#NSS愛情 [Guest] 其實啲男仔心裏面係諗緊啲咩 男仔係永遠唔會明一個女仔成日喺度胡思亂想係有幾愛佢 唔會知道你平時同佢嘈交唔哄佢對佢冷暴力 佢一個人係點樣熬過來跟唔知道呢個女仔播吓佢嘅南哥同委屈同佢嘅失望告訴了你一次又一次你毫不在意嘅感覺 當佢已讀不會不讀不回 你知道佢係有幾難受 幾辛苦 當佢每一次電話叮一聲響 佢第一下係會覺得係你 佢想見你但係又見到你係好煎熬 其實一個女仔胡思亂想 係佢因為太缺安全感 你對佢同其他女仔一樣 令到佢每一次都好失望 但他都可以無條件咁去原諒你 對佢忽冷忽熱 不理不睬 你明唔明白係有幾難受 只要你一句嘢就可以影響佢成日嘅心情 佢難過嗰陣多陪陪佢佢已經可以開心全日㗎 你對佢講嘅每一句嘢他都刻骨銘心 其實佢都係父母眼中嘅寶貝或者公主 憑啲咩佢要喺度受委屈
#NSS家庭 [guest ] 我有陣時好想阿爸阿媽離婚，我嘅眼中入面阿爸係一個喺出面好outgoing,樂於助人,一個好錫老婆仔女嘅人，但係喺屋企，特別係weekend，工人姐姐放假嘅日子，佢一定會黑口黑面，叫外賣諗唔到食咩發脾氣，pizza hut個website 傻撚咗發脾氣，出街食飯間餐廳service 唔好嘢食唔好食發脾氣，簡單啲來講weekend 係成日發脾氣嘅時候 次次阿爸發脾氣阿媽都會同我講：佢係咁架啦，佢發脾氣代表佢身體好。係，佢係有長期病患、心臟病，咁就可以成日發脾氣咩？由細到大見到佢咁多次發脾氣，有一次佢發脾氣我記得特別清楚，個陣我好似係p3,4，個日我哋返阿婆屋企食飯，個睌啲嘢食特別正，偏偏我阿爸覺得唔好食，乜都冇食，當我哋成家開開心心食飯吹水，佢自己一個坐左係梳化到黑口黑面，我阿婆見到佢咁，就過去問佢：XXX（我阿爸個名）今晚啲餸好啱你食呀？我煮其他嘢俾你食阿？我阿爸講左句唔使就繼績坐喺梳化自己發自己脾氣，冇記錯嘅話我阿婆問阿爸個陣全部人係靜唒 。返到屋企之後我見到我阿媽去咗我間房同工人姐姐講，一邊講一邊喊（阿媽當我個工人姐姐係frd）個一個moment，我開始亂諗嘢，我會覺得如果唔係因為阿媽有左我所以佢哋先結婚，冇左我佢哋大家都開心啲、冇左我阿爸就唔會成日發阿媽脾氣、冇左我阿媽就唔會有咁多壓力，又BNO又阿婆病⋯⋯ 我好驚我第時同我阿爸一模一樣，少少野就發脾氣黑口黑面，我唔想第時結婚生仔我個仔/女會好驚佢媽咪成日發脾氣，同我諗一模一樣嘅嘢。 我鐘意嘅阿爸係會同我一齊食麥提莎，一齊打機，間唔中講下笑，偷飲我杯珍珠奶茶，偷食我個雪糕，同我搶梳化瞓，而唔係嗰個少少事就發脾氣嘅阿爸⋯⋯ 嗰個發脾氣嘅阿爸係令我由細到大冇安全感，成日亂諗嘢嘅人，呢個阿爸會搞到我好想快啲離開香港同阿媽係英國生活，咁我就唔使一到weekend 就驚阿爸會發脾氣⋯⋯ sor for 199 (´Д｀。)
#NSS愛情 [Guest] 小弟發現自己男朋友好似冇以前咁愛我…… 交一交代背景先，小弟既佔有慾係極高，係學校識咗個男朋友（一樣年紀）一開始頭個兩個月幾佢都對我好好，好少搵其他女仔傾計，又送呢樣又送個樣。但係之後個幾個月我發現佢係咁搵女傾計，跟住我係咁嚴刑逼供佢，佢又話冇野，跟住呢排係咁睇女。我一開始覺得冇問題佢gay架嘛，冇乜可能變直變得咁快，但係後黎呢個collar既誕生，我先發現佢原來鐘意collar個個candy仲多過我🥲。咁我唸過可能係自己之前逼得佢太緊，跟住我小咗搵佢傾計比空間佢。但係就係我比空間佢既呢段期間，佢直成不讀不回我，隔成幾廿個先覆個emoji，我有唸過同佢分手，但係佢又即刻瀨死唔肯分，畢竟我自己都唔捨得。 Sorry for 199 冇頭冇尾🙆🏻♂️
#NSS家庭 [Guest] 大家好！我係一個S1嘅女仔，仲有個成日問人拎錢嘅舅母。 前設：我呀婆生咗六個仔女，我呀媽最大，有三個妹兩個細佬，計埋我媽，有五個嫁咗人。 我嘅細舅父係做警察，佢之前已經係A3，唔知點解佢咁得閒玩交友app，分別識咗兩個韓妹同一個本地人，至於點分手，唔係重點。 佢好似唔盡忠職守咁樣，做差佬都可以成日灘係屋企撩女仔。終於識到個勁樣衰嘅肥妹。 嗰個肥妹都係有腦，拍咗拖三個月就同我舅父講，可唔可以分我呀婆間店嘅股份俾佢，我舅父話唔到事就去問佢呀媽，咁我呀婆又重男輕女喎，直接應承。 咁先係開始，個肥妹成日問我呀姨同埋舅父攞錢，我呀婆仲傻更更，叫佢哋攞得幾多得幾多，咁我作為中間人，一早知呢個係伏，但係佢哋連十幾歲嘅我同表姐都唔放過，開始叫我哋出錢。 佢係咁叫我哋打麻雀，仲出曬千咁，無幾耐就食大四喜，我哋梗係輸晒啦，一晚無咗三千幾蚊儲蓄。 過咗幾個月，佢要求我舅父同佢結婚，但係無擺酒淨簽紙，之後仲有咗。 生咗仔後，嗰個肥妹仲狼死，係咁叫我哋買大禮俾佢個女，我哋未出聲佢就話至少要一千。 當時真係頂唔順，我儲咗八年嘅一萬蚊無晒，你估佢真係做到百萬富翁咩？我呀姨唔想做都要夾硬開間水晶店倒貼佢，為咩呀？
#NSS個人 [GUEST] 長文！可能會講到九唔搭八咁，但都希望大家唔好太mean🙇🏾♀️ 小妹form 4，讀band 1學校，但係就成日比老師話我係一個讀緊band 1學校嘅band 3學生，其實我都明點解會咁話我嘅，就係我懶又成日遲交功課，上堂玩電話之類呢啲，直到有一次比人話我究竟係憑乜讀到入去，我真係重新由頭開始睇返自己去到依家嘅人生。 小妹一啲都唔鍾意屋企人，3歲未夠父母離婚，之後跟左阿婆個邊一直到依家，因為父母離婚個陣我仲好細個，details係咩唔太記得，淨係知道自己個陣就係因為呢件事而有自閉症，又變到去到4歲都唔識講嘢，唔識喊，無感情嘅一個小朋友，一直去見言語治療師，直到小學三年級先好返。而且，父母離婚後，我只可以一個禮拜見一次阿爸，而去到依家幾乎一個月見唔見到一次都成問題。至於點解我唔鍾意屋企人，父母就係因為離婚所以帶比我嘅傷害太多，而且父母兩家人都淨係將我當係一個讀書機器，為嘅係我可以讀大學，比佢地攞出去同啲frd威吓，可能你地會話係為左我好，錯啦，我係直接問過佢地，而佢地得呢個答覆，所以我小學讀得好辛苦，一定要全級頭10，再加上每日都補習補習同埋其他課外活動，最終係6年班個陣搞到有胃病直到依家都有，每次胃痛都要住院嘅程度。 去到中學，我原本以為會好啲啦，始終入左band 1學校，但係屋企人繼續不斷逼我參加更多補習，要老師每日留我堂，我真係讀到好想死，我咁辛苦讀只係為左幫佢地可以係佢地啲frd面前威返吓，我根本就係個公仔，而且我有兩個同母異父嘅細佬，細佬做錯嘢或者整到就第一時間賴我然後鬧我，甚至直接打我，佢地心情唔好就鬧我，我都係一個人，我都有感情有底線㗎… 當我絕望到想放棄人生嘅時候，我同左個男仔一齊，但係半年後就分左手，其實係比人屈我，跟住拆散左我地，個陣我係第一次真心去愛一個人，但係個男仔寧願相信拆散我地嘅個兩個人，都唔肯相信我，我亦都因為放低佢而用左接近3年嘅時間，而係上年8月，我打機識左個男仔，佢讀band 3尾嘅學校但係運動好好，而且佢對我都好好，而幾個禮拜之後佢就同左我表白，佢係初戀，但係佢好溫柔好貼心，一開始係網戀，到之後出左街見面，就現實拍拖，拍左4個月拖，每日都好sweet，雖然可以陪到對方嘅時間其實好少，因為佢每日都練波比賽，我都體諒佢明白佢嘅因為我都係校隊，直到12月18號，個日我阿媽問我前幾日同我出街嘅男仔係邊個，屋企人唔係唔比我拍拖，但係我一講話我拍拖嘅話就會限制我更多，所以我寧願唔講，但係比佢知道左，我無辦法唔講，我唔想再俾人打俾人鬧，直接話係男朋友，佢問咩名讀咩學校我照答，而且叫我帶男朋友返屋企見下佢，我個刻真係好驚，以佢地咁嘅性格再加上阿媽同繼父係個啲古惑仔黑社會，我唔知佢地會點對男朋友，所以我同左佢講，男友話驚尷尬所以唔係幾想去，而且亦都為左呢樣嘢我地講左好耐，最終和平分手。 好多好多嘅第一次我地都比左對方，當然無扑過啦放心，ex嘅兄弟都有特登加我Ig同我講話幫我開導下佢勸下佢，始終佢第一次拍拖，第一次真心去愛一個人，有好多嘢唔知點做，我好多謝佢地，但係我已經唔想返轉頭，已經放低左好多，所以我選擇離開過去嘅甜蜜，我知你地有睇呢個page，所以係度多謝你地嘅好意。 最後我阿媽知道左我地分左手，佢係度笑我無用，笑我廢，連一個男仔都留唔住，講左一堆難聽嘅說話，之前嘅我仲會覺得難受，但係呢16年黎，呢啲說話我已經聽得多，習慣晒，麻木左，我唔再係個個任你地擺佈嘅公仔，我唔想讀大學，我根本就唔鍾意讀書，我想好好咁學煮嘢食，繼續提升沖咖啡嘅技巧，我想去做我鍾意嘅嘢，我一直都唔明白點解2個band 3尾嘅黑社會會生左一個band 1嘅女出黎，我羨慕身邊嘅人都有一個完整嘅家庭同埋有對佢地好嘅屋企人。 可能有比我更差嘅屋企人，但係將自己嘅仔女當係公仔，工具人，所經歷過嘅真係好痛苦好辛苦，我唔知幾時先可以離開呢個虛情假意嘅屋企，我亦唔知幾時先可以有一個會認真陪我嘅人，但係我扮一個乖乖女已經扮夠，我本來就唔係一個乖嘅人，我只係想做返自己，我希望如果有人同我一樣或者類似嘅人，求下你地，即使依家唔一定可以擺脫呢啲嘢，但係希望你地可以有一個可以做返自己嘅心，而唔係做人地嘅公仔啊！🥲 最後嘅最後，多謝佢嘅兄弟幫我，亦都多謝ex之前對我嘅好，溫柔，包容以及一切嘅嘢，唔好再成日唔耐煩，打機打到發脾氣啦，輸左咪飛電話飛落地下，打波比賽即使贏嘅機率好微都一定要盡全力，認真去打，唔好留下遺憾，多謝你啦wsl🧏🏾♀️
#NSS愛情 [HKUGAC] 請問拍緊拖嘅ching認為有穩定男/女朋友嘅人仲用IG follow其他靚女靚仔，同佢哋傾計係乜想法？ 小弟今年16，有個拍左半年拖嘅女朋友。但我並唔靚仔，又黑又瘦，得168cm。我女朋友好靚，條件好，人品還好，都算完美。我自己蛤蟆食天鵝肉，好自卑。 有好多男仔會request佢，甚至Dm佢，留言喺post下面。我叫女朋友剷，但佢以出於禮貌爲由，冇剷。有一次有個我認識嘅渣男follow時，叫佢unfollow，佢竟然鬧我，話唔俾佢識異性朋友。其實我唔介意佢有異性朋友，但要係學校入面嗰d。佢現有嗰啲全部賤男，但佢仲話如果逼佢同啲賤男斷聯就分手。 宜家佢同我鬥氣，日日Ig search男仔lg名搏cls，仲主動Dm。。。 但我為咗俾安全感佢，同所有女仔(包括同學)斷絶非必要聯絡。。。 我只係想要番少少安全感 — 一段關係變好需要既野。想佢同所有男仔(包括同學)斷絶非必要聯絡。。。
#NSS學校 [GUEST] 我喺協恩中學嘅學生。本身學校出名多功課，今次假期有二十幾樣，真喺多到一個點。 如果計功課多，佢應該係全港數一數二嘅學校喇。 其實今次嘅假期， 我哋係咪淨係可以讀書呢? 可能有啲人會話名校嘅學生又玩得又讀得。 似乎學校畀咁多功課，到時我哋溫書嘅時間好少，何來成績會好呢? 其實大家對學校嘅功課問題好頭痕，學校亦都冇正視過呢一個問題。 學校淨係識得畀功課同埋一大堆測驗畀我哋， 可能好多同學都會連平時放鬆同埋閱讀嘅時間都冇咗😢 同埋，我都想講一講呢度嘅揀科安排。我有其他朋友讀唔同嘅中學， 佢哋已經一早喺九月講咗揀科嘅安排， 學校到而家先開始有少少決定。 明白學校可能一早未可以整咁多資訊畀我哋， 但係係咪應該有責任一早同我哋講，咁大家可以做多少少準備呢? 最後， 我都想講返呢度嘅老師走得好犀利， 請咗好多新老師。但係教成點，相信大家都心裏有數。 當然有少部分都係教得好嘅。身為學生，我認為師資係好重要嘅。 其實我都好唔開心，今年遇著一啲唔係咁好嘅老師， 加上之前返全日，我真係冇咁多時間溫書。 結果考試都係一般般，我真係驚揀唔到自己想揀嘅科。 對於老師嘅問題學校係咪應該都要關註一下呢? 唔好要啲學生出去自己搵支援，咁我哋返學嚟做乜嘢啫?