#NSS學業 [GUEST] 小妹今年f2 數學嘅成績麻麻地所以就俾阿媽逼咗去間補習社到 我阿媽話呢間補習社有好多同學嘅家長都有介紹 話個老師教得好 而且係針對我間學校嘅嘢教 於是佢就幫我報咗名 我自己一開始都覺得ok嘅 係真係明多咗 但係上年開始 就乜都唔明咁 問又問過 功課又做齊 但都係唔明個補習老師講咩 （個補習老師教嘅同學校教嘅有時會唔同 一次過學兩個topic有啲困難） 加上學費唔平 連我啲frd都覺得既然依家補呢間冇用 不如用啲錢去搵過另一間補 無謂浪費時間同錢 之後我上年10月到就同我阿媽講講不如補另一間 但係佢好堅定咁話「呢間個老師我同佢傾過計 佢教得好好㗎 好有心教啲學生㗎
#NSS個人 [GUEST] 小弟今年f4, 由中二開始對science好有興趣，成日都好想知每個現象背後嘅原理，次次上science堂都好high, 咁當年已經決定咗大個要做科研，大學要讀science, 而家嘅electives係phy chem bio m2 我今年一直都好開心，因為終於可以告別我唔擅長又冇興趣嘅文科，而且日日返學都有我鍾意嘅science同數學堂，冇晒我唔擅長嘅科，我嘅成績亦都進步咗，滿足感大咗。睇返學校往年嘅數據，以我宜家呢個排名 (band1A大概全級頭30%)，係穩入大學甚至三大 (當然有啲不確定因素，不過根據老師年年嘅講法，的確係穩入三大)，而且science又唔係神科，只要我dse正正常常，就應該可以入到。 但係，我最近冇嘢做去搵資料，發覺science收生入數多到不得了，加埋啲non-jupas嘅人，真係好多好多人。我check過，學士畢業要做研究人員並唔容易，多數要係碩士畢業先會請，要喺咁多人之中突圍而出讀到碩士，應該係非常之難嘅。我唔覺得我有咁嘅能力。 除咗能力問題，香港嘅科研資源嚴重不足，想做研究真係非常之難，就算真係研究到啲嘢，又有人重視咩？因此科研行業工時長而且人工低，討論區唔少人都話讀完science, 多數都唔係做番相關嘅職業，就算係，都係去教書。我比較內向，而且有時都會教同學做功課/講解concepts, 我真係唔係幾鍾意做老師。 我真係對science有種熱愛，對做科研有種憧憬，呢個係我嘅夢想。其實係我擔心得太多，定係想做科研人員真係一個不切實際嘅諗法？希望大家比啲意見 可能有人會話搞掂dse先啦，不過喺忙碌嘅f5-6之前解決呢個問題好似好啲？ sor for 1999 唔該晒admin
#NSS個人 [Guest] （長文）首先做少少背景簡介，我有兩個close frd，係度我叫佢哋做X 同Y。至於我父母嘅管教方式，可能同其他人有啲唔同。例如我可以出街嘅次數，就比其他人少。有時出去或者返屋企通常都要大人（工人姐姐）一齊，不過呢排都多左自己一個返。呢啲野我之前都有啲介意，但係我父母係注重講道理嘅人，我都明白佢哋點解會咁樣做，雖然介意但係冇不滿。 咁我接受左呢件事就會慣咗啦，X 同Y都慣咗，但係呢排我就覺得好似發生咗啲轉變。 有一次我、X同Y一齊出去食飯，咁我就間唔中會whatsapp 父母話我係邊，影吓相咁。呢個係習慣亦都係話比佢哋聽我安全。走嘅時候我同XY 講拜拜，X就加左句「返到去記得話俾我哋聽呀」，跟住大家係到笑。咁我個陣覺得冇乜嘢，但係返到去就覺得有啲反感。第一，個度係商場，係公眾地方，佢隔住四五米喺度嗌，都唔係咁好啦。呢樣都算啦。第二樣嘢就係佢嘅語氣。佢咁樣講好明顯就係對住我平時嘅習慣嚟講，佢仲要用一種有啲取笑，好似扮緊我父母嘅語氣去講。咁我就覺得有少少唔尊重我父母。雖然我父母嘅管教方式有啲唔同，我從來都唔覺得呢樣係一件令我不滿嘅事，X 嘅父母可能比較自由，但係唔代表可以攞呢件事嚟好似取笑我咁。 有另一次，因為而家疫情越嚟越嚴重，要放暑假，咁我哋就要返學校攞嘢啦，咁我就同我阿媽一齊返去，算係跟住我之餘亦都可以幫手攞啲嘢。咁就嚟返到學校，對面街就有人無啦啦勁大聲嗌我個名。咁我唔使望都知道係邊個嗌緊，嗰個人就係X，而Y喺佢隔離喺度笑。咁就嚟行到學校門口，咁我哋就距離近啲，跟住佢就講左句「我哋陪你行到呢度啦，拜拜」我都覺得佢地好人嘅，特登兜返轉頭佢等埋我先走。但係，佢又一次用嗰種語氣，令我覺得好反感。我阿媽就係我隔離，佢就用個種語氣去講，雖然我阿媽唔知X有少少扮緊佢，但係我都覺得佢好唔尊重。仲有，佢又一次隔到鬼死咁遠勁大聲嗌人，雖然今次條街冇乜人，但係唔通冇人就代表可以咁？佢可能係一個比較開放嘅人，但係咁樣做都始終有啲失禮。 雖然我哋做左frd好耐，呢啲只不過係一個好細嘅事件，但係對我嚟講都算係好突出。X平時比較認真嘅語氣，絕對唔係咁。佢有時都用呢種語氣同我講嘢，搞到我好似成個細路咁。我係就係為人比較衝動心急同埋自尊心有啲高（個人認為），但係我有努力去改，何況呢樣野唔應該由佢管。好啦，有少少離題。 講返重點。我想要嘅嘢好複雜咩？唔係。其實好簡單，我只不過係想XY尊重返我父母嘅管教方式，我父母可能比較”嚴格”，但係唔代表我冇自由，只不過係冇咁”表面上”嘅自由，XY冇咁易睇到咁解。仲有，我父母唔係唔講通理嘅人，唔俾一樣野都會講到明點解，有一個合理嘅解釋(我覺得呢樣嘢好好）。我覺得XY (尤其係X）好似停留左係「唔得」呢件事，睇唔到背後嘅原因，覺得點解我都咁大個人囉(佢地觀點），點解唔可以好似佢地咁自由。我都明，但係佢地表達出嚟嘅方式就未必咁好。 我都想同佢地講我想要返少少尊重，但係以佢地嘅性格我覺得佢地唔會認真看待呢件事。究竟我應該點？
#NSS家庭 [Guest] 我真係理解唔到點解啲家長咁鐘意因為好小事就鬧自己仔女。應該好多香港嘅學生都同我一樣習慣晒，但其實佢哋用正常嘅語氣講唔得咩？跟住比佢哋鬧完之後喊又要比佢哋鬧，成日就問喊咩喊咩，喂大佬比你鬧完唔開心喊吓都要你批准？ 其實我本身都因為習慣咗所以覺得無咩特別。但因為疫情嚴重令到我出現咗少少情緒問題，個人好易唔開心，但因為我本身唔會特別同父母分享呢啲所以都冇講。我阿媽乜都察覺唔到，咁其實我都唔奢求佢會，不過呢個唔係重點。可能因為有少少情緒問題，所以就更加在意阿媽嘅粗聲粗氣，本身心情已經唔好，俾佢鬧完就更差，跟住自己匿去廁所喊。講真如果啲家長好聲好氣啲仔女都會聽你話D，但佢哋就硬係要好惡咁講，跟住又唔俾呢樣唔俾嗰樣。 Sorry for 1999🥲🙏🏻