—類投稿

#NSS學校 [Guest] 點樣可以令我走出依道陰影 我而家中三，呢件事困擾左我好耐，幾乎每一晚都會諗起。 可能你會認到我係邊個，但係都希望你唔好tag我 小弟小學三年級左右既時候因為分班，所以識左好多新同學。開學頭幾日就識左2個frd(下稱a,b，a係班長，b全班考第一)，開頭都好地地嘅，直至a做左班長，佢同b開始命令我做野，逼我喺小食部買野比佢地食。之後有一日小息，我去教員室幫老師做野，之後喺課室門口等老師同埋同學喺操場上嚟，課室門口嗰個位都幾暗下嘅，等等下a同b喺我後面推我落地，仲以班長嘅「特權」入課室將我啲文具倒曬落垃圾桶，仲將其他同學啲嘢擺落我書包，啲同學入到課室就發現到佢哋啲野唔見咗，同咗老師講，然後a同b話見到我書包有佢哋啲野，我同老師解釋返我見到係a同b擺喺我書包，但老師點都唔信，之後我屋企人打去學校講，老師話我呃屋企人同埋屈同學仲有偷野，因為呢件事記咗我一個缺點。再之後有一日午膳嘅時候，輪到我嗰班可以落操場玩，a同b跟住我，然後喺一個冇乜人行，而且幾暗嘅凹位打我，我冇還手，但我擋嗰下隻手可能撞到b個頭，佢瘀咗少少，我手踭舊骨崩咗，放學入廠打咗石膏固定。第二日b屋企打去學校投訴我打瘀咗b個頭，a聲稱見到我係咁打佢，然後我比咗醫生紙，家長信證明我隻手。無論我點解釋，老師都幫住b，話我bully佢，隻手係自己跌嘅。我屋企人打去學校，學校不但冇正視過依個問題，仲叫我屋企人唔好搞大件事。學校一直都話私隱問題，唔可以隨便睇cctv。最後a因為「誠實」將啲「真實」講出嚟，老師比咗一個優點佢，而我就記多一個缺點。亦都因為咁，老師唔比我做風紀。 自此之後，我唔敢自己一個人夜晚出街同埋去啲少人嘅地方，自己一個人嘅時候仲會係咁望後面睇有冇人，而家啲frd叫我去睇醫生。 只要成績好，就做咩都唔會錯？ 點解學校永遠都包庇成績好嘅學生？ 為咗校風，永遠唔會正視呢啲問題？ 首次投稿 sorry for 1999 希望小編可以post,唔該🙌🏻

#NSS個人 [GHS] 想知可以點樣說服阿媽買macbook

#NSS個人 [guest] 係咁嘅，小妹今年13歲，有個識咗7年嘅frd，我哋由上年九月開始，都會每個月約對方出街，每晚都會call住打機，唔知係唔係我問題，有陣時同佢搞到我喺個game 死咗個陣，我個人會沉晒，唔會出聲，亦都唔會理周圍發生嘅野，打機都心不在焉，基本上每個月都會有幾晚係咁，佢係咁叫我，我都唔會理佢，我因為唔想再理佢cut埋佢線，第二日佢問返點解我會話唔小心cut咗，簡單啲來講啲情緒會突然湧晒出嚟，成個人好迷惘，但係呢種感覺係同佢call先至會發生，係唔係我問題？我真係唔想又冇咗個frd🥲 sor for 199

#NSS愛情 [Guest ] 小妹有個異性朋友，之前同過我表白。咁講返少少背景先，我同佢識咗三至四年，一直都只係當佢係普通朋友，所以最後用一個比較禮貌嘅方式拒絕咗佢。咁正常都會sad，俾人拒絕咗，嗰陣係明白佢咁諗嘅，所以我都抱住一個心態就係有得做朋友就做，冇得做都冇辦法。 但係我哋嘅關係一直都冇差度，佢好似完全唔記得晒之前表白嘅事，又send心心，叫埋晒啲好曖昧嘅名，又gn又早晨。我睇到當然冇覆佢啦，首先我唔鍾意佢，同埋我同佢講話我哋只係普通朋友嘅時候，佢又同我講話佢明，果下真係無言，佢話佢明咁點解又要對住我寫埋晒呢啲嘢？其實睇到呢啲嘢真係好反感。 跟住過咗都冇一排又來表白，我講決絕啲佢又嬲，其實呢種人真係好煩… 只係念着我識佢，偶然佢唔send啲曖昧嘢先同佢講嘢，如果我唔識佢我真係唔會理佢 (純發洩) 唔該admin🙏🏻

#NSS個人 [GUEST] 小妹差唔多160 4Xkg 體重我知正常，但個身材真係不堪入目 想減肥但係有好多障礙，想問下有咩方法解決到 1）有諗過出去做運動但係屋企人會問點解，同佢哋講佢哋就話「減咩肥啫肥啲先好啊」搞到我出唔到去，但係屋企又冇足夠空間（土地問題）仲有佢哋而家全部hof，變咗要運動就更加難 2）想控制飲食但係屋企人都係用同樣理由say no，仲有工人煮飯嘅關係，我控制唔到我食乜 呢兩樣真係最大嘅障礙，想問下有冇咩方法可以解決以上問題🙏🏻

#NSS其他 [guest] title:應該點樣揀衫？ 小妹160cm ,47/8kg 望落唔算肥，但係膊頭真係好橫好橫，加上頭本身比較細，望落好似粒魚蛋咁，然後因為膊頭比較橫嘅關係，成日都搞到好虎背熊腰咁，想問下大家著咩衫或者點著先可以好睇啲🥲 唔該晒～🙇‍♀️ thankss admin🙏

#NSS學校 [GUEST] 本人今年f1 係小學嗰陣時好大膽亦都好有自信 成日比老師邀請上台做司儀或者表演 我亦都冇驚過 但係自從升咗上中學之後 對住班同學就好驚尷尬 特別對住一啲自己最friend嘅 驚做衰咗比佢哋笑 有咩解決方法🙇🏻‍♀️

#NSS個人 [no] 我好辛苦啊 好想快D結束自己嘅人生 我升f1個時，覺得好大壓力。我同我家姐講，佢話好快就會習慣。個時我都覺得可能係未習慣，同埋我又唔係讀名校，點會有壓力呢？但係之後我越黎越大壓力，當我大壓力個時，我完全温唔到書，搞到D成績好差，啊媽就唔高興，要我補習，補中，英，數，英文同數學仲要補兩個老師。加埋原本要學嘅鋼琴同學校D課外活動，我完全無得休息，之後仲更大壓力，搞到我就快死。我都有同啊媽講，但係佢無理我。我真係想死，直至宜家都好想去自殺 sor for 1999

#NSS個人 [Guest ] 簡直係天選之子由細到大都做唔到Sit up 講返背景先 f2 08 做細到大都係做唔到 二年級嗰陣有個同學同我一樣都係做唔到 但係而家F2 我問返佢佢做到30下 然後我依然係一下都做唔到 上PE堂嗰陣 我同老師講囉可唔可以唔做 佢同我講話點都要做 然後我一下都起唔到 啲同學嚇到呆晒 真係好自閉 其他科已經肥哂佬 PE嗰科仲要唔合格 想問吓有冇啲乜嘢解決方法 俾我做到五下都偷笑 麻煩Admin post

#NSS愛情 [sh d c] hello我一直有個心事就係我最近好似鍾意左個男仔，我唔知點算好。我好鍾意佢但佢應該係當我frd☹️我唔知點算好 求大家幫下手❤️