#NSS個人 [GUEST] 由上年開始，一直都覺得自己有抑鬱症。阿爸阿媽唔知，亦都無諗住睇醫生，因為真係好貴，而且要好返其實冇人能夠幫到你，始終都係要靠自己。如果咁講冒犯到你，我想講聲對唔住。我都明白呢三個字並唔可立亂講，但係我喺呢段時間真係好辛苦，嗰種感覺嚟嗰陣，完全控制唔到自己。我媽媽都有抑鬱症，所以佢諗嘢好負面，份人亦都好敏感，例如喺巴士站唔同佢一齊企（我嗰時同阿爸企埋一邊）／喺多人嘅地方無應佢（我真係聽唔到），就會覺得我當佢冇到，跟住發嬲。嗌交嗰陣，佢永遠都覺得我企喺阿爸嗰邊，跟住就講一大輪，由細個開始講起，其實嗰下我真係好想駁返佢，但係一直以嚟都無。有時阿媽有意無意講嘅說話（我唔食嘢，由得我死／我同你阿爸下午個月就離婚／我好民主你諗定跟邊個），可能佢講完就唔記得，但係我一直以嚟都無忘記過，佢嘅一句真係足以令唔開心好耐。學業方面，我對自己都有啲要求，咁嘅情況加上學業上嘅壓力，自殘成為咗我嘅習慣。初時我介手，後來介到出唔到血，我去咗介大髀，因為冇人會留意到。我試過戒呢個習慣，但係唔成功。流血就好似提醒咗我仲生存緊；又或者俾個方法懲罰自己。我有時喺度諗，究竟幾時先死得，呢一刻我想跳樓，好想解脫，好對唔住自己，但係又驚屋企人自責，我恨不得意外比車撞死。我呃人，就嚟連自己都呃埋，其實一直以嚟我都好憎自己，如果冇咗我，阿爸阿媽就唔會有咁多嗌霎，亦都唔會多咗舊垃圾阻住個地球轉。前排派咗成績表，我又退步咗，我真係廢到無人有。如果有一日我選擇離開，希望你能夠尊重呢個決定，因為我已經盡咗最大嘅努力去生存。同埋想喺度同大家講，要珍惜你擁有嘅嘢，好老土但係真嘅。如果你覺得你身邊有個識嘅人好似我，可以嘅話比佢知道其實你一直都會喺度。唔好嘗試比較痛苦，因為你無可能理解到佢嘅經歷同感受。默默嘅陪伴，其實已經好足夠。
#NSS家庭 [guest] *Sorry呢篇應該係長文* 我已經矛盾咗好耐，最近先鼓起勇氣投稿，認到係我嘅人希望唔好@我 是咁的 我啊媽成世人有大半時間都係付出喺我屋企到。佢當年因為成績問題佢讀唔到中七，之後就返咗好耐夜校，一邊半工半讀，兜兜轉轉咗好耐先可以大學畢業。然而嗰陣佢已經陀緊我啊哥，之後佢嘅人生都係返工放工同打理家庭，佢完全無時間去實現自己嘅理想。而佢一直都好渴望可以移民到外國，呢個係佢盼咗幾廿年嘅夢想。所以當英國一開放BNO人士移民，佢好開心，又好踴躍咁調查英國嘅資料，連無乜點用嘅社交媒體都開始用，入面入嘅全部都係有關英國嘅群組，每日睇嘅片都係有關移民英國嘅。 雖然佢好渴望去英國，但係我啊爸係唔同意嘅。典型藍絲就係徘徊喺舒適圈到，唔肯踏出去。問題係我啊媽根本無足夠金錢去英國生活，佢唯一諗到嘅方法就係賣咗層樓，用嗰筆錢去英國生活。但由於層樓個名係我啊媽同啊爸，我啊爸一日唔同意，啊媽都無得攞到筆錢。 而可以說服到我啊爸捨得賣樓嘅關鍵就係我。如果我肯同啊媽去英國，為咗我嘅前途問題，我啊爸係肯賣咗層樓嘅。 睇到呢到，可能你哋會覺得我跟著啊媽去英國咪得囉。但係，我自己想去嘅根本唔係英國而係日本。當然，我唔係討厭英國，只係我放喺第一位嘅會係日本，而唔係英國。移民日本係我夢想，而我為咗去日本都付出咗好多努力，自己私底下學日文、考日文，又有去參加日本留學試，我對自己未來嘅都有構思好多。我有諗過自己跟住啊媽去英國，讀幾年書攞到英國護照再自己去日本嘅，但係去英國讀書使費唔平，啊媽話既然使咗咁多錢，又咁辛苦攞到本護照就留喺嗰度，我無乜機會走到。 我明白啊媽好想去英國，但係為咗佢我就要放棄我嘅一生？我知道去英國有好多好處，但係我嘅意願真係唔值得關注？我好矛盾，我想啊媽幸福但又想實現自己夢想。而呢個時候啊爸就嚟「關心」我，佢話擔心我過到去英國會被人bully，又話自己年記大去英國熬唔到。我唔希望有任何一方受苦，但又唔知點做好，情況就係咁膠着咗好耐。 有無情況同我相似嘅人可以分享下你嘅經驗？或者有無人可以比下意見？我自認我太單純，又自私，唔願付出又想獲取更多，希望有人可以屌醒我(｡ ́︿ ̀｡)
#NSS個人 [GUEST] 自幼就已經知道我被我母親所討厭，可能我唔係佢心目中嘅乖女，可能我與父親太過相似。從小到大都聽到佢話我：「早知唔生你、唔解你咁乞人憎、老咗都唔使你養、見到你就嬲⋯」原以為已經習慣，但聽到都真係好心疼。 可能佢心目中家姐先係佢個女，而我只係一個負累。佢冇打我，虐待我，比起其他人而言，我甚至算係幸福。但係佢心目中根本冇我，每次主動搵佢，得到只有無視。每次對視，都見到佢眼中嘅嫌棄。每次係床上聽到佢同家姐傾得有講有笑，似乎冇咗我就係一個完美嘅家庭。 小學唔識嘢，識咗一埋捐友，吸煙,飲酒,界手。加上一直壓力大，有時候想將檯上嘅嘢推晒落地下，然後大喊，所以我開始界手。直至有一次界太深，睇住隻手，只係𢲡膠布紙巾包住，甚至止血消毒都冇。之後就一直著長袖，都冇再傷害自己。 中學之後，疫情擴散。有時佢無端端攞野打我，推哂啲書落嚟地，打爛晒我啲嘢，只係因為佢話我張枱太亂。我知道佢壓力大，但我真係好痛苦，你又有冇睇過我。但諗到我至少有野食，可以買自己鍾意嘅嘢，已經比好多人幸福，就好崩潰，我係咪太小題大造。媽，我沒辦法好憎你，但都沒有喜歡你，我好攰啦。 想問大家可以點，同父母相處同埋我啲界手疤，成日好怕被人發現。可能表達唔太好，希望大家俾啲意見。
#NSS學校 [GUEST] 暑假？咩嚟㗎？食得㗎？ 眾所周知，宜家政府就宣佈全港所有學校提早放暑假，而且要係3月17日前放假。不過政府就比學校係呢個「暑假」入面「補課」。而我學校一聽到就中六合彩咁咁開心。 學校上星期宣佈，我哋會係3月16日Last Day，17日開始放「暑假」。不過係通告附件就寫咗我哋會有「補課」。有補課我相信係一件十分正常嘅事，我估全港有9成嘅人都要補課啦。但係我一睇附件個補課時間表：「虎！呢個咪係平時返學跟Day上個時間表囉，只不過冇寫Day幾咋嘛！仲要係用全日制時間上堂添！（我哋學校未夠人打針，所以之前係1點半放，宜家係4點9放）姐係同宜家返學一樣？」我就諗住會有幾日假放啦，點知碌到最後，見到個時間表係去到4月19日，姐係復活節假期最後一日。虎，姐係我哋連復活節假期都冇呀。 明明本來暑假係比人放鬆心情嘅，但係你哋要我哋繼續返學不單止，仲要返得比以前更長時間，係咪有違放暑假嘅用意？我哋已經係IG、Zoom、Email度請願，又向學生會表達意見，不過完全冇回覆。姐係學校完全漠視其他同學嘅意見。 呀，差啲唔記得講，學校同時講埋我哋需要係8月復活節假期入面返學補課添，姐係今年完全冇暑假，2022年冇放過假呀！