—類投稿

#NSS文化 [GUEST] 這篇文並不打算像公開試那樣寫著千篇一律的廢文。 唐宋時期，人才輩出，不少詩人、作家的創作流傳至今，乃文學瑰寶，流芳百世。 再到後來19世紀，不少作家一舉成名，奠定現今文學的基礎，為後世人所敬仰。 21世紀，萬物皆快速成長進步著，其中也包括文學，例如日本、中國、歐洲國家都有許多名著，《三體》、《解憂雜貨店》、《追風箏的孩子》等等，都是家喻戶曉的書籍。 然而，香港呢？香港文學沒落，這是我們無可否定的事情。一個人只有接受了現實才有可能改變局勢，這便要提及到香港的讀書風氣。 “填鴨式教育”，這個詞，大家不陌生吧，此刻或許你的身旁就有一份作業或是一份試題卷，背著答題格式，做著自己都不知道在做甚麼的題目，你學到了甚麼？我並非否定考試和教育，只是想說香港考試制度是一個破敗不堪的東西，且聽我娓娓道來。 作文之所以稱為作文，便是隨心所欲，得以用自己天馬行空的思想描繪任何人事物。但，作文竟然要背格式，這大概是我聽過最天方夜譚的事，說實話，我難以理解給作文附上格式框架的意義在哪，這和往一個人身上套上枷鎖無異。 我見過許多素未謀面的朋友在網上吐苦水，他們文筆優秀，我甚至認為他們有成為作家的潛質，他們由衷熱愛著寫作，我也認識一些朋友在網上發佈自己寫的文章，在交談中我得知他們也為自己的前途擔憂著，但他們為了不使自己變為一部考試機器咬牙堅持。 我相信這裏也不乏一些讀者曾經有過這個疑問：“明明我這次文筆寫得不錯，為甚麼分數卻不高？”以文學性手法在結尾留白，本應更顯一番韻味，在公開試卻變成了結尾不完整。 文學之所以有別於一般的作文，不在於一堆四字成語，也不是因為你用了很多修辭手法，而是在於你能否用最貼切的詞藻準確寫出你給讀者的寄語，思維才是根本上決定一篇文章價值的所在，一篇優秀的文章，它能反映當今社會現象，也就是人性和社會，並使人們反思，但公開試似乎像是說唱文化，喜歡提倡愛與和平？在公開試裏，他們可不喜歡你寫這些，我們的世界處處充滿鳥語花香，大家互助互愛，堪比烏托邦。 作文/文學是一種藝術，真希望有一天，大家都能寫著自己想寫的…

#NSS學業 [GUEST] 小妹f3，就黎要揀科，暫時淨係對雙史有興趣。想問下揀雙史嘅有冇咩意見or建議？兩科都揀會唔會好難handle到🙏

#NSS愛情 [GUEST=MCQUEEN] 小弟f1，開學嘅時候遇到一個自己鍾意嘅女仔，初初同佢發展得幾好，但後來唔知點解佢就唔鍾意我，我亦都唔知自己做錯啲乜，好掛住佢。

#NSS學校 [太廢學校] 標題：如果能回到最初，我肯定會加倍珍惜呢份友情。我會諗清楚每一件事嘅後果。 -文筆唔好，還請各位見諒🙇🏼‍♀️長文慎入，希望各位會堅持睇落去🙇🏼‍♀️🙇🏼‍♀️。 如果你睇到呢篇文，我都係想同你講返聲好對唔住。 今年F2學生，小妹自認性格內向，唔鍾意人多。人多只會令我覺得緊張，所以我係根本「唔入群」。冇乜朋友。 F1嗰時，我開學三個月，我一個同學都未識到，見住周圍人融入得咁快，真係好羨慕。有一日竟然有人主動搵我傾計，呢個人亦都係我F1生涯「唯一最好朋友」。我稱佢為「C」 我做咩事都會搵佢傾，無論功課、討論、趣事分享，傾訴之類。久而久之熟得好快成為咗「最好朋友」。F1學期完嘅時候，暑假我哋都一直Keep住聯絡。事情真正開始係喺F2。 F2嗰時，我唔小心爆咗C嘅秘密出去，係一個真係極度重要嘅秘密。可能因為同對方友誼關係太好，我總係會變得好無分寸，我就開玩笑地喺Instagram動態講左呢個秘密出去。我冇諗過之後會變成咁。第二日我落堂小息搵C玩，諗住叫佢一齊落去小食舖食嘢。但佢唔想，亦表現得唔耐煩。我起初只認為佢係心情唔好，無諗過會係因為琴日嗰件事。嗰個秘密真係好大，更關乎人哋會點樣睇佢。C係一個好在乎周圍人對佢嘅眼光同評價，由佢唔耐煩嗰一刻開始，我已經感覺到唔會再有朋友做。 當日佢全日都冇理我，放學返屋企我即刻Whatsapp同佢道歉，但係已經無用，佢發咗個「哦」俾我，之後就已經block左我。我真係為自己做嘅事後悔😞 事隔咗好耐，有四個月左右。但我都係認為呢份友情好珍貴。我知道自己做左一個好大嘅錯事，但係，可唔可以俾多次機會我，我哋做返frd，一齊癲做姐妹. 多謝各位用心睇完呢篇文。最後我想講，做任何事之前都要諗清楚前因後果，真係會因為一啲事而失去一啲嘢。多謝咁多位會喺咁多篇文度睇到我.

#NSS個人 [GUEST] 大家好，小妹係06，12月嘅時候同屋企人移民咗去外國。 是咁的，最近我覺得自己情緒開始有問題，唔知係因為壓力大、環境因素、冇朋友定係咩，夜晚嘅時候會經常性喊，甚至有陣時會掟嘢、傷害自己、或者攞張被琴住自己大嗌，我唔知我點解會咁做，純粹就係嗰一刻自己做咗嚟啲嘢出嚟，然後不斷喺到折磨自己咁，成日捱夜令到自己好攰。 我有一個大我3年嘅家姐，佢開始察覺到我有問題，問我係咪唔開心，點解成日自己一個閂埋門喺間房到，我同佢講話覺得自己情緒開始有問題，家姐就覺得我有啲抑鬱咁，佢話佢好想幫我，但係唔知可以點做。我唔敢同屋企人講，一嚟屋企人其實察覺到我嚟外國之前同嚟外國之後嘅分別，但係佢哋只係覺得我喺到發脾氣，二嚟我唔想增加佢哋嘅負擔。 喺度想問吓大家我應該點做，希望大家可以比啲意見我，多謝你睇到嚟度。

#NSS愛情 [Guest] 我想問下各位有關感情嘅問題🙇🏻‍♂️ 小弟依家year1，係中四果陣開始鐘意佢，但係因為當時我有少少肥，所以都唔係幾敢接近佢(雖然初中嗰陣都有同佢玩算friend)，咁我中五嗰陣就開始有健身同減肥可以見到自己瘦咗先開始有啲勇氣嘗試接近佢 過程當然就好似一般嘅曖昧咁 都係同佢由日傾到晚，有時又同佢打機或者以關於讀書嘅嘢去搵佢傾偈(因為佢成績幾好) anyway我哋對話嘅內容成日都好曖昧 我唔知係我自作多情定係點啦但係當時我認為佢都係鍾意我？有一次放lunch嗰陣因為我有嘢忙所以我叫佢幫我買飯不過佢唔記得咗埋我個份所以佢叫我同佢一齊食佢嗰份，仲有次我同佢出去飲酒佢話佢飲唔晒叫我飲埋佢(正常嘅人應該唔會share自己嘅口水比異性朋友？可能當時我仲係傻仔唔識諗嘢所以我覺得佢可能鍾意我？) 我有friend同我講返當時佢同我個friend講話我幾靚仔，跟住有一次佢去唱K就喺Story 鋪上IG話點歌嗰啲，跟住其他人點嗰啲淨係唱咗一兩句而我點嗰啲佢唱晒成首。可能就因為係我傻仔，見到以上嘅情況就覺得自己好特別，以為佢都係鍾意我 咁我就喺佢生日嗰日以慶祝佢生日為由約咗佢出街，同咗佢表白，跟住就收咗皮😂佢就同我講話想讀書唔想拍拖結果一個月後佢有男朋友 咁呢次經歷就搞到我心入面衍生咗好多問題希望有經驗嘅人可以幫我解答到 返到而家啦我已經鍾意咗佢四年。老實講我對佢嘅愛意一直冇變過，嗰種感覺搞到我對其他人都完全冇興趣，淨係有想同佢長相廝守嘅念頭(唔好笑我😂)搞到我依家除咗佢之外冇鍾意過其他人。即使知道我同佢已經冇可能，佢唔會再有未來，但係我真係鍾意唔到其他人，差唔多隔幾晚發夢夢到佢咁，我驚我之後成世都係單身 有冇有類似經驗嘅師兄有解決方法可以令我唔在喺感情嘅路上迷惘？ (女人呢種生物我真係搞唔明)

#NSS個人 [guest] 小妹冇咩朋友 ，而有個識咗幾耐嘅朋友，每當我做嘅嘢佢唔鍾意就會係咁煩住.佢一時又話好憎我，叫我去俾車撞，話我好煩，一時又好似冇事咁叫我陪佢打機.我冇朋友唔想失去佢，但係佢真係好煩請問可以點 ? sorry for 1999 thanks admin

#NSS學校 [某band1B學校] 小弟今年f3, 中史老師係個6x歲嘅阿叔，本來退左休不過因為請吾到人所以叫佢返嚟 平時上當悶到嘔，佢教學進度係全級最慢，前排考試佢仲有10幾頁書未教哂，就話嗰10幾頁書吾考，比d錯嘅tips我地，仲要吾識Po教材上GC，但呢D都算啦。 前排上網課，佢個習慣係上堂嗰時比功課答案我地，叫我地自己對完影相upload上GC，嗰本作業係出版社嘅，有寫住喺書邊課可以揾到答案，而且係以填充同MC為主，所以算容易做。 上個星期佢睇完我uploaded嘅功課，份功課係做兩版作業(填充嚟)，我咁我就做啱哂啦，佢睇完之後話我抄功課，將我份滿分既功課減半分，屌我真係呆撚左，功課佔一部分我地中史嘅成績，佢冇證冇據屌我抄功課兼扣分，後尾我問返其他frd，佢地都係同樣情況，做啱哂但比佢減一半分 ，不過考試成績最top嗰D又冇事。 我覺得做老師做到咁撚樣真係好有問題囉🤷🏻‍♂️考試D人90分係咪全撚部出貓？我中史係吾勁，但睇住本書做啱哂份功課好出奇咩？最尾去到同學集體投訴，佢先肯嘔返d分出嚟，歉都冇道，仲窒左我兩句。 小弟打呢篇文純粹係想發泄下，各位俊男美女屌細力啲🙏🏻吾該哂Admin Sorry for 1999

#NSS個人 [GUEST] hello我係一個讀傳統女校嘅form2女仔 係小學五年班確診depression，再因為食藥引發anxiety嘅symptoms ，一直有定期覆診有定時食藥，以為自己handle到所有嘢但原來做唔到。 再去到今年二月就確診咗bipolar disorder ，以為一直堅持做therapy 試住deal with自己啲情緒就會變返「正常人」，但所有嘢好似倒返轉嚟咁，完全唔覺有好到。望住張藥盒嘅說明書諗緊點解會有成版side effect嘅藥，結果係連手震都醫唔好。 慢慢開始接受呢隻怪獸要係我身體入面同我共存，何奈身邊太多聲音質疑我係咪扮嘢、好造作、搏人關心，太多太多標籤貼咗係我身上只因為我係story坦白咗自己點解成日會西面，之後就走入洗手間冷靜，同埋點解會成日無端端喊同咁敏感。 我一直冇同學校officially申報過我有情緒病，只係有個老師見到嗰日完活動我企喺度喊，佢問我做咩事我先講咗出嚟，之後隔咗一排就同佢講我想見學校社工。再之後就係因為我發現我病發嘅次數同埋症狀都嚴重咗好多，開始影響到學習，特別係數學所以我先同數學老師輕輕講咗我嘅問題，話我交唔切功課。所以應該淨係得佢哋知我發生緊咩事同埋知道咗學校有咩support佢哋可以俾到我。（uwu佢哋都好好人俾咗好大鼓勵我） 但問題就係呢度，我好concern如果我報咗俾學校知會唔會被標籤為異類。特別係俾班主任知因為我係街會食好多鎮定嘅藥keep住自己唔好有咩過激嘅表現，盡量成個乖乖女咁坐喺老師面前，同隔離班有計傾搞到好似好好人緣咁，好開朗活潑。我想像唔到佢知咗會有咩反應，冇人估到平時成個癲婆咁返學嘅我其實係屋企又界手又啪藥又入醫院。太大反差驚人哋會用啲唔舒服嘅眼神望我，同學校講令我太冇安全感，我驚佢哋會標籤我係sen，之後就好多野都變晒。我唔知啲同學會點諗，「點解佢成日遲交功課、absent都照升到班？」笑死我冇可能用一句「學校俾㗎」做擋箭牌㗎。 最近諗呢件事搞到個人好panik，好多野都做唔到好多野都要quit。連自己都開始懷疑我病咁耐都唔好返其實係咪自己潛意識根本唔想好返，係咪「情緒病」呢三個字已經成為咗自己俾懶惰、唔上進、冇毅力嘅藉口？書又讀唔好，又冇叻嘅talent，望住副靚牌被自己打得稀碎，明明屋企人都一直好support我去做自己鍾意嘅嘢，我更加唔可以令佢哋為我付出嘅所有野化為泡影，要爭氣啲要佢哋為我驕傲先啱。 大家都會有自己嘅難處有自己難以啟齒嘅困擾，但點解我唔可以好似其他人咁面對佢，反而係逃避現實，選擇避開。我唔知㗎，到最後可能都係個病打贏咗我，但我想俾人知我努力過，我試過打低佢，只不過佢叻過我打贏咗，但至少我試過。 有太多人唔理解情緒病患者，準確嚟講係唔願意敞開心房去聆聽我哋嘅聲音。一味聽到「精神科」就覺得你好似痴咗線咁避開你，唔願同你接觸，生怕俾你傳染。但情緒病患者需要的是聆聽與陪伴，想講嘅自然會講，一個攬攬已經可以代替千言萬語。 係呢度辛苦晒所有情緒病患者，你已經好叻做得好好，呢條路好難行但都好多謝你願意堅持落去。亦講聲多謝俾陪伴者，你哋肯花時間陪我哋打怪獸，我哋其實睇得出你好用心去開解我，聽我內心嘅說話，但要好堅定先可以接受到好似洪水咁湧埋嚟嘅負面情緒，所以我到而家都係收收埋埋唔敢影響到人哋lol，但有事真係要講，唔好自己食晒，會好辛苦。 呢個時勢，係香港嘅大家，講「快樂、開心」都好似好奢侈，所以嚮往嘅嘢都好似遙不可及。歡笑聲、除咗口罩呼吸空氣、同愛嘅人盡情見面、再到自由、擺脫強權嘅統治等等。如果快樂暫時太難嘅話，咁就祝你平安就好。 (救命可以有人估到我係邊個但anyway唔好篤我出嚟lmao我唔想俾啲八婆公審sls) 麻煩晒admin sry for 1999 我表達能力係好弱

#NSS其他 [Guest ] 我唔想再生存喺呢個世界上 我文筆唔好,sorry for 1999 我由幼稚園到而家,一直比阿媽and阿爸打,而我係HDAD,但我阿媽好似唔記得我有病,一直話我唔專心…我之前一直都冇爆,結果就係中二第一次嘅UT爆咗出嚟。 嗰日就係派數學試卷,我一收到卷,見到個分數係唔合格,嗰一刻我就只係諗到比阿媽打嘅畫面,當然最後係比老師帶去見社工啦。 但係我到而家都係冇同阿媽講見社工。而我都開始發現自己有啲唔對路,每晚失眠,甚至冇訓過,我每次唔開心就會介手,原先對數學有興趣,但而家完全冇曬。我有試過跳樓自殺,都寫過遺書,但最後做唔到。但呢啲我都冇同阿媽講,我冇任何朋友可以發洩,因為唔想發放負能量,但我想發放唔得因為嗰個係唔可以同佢講我真實嘅成績。學校冇咩朋友。 最後呢啲係我想同我阿媽講嘅嘢 其實我未必係你諗到好勁,但其實你唔會讚下我呢？我有90分你話咁就差唔多,你知唔知道我好辛苦先至擺到㗎,我補四間補習社,我幾乎沒得休息,我打機你就話我打成日,但其實我打一陣。我其實好想死,我搞到咁都係你整成㗎,小學5年班,你收咗我手機,但係我有重要嘢係手機度,你話叫我切手指,之後仲要攞把刀威脅我。你一直攞人同我比,踩底我嘅自信心,虐待我,鬧我死蠢,拉我頭髮,病咗話我抵死。我唔明你想點。 講真我好想見心理醫生,好想訓一覺好嘅,但我做唔到。 希望amdin 可以po