—類投稿

#NSS個人 [LC] 想同個男仔做個朋友，但佢好似開始避開我。 我今年F4，囡嚟嘅，係個內向又有少少社恐嘅人，冇身材冇樣，係學校通常都無乜點出聲，係安靜嗰一堆人。 相反，佢好外向又識照顧人，人哋話佢唔靚仔，但係我覺得佢其實幾好睇，另外佢同所有女仔都挽得好好，可能係因為溫柔。 咁我就唔知點解有日又突然間變開朗左好多，同好多人傾到計，就同開始佢有少少話題。 一開始同佢傾計都幾傾得。 所以我就一直想揾佢傾計，見佢唔鍾意自己個樣，就話佢靚仔（尼個出於朋友之間安慰同真心，唔係表白，但人哋話我似中意人） Wts 入面基本上係我揾佢傾計，我結束話題，佢永遠都係已讀不回。 我心諗佢點解咁樣（其實我唔太鍾意人地成日已讀不回我，一兩次或者禮尚往來果啲唔緊要） 但係我又忍唔住手想揾佢，因為當佢係朋友，成日有啲趣事想揾人講所以就同佢講。 而佢好似越嚟越想疏遠我。 就例如係前一排我想同佢挽遊戲，我成日都有搵佢，不過平時都會有其他女仔一齊挽，佢嗰陣會開咪講嘢，有講有笑。 不過佢同我兩個人一齊挽，唔出聲，但係有開住咪。然後一個同佢成日挽既女仔入左黎，佢就即刻開聲講嘢 所以我問左嗰個女仔同佢單獨挽，佢會唔會唔出聲，結果答「佢同我挽好多野講」 我唔知啦，我就問私底下問佢係唔係討厭我，佢又話討厭我就做唔到朋友 但係我feel 到佢好似唔係好想同我做朋友。 例如係學校入面同佢傾計，如果係同時間有我同另一個女仔，佢會對我比較冷淡。 就好似有日，你同另外兩個女仔做同一件事，佢行過黎問佢地兩個做緊乜，但偏偏唔會問你。 佢會選擇性咁忽視左我。 所以佢究竟當我係乜？ 唔通得我自己當佢係朋友？？？？

#NSS個人 [Geust ] 第一次投搞,sor for 1999 小女中二小六就開始有恐男症,一個異性朋友都冇。次次同男仔交流都好驚,大腦一片空白,最多都係問問題WhatsApp借功課抄。 次次坐巴士都好驚會有男人坐埋嚟,真係有男人坐埋嘅話會攪到我勁緊張,過一陣先平復到心情。 由細到大得一個男性朋友不過而家絕咗交,同少少hi bye frd。不過我冇話憎男人嘅,冇覺得佢哋異類個啲,平時都有睇動漫漫畫啲仔仔。想問點解決,唔太想睇醫生,聽講好貴qq而且我都唔選太嚴重(><)。

#NSS個人 [Guest] Sorry for 1999 小妹 form 2, 最近自己啲奇怪嘅習慣比平時更激烈，想問下大家意見。 1.我宜家就算係屋企冇事都會無啦啦去洗手，覺得隻手好污糟，幾分鐘洗一次。有時仲要洗成幾分鐘。 2.我成日都覺得會有人想入我屋企同大門冇鎖，跟住聽到有咩聲都要睇防盜眼，不斷問父母鎖好門未。夜晚一直都訓唔著，成晚都企係大門睇防盜眼，個心跳得好快好大力。 我而家已經好辛苦，想問下大家我究極咪事？

#NSS學校 [[PKC]] 純粹好奇~ 想問培僑書院點解高中同初中都有兩套校服(女裝)(好似藍裙紫衫同橙裙黃衫咁)? 係咪有得自己揀着邊套定係有乜限制㗎🙆‍♀️?

#NSS個人 [GUEST] 原本因為第一次Test同Exam好大壓力，去咗見社工，但係比社工知我想自s之後佢通知咗我屋企人，我開始越嚟越唔鐘意佢，甚至好抗拒去見佢，每次見佢我都講到我好正常、好開心/完全無事咁。其實我自問覺得自己唔嚴重，亦冇病，就係唔係點解有自s念頭（一時時）呢排社工係咁send啲減壓/放鬆活動既資料比我，我覺得真係好煩，我呢排因為放假已經好咗好多，我唔想再比send wts煩住，但係我又唔敢block佢，因為佢有我屋企人電話，驚佢dok我背脊。 Sorry for 1999 多謝你睇到呢度

#NSS家庭 [Guest] 話說小妹F1，讀緊Band 1A中學，有長期心臟病患。 最近成日喊，日日都俾屋企人鬧，都明佢哋關心我學業，但係可唔可以唔好去到咁盡？ 以前小學次次都全級頭五，好多同學都針對我，但係同屋企人講，佢哋淨係話我邊科考唔到九十分，俾人打到流血都唔理⋯我先意識到自己好慘。 依家中一咗大半年，上學期諗住試吓同學水平，結果全班第九，番屋企就當場俾人鬧同打，我都唔敢出聲，因為佢哋肯定會話我駁嘴。 頭先都講過我有心臟病，同呀媽講過可唔可以唔上體育堂，但係佢就無接受要求，淨係話我表妹次次A，即管我喊到死都唔聽，搞到體育考試包底俾同學笑我得F，唔合格。 其實我曾經因為太沉靜，轉介去精神科睇症，醫生面前我都唔敢講真心話。到依家所謂嘅暑假，學校俾三十幾樣功課，到四月中先截止，但係屋企人直接當我唔係人咁，一日叫我做十樣功課，我三日幾就搞掂，點知佢哋原來一早買咗三本大補充，每本七十幾頁，仲要每日廿五頁，真係當我機械人咩⋯ 雖然人哋話做大人都唔易，但係可唔可以從仔女角度諗下佢哋日日都受住俾人鬧到有自殺念頭嘅壓力？

#NSS愛情 [guest] 鍾意一個鍾意其他女仔嘅男仔

#NSS學校 [Guest] 是咁的,我想分享一下以前小學俾人bully嘅情形。 人物: 我(受害者),A(我以前BFF),B(欺凌者1兼青梅竹馬),C(欺凌者2), Miss D(p1,p5,p6班主任) 話說小妹依家中一,以前喺新界區某小學全級頭一二,揀學校時,為咗同B一間先會揀嗰間。一年級時,C已經做大家姐角色,佢同我一班,仲當面同主任講話我笑佢四眼田雞,個主任真係信,佢當面叫我同C道歉。講真嗰陣先六歲,連田雞係咩都唔知啦！但係我同主任解釋佢又唔信,結果就道咗歉。 嗰個Miss D又太溫柔,唔識質疑人,嗰陣好似先二十五六歲,仲要因為C扮乖,選佢做班長,結果惡夢開始咗。 第二次考完試,明知佔分重,C就喺派卷時話我改答案。我有成九十幾分,唔改都至少頭五啦,佢得七字頭,miss D就因為佢班長,證據都唔搵就咬定我有做,我都有反駁,佢就話佢對眼係證據,就記我過。 終於,A睇唔過眼,同我去搵miss D,老師就廢事麻煩,扣番個過。但係佢無話C,仲話佢一時睇錯,真係眼火爆。 好可惜,p1-p4我都無同B一班,反而B同C就一班咗三年,已經好好朋友,p2p3我就受好多人羨慕,但係我完全唔知BC單野,諗住開心過埋幾年。 到p5,B終於同我一班,一開始佢同我都會玩下,但原來C一早同佢講我壞話,仲叫佢打我,無知嘅我有一日番學就俾佢鬧… 佢狂對我講粗口,仲做足戲向miss D告狀,黑人憎嘅miss D嗰陣已經結咗婚生埋仔,不過性格無變,仲係幫曬人而唔幫我。 呢個只係開頭,去交流團我分到同佢同房,佢影我睡相,仲要成隻臭腳伸埋嚟,差啲整死我。有一日景點係一湖水,嗰度一條斜坡,佢就大嗌有鬼,成班人傻到當真,佢就奸計得逞,推我落條斜坡,跟我隻腳流曬血,仲入咗當地醫院。 老師一直以為我自己pk,完全唔知內情。到p6,期凌事件一直都係俾BC打同鬧,仲衰係有兩次A居然話咩都睇唔到,佢明明一直同我講佢有理據,搞到miss D以為我講大話,就係咁我哋無再傾偈。 依家中一,我雖然喺band 1學校,但係有個人話我有狐臭,全班就喺度笑我,同老師講都無用,真係頂唔順,點算?

#NSS社會 [HKMUA] 我同一個女仔fd係唔同日子，用 的士app call車 ，比同一個年輕嘅的士司機騷擾。 話說我嗰日夜晚call咗呢架車出去，然後個的士司機就講埋好似講溝女個d野，又透露自己買左的士牌！之後話我走嗰陣可以車翻我，車埋我出去遊車河個d。當然我無理到佢 直至我嗰friend 今日同我講，佢嘅經歷發現係同一個的士電話，佢同我嘅friend都係講埋差唔多嘅說話！ 之後發現原來佢呢幾日佢一直有無啦啦打電話過黎騷擾，同wts騷擾 然後佢都有wts騷擾我朋友 因為佢把聲都幾後生 我驚有女仔會中招 圖Link: https://ibb.co/1GKnGSx https://ibb.co/T05JcNc https://ibb.co/6wg5cnQ

#NSS愛情 [GUEST] 我放唔低佢。 是咁的，小妹我有個暗戀咗差唔多6年嘅對象。我地一直以來都係以好朋友/知己嘅關係相處。佢有功課唔識我會教佢，我想打機佢會陪我。本身諗住唔表白就咁一齊渡過中學生涯就算，但係之前聽到佢準備移民嘅消息，心諗如果唔表白就後悔一世，所以鼓起勇氣係佢移民之前表咗白。雖然佢好坦白咁拒絕咗我同埋同我講冇鍾意過我，但係我哋依家仍然會一齊打機，仲打得密過以前，關係仍然好好。 但係依家個問題就係我放唔低佢。我其實好想move on，唔再視佢為暗戀對象，因為我知道佢一直以來淨係當我係好朋友，我就算幾努力都好都係冇機會，再加上我相信佢移民之後會遇到更好嘅女仔，唔會特別留戀香港嘅人。但係永遠同佢打機嘅時候總係覺得好幸福、好開心；成日諗住佢幾時會call我，好期待。我淨係想好好咁放低佢，視佢為好朋友，再加上小妹嚟緊都要移民，我哋兩個嘅時差係打唔到機開唔到call，會少咗好多相處嘅時間。我唔想移咗民之後仍然掛住佢同埋留戀同佢相處嘅時間，所以想問各位有冇方法可以好好放低佢？