—類投稿

#NSS個人 [GUEST] 小妺今年中三，我由細到大都比較大汗，而我全家都係比較大汗嘅。我隻手、腳同胳肋底都成日出汗，就算開着冷氣都會。 以前我有打羽毛球，但係次次啲頭髮同背脊都濕晒，汗水會喺條辮嘅髮尾係咁滴落地下，搞到好尷尬。 到咗十一二歲胳肋底就開始出汗(相信好多人都係)，一開頭都只係少少汗，冇乜問題，但我啲汗越嚟越嚴重，成日滲透件衫。我著校服嘅時候就算幾熱都要著住件冷衫嚟遮住啲汗，如果唔係就會好尷尬，體育堂就更加辛苦，做完運動又熱，又要着住件外套，搞到越出越多汗。考試嘅時候我隻手都會不停出汗，寫文嘅時候好唔順手。 我有試過用止汗劑，但係我一路搽一路出汗，就算搽咗上去都好快甩晒。我亦都有試過著多件底衫嚟吸汗，但係啲汗都係會滲透件底衫。 而家就嚟夏天，我隻腳就算冇着鞋都會出汗，瞓喺張床嘅時候如果腳板掂住張床，床單就會濕咗。 我好鍾意買衫，但係我鍾意嘅款多數都係比較貼身嘅，但係夏天咁熱流咁多汗又冇得著，搞到有啲唔開心😢。 我有上網查過，手腳同胳肋底特別多汗有可能係多汗症，但又可能只係青春期比較多汗。大家覺得我係咪應該等到青春期完咗之後再睇吓情況點先睇醫生？呢個問題困擾左我好耐，如果大家有差唔多經歷嘅話唔該話俾我知有咩解決方法🙏🏻，我都想著靚衫啊！！🥲　

#NSS家庭 [GUEST=] 小妹今年15歲 由細到大阿媽都為咗我唔好好似佢咁冇讀好書而行佢嘅路所以細細個開始阿媽都會幫我報好多補習同埋興趣班一星期完全冇一日可以休息直到宜家都係，以前細個好聽話阿媽叫我做咩都會做我亦都唔會反抗唔會埋怨，佢哋亦都好管我唔俾我出街唔俾我同朋友傾電話甚至send訊息得唔得每當我做錯事佢哋就會打我然後罰我喺屋企門口罰企。 直到中學唔知係咪因為反叛期原因當我唔想做佢哋要我做嘅嘢嘅時候我開始會反抗亦都會同佢地傾但係佢哋永遠都唔會理我只會覺得佢哋係啱，佢哋嘅管控亦都開始變得更加嚴重例如手機會有家長監控, check手機,遲咗少少放學就會懷疑我出咗去行街每當我解釋佢都唔會信我然後就會打電話問學校，佢哋亦對我嘅學業更加高。 喺佢哋嘅管控下基本上係冇晒自由甚至乎覺得好大壓力幾乎每日都會喊一次情緒變得好低落感覺好無助唔知點算好之前又同老師同埋社工傾過計但係佢哋每次都會打電話同我家長講返然後返到屋企佢哋就會話‘咪喺學校喺度扮嘢,喺度扮喊’其實真係好辛苦唔知可以同邊個講好。 我應該點算好… 以上內容係由一位ADHD嘅學生寫如果有咩錯字希望可以原諒下🙇🏻‍♀️🙇🏻‍♀️🙇🏻‍♀️

#NSS個人 [GUEST] 有種好重嘅無力感，唔知應該點算好。 小妹今年f.3 06 學業方面…今年要揀科，教嘅嘢都比以前嘅難好多 我跟唔想，覺得好chur。因為想揀到自己想讀嘅科，我真係好努力溫書，每晚都溫到好夜，但係都只係啱啱好合格或者甚至唔合格，次次都會俾屋企人話我未夠努力，晚晚咁夜瞓肯定係打機，每次聽到都會覺得好唔開心🥲，啲frd成日都問我「你冇溫書咩？咁低分」，我會扮到唔在意咁話自己冇溫書。自問由細個開始，成績都已經唔算好好，班就一直升，成績就一年不如一年。我覺得自己就嚟到極限，我唔知應該點做先可以讀好啲書。 社交方面…我唔係一個擅長表達自己嘅人，對住唔熟嘅人，我會好驚、唔敢講嘢或者係講錯嘢，成日會搞到deadair，好尷尬。我好介意其他人點睇我，我好驚俾人討厭，我盡力控制自己唔好講啲人哋會覺得奇怪嘅說話，但係好似冇用，大家都仲係覺得我係一個奇怪嘅人。啱啱升中學嘅時候有個frd，佢好溫柔，會鼓勵我同其他人講嘢，但係我哋相處咗幾個月之後，佢唔知點解慢慢疏遠我，我又變返以前咁，好驚同人講嘢。如果可以嘅話，我想活喺自己嘅世界裡面，唔擔心要點樣同人相處，但係根本冇可能。 情緒方面…我越嚟越控制唔好自己嘅情緒，我好少喺其他人面前講自己嘅感受。好多人都會搵我傾訴，我唔想拒絕佢哋，我唔想佢哋將自己嘅情緒鬱埋。有陣時佢哋講咗啲令我唔好受嘅嘢，我都淨係同佢哋一齊笑，我唔想對住佢哋發脾氣，我將所有嘅負面情緒埋喺最deep嘅地方，但係我越嚟越控制唔到自己，喺冇人嘅時候我會忍唔住喊，我以前試過靠自殘嚟抒發情緒，但有次俾屋企人發現咗，叫我唔好再咁做同埋叫我睇開啲、開心啲，我見到佢哋對我失望同唔開心，我好努力戒甩呢個習慣，我唔想令佢哋難過同埋擔心我，但係我真係覺得好辛苦，我處理唔到我嘅唔開心。我覺得好無助，每一日都好想死，但係我真係好驚屋企人會唔開心。我覺得自己好似沉咗入水咁，好辛苦…好辛苦…已經一直係咁兩年，我唔知幾時先會完，我真係好攰。

[guest] gcse language elective 揀乜？ 大家好，小妹今年讀F1，下年會同屋企人移民英國。 咁我今年F1，下年去英國就讀 year 9，即係 gcse 前一年。咁我間學校就要我哋揀一科語言黎讀，有 french german spanish mandarin 揀，小妹不嬲對法文有興趣，所以諗住揀佢。 咁其實我 send application 同考入學exam已經係七月嘅事，但係因英國嗰邊covid定點 所以琴日先收到 acceptance letter 🫠 本來佢應該9月尾出offer比我，諗住收咗之後先即刻去學法文，但佢咁耐都冇send

#NSS家庭 [lstlcw] 我有個好自私嘅阿哥 我今年F4 我啊哥21 佢只係一個廢青，讀唔成書搵唔到嘢做喺屋企打機，打機都唔係問題系佢騷擾到我，先講返學， （我同佢係同一間房）（阿爸阿媽一間房） 〈本來我係同阿媽訓，因為屋企之前發生一件事，所以就變咗我同佢一間房〉 佢每日打機打到兩三點，仲要同人call緊，因爲我體質關係比較容易嘈醒，所以我瞓得嗰四個鐘有時可能都冇，每日都堅持住好眼瞓嘅狀態返學，我已經同個阿爸阿媽講好多次但解決唔到問題，因為佢唔改。上網課更加離譜，差唔多每日瞓得嗰兩個鐘，搞到第二日連起都起唔到，仲話過點解我一定要遷就你呢條八婆？又話點解屋企咁撚細，我唔可以反駁，因為之前反駁完我比佢打我根本就唔夠佢大力。 我真係有感覺想殺咗佢嘅諗頭，但係坐監嘅係我父母，一諗到我就即刻取消左呢個諗頭。 有一次我阿爸叫佢1:00前收機佢都仲未收，就熄左個電源總掣，之後佢肯收啦就講「如果我打下打下機你識左，我總有一日會打撚死你/總有一日會將啲貓抌曬落街」我真係唔知咩原因佢可以因為打機而咁做，都唔知佢講真定講假，因為佢都算係幾鍾意啲貓，老實講真係好想佢死。我真係唔知道我考文憑試嗰陣時點算。 我阿爸係做裝修 我阿哥本來返酒店，但係酒店好耐先有一次可以返，所以阿爸會叫佢同佢一齊返，人工都唔少，好似返一日就有500-700，但做左兩個星期左右就冇得返，但佢冇得返工都唔會搵工做，只會留喺屋企做廢青，阿爸阿媽成日叫佢搵工，佢就會嫌囉嗦日日叫佢搵工，阿爸阿媽叫佢搵工嘅其中之一就係因為想俾我訓覺，佢哋都覺得佢咁大都管唔到佢太多 。 佢成日話阿爸阿媽遷就我，我覺得係平等，阿爸阿媽開始老，家務都唔幫佢地做，淨係識得打機，佢每次煮完野，佢係擺喺間房度由朝擺到晚，一係就擺喺洗手盤唔洗，一係就洗但係就唔洗其他嘢淨係洗自己啲嘢，見到貓屎就又唔執，每次都叫我執，因爲我張書枱喺廳廁所就喺我隔籬，所以基本上大多都係我執，屋企有六隻貓，我起碼一日執咗九次上，我叫佢執，佢就話「每次都係我執」，一日都唔見佢出嚟聽幾次，點會喺間房度做廢青。佢去廁所會整到成個廁所板都係尿，有幾次瞓覺比尿意紮醒咗跟住去廁所成個屁股都係….. 自己成績好差，記憶力都好差，阿爸阿媽當然想我讀大學但我覺得我以自己完全做唔到，我每次考試都有溫書，但每次考試嗰陣時我都係乜都唔記得曬，每次去到考試場，我頭腦瞬間空白真係唔知點算我搵過好多方法幫我自己，但都好似冇用

#NSS家庭 [guest] hello我f2啦之後阿媽又管得好嚴，於是想喺度睇吓有咩解決方法。 係咁嘅，可能我有長期病嘅關係所以阿媽會緊張啲，但真係太過分，唔比自己一個出街，同frd出都唔得，一係就要佢喺隔離先可以同朋友出街，但有邊個朋友願意有個阿媽跟住？之後屋企又有cam，沖涼又一定要同佢一齊，我都13歲啦，仲同阿媽沖涼，覺又同佢一齊訓，之後自問成績真係唔差，全級第二啦仲話唔好仲話日日打機但係打機都比佢限住左，星期一至五得30分鐘，星期六日先得2個鐘，冇零用錢都算，平時面授仲要接我返學放學，上zoom都冇得用耳塞，佢話要一齊聽…平時又冇得入房，房門又比佢拆埋，真係請問點先可以有返小小自己嘅個人空間..?

#NSS社會 [GUEST] admin 可以po IG thx。 只係想注入少少正能量。 有時見到 @nss.heart 或者一啲都係心理上辛苦嘅post/secrets，真係覺得好感嘆。唔係當事人未必明，但係如果真係經歷過類似嘅嘢，其實真係會明白嗰種痛苦!! 在此想同所有受苦難、處於逆境、精神病患者等等，明白條路係好難行，但都要堅持住!! 可能有少少老土，但堅持落去總會有希望，人生並唔係咁絕望，身邊總有D好事可以令自己快樂。雖然未必個個都可以接受到一大堆負能量，但身邊總有一啲好人，例如社工/朋友可以接受負能量，可以搵佢哋傾訴。前面總有一條路可以行嘅，加油💪。

#NSS學校 [CFSS] 其實我真嘅不明啲匿名談論別人生活點點樣嘅人系點想嘅，別人嘅生活有影響到你咩，別人有對你炫耀咩，自己嘅生活過嘅太陰暗失敗睇所以嫉妒別人比你過嘅豐富多彩嘅生活咩，我跟呢位喺你哋口中同超人一樣嘅f2學生打開學到依家認識了一年多，就算喺班上跳皮打交喺我睇嚟佢也之不過系個唔聽話嘅學生啫。我問過佢本人佢倒系唔點在意，但我真嘅系覺得好誇張，我也為佢感到委屈和不公。中意講閑話嘅，先過好自己嘅生活吧

#NSS個人 [GUEST] 我係咪有輕微恐男症？ 明明平時學校一大班人同異性傾計唔尷尬，電話message異性都唔尷尬，但係一要同異性單獨相處就會勁緊張同尷尬，親戚都係！好似得阿爸同埋一個男同學可以舒服單獨相處，不過係因為個同學本身性格好易傾計，不過我同佢肯定純友誼。之前都有人單獨同我表白，我尷尬到差啲喊，我咁樣係咪出唔到pool?

#NSS個人 [GUEST] 分手後幾日無聯繫又開始傾番計，有啲糾纏不清。分手原因係我發現咗佢平時同佢朋友講我壞話，私底下同另一個女仔傾計又扮唔識，甚至post story hide我，不過我冇同佢講我知道咁多，只係以缺乏安全感為由分手。我知道佢唔好，但係我真係忘記唔到佢，點算？