—類投稿

#NSS個人 [觀塘某中學] 唔知大家試過極度妒忌一個人。係，我知道，嫉妒係一種負面情緒，我都係唔係諗住合理化我嘅心態。但係我比呢種情緒困擾左好耐，我都好討厭自己妒忌人。 我好妒忌一個人，簡稱A，佢做咩都好過我，我並唔認為自身資質平庸，甚至可以話係聰穎。我同A相處過，我知道A真係蠢蠢地。但係佢不斷努力贏左我，我好妒忌，唔知幾時開始呢種嫉妒衍生成憎惡。佢做咩我都覺得好討厭，我好清楚我呢種諗法係錯嘅，可能你地會話：你咪承認人地好過你囉！ 我點會唔知佢好過我呢。 所以我好討厭自己，討厭自己只係因為人地優秀而憎恨佢嘅行為，討厭自己咁唔中用。 我有冇努力過？ 點會冇，但係已經追唔上佢。 呢種情緒真係好痛苦，我投稿係因為希望有人可以比啲建議我去脫離呢種感覺。 屌我嘅話就不必了，因為我唔係唔知自己錯咩，所以我唔需要人地黎屌醒我。 比啲建議可以令我唔會再嫉妒佢。

#NSS個人 [GUEST] 其實我真係唔想再畀人當係男仔咁 小妹今年F1文筆差，因為自閉所以唔係好識表達想法，sor for 1999 *長文慎入* 我小學同中學都係讀女校，因為我性格似男仔，又可能因為我有輕度自閉症，好多同學都當我係男仔咁。 我好記得小學嗰陣有兩個同學特別鍾意話我係男仔，同佢傾計我唔明佢講咩佢就話：「女仔先明嘅」 咁其實我已經好nice，次次佢咁講我都當佢冇講過咁，但係其實我真係好嬲lor。 上到中學，嗰個話我係男仔嗰個人同埋好多其他同學都係同我讀同一間中學，所以以前唔係同我同一間小學嘅人都知道我「係」男仔。 有一日，有個同學叫我戴佢副眼鏡，咁我戴咗副眼鏡之後就有第二個同學話咩我好「靚仔」嗰啲乜鬼「男神」仲幫我改埋咩花名「Stephen」。冇幾耐差唔多成個form 1都知我係「Stephen gor gor」，我真係好嬲lor ok。 仲衰嘅就係佢就投搞畀嗰啲出表白post嗰啲嘅account點知個admin post咗出黎。咁係我學校嘅人梗係知佢講我啦，因為佢係篇文入面講明佢係from一間女校，講明我叫「Stephen」，仲要喺留言嗰到tag我。好彩有個好nice嘅friend同咗我講呢件事，我先知。 到嗰刻我真係忍唔到再畀人咁講，所以我就同全部人講邊個再講我係咩男仔嗰啲嘅話就絕交。 我講咗呢句之後真係少咗好多人講我係男仔，但係有啲人仲有咁講，我又唔捨得同佢哋絕交，咁我應該點做好？我咁樣會唔會係有啲大驚小怪？我知道可能你哋會覺得我使乜搞咁大件事出黎，但每個人諗法唔同，加上我有自閉症，唔知其他人會唔會對我有反感或者唔開心，我又唔想冇咗啲friend，所以求求各位幫幫我🙏

#NSS其他 [GUEST] 我成日會因為驚俾人討厭覺得好焦慮… 小妺而家form 2，但其實由form 1開始已經好在意人哋點睇我🫠 form 2因為同本來係frd嘅同學發生咗一啲事，之後在意人哋點睇我嘅程度大大提升… 上到中學難得識到一班自己真心覺得frd嘅同學，成日將啲心事講比佢哋聽，好驚比佢哋討厭。 有時會焦慮到喊或者有種唞唔到氣嘅feel，之後就開始諗自己嘅缺點，自己有幾冇用有幾廢，唔知點解之後就會覺得自己唔應該存在，開始想死，仲有幾次夜晚準備瞓覺嘅時候用手叉住自己條頸，但係我又唔敢將呢啲事講比啲frd知，驚佢哋覺得我好奇怪，所以唯有喺呢度講… Sor for 1999😔

#NSS學業 [Guest ] 究竟點解中文dse 卷係「死亡之卷」？明明學生自細都係講中文，但係學生就死係中文卷度，咁究竟係份卷太難定學生中文太弱？中文dse 卷出現過一啲情況係連文章作者都唔識答啲問題，咁係咪份卷有問題呢？我真係好憎中文考試呀！我知，學中文係認識文化，提升個人修養，但點解中文可以咁難㗎！ （sorry大家，我只係因為做中文功課做到好沮喪先嚟投稿，我唔知自己講咗咩，希望大家唔好鬧我）

#NSS個人 [Guest] 本人中五，呢個暑假真係超多嘢做，d功課多到數唔晒，每科都有三四樣。4月開始仲有補課，每日補三四個鐘，唔敢想像嗰陣嘅我係點有幾累，對眼都就黎zoom盲。好心快d復面授課啦，難得而家同之前幾個星期前比少左咁多宗…… 好想約朋友出街，好耐無見佢地，有d噁心咁講句係有d掛住佢哋同埋返學時光，所以我之前都好珍惜同佢地相處的時光。 呢段時間係屋企度就狂做功課，悶嗰陣就睇下大偵探第7季，真係好睇到不得了（唔知有無人睇過呢）啱晒我呢d推理迷。呢排想聽返廣東歌，大家有無d好聽的廣東歌介紹😶

#NSS文化 [Guest] 身在香港，鐘意中國傳統文化就係罪？ 樓主自細就特別鐘意傳統文化，係當年春晚聽到相聲之後就更一發不可收拾。會自己係屋企練樂器、唱曲，屋企人都鐘意聽我唱啦。 但係呢排我隔離搬來一個新鄰居，佢聽到我係屋企練呢d之後次次都狂拍門，有一次我自己係屋練，佢突然走過嚟我門口鬧爆我，搞到勁驚完全唔敢出聲，之後我每次練嘅時候佢都鬧到超難聽，直接上升到人身攻擊以及政治層面。 疑惑放負之餘仲想問下我應該點算，就此放棄鐘意嘅野唔練、定唔理佢鬧我繼續堅持🙏🏻。 thx admin po. Sor for 1999.

#NSS學校 [GTEYC] 其實我地學校今年八月係會再放一個月暑假，我代表之前亂UP話得兩日暑假D同學向大家致歉，唔好意思

#NSS個人 [GUEST] 求admin出post 是咁的，小弟今年f.5，出年考DSE，最近同上幾屆已經畢咗業嘅師兄吹水，咁我先假設下年疫情已經受控，有O camp，咁CHing就話O camp其實去同唔去都冇咩分別，因為小弟母親就覺得O camp嘅風氣唔太好，唔想我去。但係我又驚唔去識唔到人grp project會俾人孤立，我想問有冇冇去O camp嘅師兄師姐可以分享下？比啲意見我？ 唔該🙏🙏🙏 Sorry for 1999

#NSS愛情 [TMS] 大家覺得拍拖幾耐先可以吻？

#NSS愛情 [Guest] 我只係一個喺深水埗讀書既男仔 讀緊F6，今年19歲，冧過兩年班 因為屋企窮，所以之前上網課成日都會斷網或者download 唔到一啲sources。 我個英文Missy 好好人，今年新嚟接手form6 佢知道我面對緊呢啲困難，所以有時佢會上門幫我補習。可能因為佢fresh grad (今年只係24歲)，仲會有一股熱誠，覺得每一個學生都可以改變，所以佢冇放棄過我，嫌棄過我。然而連續幾個月日日補，其實大家都知道對彼此都有啲嘢⋯ 有一次佢嚟我屋企補習。嗰日比較熱，而我屋企又比較細同埋多雜物，啲風入唔到屋，所以我就只係着著件背心嚟同佢補習。我肯定佢係鍾意我，只係礙於身份關係，佢唔敢開始。我咁肯定嘅原因係因為有時我打波打到身水身汗，佢都會主動走過嚟藍球場送支寶礦力比我，有時仲會特登趷高腳幫我抹汗 (因為我都有183，而佢得160)。我冇同人講過佢係我Missy，因為街場啲人根本唔知我仲讀緊書。加上有時街場啲人會認為佢係我女朋友，然而 Miss X 都從來冇否認過。 言歸正傳，嗰日我地大家靠得好近，佢既頭根本上已經貼着我個手臂，我成個身硬哂，根本唔敢郁，因為我同佢之間既距離從來未試過咁近。溫完書之後，我同佢講⋯⋯ 「其實我仲有兩個月就畢業」 「所以呢？」 「所以其實係冇問題」 佢知道我講緊乜，但係佢刻意逃避。我有捉住過佢對手，然之後佢一野甩開左我，叫我考好個試先。 嗰日之後，大家keep著扮冇事，繼續補習。我知道佢係鍾意我，我亦都好鐘意佢。 但偏偏因為身份嘅問題，我地暫時唔可以開始。 佢都搞到我好亂。明明仲有兩個月就畢業，明明大家都已經係成年人，點解唔可以開始？