#NSS個人 [GUEST ] 我由小一到而家中二都有啲情緒問題…？ 小一嘅時候有晚突然醒咗然後panic attack，之後就一路斷斷續續係咁發作（頻率可以係一個禮拜幾次至一年一次，check咗 唔係心臟問題） 上到中二成日不受控制咁擔心好多野 而且上堂嘅時候喺成班面前講野/ 考試同測驗前都會勁緊張 搞到自己anxiety attack 呢排又會因為無端端好唔開心做唔到功課，夾硬迫自己甚至去到𠝹手做先勉強做到，有時真係做唔到就欠咗好幾份 我覺得自己係panic disorder同anxiety disorder？（我唔肯定 半年前將呢件事同熟嘅老師講先開始見學校社工同心理學家，但係佢哋一路冇同我講我究竟有冇情緒病 搞到我而家勁懷疑自己其實係因為個「情緒病」做唔到，定係由頭到尾都只係我逃避學業、唔想做功課嘅藉口 我應該點算好 相信有啲frd睇完已經估到係我 不過唔好爆我出嚟唔該 一係就dm問係咪我啦🤏🏻 我中文唔係幾好;; 打錯字／講到1999好對唔住💦
#NSS愛情 [GUEST] *文可能稍長* *純抒發* 大家好，我係 #NSS210809F 嘅樓主(鍾意人十年嗰個)，好多謝大家俾我嘅鼓勵同建議🥺。 交代下後續先，我喺八月尾同佢表咗白，如大家所料佢真係對我都有好感，順理成章地一齊咗，而家雖然Long D中但感情都穩定，每日仲會定時face time同send WhatsApp咁。 今次投稿唔係自己嘅感情有問題，而係我真係俾班人煩到…😭 以下所有嘅事全部屬實，唔好懷疑，我冇作，我都估唔到以為喺小說先會出現嘅四角戀喺現實生活都有🥴 話說咁嘅，入大學嗰時咪有活動嗰啲嘅，咁我當時就識咗個女仔，下稱A。我本身算係一個幾開朗嘅人，好易識到新朋友。所以就同A熟咗。後尾A同我講佢係bi，而且鍾意同級嘅一個女仔B。咁我咁啱又識B，好啦就同佢哋搭橋牽線，幫A追B之類。目前為止都冇咩問題。 後尾B又同我講，佢鍾意一個男仔C，(其實A追得唔算明顯，B冇發覺A係鍾意佢)，我當時:下，咁點算….😵，我又唔可以同B講A鍾意佢，又要幫佢追C，(B係一個好痴纏嘅人，我唔幫的話佢會奪命連環call🥲) 咁其實我算係人緣幾好嘅，同好多人都啱傾，班frd有咩煩惱都會揾我。ok跟住…C又嚟揾我，話知道B追緊自己，但佢係gay，而且鍾意另一個男仔D，叫我可唔可以阻止B追佢… 我：我WTFF…😭 更攞命嘅嚟了，上次成班frd玩Truth or Dare，D話佢鍾意一個女仔，事後我八卦問佢係邊個？ 冇錯，係A！仲問我可唔可以幫佢追A…. 可能有啲亂，以下我再conclude一次: 女仔A鍾意女仔B，B唔知情 女仔B鍾意男仔C，C知情，抗拒 男仔C鍾意男仔D，D唔知情
#NSS個人 [GUEST] Admin pls po ig thx 最近呢個禮拜都發一個一模一樣嘅夢。夢入邊嘅我坐咗喺一架冇目的地嘅電車，每日都有唔同嘅人喺我身邊經過，但係從來都冇人願意停落嚟陪我或者坐我隔離，最尾等我坐喺架電車瞓着咗，現實嘅我就會醒。我唔知佢係咩意思亦都唔想知，感覺都唔係好嘢。 回憶收到要留班嘅通知嗰陣，我表面上係冇咩反應同完全唔在意，但係內心世界實則已經崩塌。每次我都會安慰自己已經盡咗全力，可惜次次一諗到自己明明比起有啲人落力咁多結果都要留班就好無奈。留咗半年之後，我已經感覺自己係行屍走肉，甚至接近病態嘅感覺。每日返學都要扮到好開朗好友善咁真係好撚攰，無辦法啦要對住佢哋三年，一定唔可以得罪佢哋。返到屋企都係要扮冇事，一定唔可以令啊媽擔心，佢一個人照顧我已經好辛苦。我Form2嗰陣已經俾得太多麻煩俾任何人，所以一定要扮冇事，我一定可以頂到嘅。 直到有一次見到朋友嘅story係約咗其他人出去玩又冇約我就唔知點解sad咗，然後覺得應該要養啲寵物陪我。當晚就即刻同啊媽傾可唔可以養貓，但係傾傾下啊媽察覺到我嘅異常。就係當時因為我一直以「想有啲嘢可以陪我」 為理由。「啊女你係咪病病哋？」啊媽問我嗰陣，我嚇到呆咗。唔可以、一定唔可以俾人發現。「我冇事。」好彩咁答完之後啊媽都冇追問，件事亦都告一段落。 我覺得自己扮演住一個乖學生、好同學同埋一個懂事嘅女已經去到泯滅自我。有時我都會問自己到底邊忽係真實嘅，但係諗諗吓好似又真係冇。我好驚自己有一日照住塊鏡都唔知自己係邊個。其實我好希望有人可以救我，將我由個泥潭度拉返出嚟，但係一諗到跟本冇人會聽我講同理解我，就好似列車上面嘅人咁，所以我只可以喺扮演角色呢個泥潭度慢慢陷入去。 辛苦唒大家睇咗篇咁負嘅文
#NSS愛情 [guest] 上年鐘意咗個男仔,佢又鐘意我,咁佢就係whatsapp同我表白，之後我哋就一齊咗啦，但係我哋冇一齊做過情侶做過嘅嘢，係學校都冇傾過計，真係淨係whatsapp傾偈，仲要係每次都係我聊佢，佢都係好hea咁覆我，每次唔超過10句，都冇超過5次，就咁樣過咗半年。半年之後佢同我whatsapp講佢要去外國讀書唔想晒我時間，咁我地就分咗手。但係我好似仲好鐘意佢咁，雖然佢走咗之後只有係ig傾過一兩句，但係佢每次send嘢嚟我都好開心，睇ig有佢story都會撳入去先，見都D post 有女仔佢comment嘅話我有D呷醋。其實講真我都以加都唔知佢之前係咪真係鐘意我，但係我而家都對佢仲有feel。我可以點做忘記佢？ 多謝你哋睇都呢到，細力D diu thx🙇🏻♀️🙇🏻♀️
#NSS愛情 [guest] 最近有個煩惱，一個煩到極度影響我現生嘅煩惱 我係半年前同一個我鍾意左4年但係本身都冇乜溝通嘅男仔一齊左，但係慢慢相處落我真係覺得我同佢好唔夾， 首先我同佢完全冇一個共同話題，佢最大嘅興趣係it野，日日係咁send啲it方程式比我同我傾計，我心念你要我點搭你好……而且就算係分享下現實生活嘅嘢都好，都係我分享完，佢會話「我都有去過呢度窩！」「oic🤣🤣」咁，漸漸地我同佢對話就係得呢啲客氣到唔客氣嘅對話 再者，同佢拍左拖半年，淨係出過一次街，果次街重要係我同佢食飯，食完飯佢要返學校補課叫我等佢成粒鐘都算，佢補課之後原來係要我陪佢去電腦中心攞個咩micro bit😅……之後再問出街，佢話covid窩，又話咩 佢出街冇問題嘅 但係佢阿媽會問長問短（佢屋企人都唔知，但係佢同曬佢啲frd講佢出pool）加上我而家同佢msg都係日日係度尷尬咁傾計，我無法想像再同佢出街會deadair成點。 可能係因為我暗戀佢果4年真係冇乜深入了解佢，淨係因為知道佢人好好，會照顧人，加上相處嘅時候佢都係緊張我嘅，所以我就鍾意左佢，而且對佢幻想都好大，搞到而家真正一齊左之後落差好大。我本身以為我對於呢啲嘢冇所謂，只要兩個人都鍾意對方就可以了，但係其實溝通都係一個大問題。。。 因為呢件事我有念過要同佢分手，因為同佢其實識左好耐，我真係唔想冇左個朋友，雖然而家分手都大機會做唔返frd… 問題黎啦，我阿媽係我部電腦度睇到我地嘅對話，本來以為佢會鬧我拍拖，出乎意料地佢冇反對我，叫我好好珍惜佢之類。我係一時反應唔黎嘅，但係我見阿媽冇乜抗拒我拍拖，就坦坦白白同佢講左以上呢啲事。結果佢係咁鬧我，話咩我分左手會後悔，話睇到我msg好明顯係hea覆佢，話我點解拒絕同佢出街，講到我想分手係因為我玩弄佢感情咁🙂我知拍拖唔係我阿媽嘅事，但係我唔想任何一個人覺得我係係度玩緊人地😖而家又因為呢件事同阿媽鬧左交😅 我想問下…我可以點算好😭同埋如果我同佢分手嘅話，係呢種情況下我係咪真係有玩弄到人地感情… sorry for 1999 麻煩晒admin了🙇🏻♀️如果可以嘅話可摸耳po ig🥲🙏🏻thx
#NSS個人 [GUEST] 小妹今年中一，有兩個best friend(下稱a同b)，之前面授上堂成日一齊返學放學食飯，做group project都會一齊，a就6月移民，而家zoom我發現同b的關係冇之前咁friend ，上個月上英文堂的zoom要分group，佢無同我同a一齊分group，反而係同其他人分group ，我有少少唔開心，可以話係呷醋，我有少少想鬧佢，但係我自己同自己講睇定啲先， 明明之前喺學校分group第一時間都搵我哋兩個，但係好彩之後嘅中文的group project 都一齊分group,上個禮拜英文堂又係要分group，我都有問佢一唔一齊分group，但係佢又係搵返其他人(都係上次果班人)。之前佢成日係嗰啲ig give away tag我加佢啲小學friend， 宜家佢成日ig都係到tag返佢以前小學啲friend，佢成日同小學friend 堂講電話+打機，我有諗過係咪因為我上堂冇得講電話(小妹爸爸wfh所以冇得講電話)同打機(小妺爸爸都唔比打機)，我好驚我完咗個「暑假」之後返學校無friend，a移民都係令我驚的其中一個原因，我有點覺得我當佢係兄弟佢當我係弟，我都有諗過係咪我佔有慾太大。我真係好驚上完zoom無曬朋友，我好想keep住呢段友誼,希望大家可以比啲意見，中文唔好，sorry for 1999。
#NSS家庭 [Guest] 我真係受夠.咁話説小妹08,由細到大都係單親(得媽)但係三年級嗰陣我阿媽就搵咗第二條仔做我老豆…一開始我接受唔到但係都冇辦法…我五年級嗰陣佢哋生左細佬出嚟…從此之後我就乜都要就晒佢如果唔係就會俾人鬧,就算我冇做錯野無端端都可以俾人鬧,咁我都算,今年我f2,咁我老豆本身同我阿媽一齊之前佢有個前妻，佢同佢前妻有個女同我同年，我之前新年見過佢一次，佢個女係讀寄宿學校，有時會返去婆婆度住，同埋好MK.咁上兩個星期正苦宣布提前放暑假嗰陣我阿媽同我講，我老豆個女要來我哋屋企住三日，我都下咗，跟住我阿媽話：冇辦法啦幾日姐，咁前日佢就嚟咗我屋企啦，我本身已經要同姐姐瞓同一間房我已經好不滿，因為係細佬出咗世之後先要請姐姐仲要同我同一間房，跟住而家我老豆個女仲要入埋黎，我係極之不滿。咁本身佢就今日走啦，跟住我老豆問佢要唔要瞓多幾日，佢竟然話好…其實有冇諗過我？佢真係當係自己屋企，而家我姐姐同佢都喺瞓我間房。我D嘢俾人睇晒，同人call又俾佢聽晒好唔舒服。跟住又迫。其實我唔明本身得我同我阿媽兩個人，跟住佢無啦啦搵咗個老豆返嚟，我都算啦佢仲要生個細佬，仲要搵埋個姐姐。屌呢啲都算啦，屌而家我老豆同佢前妻個女仲要嚟我哋屋企住。請問係我唔夠大方定點？
#NSS愛情 [Guest] 咁話說1月尾就有條友話鐘意我，之後佢都係咁搵我傾計，我都有同佢講過話我唔鐘意佢，最多當佢係bsf，佢係話ok，之後我哋都冇乜去講呢件事。 咁呢我哋係同一班 有時我唔識做功課都會問佢，（變咗好似當佢係工具人咁🥲），我問過佢有冇唔開心我好似當咗佢係工具人咁，佢係話冇。 佢有時搵我傾計，我都會覆返佢同佢傾，因為我唔想冇咗個frd，有時佢搵我傾啲我唔知點覆嘅嘢我會去搵B叫佢救我（因為佢都係男，佢應該會知A諗乜）佢好多時候都會叫我block佢，雖然佢俾嘅idea我通常都會用，但係我唔係一個會block人嘅女仔所以我冇聽佢講。 （啲frd話佢係一個好男仔叫我考慮下） 雖然我都覺啦 但係我個心好似唔想 而家我哋係frd 我都冇特別鐘意or想逃避佢 問題係佢係咁send啲愛情嗰啲嘢俾我😑 你哋覺得點🥲🥲 Sor for 1999