#NSS個人 [Guest] 是咁的 小妹近排日日失眠 雖然都唔係第一次發生 可能因為性格問題好容易一唔開心或者情緒唔好就會失眠跟住就亂諗嘢😵💫試過因為dse搞到精神緊張 每晚就係喺度諗究竟自己會唔會升唔到大學 因為父母對我期望都算高 好想我入到大學 但我成績真係唔好 而我第時想做嘅嘢都唔一定要讀好多書 加上我而家先f3🤒 而近排令我最唔開心就係我同一個朋友因為某啲原因單方面鬧咗交(即係佢係唔知嘅 佢msg我我亦都有覆返佢🥸) 之外就係因為疫情 早排我亦都確咗診,2個禮拜冇出過街😵💫近排終於可以出返街 最初好興奮 但我發現香港唔同曬 除咗好多商舖執笠之外睇新聞見到好多人因為呢場疫情而過身😮💨令到好多人唔敢出街 人情味都少咗好多🥲但喺呢度亦都想多謝一眾香港醫護人員一直照顧住香港人🥹唔怕自己會確診都要照顧我哋 真係衷心感激你哋🙇🏻♀️講返正題 呢兩件事令我心情跌咗落谷低 但又唔敢同身邊嘅人講😐因為我喺佢哋心目中係一個負責發放正能量嘅人 唔會唔開心🫠所以我唔想因為我而令到佢哋心情唔好 但長期咁樣又會搞到我好辛苦而且夜晚又唔可以喊😮💨因為同工人姐姐同一間房瞓😵💫所以想問吓大家有咩方法解決🥺🙇🏻♀️多謝你睇到呢度❤️
#NSS家庭 [Guest] 我嘅訴求係出街。 事源係因為我好耐冇出街，想出去行下咁，但我老竇老母唔俾我出，特別係我老母，話出面好危險㗎！病咗好辛苦㗎！會有後遺症㗎！中咗會容易中第二次㗎！如果你而家中咗，到時搵工人哋會嫌棄你，買保險都買唔到呀。 我知老竇老母係擔心我，但講到好似一出街就會中招然後會死咁。我唔知係咪真係有後遺症，呢啲因人而異。 唔係話想特登出去染病返嚟，但唔通呢個疫情一直係咁，唔知持續幾耐，我就一直唔出得街？一直驚落去唔係辦法，同埋我老竇日日返工，我老母有時都出去買餸㗎啦。 話說我到時要出去拎快遞同寄嘢都唔知點同我老母講好💩有冇人可以教下我點樣說服我老母俾我出街？🙏🏻我已經15日冇出街，冇見過除咗屋企人以外嘅人類，就嚟癲🥹 Sorry for 1999🥲