—類投稿

#NSS家庭 [GUEST] 首先多謝小編揀小妹編文，事先聲明小妹今次第一次投稿，會好長氣，加上平時係個英文人，所以請見諒 <333 我好攰，覺得自己唔單止想放棄相信人同放棄夢想，仲覺得自己本身就唔應該生存喺呢個世界上。。。 我呀爸呀媽係因為有咗我先結婚，本身諗住分手，點知就發現咗我，小時候我當然唔知情。我一直以為我好幸福，有佢哋錫，以為連續幾日都唔見呀爸好正常，話就話返工，但依家嘅我先知係出軌、佢哋之間嘅爭執同矛盾，但係呢個唔係最黐綫。 小二嘅時候係我第一次正式發現爸爸出軌，更加係我先發現。可能我細個太傻瓜，唔知道有幾大件事，所以直正媽媽發現先講，亦都唔知點反應好。依家啲我都終於明白，原來嗰陣時我已經心知呀爸根本唔愛呀媽。我同媽咪離家出走一個月就返屋企，當冇事發生，我到而家都扮咩都唔知。 中二嘅時候再發現多一次，我叫做明白事理，開解到呀媽，我先知事情嘅來龍去脈。好彩中一鐘意咗Kpop，識得愛自己同做自己，可以話佢阻止我自暴自棄，令我有希望，所以我都堅持到，但係我自己原來一啲都唔OK。原來我失去左對人嘅信任，原來所有人都隱瞞真相，令我好驚，本身好想得到一個愛我嘅人，依家都怕左，見到中學生拍拖表面笑佢哋，但其實有小小羨慕佢哋嘅單純。媽媽再次扮冇事發生，我再扮唔知情，但係我d心底話都唔敢講，因為唔想呀媽擔心。 突然間，我再得到一個痛症，要戴支架，外形同行動上，我失去左好多自信。我同時間覺得，如果我冇出世，呀爸呀媽都唔需要一齊，可以分開，就唔會有咁多問題。 我以為，由嗰刻開始，就係我同媽咪互相扶持，但係，呀媽係個敏感，唔識考慮人哋感受，唔會接受人哋批評嘅人。我好想同媽媽一齊成長，一齊堅強。我成世人淨係介意媽媽對我嘅意見，但係偏偏係佢令我失去自信。佢嘅自私同無知，令我唞唔到氣。佢係我唯一信任嘅人，但係佢反對救咗我心靈嘅音樂同演藝，要我參加佢想我參加嘅活動同比賽，全部都係我最抗拒嘅嘢。我覺得佢好唔了解我。我已經多咗表達自己同講我嘅心聲，但係佢聽完之後冇咗回事，我覺得好心痛。所有同學都係呢段時間覺得爸爸媽媽麻煩，我想同媽媽親近啲，偏偏令我開始憎恨佢。我好唔想，但係我已經放棄同佢溝通。我好鐘意音樂、設計、演藝，但係呀媽成日話賺唔到錢。 我覺得好孤單，唯一覺得 "I belong" 嘅時候就係寫歌同聽歌嘅時候。我內心好徬徨，好無助，好似無人無物，連自己有冇心理病都唔知。。。我信唔過人，點算好？我係咪大驚小怪，我係咪望落好似好傻？但係我有夢想，唔甘心放棄，加上自殺會落地獄。。。🥲 本身諗住寫 "希望有人幫到手"，但係自己都唔肯定有冇人幫到，好希望有人俾到意見我，睇吓我會唔會有機會重新開始，變成一個更好嘅人。 大家要好好珍惜身邊嘅人同事物，因為幸福唔係必然㗎。 一個希望人人都安好同幸福嘅人上（無知是一種幸福 =] ）

#NSS學業 [GUEST ] 本來係2023Dser, 平日成績唔算太好,但係想做中文老師。 咁應該揀教大嘅中國語文教育榮譽學士［中文-5 Best5平均分-21/22)］,港大嘅文學士及教育學士（語文教育）-中文教育（雙學士課程）［中文-4 Best5平均分-33］定係中大嘅文學士（中國語文研究）及教育學士（中國語文教育）［中文-4 Best5平均分-27］？ 戴返頭盔先,資料來自網上

#NSS學校 [Hfcc ] 我哋係女校，喺我哋學校有一個同學佢收人錢幫人做功課，其實出面都有啲代做功課，所以本身都唔係話啲咩好出奇嘅事，但係佢收嘅價錢仲有啲貴添，其實大家都係同年級，佢就收人哋大概$40up，咁都算啦，問佢啲答案係唔係一定啱，佢竟然話唔擔保一定啱，只係跟書上面教嘅，認真咁講如果係嘅話搵出面嗰啲同你同樣價錢起碼都會確保啱先囉，況且大家都只係一個學生，係咪應該要讀好自己書先呢？幫人做功課反而會害咗佢，但係佢仲堅持收錢，咁細個就有經濟頭腦真係好佩服佢，覺得佢咁嘅行為真係好唔應該囉，唔知話俾老師聽會唔會記佢一個缺點？

#NSS個人 [GUEST ] 我到底是為了什麼？（純分享心事） 以下為方便閱讀，將會用書面語表達。 小妹是一個平平無奇的f2學生，最近幾個月一直有件事令我感到迷茫，那件事跟一個新老師有關。 升上f2的第一天，我毫不期待老師是誰，同學有哪些。但到了後天，第一次上她的課，我便被這位年輕女老師的教學方式所吸引。 說起她的教學方式，跟我f1的老師非常不同，我f1的老師也沒有什麼特別之處，只是正常地教書，間中說說幾個冷笑話，我也提不起對學習的熱誠。但這位新老師年齡和同學們相差不是太多，只有2字頭，而她也經常開一些我們聽得懂，而且很好笑的笑話。我一開始以為她是個「高冷女神」，但隔壁班的同學卻覺得她很囂張，我對這種反差萌毫無抵抗力。我也因她的出眾的外貌、反差萌和幽默感被深深吸引，學習的熱誠也漸漸提起。 我們班的同學都很喜歡她，當我跟其他朋友分享我這種情感的時候，他們卻說「你瘋了嗎，喜歡一個老師，還要是同性？」儘管我拼命解釋這只是對那位老師的仰慕之情，並無過界之意，但我的朋友還是不相信。但我最沒想過的是，我這種仰慕之情被我朋友和她聊天的時候無意透露了，我第一時間知道後十分慌張，生怕她誤會了什麼，但我也無從開口，只好靜觀事情的變化，但我竟然聽到一句有點傷了我心的話語，我不知所措，只能裝作若無其事。 自這件事之後，我便十分留意在她面前的言行舉止，生怕她看到我不好的一面，但意外還是很快就發生了。（這個意外就不說了，太容易被認出來）那次意外讓我十分害怕，但不是害怕處分，而是害怕我在她心中的印象會不會一落千丈。 我朋友經常跟我說，你為了她考好一點成績，她會知道嗎？她會感動嗎？我想反駁，但事實告訴我並不會。我也經常在想這個問題，我這種感情是對是錯？我到底是為了什麼才會如此仰慕她？是教學方式？出眾的外貌？幽默感？還是反差萌？ 不管怎樣，這個中文老師確實為我的學習帶來了很多動力，也教過我數學😂，我在這裏衷心的謝謝你，最好的老師。 謝謝你的觀看 sor for1999

#NSS其他 [Guest ] 小妹依家讀緊F.5，日日有小測/考試已經係家常便飯，都積慮咗唔小壓力痛壓迫感，所以想係到問吓大家平時點樣放鬆自己，活著有無解壓嘅好方法，唔該曬咁多位！ （同大家講個小秘密，我平時都係睇星夢學園解壓(唔知身邊仲有無人睇呢)，咁樣講好似有啲怪，不過呢套嘢真係絕世第一卡通片，啲歌又勁好聽😍）（小莓世一！）

#NSS愛情 [guest] 唔知大家點睇同性師生戀？而我，就係一個成功嘅例子… 我係f4先開始發覺自己係鍾意佢…而佢又好似唔反感我，我就日日落教員室搵佢🤭差唔多一個小息，都會聽到😄(我):「 Excuse me, I’m xxx from class 4X. I would like to see 🦁(佢).」每次我叫完佢出嚟之後，佢都會笑瞇瞇咁出嚟聽我9up，然後同我一齊吹水，去小食部買嘢食🤭(宜家我問返佢:點解你果陣時成日笑住出嚟嘅？～～🦁:因為我鍾意你咯，鍾意聽到你叫我個名，每日最期待最鍾意就係聽到你叫我出嚟😛) 講住咁多先～～我宜家y1，畢業果陣時同佢表白，最後一齊咗🥰 (如果大家想知嘅下續，我就再投稿(๑•̀ㅁ•́ฅ)

#NSS學業 [GUEST] 作為一個今年DSE考生，又係一個成績好差，差到連一個可能連asso 都入唔到嘅人，有時真係覺得好攰。 我相信有好多人比我辛苦同攰，但係我係呢一到有小小想分享。 最近好多人都話04年嘅人好慘，我唔敢講邊年係慘又或點，但係對我哋黎講疫情比咗好大壓力同挑戰我哋。 雖然我好耐冇出過街，但係屋企人要維持生計都要返工(冇得WFH)，佢哋每日都會驚因為返工而確診，最怕嘅係會連累我。如果真係因為咁確咗診，我都唔會怪佢哋。但係我始終每日都會好驚係考個一排先嚟確診冇得考。 就係因為確診，而連入考場機會都冇，咁我呢幾年為咗乜？講真個句，我哋讀咁多年書唔係就係為呢一個試咩？ 冇得考，就以校內成績作準。但係對我呢啲成績本身都差嘅人嚟講，真係連asso 都入唔到。 自問我係成績差，但係我都會盡力去掙扎到最尾，為嘅係想係DSE都拎最好嘅成績。可能到最後出嚟嘅成績都係好差，但係起碼我有入過考場，有盡力過。我會甘心好多。 我有諗過如果真係好差，可能下年再報DSE，但係我會諗辛苦多年，最後個成績係咪一定會進步？係咪真係夠分？我唔可以擔保。但係我依家淨係知今年我好想同一班朋友去踏入考場，面對呢一個挑戰，一齊放榜。 可能我文筆真係好差🙇🏻‍♂️未必表達到我嘅心情 我都係返去繼續一路擔心一路温書先啦🥲

#NSS學業 [可唔可以唔講] 大家好‼️我係一名band 2b-2c學生成績好差老師話有機會留班自問唔太想讀落去加上疫情玩到冇心機想學一門學藝想轉vtc會唔會太遲😵同埋本身學校啲老師唔太好大家比下意見💗讀緊嘅同學麻煩俾個提議🙇🏻‍♀️🙇🏻‍♀️🙇🏻‍♀️thanks all

#NSS學校 [GUEST] 見到#nss220320f, 我又諗返起一件小二發生，至此令我有一段時間唔願意同人交流既事。 講番個背景先： 我同「朋友」小一開始認識，但係呢段關係由小二開始逐漸變質。 “如果你想繼續同我做朋友嘅話，你就同我做某啲野” 我一直當佢係bff，再加上當年年少無知,就任由呢一段扭曲嘅關係持續落去。 無論係喺運動場免費將我啲嘢食畀你食,抑或是老師送畀我嘅禮物轉贈畀你, 我都唔介意,我唔介意付出,我只係想繼續同你做朋友. 正所謂紙包唔住火,靠物質維繫嘅關係仲有一日唔會維持得落去. 一直用開嘅鉛芯筆憑空消失, 我一開始只係覺得自己大頭蝦整唔見咗,直到我見到你拎住我嗰支, 我先不得不迫自己面對現實. 同班主任講咗佢一開頭都唔care，直到有一位同學願意指證，班主任先喺第二朝早叫你企出嚟問返成件事. “係佢偷走咗我把間尺先！” 「朋友」喊住哭訴。 我當場震驚咗，老實講一句，我唔認為我會偷人把間尺，如果我想要某一種文具，我大不了我可以叫屋企人買畀我，絕對唔會淪落到去偷人嘢。 好可惜，我當時唔想要佢難堪，亦都唔想搞大件事，我食咗呢一個死貓¯_(ツ)_/¯ 上到小三，我下定決心唔會再笑，唔想再認識新朋友，唔想再畀人有機會利用自己。 呢個狀態直到去小學畢業，我都未完全脫離。 小妹人格係典型esfp ，係嗰種活潑開朗嘅人，只可以話呢一件事對我打擊實在太大，直接成個人外向變內向(･–･) ——————————————————— 好多謝大家睇都呢度~

#NSS學校 [Guest] 小妹今年F4，喺一間band 1直資英中讀緊。 自從升上中學後，我一直都好想逃避自己小學。我唔知係咪價值觀同埋習慣問題，周圍人都對讀直資中學嘅人感到奇怪，覺得我哋都一定係有錢人，而且學校因為培養學生品格同埋自我，會實行一啲其他學校唔同的教學方式。我哋今年啱啱揀完科，對上一次校友會我已經唔想返小學，到最後都係被逼參加。去到老師同學都問我揀咩科，我自己讀理科 好自然亦就咁答，點知我啲小學同學開始笑我話係靠錢買返嚟嘅，自己唔需要付出努力。 而我亦都算，反正唔需要成日返去，冇理太多。點知有一次我同小學2個frd 去gathering，話飲奶茶，點知佢哋order完之後話自己冇錢要我出錢，話乜讀直資肯定有錢啦，唔請太小氣。 其實問心講句，你哋唔覺得自己做人好失敗咩？成績自己hea唔溫書，走嚟笑啲認真嘅同學。咁厚面皮要人請你，唔慚愧咩？ 純屬發洩 希望admin po ig🤧 sorry for 1999