—類投稿

#NSS個人 [Guest] 我一無所有 以前，我擁有好多真心嘅朋友；以前，我擁有老師嘅愛戴；以前，我擁有好錫我嘅人。回望過去，對比起依家，我一無所有。 而家我擁有嘅朋友唔多於三個，而且佢哋又唔係話可以將自己盡情放出嚟嘅朋友，而家雖然我讀書嘅成績並唔差，但係我唔再係老師會縱容我嘅人，我係一間成績好嘅學校讀書又點，我根本感受唔到小小嘅開心。 每日我都要做一個雙面人，扮到自己有幾堅強、幾用咁，但係返到屋企，我又係攤係張床上面喊，我好掛住以前嘅生活，我好掛住以前嗰個永遠係我身邊嘅人，即是嗰陣我有幾唔開心，佢都一定會令到我重新振作。依家佢唔會再喺我身邊，亦唔會再喺我生命嘅故事中點綴。 我輸到咩都冇晒，點解以前啲朋友個個有自己新嘅生活圈子，而我每日淨係得番讀書，我想轉校，我想過應有嘅中學生活，但係我操行得E，人哋睇都唔會睇啦。點解我每日要活喺人哋手中，點解啲朋友個個放學同朋友互影相而我就連電話都冇得帶？人哋個個披頭散髮又有靚髮型而我要扎到冇頭髮飛出嚟咁薯？點解話第個同學鍾意另外一個就係生事？ 而家暑假多咗時間，我每晚都崩潰，點解我嘅生活變咗咁多？我曾經唸過要☠️，只係喺屋企搵唔到鎅刀。 Sorry for 1999

#NSS學校 [KCCKC ] Re #NSS220314C 大家好，我係KCCKC嘅中六學生。相信大家都有見到早前同page嘅一則指控，樓主聲稱自己係本校f2學生，因為向老師指證而被同學bully，後更有被兩名男學生侵犯。對於呢件事，我哋向副校長同老師求證，希望學校嚴肅處理及為該名女同學取回公道。然而，我哋從老師口中得到嘅結果係完全冇呢件事發生，而反觀該名女同學嘅證詞亦錯漏百出。首先，本校自翻新以來，就已經冇左medical room，同學若身體不適會安排到校務處休息，而並非medical room。第二，本年度大多都係online lessons，課程緊迫，f2嘅LS科完全冇所謂嘅L&S project要求同學完成。第三，亦係該名女同學係文中最嚴重嘅指控，佢指自己係回校拎資料時被男同學侵犯，咁係完全冇可能發生嘅事，因為學校安排拎野嘅地點係學校正門口，同學係拎完物資後便需離開，減少聚集風險，無論係女同學還是男同學，都不會走入校舍，係咁嘅情況下，做出文中所描述嘅情況只能係學校大門口。試問當校工或職員見到此類情況會唔阻止嗎？ 我會選擇投稿係因為該post底下大多數對該樓主嘅聲稱深信不疑。在此本人提出質疑同埋澄清，希望樓主可以正面回應。當然，如果真有其事，我同你講sorry先，但如果係fake new，亦唔希望搞臭我哋學校名聲。

#NSS家庭 [GUEST] 長文慎入！先講小小背景 小妺今年中二，屋企一家五口+一個大伯 有一個BB細佬，一個讀小學嘅妹 大伯都四十幾歲，冇拍拖冇家庭 先唔講佢之前嘅惡行，就講佢疫情下嘅仆街行為 因為屋企有BB所以呢兩三年我哋一家五口都會小心防疫，入屋前除鞋消毒之後洗手沖涼都好基本。 但唯獨大伯每次出門同入門都著住對鞋周圍踩踩踩，阿媽哦左好耐先至學識入屋除鞋。但出門口依然着住對鞋周圍踩，仲拖埋架單車🤗 返屋企又唔消毒又唔洗手又唔沖涼，之後就開雪櫃同食野。用完廁所仲要整到污糟邋遢。🤢 我哋大家都好努力防疫，得佢一個唔合作，仲要我哋五個人就佢一個。連我細佬都知返屋企要洗手啦。 最仆街嘅係，話說前嗰排大伯做嘢果度有人確診，咁公司都放咗幾日假比佢哋隔離下咁。 之後果幾日佢就日日都出街食飯踩單車，大佬，公司放假唔係俾你周圍去，係俾你休息同自我隔離。 重點係佢收到報告係不確定之後再check發現係初陽。 但係佢完全冇講過比我地聽，呢件事係我阿媽發現屋企有政府嘅防疫檢測包，仲要係有六人份，之後盤問一輪先知。當時佢態度好差，滿口歪理。佢仲話佢將我哋全部都報咗上去，最驚起俾人送去方艙囉。 最on9嘅係，佢話係check錯🙄 政府撩鼻又點會錯，然後佢話係因為枝棒有接觸過空氣所以先撩到陽性 之後佢又死撐係咁show個陰性結果出嚟 話自己冇中，其實係佢自己delete 咗個陽性報告。 冇錯，而家的確轉左陰 但佢之後喺確診期間周圍去而且隱瞞病情 的確係事實😹 雖然真係好好彩我哋五個都冇中（而家每個禮拜keep住都會做一兩次）😔 但係呢啲咁嘅人真係好仆街囉自私精！

#NSS學業 [GUEST] 小妹今年F2，平時成績都算OK，但係英文Oral就永遠都唔合格，請問可唔可以提供一啲可以鍛煉英文說話能力嘅方法？唔該晒🙏🏻🙏🏻

#NSS個人 [Guest] 是咁的,小妹今年f3,高147cm,重37kg。我已經好努力日日拉筋,但係拉咗成年都冇高過。一日一杯奶又試過,但係好可惜我腸胃承受唔到,所以放棄咗。連增高丸都試埋,但係又係食唒幾盒都冇用。         除咗身高,我體重又係一個問題。唔好屌住,雖然體重輕,但係完全見唔到有任何肌肉,所以應該成個人都係脂肪(?,總之肚腩唔細。身邊D人成日都話我成條排骨咁,但係我又唔覺得係,照鏡覺得自己身形幾正常。我一日四餐都食幾多下,同埋都算營養均衡(?,有菜有肉有飯。可能因為我之前減過肥,冇黎M幾年。但係我已經回復返正常飲食好耐,仲多過其他人,所以都肥咗唔少,理論上我體脂應該正常仲可能偏高。最近我成家都減肥,有時見佢哋早餐淨係食一兩啖,自己就食成個半,下午茶佢哋又唔食,其餘個兩餐當佢哋停唒手既時候得我一個係咁夾係咁食,真係覺得自己好大食,好恐怖。見到佢哋咁樣加上我自己又開始肥返,我又想開始減肥,但係又驚唔食嘢高唔到。        所以我想問,究竟我仲有冇得高?有嘅話又可以點做?如果冇嘅話我又應唔應該去減肥?第一次投稿,sor for1999        

#NSS學校 [Re #NSS220314C] 大家好，我係同樓主同一間學校，但係我哋好多同學仔同學校secret 都發現左唔少疑點 樓主聲稱喺一月份做L&S嘅group project，有唔少F2嘅同學話L&S根本就冇group project，加上一月份我哋考緊試，一月尾停咗面授課，係冇乜時間做project 返學校攞嘢被班男仔強姦？冇錯，兩個禮拜前的確係要返去攞嘢，但係我哋係喺學校正門攞，有保安同一位女職員企喺度，我地攞完佢哋就會叫我地快啲走，更加唔會比我地入去，有咩可能被人強姦保安會聽唔到／睇唔到 我唔知呢位同學仔作咁大篇野嘅動機係咩，但係你咁樣做係會影響學校同同學比人嘅印象

[GUEST] 大家好，小妹係2023 DSEer，打算考完DSE 之後去外國讀書。但係就諗緊去加拿大定英國。 其實小妹一開頭係想去英國先嘅，但因為我呀爸呀媽唔會移民所以就去唔到,而且我會同家姐一齊去，兩個一齊讀大學學費好貴會好大負擔，然後見到加拿大有港人救生艇計劃就諗住去加拿大，學費嗰啲都會平好多。不過前排見到英國開放97後父母有bno嘅人去英國，自己又有親戚移民去英國，搞到我又心郁郁想去英國。但係之前上網search過好多加拿大嘅嘢覺得其實加拿大都好好，所以依家就心大心細，唔知去邊度好。 所以我就比較咗兩邊嘅優缺點： 📍🇬🇧英國 ⭕️較多好大學 ⭕️有親戚 ⭕️喺歐洲 ❌成績門檻較高（經濟原因唔會去讀foundation） ❌天氣較差 ❌學費較貴 （因為親戚會住喺倫敦附近，所以只可以揀喺嗰邊嘅大學，生活費學費等等都會比較貴。） 📍🇨🇦加拿大 ⭕️天氣/環境較好 ⭕️學費較平 ⭕️成績門檻較低 ⭕️治安較好 ⭕️較快入到籍 ❌冇親戚 ❌冇得直升大學(要趕喺2026年前畢業，所以去讀Asso，但係聽聞加拿大啲院校chur過英國) 因為我兩個國家都冇去過所以都好難決定。上網見人講其實兩邊都好多好處。而家真係唔知點揀好。所以希望有人可以分享下同埋比少少意見🙏🏻。感激不盡

#NSS愛情 [Guest] 我愛，啊唔係，係喜歡你 欸？如果我無記錯，我地分左手兩個月。如果我無記錯，你個名應該就係咁樣寫。如果我無記錯，你應該鍾意聼呢首歌。隨著時間嘅推移，有d野開始變得模糊，原本深深記錄係沙上面嘅字，比海風逐d逐d帶走。 識左你兩三個月，先同你表白，我好確定我絕對唔係因爲新鮮感，而係我真係覺得你係一個好明白我，好識同人保持距離，一個好好嘅女仔，至少我識你嘅時候係咁。之後都出過街，雖然都係周圍行下，不過我一d都唔覺得悶，至少我係咁諗。後來因爲發生左d事，可以理解為家庭嘅問題，絕對無係d大肚嘅問題，惹左d麻煩，最後被迫分手。過左一排，個麻煩又出現，你同我講反個情況，再加一句：我嘅事我會搞得掂。直覺唔準，不過我覺得我已經係你嘅負纍，至少我覺得係咁。 誰人已替代我都不介意，無諗過甘快就兩個月，一直以黎都唔知點樣面對，我相信你身邊已經有好多令你忘記我嘅人，我直覺唔準，不過我相信你過得好好，至少我覺得係咁。自我催眠大方到可以，借溫書去麻醉自己，不過到夜晚又會突然間諗起你，好難先訓到。 有d希望你會知道我講緊你，又唔希望你會見到呢編文，我抱著一種我仍然佔你心中一席位嘅遐想，又抱著一種唔想勾起你陰影嘅態度，決意去打呢編文。到呢一刻我深信我唔係對呢個女仔保持新鮮感，因爲我還喜歡你。這兩個月過去了，你，好不好。 對我黎講，愛情如歌。有人好快分手，自己揾另一首歌。有人能夠堅持落去，一齊播另一首歌。最後會有人，將一首歌，重複又重複咁去播；細品當中令人回味嘅地方。 如果可以，我想和你回到那天相遇，讓時間停止 留一天與你喘息，躺進暖光，蕩進思海落入天荒 欸？如果我無估錯，到現在，一切都只有我喜歡。

#NSS個人 [Guest] 是咁的，我有少少煩惱。 – 話說前一兩個月Disney+嚟香港嗰陣，我有個frd(A)就問我有冇興趣夾plan。咁我咁啱都想搵人一齊夾，咁就話好。開始用嗰陣，計埋我有8個account，每個account都係一個人用嘅(包括A嘅父母都同A用唔同account)。 – 有一次我同另一個frd(B)玩，(A同B唔識嘅)。B同我識咗8年，真正開始一齊玩計落都係得3-4年。我哋傾閒計嗰陣，我話咗畀佢聽我有join Disney+，跟住佢就直接問可唔可以畀個account佢。我又唔好意思拒絕，所以就畀咗個account佢。過咗幾日之後，B同我講佢老豆都想睇，可唔可以畀佢老豆log in埋我個account。呢個時候我已經開始想拒絕，畢竟我同佢老豆淨係喺B屋企樓下見過一次面。但係我依舊覺得拒絕佢好似唔係咁好，我又應承咗。 – 老實講，我唔係嗰啲乜都會同人分享嘅人(包括對屋企人都係)。其實Disney+每個月我要畀嘅錢都唔係多(20蚊左右)，但係我屋企人本身已經冇畀零用我，要八達通增值嗰啲都係必須先問佢哋攞錢。所以一開始A問我夾唔夾嘅時候我都有猶豫過，驚自己可能會冇錢畀。望一望積蓄，先應承話夾。 – 可能睇完呢篇嘢你會覺得好冇重點(我寫完都有咁嘅諗法)，但係我真係覺得好內疚。我恨自己點解少少嘢都要咁計較。而家喺個account入面嘅人有我老母、B老豆、B、我自己，而我又唔係成日睇，所以基本上係我出錢畀人哋睇。每次我想同B講清楚又覺得自己好仆街，少少嘢都要計較。但係同一時間又想問B點解唔自己搵人夾(B感覺上負擔到，有次去市集佢帶咗300幾，我淨係夠膽帶100…)。 – 有冇人有相同經歷可以解救吓我…Many thanks. – Sorry for 1999, thanks for reading🙇🏻‍♀️

#NSS其他 [GUEST] 想知依家香港係咪好少人學harp 好似無遇過差唔多年紀嘅harpist🥲 ps.禾依家中五