for 1999, 希望admin po