#NSS個人 [GUEST] 我是一名有躁鬱前兆的中度抑鬱症 我都無想像過中二，13歲就會患中度。其實我一直都好怕自己會變成躁鬱，深知躁鬱唔好醫。一開始確診入左兩次醫院，我一直覺得醫院先可以比我休息，幾日就出來依舊無好轉。同爸爸媽媽講，佢哋第一件事就係好大聲同我講：知唔知你入醫院，最辛苦個個係我地？我地咁俾心機保你出黎唔比你入精神科醫院，你而家同我講想入？你係咪想你媽辛苦到死先安樂？放過我啦囡，你遲早都會好翻架啦，抑鬱可以抑鬱幾耐。 12月醫院出返黎，好似一切都無發生咁繼續嘻嘻哈哈同朋友，家人過聖誕。個時，我連自己都唔知我係扮緊開心。辛苦的時候完全喊唔出，真係好辛苦。新年開始覺得面對各種親戚好疲憊，唔想面對佢地，但唔想被爸爸媽媽發現我又復發，所以好多次都係硬上，假笑。我以為我出院的時候已經好返好多，由之前辛苦到追星都無力氣，到而家，認為追星係我唯一的救贖。其實唔係變左好多，最多咪聽佢地的歌終於可以喊得出。但我覺得作為佢地既粉絲，係一個抑鬱症想自殺既病人，我覺得好丟臉，又係一種壓力。 直至網課，我困自己係間房度上堂，有時要開鏡頭就扮開開心心咁，一關鏡頭我就喊 一直喊。我淚點比以前更低了。想抒發情緒，但夏天又唔可以介手，爸爸媽媽係屋企無得放聲喊，大叫。必理痛無得賣，醫院開的抗抑鬱藥食得多會卡曬係喉嚨，又無任何反應，所以根本無地方發洩。加上而家入醫院又唔太好。其實見到媽媽因為委屈可以喊得咁大聲，爸爸又會寵住佢，我好羨慕佢。 成日見到某些famj扮抑鬱，記得個時佢同我一個同樣都係抑鬱症既朋友講：我都想抑鬱。點先可以好似你地咁入醫院？ 我聽到第一秒係想爆粗。如果你真係試過抑鬱症你唔會覺得型，你會想死多過周圍曬自己有抑鬱症。 而家全部野都係網上進行，同社工，同老師講都無用。根本無可能有實體行動。加上因為我之前自殺傾向比較嚴重，醫生唔允許我自己留係屋企，一定要屋企人係屋企陪著我。我一直都好鬱悶。幾個鐘解唔到幾條題，個腦好混亂，集中唔到。跟住就會唔出聲咁喊，係咁用力咬自己，撕算草紙，唔想比父母知我又發作。其實我覺得自己好失敗。我開始有幻覺。明明個個都戴口罩，但我一見到人，佢地好似個個都恥笑緊我咁。係好恐怖個種咧嘴笑。我真係好驚，好無力。我應該點算好？ Sor for1999
#NSS學校 [Guest] 其實多疑有冇錯 我依家f3，本身就有堆friend，有時會一齊打機，有幾個特別熟，f1識落，有其中兩個就移左民。我之前都有同其中一個朋友嗌交，下稱A，之後算係和好，但係冇之前咁friend。咁我同A仲有名外兩個朋友比較熟，下稱B同C，f2嘅時候一齊玩開，但係我同A嗌交，f3又唔同班，所以少左啲聯絡。我最近發現ABC三個佢哋一齊打機同傾電話唔預我，唔止一次，A同C仲開左個冇我嘅group。我嬲起上黎就同C埋怨左少少，跟住佢就嬲左我。我同B都有傾過，但係佢好似冇心排擠我，所以我仲有聯絡佢。我依家同A同C絕左交，但係佢哋就係大group，即係有好多其他friend嘅group度寸我，仲有啲佢地嘅friend加入鬧我。其實我好多疑，又容易呷醋，有時我都覺得我好黑人憎。我都唔想咁多疑，偏偏我就係咁敏感，我自己都好辛苦，但係唔知點解我唔係好信任人，有人話過我係被害妄想症，有冇方法可以令我同我啲friend（仲當我係friend果啲）好受啲？ Sorry for 1999 求admin po ig thx
#NSS學校 [CFSS] 由2月開始，一直都睇到有師兄師姐有投稿鬧學校，有部分真係無理嘅投稿，無可否認學校嘅政策一直都令學生好不滿，小妹今年中二，希望將學校真正嘅問題講出嚟，小妹自認自己嗰級嘅學生同老師質素越嚟越差，學期初嘅一次ICT小測，竟然有兩班一齊作弊，全級所有中二學生放學後被要求比助理校長,副校長同校長訓話，但係現場5位校長係指責學生影響學校聲譽，而唔係指出同學嘅錯誤，講返自己班，有一位嚟自大陸嘅同學，經常喺課室撩事鬥非，與同學意見不合就出手打人，放咗學就流連喺酒吧，與無數女仔發生關係，喺學校同佢講過野嘅女仔都可以話係佢女朋友，包括小妹，小妹真係好大壓力， 另外喺上學期嘅考試，中文科出卷嘅老師可以成個部分，成條題目出錯，竟然冇一位老師發現，而喺收卷前35分鐘先發現大量問題，完全冇同學有時間去研究題目嘅錯誤，亦導致有好多同學考得好差，而呢件事根本冇一位老師回應過，甚至有老師認為係學生能力差，呢個就係中華基金中學嘅問題，之前校長都上節目接受訪問，講到學校有幾好，希望學校可以正視呢啲問題。 Sorry for 1999
#NSS個人 [GUEST] 介紹返背景先，曾經係一個嚴重依賴遊戲嘅女仔，呢件事我冇同任何朋友講過，想同大家分享吓我嘅經歷。 – 大概五年班嗰陣，第五人格喺我哋學校係一個非常流行嘅遊戲，我見大家玩自己唔玩就會跟唔到話題，所以我就跟住佢哋download來玩，呢個時候我都未算沉迷嘅階段，都係日日放學之後打一陣就開始做功課。 – 但係去到六年班開學嗰陣，情況開始惡化，我見到ig好多版主都有好多skin，自己嗰陣時又係新手，嗰陣時我又俾人bully緊，我好想逃離現實，我好渴望得到人嘅認同，所以我就開始用零用錢課金買skin，開始做一個版主，post 自己買skin嗰個record上去得到大家嘅認同話你好有錢。 – 我咁樣洗自己D零用錢，好快就會冇晒，加上我阿爸阿媽因為呈分試所以嚴格管控我用手機，我開始偷阿爸阿媽錢課金，半夜就偷偷地去阿爸阿媽間房攞部手機打通宵，一度嚴重到上堂瞓覺、功課又亂做、呃阿爸阿媽出去買嘢事實上係買點數卡、睇唔起啲冇skin嘅同學、掛住打機街都唔出嘢都唔食。 – 當然紙包唔住火啦，去到六年班下學期嗰陣佢哋發現咗我偷屋企錢課金，差啲搞到要上差館，我瘋狂喺度道歉，阿爸阿媽最後收咗我部手機一個月。 – 經歷咗依件事，我想同大家講，遊戲係可以玩，好處係有好處，壞處係取決於你點樣去對待佢。我而家已經戒左遊戲癮，delete埋個game，唔再沉迷喺虛擬嘅世界入邊。如果依家有相同經歷嘅你，或者你偷緊屋企錢去課金，請記住三思而後行，呢個世界仲有好多美好嘅嘢值得你去體驗，唔好過於沉迷入去遊戲入邊。我到而家今時今日諗返起呢件事都覺得自己好蠢，點解要將自己嘅時間浪費係呢啲咁嘅垃圾遊戲上面。 Sor for 1999 Thx admin po ig❤️🙏🏻