—類投稿

#NSS學業 [Band1中中] 長文慎入（輕屌plz！） 小妹今年F4，中文本身唔差唔好，但作文尤其差，成日作到一舊野咁，所以想問下各位師兄師姐作交點先可以寫好個結構，同埋想問下呢篇文大概可以喺DSE攞到幾，thank you！ 校服的自述 那年夏天，我與她踏入這所陌生的校門，聽見操場上人們抱怨着、嬉戲着。 我是一套校服，更是陪伴一心六年青春的好伙伴，回想過去，其味無窮。 初來乍到，我感受到女孩心跳急促，人前，她笑面盈盈，主動和身邊的同學交談，同學説她熱情洋溢，然而他們不知道她將手放在身後抓緊着我，我疑惑着，捉摸不透她的心思，她竟走進了廁所，「好緊張啊」她説，原來這就是「緊張」嗎？緊張是什麼？ 女孩起初在和人交談時，常心跳加速、抓緊我，但不久，我便再沒感受到她所説的「緊張」，取而代之的是輕鬆愉快，侃侃而談。 女孩中二的時候，不知怎的竟荒廢學業，沉迷網遊，她上課時總將我與書桌緊貼，我很討厭那抬不起頭的感覺，然她卻樂在其中， 但不知怎的，有一天上學日早上，她沒有穿上我，而是套上了一套牛仔裙子去上學。回家後，她更異乎尋常地從那塵封的書架中抽出教科書，一翻便是一個下午。過了幾日，我才從女孩與母親交談中得知，那日是「家長日」。 自「家長日」起，女孩便放下沉迷，重拾書本，我鮮少再需同書桌貼緊。 女孩升上中三後，獲重新編班，面對大部分陌生的面孔，我又再感到她的「緊張」，但一如以往，她很快又結交了新朋友，這些新朋友與既往的朋友不一樣，她們了解女孩，會在女孩流淚時，替她擦去眼淚，使我免受苦難；會在女孩「緊張」時，輕聲安慰，使我免受心跳碰撞，我很喜歡他們。 女孩常穿着我和朋友拍照，拿着相片，她總傻笑，又會感歎「我真幸福」。 笑着笑着，六年就過去了，女孩在熟悉的校門前和朋友拍下了中學最後一張合照，又叫朋友在我身上寫上了色彩斑斕一段又一段的文字。 夜色降落，女孩在校門前止步，她久久不踏出去，我又再感到命為「緊張」的感覺，只是這一次，女孩卻開口説「真不捨啊」，「不捨」是什麼？這竟不叫「緊張」嗎？ 女孩始終要踏出校門，到家後，她脱下我，卻不將我放入洗衣籃，而是把我掛上衣架，她望着我，我望着她，她説「中學就這樣結束啦」，便把我放進衣櫃，我就這樣退役了，往後我似乎不能再朝夕陪伴女孩，但女孩的人生才剛開始，她仍有許多什麼「緊張」、「不捨」的要去學，只望她沮喪的時候，會將我取出看看，讓我繼續共她成長。

#NSS個人 [guest] admin po ig please 小妹已經唔早可以揾邊個傾訴 如果唔係為咗阿媽我一早跳咗落樓 由小學開始已經成日比人蝦，到中學先好啲，但上高中又同番小學排擠自己嘅人一班，小學老師好唔鐘意我，因為我分咗係老師抬前面，佢日日都會鬧坐老師抬前面嘅四個人唔肯努力先成績差。我都唔想架。我自認份人樂觀，溝通得最多就係阿媽，同佢分享最多，得佢安慰我，比安全感我。 阿媽都唔簡單，份人係叻，但當初嫁咗比個唔好嘅男人，佢連阿媽大肚都打，成日鬧奶奶，仲同爺爺叔叔斷絕關係，唔比我知。 到我越來越大，見到老豆嘅無理，自然嘗試溝通，但佢永遠都覺得自己啱，最後只有鬧交收場。上到中學，我已經睇清佢嘅控制慾，放棄溝通，隨之而來嘅係更多嘅鬧交，甚至出手打架，慢慢我學識咗還手，有一次佢仲要係冇人見到嘅情況下勒我條頸。佢要求我同佢溝通，其實只係訴訟自己嘅要求，希望我完成佢嘅理想。 我同細佬都比同學欺凌過，佢只係一句「你唔好搞咁多咩冇人搞你。」我就見住細佬比以前更加反叛，甚至同同學打交，最後都得我阿媽安慰番我，但同時我越來越少講自己唔開心事。 我有去揾同學傾訴過，但佢哋好似唔係幾想聽，我話我比老豆打，佢地只係覺得可能因為我太反叛，覺得我比人打好正常。 直到我老豆打阿媽，佢終於決定走，我老豆先嚟後悔，但不知悔改，成日跟蹤佢。 佢跟到阿媽同細佬，當面求佢哋翻去，但唯獨係我，我知道佢有跟蹤我，但佢唔敢同我講野。 一連串嘅事發生咗，以前愛理不理嘅朋友反而先嚟關心我，以前講啲野好似唔記得曬。我知道佢哋真係關心我，但當初我最需要佢哋嘅時候冇人嚟。由當初「你比人打好正常」，到「你有冇事，我一早就覺得佢係會家暴個類人。」，我唔可以話佢哋虛偽，我只係好失望，根本冇人會嚟救我，我就冇再同人傾心事。打個比方，我掉咗入流沙，去求救，我身邊嘅人只係話，你掉入流沙會越嚟越入，好正常啫。我花咗好長時間先自己上番嚟，佢哋依家突然間圍住我，問我洗唔洗佢拉翻我出嚟。 我好似其實咩野都冇咁我都係覺得好絕望，心理上仲係有啲野un住，我覺得同所有人都隔住咗咁。我同以前一樣，都望住條街，好想跳落去，起碼人生最後一次玩過山車冇安全帶幾刺激下。但如果我跳咗，阿媽一定好傷心，佢有時會話驚我厭世跳樓，我都會話我冇咁蠢。 對唔住，其實我真係好蠢，我真係好想就咁走咗，我就唔洗去理dse入大學同朋友關係，我就唔洗再擔心自己會變到好似老豆。我想阿媽開心，佢咁錫我我都想大個之後照顧翻佢，但我真係唔知自己頂唔頂得住。 sorry for 1999 我係廁所喊住打長文，我知好柒但我正係得呢度有得比我抒發下。

#NSS其他 [GUEST] 分享趣事一則。 話說小妹有日上zoom補習，上上下有條友開咗mic，過左一陣就開始聽到有啲響動，但個missy沉醉講書聽唔到。跟住就開始黎料，出現咗潮文入面drama嘅經典橋段。對面開始隱隱約約斷斷續續傳來av聲，令人難忘嘅春叫聲喺個空間度徘徊… 睇av係人之常情，見慣大場面梗係見怪不怪。但反轉嚟了。以為咁就夠尷尬嘅時候發現——兩把春叫聲都係男人。 啊。開mic嗰個，都係男仔。 missy梗係即刻嗌佢熄mic，個男仔呆咗下之後拿拿啉熄返。喺嗰一刻我先醒悟，原來呢個世界真係有尷中尷嘅事。 臨尾戴返個頭盔先，人哋可能唔係睇gv而係睇多p呢。再講，男仔睇gv絕對無問題，小妹絕對支持🏳️‍🌈。 只係，各位記得閂mic。

#NSS社會 [guest] 點解啲人咁熱衷於打針 一開始個個話乜死都唔會屈服政府嘅迫針，最後身邊啲人全部跪低曬，你話返工要打針我可以接受，唔阻你搵錢，但係為咗可以同frd去迪士尼，去堂食，行街，為咗可以學校練波而走去打針？呢啲嘢唔做會死？ 當初話點都唔會打針嗰班人去咗邊？打完一針又一針，政府話乜就做乜，真係好失望，你哋咪成世做政府嘅奴隸囉。 我預咗會比好多防疫撚鬧，但係呢個係我一直想同打晒針嗰班所謂黃絲講嘅嘢。 好多謝未打針嘅各位，希望你哋可以堅持落去，共勉之 利申我一針都未打，亦都唔諗住打 圖Link: https://drive.google.com/file/d/14jFK8vKmV_tR2WkAmJoa93mKj-GuZKzk/view?usp=drivesdk

#NSS其他 [GUEST] 有關#NSS220429H不實內容 請唔好再喺度po潮文放流料，好好地一個平台畀人哋分享，就偏要有人喺度_狗。而家一班人信咗，係咪就好有優越感，覺得班友連潮文都分唔到真係on_。明明有人係認真想將自己嘅煩惱分享出嚟，你就喺度助長負面情緒，挑起對立，等下面成班人喺度_班教_。有冇諗過真係有人信咗，然後又唔知係潮文，可能會有咩後果？ 係咪覺得玩膠係好有型，覺得無論講咩都網上都總有班人去信、去_，自己先係最清醒嗰個？揭示咗群眾嘅愚蠢同無知，自己就好偉大？唔係，咁樣只係以自己同人哋之間嘅資訊差獲取優越感。請大家尊重返嚟個平台，講返啲有建設性嘅嘢，要派膠請去連登。如果真係咁得閒，不如做番啲有意義嘅嘢，建議做運動、跑步，起碼對自己同人哋都好。 呢個投稿嘅用意唔係去針對樓主，亦都請大家唔好咁做。只不過見到樓下comment真係有人信咗，有人可能到嚟刻都未知個真相，所以想話返畀大家聽嚟個只係一篇連登潮文，同時都想話畀大家聽唔好睇小放流料嘅嚴重性，投稿嗰陣尊重人哋時，都尊重下佢自己。

#NSS其他 [GUEST] 見有人問推薦嘅動漫，所以想問下有冇推薦嘅韓劇🙏🏻😂

#NSS學業 [常和街名校(唔重要] 2009年，筆者四歲，快將升讀小學，政府開始實施334新高中學制，其中一項改革就是將通識課列為高中必修科。 一年後，通識科將成為歷史。 政府對通識科期望係希望能夠打破舊制的文理分家，擴闊學生的知識基礎，以及加強他們對社會的觸覺，幫助學生發展全人發展。 今年三條題目、八條分題入面，只有兩條為意見評論題。 其他題目極度限制考生思考，單一以歸納作為目標， 筆者身為2022年考生，可以說是見證了通識生死。今年通識科考卷令我感覺與語文科綜合無異， 同樣要求歸納拓展見解論證，分別是綜合見解論證佔分反而比通識更多， 其中一題分析奧運所反映，甚至強調正面價值，只能寫優處、正面。男女平權、種族平等、環保等。極度強調Political correctness，問題只有單一立場。 行政長官林鄭月娥表示，「改革通識教育科並非因北京施壓，而科目自第一天已存在問題，令學生凡事都反對，才視為有足夠批判性」。 好，如林太所言， 來年學生不再學習反對了。根據課程資料，公民及社會發展科課程培養學生建基於扎實的基礎知識，能設身處地從多角度思考，以及秉持正面態度看待和探究當代課題。 綜合本年試題與公社課程資料，兩者不約而同地趨向公社科的「正面」。 筆者疑惑，何謂正面態度？ 社會上大部分議題皆有正反面，我在通識科價值觀題型所學的， 是不同的持份者有各自重視忽視的信念。 以全球化為例，全其中涉及工業化邏輯、聚合理論與現代化理論. 依賴理論. 世界體系理論. 國際關係理論等的諸多理論。現今社會，大量全球化議題每日受爭議。Deglobalization 、 anti—globalization….由90年代開始，西雅圖發起不同抗議， 直到現在仍對全球化抱有不同意見。

#NSS愛情 [GUEST] 那年盛夏，你眉眼如畫。陽光灑落在你的身上，仿如仙鶴落於人間。你的驚鴻一瞥，讓我惦記了好久好久，可我就是沒勇氣與你打招呼。沒想到兩年後，我卻與你陰差陽錯地相識了。是上天賜予我的緣分嗎？還是，離別的倒計時？ 還記得那天是暑假，天氣悶熱得很，口罩覆在臉龐上，讓我心裡沒來由的煩躁。隨意挑了一個位子坐下，右側是我的朋友，我望著窗戶發呆，想著早知道就不參加這個英文辯論隊了。在我愣神的時候，參加的人陸陸續續到齊了。身側的朋友與我說，她右邊的是某某，我沒認真聽，但總感覺這名字有點熟悉。細嚼慢嚥讀了一遍又一遍你的名字，心想這真有詩意。我抬起眼皮往右邊望去，衹一眼便愣住了。這不就是那個女生嗎？她也參加了？我們三個被編到了一組，隨著時間的推進漸漸熟悉了。 本想著結束了這個活動以後，我們便不會再有交集。可沒想到，我們竟被分到了同一班。你就在我右側，我與你之間坐著一位同學 教室的空調吹得我半邊身子都凍僵了。說來奇怪，空調的風總帶著一股若有似無的香味，淡淡的，混合著檀香的清香。我心裡納悶 : 學校的空調還帶香氣的？可為什麼之前的教室都沒有？直到有次你路過我座位旁邊，掀起一陣風，我才知道，那是你衣服的味道。就是這一陣風，讓我有了想與你交朋友的念想。 我總愛往你身邊湊，在換座位的時候，我倆居然分到了一起。我有近視，請老師將我安排到第三排，你就坐在我身後。我覺得自己好奇怪啊，老愛與你交談，就想逗你笑，我這是怎麼了？在不知不覺中，我們的關係越來越好。記得那天傍晚，我與你在海旁漫步，你説有點累，我們便坐下了。我靠在你肩上，你和我説，你就要轉學了。我慌了神，悶悶不樂，你問我怎麼了，我卻不知如何開口。我自己都不知為何，心跳就像漏了一拍。 回家的路上，你問我是不是喜歡你。我當時腦袋都炸裂了，不知道為何紅了臉，連忙拉開我與你的距離，腦子亂成了一坨漿糊，點了點頭。你又問我，是朋友，還是不是朋友的那種？我再次紅了臉，憋到紅綠燈那裡才在你耳邊輕語 : 不是朋友的那種喜歡。說完便一溜煙跑走了。我到了家，心亂如麻，懊悔著自己怎麼一衝動說出口了，翻来覆去睡不著，卻在深夜收到你同意交往的信息。 你知曉我有多欣喜嗎？我嘴角的笑容就沒停下來過。 那一刻，我仿佛得到了全世界。 你就是我的世界。 可天使落於凡間又怎可與凡人相愛？ 你是我的救贖，也是我的深淵。 【我系之前借用周星馳大話西遊金句寫文嘅果個人（即塵世間最痛苦的事，莫過於此）Btw我系水瓶座 吾系雙魚 同埋見到有人問有無諗過寫小説 係有諗過嘅 但驚文筆唔好 大家吾鐘意睇 多謝NSS接受我嘅投稿 亦多謝你哋嘅鼓勵

#NSS個人 [Guest] 我好似唔見咗身分證。 小妹今年14歲，身分證平時係擺喺銀包，真係太耐冇攞出嚟，所以一直都冇發覺唔見，上次攞出嚟應該係我做強檢嗰陣，係一月嘅事，阿媽最近叫我去打第三針，我預約嘅時候想攞張身份證出嚟，跟住發現唔喺銀包。我做強檢嗰排攞咗個銀包嚟裝其他嘢，原本銀包入邊嘅嘢就擺咗喺櫃桶，我櫃桶都已經搵埋，都係唔見張身份證。 我上網check過，身份證唔見嘅14日內要去入境事務處整返張新嘅，但係我有可能一月嗰陣已經唔見咗，都咁多個月啦會唔會唔比我整返。5月31號之後，第二針打夠六個月嘅人就要去打第三針，我其實一早已經夠六個月，所以阿媽遲早會捉我去打針，雖然唔想但係佢實逼我，到時迫於無奈一定要同佢講我唔見咗身份證，實會鬧我啦。 我呢幾日已經反轉我成間房，但係都搵唔到，真係好崩潰，又唔知點同阿爸阿媽講，有冇人可以俾啲建議我？同埋有冇人知唔見咗身份證超過14日仲可唔可以跟正常程序整返張新嘅身份證？唔該晒大家 sor for 1999

#NSS學業 [Guest] 點解要特登強調自己讀Band 1中學（標題） 其實點解要特登強調自己讀band 1或者Band 1a中學，但係成篇投稿就完全唔關個Banding事。 我費事比你哋話我妒忌佢哋，利申返先我都係讀Band 1a中學，至少我呢一句都係費事比你哋串，而唔係毫無價值。 但最近啲post成日都特登強調自己係讀Band 1/1A中學，到底有咩意義？點解要特登喺呢個平台曬命？為咗拎優越感？我知我知，你小學嗰陣好努力讀書，你好勁，Ok？滿意未？ 總之唔該，如果你篇投稿係完全唔關學業嘅話，就唔好特登加你自己讀band 乜中學，完全冇意義得來，又俾人串拎優越感。我唔知你係唔係有咩特殊癖好鍾意俾人串，但係如果係我都會尊重你。 Thx!