—類投稿

#NSS愛情 [GUEST] 小弟今年十五,知道個女仔冇fol呢個page所以就係到投 講下小弟背景先～話說今年年初定唔知上年年尾,就有d唔太開心嘅事+同屋企人關係轉差,小弟本身冇乜frd,淨係得一d出到嚟先講嘢嘅frd(佢哋冇乜用ig+wtsapp之類)😢😢,咁又某某d原因加上疫情真係少見咗 是咁的有個女仔（下稱A)咁本身同佢唔熟,但係佢覆我story問我係咪唔開心,然後小弟好少咁俾人關心,之後就同佢開始熟,每日都有chat持續咗成個月,慢慢我發覺我鐘意咗佢,成日都諗住佢,佢story tag其他男仔又會呷醋,佢樣雖然普普通通,但係性格好好好nice ,不過佢似乎就淨係當我係一個’朋友’有試過flirt佢不過佢好似冇乜反應,然後又開始講少咗嘢,不過我上星期都叫做fol到佢private（仲要冇其他異性😚 而家小弟可以點🥲加上屋企人呢企人開始話會移民或者送我去外國讀書之後再長住,小弟可以點…. sorry for 1999,可以俾下意見我🙁 Thx admin🙏🏿

#NSS學校 [某南區中學] 想講吓關於我哋學校個ranking system 話說小妹都係一個成績唔錯嘅人，平均分都有80左右，但係因為我哋個學校嗰個排名系統，所以搞到我今次排名冇咁理想，180人入邊我竟然係60左右名次（唔合格左一科家政）本身都係精英班嘅人，但係因為今次所以有啲驚下年入唔到精英班。排名系統係咁嘅全科合格嘅人就會同一啲全科合格嘅人排名，唔合格左一科嘅人就會同一啲唔合格左一科嘅人排名，如此類推。唔知道你哋學校個排名系統係點，不過我覺得我學校嗰個有少少問題。（純吐嘈） 跪求Admin po IG🧎‍♀️

#NSS社會 [Guest] 其實好多人投稿都係想分享吓自己 希望多啲人知道自己嘅事 從而得到解放或意見 但係偏偏好多樓主做得唔係幾好 就要俾人喺留言度鬧😕 其實咁樣係咪真係好呢？ 留言嗰個一定覺得冇問題，仲好爽添，但請問你可唔可以諗吓當時人嘅感受呢？😗😗 作為一個正常人，係咪應該要有基本嘅尊重呢？就算佢出軌又好、嬲人又好，係咪真係要俾人鬧、俾人用粗口侮辱呢？香港俾人嘅印象除咗管治唔好、壓力大之外，可唔可以有啲正面嘅印象？政府建立唔到香港嘅形象，我哋市民、學生就要自己建立，人哋做錯都願意投稿唔收埋，其實都需要勇氣㗎，我哋可唔可以用鼓勵去回應人哋呢😆。我希望香港市民以後俾人嘅其中一個印象係有愛心❤️

#NSS愛情 [GUEST] 上實體課嘅時候 佢坐係我斜前面 佢係學校會主動搵我傾計 我上堂會間唔中偷偷地望吓佢 有時候我望佢嗰陣佢都咁啱轉過嚟仲對視咗 我有一小息嗰陣做功課 而佢成個小息都望住我 另一次有幾個男仔嚟交中文功課加上同我傾計 佢好似好介意 然後鬧佢地做咩嚟搵我 我嗰吓完全shocked 我諗我係鍾意佢的 但係我唔知佢鍾唔鍾意我 但係佢從來唔會係wts/ig嗰類搵我 我好亂

#NSS學校 [GUEST] 是咁的， 小弟中四，上年學校活動機緣巧合之下就識咗幾個frd，嗰陣都幾frd有時會call下WhatsApp吹下水約下食飯出去玩下之類，但係今年感情好似逐漸淡咗咁… 有時我想約下佢哋call下食下飯咁樣，佢哋都唔得話有嘢做咁樣，約幾多次都係咁，有次我有心事想問下佢哋意見都係叫我打字send同佢哋講，之後我都漸漸放棄咗。 有次我無意中發現咗佢哋之中有幾個人都唔比我fol佢哋private同埋del咗我密友(佢哋都係女仔)，跟住我就問下點解啦，佢就話因為我係男仔唔係太方便睇，咁冇計我都接受咗。 之前返學嗰陣我哋見面都會傾下計吹下水咁樣，但係宜家疫情基本上真係0聯絡，有時我主動text下佢哋都hea覆唔多理，想call佢哋又話唔得閒，想了解下佢哋嘅生活但係又del咗我close frd冇得睇，感情好似真係已經淡咗。 其實我都係想寂寞嗰陣搵下佢哋啫，我真係好想好想維繫返我哋嘅感情，但係我好幾次搵佢哋都好佢哋都係用唔得閒嚟拒之門外，我開始質疑自己其實我係咪做錯咗啲咩所以先會搞成咁，又會諗係咪真係我諗多咗。 希望大家可以比我啲意見，想問下我呢個情況應該點算好，我真係當咗佢哋係我真心朋友，真係好想返返去以前咁。 SORRY FOR 1999

#NSS愛情 [GUEST] 鐘意咗一個無可能發展到嘅男仔 小妹係一個蠢蠢哋嘅平凡女仔，而嗰男仔係我師兄，佢係醒目仔嚟，同佢相處好大壓力，驚自己又做咗啲蠢事激死佢，但過程都開心嘅。即使幾啱傾都好，但係我哋係兩個世界嘅人，加上自問太平凡，唔敢妄想嗰男仔會對我有意思。好多朋友勸我追佢，唔好令自己後悔，但我始終唔敢踏出呢一步 應唔應該放棄？

#NSS個人 [GUEST] Hello大家好，唔知有冇人同我一樣，有時會無端端會諗起自己喺學校做過嘅尷尬事，跟住就會有一下唔受自己控制咁出現嘅失敗感🥲。 其實嗰啲事真係好小事（最小事嘅可以係上堂唔識答問題），明知其實無人會記得，無人會在意，但係都會好驚有人笑緊自己。 一諗起嗰一下就會好後悔，覺得自己好失敗，不斷諗嗰陣如果我冇做到某某事，個結果可能會唔同。雖然我成日對自己講:「 每個人都會做過呢啲事㗎喇，唔洗咁介懷，忘記件事啦」但係下一次又諗起。 小妹喺學校係比較內向嘅人，同時都幾注重自己嘅形象。我成績唔算最好，但都唔差，所以一直好努力想keep住個成績，希望其他人會認同我，同埋喺學校可以有多啲存在感。 唔知係唔係因為我咁注重自我形象，先成日介意自己嘅尷尬事……? 呢種事係中學開始先出現，而且冇乜對我造成困擾，但係都想知有冇人同我一樣會咁，同埋有冇解決方法? 文筆唔好，Sorry for 1999🙏🙇‍♀️ Thanks admin

#NSS個人 [GUEST] 小女油麻地一間傳統女校F4的學生 我是一名抑鬱症和焦慮症患者 接下來的投稿是我想對我爸媽和我自己說的話 不知道會不會阻礙到你們 希望你們不會介意 也給我一些建議🙈🙈(知道我是誰的話不要說我出來🙈 知道為什麼我經常不開心嗎…唉…可能跟我成長有關係吧 是我的原因嗎？是我很自私嗎？為什麼小時候他們都那麼偏心？ 為什麼要打我？我不吃飯怎麼了？ 我界手怎麼了？為什麼說我殘忍和虐待自己？你們以前不就是差不多的對待我嗎？虐待我 侮辱我 扯我的頭髮和耳朵，用衣架打我，把我趕出門，威脅我… 你以為你現在對我好有用嗎？但其實你們對我的傷害我永遠忘不了的。 為什麼不打死我 為什麼不用刀砍死我 我真的不想活了 好辛苦 一月住院 二月又住院 現在我嗑藥沒藥嗑 割腕割不到 跳樓不敢跳 都死不了

#NSS學校 [GUEST] 係咁嘅，我知道一啲野，唔知道應唔應該講出黎，但唔講又覺得好似有啲問題，唔知道大家有冇相同嘅經歷，定係只係我諗太多。 我係一間傳統名校度讀書，大家都好上進，而且亦都相處得好融洽，冇咩特別，但我開始發覺，其實好多人喺我哋學校都有啲問題（精神問題或身體問題），個比率大概就係全班三分之一，仲未計一啲我唔知道嘅，當然大部份都係好低調（甚至鮮為人知）但係我比較八卦，所以就會知道得多啲。我曾經以為只有成績差嘅學生，先至會有比較大嘅壓力，但原來成績好嘅人其實都係一樣，只不過佢哋隱藏得更好。 我覺得好唔開心，因為呢個好似已經成為左一種常態，明明我哋大家嘅精神狀況或者身體狀況已經支持唔落去，差唔多日日都有功課要交，晚晚做功課做到凌晨五六點，有啲同學瞓一個鐘就要起身溫測驗，有啲同學要日日帶住一大樽黑咖啡提神。我覺得讀書好似已經讀到冇尊嚴，我唔係本着興趣同埋對知識嘅渴望去尋求答案，反而變咗係一種勞役，喺讀書面前，性命都變得不值一提。 我有啲擔心其實全香港都係咁只不過一直冇人講出嚟，我有啲擔心成為一個風氣，我哋就一直係咁扭曲嘅教育制度底下變得瘋狂。唔知道大家學校係唔係都係咁？定係其實只係我諗多咗。但我真心，只係希望我諗多咗。 Admin pls po ig thx

#NSS個人 [GUEST] 有一個同我識左7年，由細玩到大，咩都傾一餐，好frd 嘅朋友係上年移民咗去英國。 我之前知道咗佢要走之後真係好唔開心，晚晚都喊。 佢啱啱過去嗰陣，我哋差唔多晚晚都FaceTime，一齊打機。但係耐咗就冇，因為時差、功課、好攰…… 最近，佢對我越嚟越冷淡。好多時，我同佢share 啲嘢，佢都淨係覆我”Oh, Cool”嗰啲，我唔知係文化差異定真係hea 覆。近排，我meassage 佢，佢有時都己讀不回。 我真係唔想冇咗依個朋友，我好珍惜佢，好想好似之前咁。 請問我可以點做？ sorry for 1999