—類投稿

#NSS學業 [GUEST] 有冇人同我一樣 學校每次派中文作文功課，我一見到題目，個腦即刻空白，完全諗唔到要寫乜嘢？ 見到隔離附近啲同學個個都已經好有頭緒要寫啲乜嘢，我個腦就完全空白一片 。 跟住每次派完作文返嚟，老師都會話我篇文冇乜內容 ，仲會成日因為咁搞到作文唔合格。 小妺幾年後就要考dse… 咁樣落去分分鐘搞到中文嗰分唔合格 ，諗起都覺得驚⋯⋯ 呢個問題應該點樣解決？ sor for 1999 圖Link: https://ibb.co/4T63GpP

#NSS學校 [Guest] 即係我唔明 點解一定要俾人哋去叫人哋 真係好痛苦嚟嚟去去都係嗰堆人 個個都唔識㗎啦個個都唔想俾人問㗎啦 你唔好同我講話乜嘢增進感情 我知道如果我俾人知道咗寫呢篇嘢應該會俾人記缺點 係囉真係好悲哀 都算啦 唔係我真係唔想得罪人我亦都唔想同你班大部份嘅人有來往 佢要整死我我都唔想同佢鬥 然後你咁樣一定要我叫人哋咁即係想我間接得罪人 咁即係代表係呢間學校以後冇運行 我同你講咗話我俾你揀 你又要我揀 之後人哋又唔開心😫 如果我隨機答唔到我心甘情願俾你鬧 . 即係個老師係咁逼我哋叫人哋 個個都唔想俾人叫咁如果叫人哋又會唔開心 我又唔想少咗個frd? 我同老師講話俾佢叫佢又一定要我叫 然後佢就好似少少惡咁樣講快 我即刻講咗一個人

#NSS學校 [GUEST] hello我係中三暗戀老師個個女仔啊，我想講大家既comment我都有讀到😂 但係我真心覺得我地之間係有啲野…..🫣 同埋我都問過好多人 ，佢地話我個人好有魅力 個樣又唔差，所以phy老師鍾意我都係好尋常既事，話說可能唔止phy老師鍾意我，我覺得chin老師都係🥶 雖然我唔鍾意佢，佢無Phy老師靚仔。但佢每日都會同我傾計，仲要成日reply我story（超明顯係r緊我講野）🫢同埋呢，佢放學後有時會約我係canteen食lunch，但係佢會叫多幾個人，應該係怕尷尬🤫 平時上堂佢都會偷偷地讚我😝 佢亦都好溫柔，斯斯文文咁，係我個type😭 我知好多人會鬧我但係我間學校真係好多醜男😌（唔係人生攻擊）只係真係搵唔到一個鍾意既對象.. 如果係你地，會揀邊個老師？ Sor for 1999 Admin pls po ig thanks✨

#NSS學校 [geust] 小妹今年f2，班入面有個好奇怪嘅同學⋯ 佢send咗自己裸照比d無見過面甚至係唔識嘅網友，仲話埋比幾個frd知，本身佢同d frd 講嘅時候隔離都有幾多人，佢都話唔介意。到依家傳都差唔多成級都知，佢就問返講過比佢地聽嗰幾個frd係咪佢哋傳出去嘅，仲話如果老師知道左佢send裸照比人就賴落第二個到。成件事唔係好接受到囉。(重新來一次上一個不用發 括號裡面這句也不用)

#NSS個人 [Guest] 因為性取向而遇到嘅問題 小弟今日睇到樓主#NSS220507A 嘅post之後都想講下自己嘅經歷。 小弟都係gay嘅，一次因為我朋友邀請我去教會而有返教會嘅習慣，大概係上年嘅事。之後上年年尾突然喺網上睇到關於教會是極力反對同性戀嘅，但係我由小學到宜家嘅中學都係基督教，都冇聽過咁嘅事😓咁有一日我唔知邊度嚟嘅勇氣，喺E&RE(聖經）堂之後問Missy：「Miss XXX，我有個朋友(即係自己)佢係同性戀嘅，之後佢發現喺基督教係反對同性戀，但係返咗教會好長時間。所以佢有冇罪？」咁個Missy 都呆咗幾秒先答我：「你講得啱，基督教好抗拒同性戀，因為亞當同夏娃係一男一女，一男一女呢一個係神設計婚姻嘅原則。雖然講緊係嘅係關於結婚，但係算違背咗原則，所以係算有罪嘅。」我當時聽完之後係有小小失落，但係事實證明喺基督教眼中同性戀係有罪😔 唔講關於教會嘅嘢先，但希望大家唔好覺得成日講LGBTQ好煩🙏🏻 我有時候同我啲同學嘅朋友玩，咁佢啲朋友成日見到其他朋友之間啲小動作就話：「你地gay㗎？講笑咋嘛，做咩咁激動🤣。」有時候聽到我會覺得好難受，呢個係性取向 ，同性戀唔係用嚟講笑嘅。畀做係你，你覺得有咩感受呢？ 再講一下父母，我阿爸阿媽都覺得我好girlish，甚至我阿媽睇到我日日洗面同每一個禮拜敷一次面，佢就會話：「男仔唔使日日洗面㗎，你咁注重形象做咩啫，你又唔係女仔，你成日敷mask同埋洗面仲多過我後生嗰陣時。」其實日常護理呢啲嘢唔係應該好正常嘅咩，點解要分女仔先可以日日洗面。換句話就係，男仔唔可以玩Barbie，女仔唔可以玩高達，差唔多道理。 最候小弟想問下各位，你地有冇試過畀父母咁樣話你？小弟文筆超差🥹同埋第一次投稿sorry for 1999

#NSS個人 [GUEST] 小妹f1，其實唔知呢件事係咪好怪，希望大家唔好屌我屌得咁勁🥲但係我真係唔鍾意去迪士尼。 唔關迪士尼事，只係我識咗好多年friend平時一路對我好好，突然間有一日話同我unfriend，仲同學校啲惡霸欺凌我，我問佢點解，佢話因為我係學校class mon所以同啲老師關係好，佢話如果跟我多就會令到自己喺老師面前嘅印象好啲，但我今年已經唔係class mon，因為我啲成績差咗好多。我先發現原來佢一直都係利用緊我。之後嗰一段時間我開始有輕度抑鬱，唔想接觸同佢有關嘅人同事，特別係迪士尼。我哋細細個年年一齊買金卡，一齊入園玩，所以之後令到我唔敢去迪士尼，驚憶起自己傷痛回憶。 上面嘅事係p6發生嘅，而家f1我識咗啲新朋友，佢哋不停叫我去迪士尼，我已經用唔同嘅理由推左佢啲三次，但係佢哋話如果我今次考完試唔去嘅話，佢哋就同我絕交。其實嗰件事我到而家仲係好介懷，我本身想等自己情緒平復返先入園，但係點知突然間有佢哋嘅出現。其實我唔係唔想去迪士尼，只係我驚如果我去到我會崩潰咁喊出嚟。其實我應唔應該講嗰件事比佢哋聽，但我驚佢哋會覺得我好容易受傷然後同我unfrd🥲 希望有人俾下意見我🥲唔好屌我屌得咁勁tks🥲 sorry for 1999🥲

#NSS個人 [GUEST] 是咁的 小弟今年form3，上年去咗個學校camp，食咗好多BBQ嘢，又冇食菜。個晚就開始嚟料啦，好急屎，但又玩緊營game，走去屙好麻煩，於是我決定晏啲先屙。之後又唔急啦喎，所以我好安穩咁訓咗晚… 點知呢個係噩夢嘅開始 第二日屙得好辛苦，總算屙到出嚟，抹個下發現流血，之後每日屙屎都好似比刀割咁。間中有幾個禮拜會好返，但啲屎一硬就再流血。我Google咗，都幾肯定係肛裂，我見人地話就算睇醫生都係保守治療，所以我都無點理佢，最多屙完沖下水。 就咁過咗差唔多半年，我又再次裂咗，但今次過咗成個月都未好返，而且越嚟越痛…認真慘過食屎…呢排開始滲液，估計有埋肛瘻，係時候要擇個吉日同老母講，準備去比醫生睇C眼做手術。 警世post，千奇唔好忍屎，飲多啲水，呢句個個都講，但唔係廢話，深有體會… Respect 所有有肛門疾病嘅同路人。 勿恥笑，已經好撚慘。 Sorry for 1999

#NSS學校 [點解而家仲有我呢啲老師] 某學校有一個男老師 開學嗰陣時已經覺得佢係惡 但係都冇諗過佢會係咁 1,佢勁鍾意上堂亂咁鬧人 2,佢自己講錯或記錯都一定會鬧人 3,脾氣差到爆,當學生係發洩工具 4,覺得自己嗰班永遠都係最差 ✴️5,好鍾意偏心 成績差就一定鬧 搞到嗰啲學生都冇曬自信心 其實點解而家學校仲有呢啲老師呢? 呢啲根本做唔到為人師表！

#NSS學校 [Guest ] 前日我上堂嗰陣啦就諗住打開個gmail 就入唔到 佢話要我重新登入 咁我咪重新登入 之後佢話個密碼一個鐘之前被人換咗 咁我咪唸住搵返個密碼 個系統就話send咗個email去我個ex度驗證係本人登入先得 咁我小息就去搵佢 佢又唔肯出嚟講嘢喎 仲要搞到一個friend係我兩個之間傳話 點知個條pk就話佢個frd想睇吓我gmail入面有啲乜嘢 所以就咁樣登入我嘅帳號，仲要改咗個密碼囉 咁我一開始諗住唔計較囉 之後琴日我個frd就去搵佢 問清楚發生咩事 我個ex嘅frd俾我個friend講幾句說話 就喺度喊囉 搞到自己好似好委屈咁樣 cls啦佢 之後個ex同我個friend喺度鬥大聲嘈囉 仲要問我個friend： 究竟要點樣做先得囉

#NSS愛情 [Guest] 我愛妳，妳的出現使我那昏暗的内心照進了一絲光亮，為我那無趣的人生添上了一抹色彩，妳是那冬日的暖陽，總是能融化我心中的積雪。 請原諒我的懦弱，無法告訴妳我的心意，只願今年的盛夏的花如期綻放，等那花開之時，我定會獻上我的心。