#NSS家庭 [Guest] 小妹今年十二歲，讀S1，最近我好唔開心，希望大家抽時間睇下。 話說呢單野係關於我表妹，佢差唔多九歲，有嚴重公主病同非常惡毒嘅心地⋯⋯可能有啲小朋友都係公主王子病，但係我喺度諗，係咪真係要咁錫佢。 首先講下佢嘅由來，既然係匿名，咁我就講下，佢有兩個同母異父嘅家姐，即係我表姐，講到咁，你哋應該明係戴啲野。 我仲記得細個，佢媽咪好錫佢，要咩有咩，所以造成公主病。我以前咩都送俾佢，因為念在親戚關係，已經當咗佢半個妹。 佢有手機嘅時候，只係四歲，仲要係新手機，計落嗰陣我都未有一部機，佢一直有玩開一隻R開頭嘅遊戲，仲介紹我玩。 我一有手機，就下載依隻遊戲同佢玩。一開始，都幾開心下，因為成日一齊做任務，玩對打，但係因為成績天於地之差，除咗體育，佢全部肥佬，我仲同佢補習。 過咗幾個月，有日佢係咁叫我送野俾佢，但係係課金野，以屋企作風，課到金機會差唔多零，我拒絕咗佢，於是惡夢就開始。 佢當時七歲，把口衰到可以砌我生豬肉，同佢媽咪講話表姐話佢四八婆，就係因為我唔送野俾佢。佢呀媽一定庇護佢，信到十足，之後開始我媽都知道，叫我閉門思過。 當時我血壓真係急升，拎住張被爆喊，向我啲朋友訴苦，但係佢哋完全唔信七歲小朋友可以咁對個表姐，有啲仲話我大話精，集體杯葛。 之後好快，佢又同我玩番，我因為佢道歉即時心軟，但係有日，一件嚴重事件發生咗。 一日，我發現武器無晒，當然有懷疑過係我表妹偷。但諗諗吓，佢仲細，無可能識入人地帳號，於是有日，我去佢屋企玩，順便搵吓有無證據。 點知，我開佢手機睇佢啲訊息(係佢叫我同佢更新WhatsApp 先睇到)，佢同一個人講，好似係黑客，叫佢偷我野。完全唔明點解佢識搞呢啲野。 我直接崩潰，打佢，同佢講可以拉佢坐監，佢呀媽聽到，叫我算數，我念在長輩，先唔鬧佢。 我del咗個遊戲，深思過，既然做唔到好人，不如做壞人，我成日一見到佢，就鬧佢，將佢部機掟落地，佢呀媽仲可以話童言無忌，真係當場想推佢落街。 佢日日都纏住我，但又話我有病，我心諗，係呀，我有心臟病同抑鬱呀，唔得呀?於是我自己作咗本小説叫《瘋病亡靈》，但係詳情就唔講，因為俾人發現，可以生不如死咁，下埸係落地獄。 對唔住，呢篇文章超長，但係多謝你哋睇，同admin肯出，sorry for 1999！ 唉，依家做好同壞都唔得，唔理佢更加衰，我只可以話我條命有呢個污點，求助！ 註：我一直都唔敢寫，因為有啲真心朋友都知道呢單野，希望知情嘅盡量封口！
#NSS家庭 [GUEST] 小妹今年14歲～ 係咁嘅，我呀媽每日返工嘅時間都唔多過4個鐘，大部分時間都係屋企，但係係屋企又唔係做家務或者做啲有意義嘅嘢，成日叫我做呢樣做嗰樣。 有次摺衫叫細佬出黎幫手（仲有機衫要晾），我呀媽就話：「哎呀！細佬仲細呀，等佢大啲先啦叫佢幫手啦！仲有，你見唔到佢做緊功課架咩！」我心諗12歲都唔細啦。仲有，其實我都要做功課架！你咁得閒又唔幫手？ 仲有次，我拖地嘅時候唔小心拖到佢隻腳，佢就話：「你知唔知拖人地隻腳係一個好唔尊重嘅行為黎架！」緊住打咗我一下。仲係到同我講：「我叫你做下家務，幫我分擔下啫，唔駛咁呀嘛！我都好辛苦、好大壓力架！」 雖然咁講唔係幾好，但係我真係覺得佢冇咩壓力，返工得嗰4個鐘，屋企嘅費用都係我呀爸交。佢日日係屋企都唔知做咩。我有嘗試過問佢有咩壓力，關心下佢，但係佢就話因為我。我聽完之後我諗咗好耐，我真係唔知我做過啲咩令佢咁樣。 可能你地會問點解我唔同呀爸溝通下。我都有嘗試過，但係我呀爸就話做女嘅就係要孝順父母，聽父母話。我想問各位，雖然孝順父母係必須，畢竟佢哋養大你，但係如果佢哋連基本尊重都唔畀你，你仲會唔會孝順佢哋？同埋想問我可以做啲咩？ （我文筆唔好，希望各位睇得明）
#NSS個人 [GUEST] 各位見到都建議過來睇睇，尤其係有Carousell嘅朋友。 小弟前排係Carousell 有賣自己嘅二手鞋， 冇諗過嘅一陣就有個客話要🤔 咁我都冇咩為意啦，始終有人要就已經好好， 對方自稱係一個喺大陸投資嘅美國人， 見佢英文都唔錯，都識用美式英文， 其後到左俾錢果陣 佢就話要用Bitcoin機作收款 又話要表示已經賣左比佢(？_？）， 我就奇怪 你一個大陸居民冇大陸銀行， 之後佢話冇大陸銀行 淨係得美國銀行 ， 更加Send 匯款證明話佢過左錢 (張嘢仲要係AV畫質咁)😂 冇我都當佢白癡架啦 又話要俾2000幾申請Bitcoin機戶口， PS： 我自己都有玩Bitcoin 所以都好清楚係唔洗俾錢
#NSS學業 [GUEST] 對於DSE，我真係好迷茫.. 我係一個係凌晨煩惱到瞓唔到嘅DSER，距離2022年DSE只係剩低1個月，但係我嘅成績依然未如理想⋯⋯ 我目標想讀嘅科要Best 6 大概38 左右，但係我依家中英文科，都係卡係Level 4-5左右嘅水平，仲要係如果臨場有啲咩差錯，分分鐘只係得有Level 4。 我係其他科亦唔係穩定有星星（特別係通識已經放棄咗），所以要Best 6 38，始終十分之危.. Level 5 到攞星星應該有啲運氣成分，所以想係中文同英文科著手，請問在坐各位高人有無咩技巧可以提供到？或係任何推介嘅補習門路，可以指點下迷津？ 或許有點倉猝，但係1個月到係時間，我唔想咁快放棄，感謝各位願意睇到呢度。 祝各位DSER都順順利利，就算時間唔多，都唔好放棄，一齊加油啦！
#NSS個人 [Guest] hello, 小妹我係 #NSS220112B 嘅po主。 文筆差,敬請見諒 上次投稿之後見到好多人話sure佢係鍾意我 又叫我「去馬！！」 所以自從投稿完嗰段時間,我開始諗我係咪真係鍾意佢 ff佢同我表白之類嘅時候我會有咩反應😂 畢竟知道人哋對自己有意思,但又唔理,扮唔知繼續接受佢嘅好,又唔表示,好似幾賤格:‑X 但不果。 叮咚– 突然！有個message彈咗出嚟。 “最近點呀💩” 「what’s the matter呀?」 “我焗咗cheese cake, 你要唔要過嚟我度食” 點會唔去先得㗎 「而家出門口。」 至於疫情問題..對唔住已經畀我拋於腦外
#NSS其他 [Guest] 而家凌晨四點，我好累好眼瞓，但瞓唔到 我屋企養咗隻博美犬，幼稚園陪到我中學，佢今年12歲，仲行得跳得幾活潑，但有白內障。 見佢睇得唔好係到亂吠，個心真係好痛，有睇過獸醫問想做手術但風險太太所以佢叫我地唔好做，滴眼藥水滴咗兩年，而家隻眼已經白曬。 佢今個月生日就十二歲，已經好大年紀，我呢排都瞓得唔好，瞓前唔知點解會自己流眼淚，擔心聽日瞓醒會見唔到佢。上網揾狗狗死後會去邊，會唔會有機會見返面，但網上啲答案都系一時可以一時唔得… 我知有人會覺得我好傻，覺得佢而家仲好地地系到就已經咁快喊，系到擔心…呢樣我自己都知，我都覺得我自己好好笑…但我真係驚嗰日會嚟，驚我再摸唔到嗰個摸咗十幾年熟悉嘅手感，十幾年嚟佢夜晚會瞓係我隔離陪我做功課…悶嘅時候走過嚟扮得意同我玩…我真係好驚 但我知驚都冇用，因為養狗都要預咗佢有日會離開我地，想問下啲有經驗嘅人，係點樣走返出嚟？系咪都用咗好長時間？thanks🙏🏻
#NSS家庭 [GUEST =]] 其實我老母算唔算管得太嚴？ 見到 nss secret 有唔少父母管得好嚴嘅情況，雖然佢哋都只係為我哋著想，但係難免會覺得有少少過份。係呢個平台都希望搵到解決方法。先講一講背景，小妹今年 f2 ，我老母由小五就開始管呢樣管個樣，仲要越嚟越嚴重。 （一）係屋企裝 cam，仲要唔止一個。一開始我諗可能係一個保障，又或者只係嚇下你啫，但之後我先發覺原来佢無時無刻都 check 住。事源喺某一個朝早 6 點，咁我就起咗身，但係就攤咗係張床度睇咗一陣電話，無啦啦我老母跑咗出嚟𥄫我，事後更若無其事咁提出呢件事，內容就話我一早起身淨係識睇電話。 （二）電話限制就基本啦，又無數據。有人就話失聯咁點算？呢個問題根本就唔會發生喺我身上，因為都冇得出街。甚至係屋企樓下，返到屋企都要報備。就算用幾多條件去交換，都唔可以。係呢個前題下，同朋友出街，都只係一件奢侈嘅事。其實我都只係想喺中學生涯留下一點回憶啫 !! （三）而唯一可以放鬆嘅就只有沖涼。難得可以休息一下，有自己嘅空間。但係明明只係沖咗 30 mins 都冇，就開始俾人催（利申屋企有兩個廁所），又話人發白日夢。另外，我更加發覺佢好鍾意踩低人，再抬高自己，講到自己有幾咁聰明。又唔見佢入到牛津劍橋？做政府呀笨 !! 解決方法： –
#NSS文化 [guest] 關於謁後語 謁後語俾我嘅印象就係上一輩嘅slang 而家我都可能用 但唔多(eg把炮) 我覺得謁後語好值得保存 加上近排無聊得濟睇翻89十年代睇港產片 更加覺得謁後語係一種好港式嘅嘢 唔係土生土長嘅香港人根本聽唔明(簡單幾個點都識掛) 學校唔會教(廣東話係方言吖嘛😌) 屋企人又唔會講(覺得俗？) 就咁失傳我覺得好可惜 我覺得我地呢代應該講多啲 但係好驚被人話咩generation gap/好老土 想問問大家意見（有冇人覺得講謁後語個陣好型 好似可以光明正大咁講粗口 而其他人又明 ;p sor for 1999