#NSS個人 [GUEST] 小妹今年中三，我喺兩年前鍾意過一個男仔，依家稱佢為A，一開始只係我自己鍾意A，但係我哋日日見，所以A後嚟都鍾意咗我。之後冇幾耐A就同我表咗白，咁一個你好鍾意嘅人同你表白，你一定唔會拒絕佢，所以我都冇例外，應承咗同A一齊。 但係問題嚟啦，A同我表白完嘅第二日，我諗返起A同我表白件事，我唔知點解會有一種厭惡嘅感覺，仲有少少噁心。過咗幾日真係頂唔順，所以同A分咗手。但係分完手又好心痛好後悔。 到咗今年，同樣嘅事又發生咗，咁過咗兩年，咩都放低曬。之後通過一個朋友識咗個男仔，依度稱佢為B。咁我同B日日Chat，一齊出街。後嚟鍾意咗B，過多排，B都開始鍾意我，同我表咗白。又係一樣，B同我表白完之後，諗返起B同我表白嗰件事，就莫名奇妙咁多咗一種厭惡嘅感覺。過咗兩個禮拜之後頂唔順同B分咗手。 其實我究竟係咩事？點解好似我鍾意佢就得，佢鍾意我就唔得？有冇人知道係咩事？ 希望大家可以幫吓手🙏🏻 希望Admin 可以post IG🙇🏻♀️🙇🏻♀️
#NSS個人 [Guest =koey] 我覺得生存係呢個世界好似有啲辛苦 小妹f1亦都有中度抑鬱症 我成日都會好負面情緒成個人都好down 成日都覺得身邊嘅人唔鍾意我成日討論我 成日都喺度喊每日過得都幾痛苦 成日喺其他人面前扮開心同樂觀我連我最frd最frd嘅朋友都唔夠膽講比佢哋聽 唔想令到佢哋都唔開心 所以通常我都會將我嘅委屈唔開心都去到夜晚自己坐喺一個到喊但係我知道解決唔到問題 我每次都攞個真心出嚟同其他人做friend 但係每次受傷嗰個都係我 我心靈好脆弱 對於平常人好細微嘅嘢但對我來講係一個好大嘅打擊 同時我都好心軟 即使係欺凌我嘅人我都會原諒佢哋 我帶咗面具好耐 好耐冇做過最真實嘅自己 同屋企人佢哋講又唔會理 所以我每日都過得好辛苦好痛苦 會唔會我唔應該生存係呢個世界上 或者我而家出世係咪就錯 Sorry for
#NSS學校 [GUEST] 求admin po ig🥺 感謝🙏🏽 長文，希望大家唔好介意😖 係咁嘅，小妹由細到大都係個人緣麻麻地嘅人。今年喺中文堂識到三個close friends (國際學校讀中文嘅人好少，我嗰班得四個女仔，自然地就越黎越close) 其中有一個女仔(下稱n)喺學校跳舞堂都同我同班。因為呢段友誼實在得來不易，所以我真係好珍惜，好多嘢都好包容好忍耐。 返正題，最近我地跳舞堂要兩人一組負責一個民族舞workshop，要講factual info同埋做practical。因為我同n比較熟，好自然地一組做啦。我同n識左半年多啲，知道佢少少背景。因為佢過往經歷嘅原因(喺度唔講太多)我一直唔敢太深入地了解佢，我只係知道佢好敏感，情緒出過事，性格任性啲。佢屋企人比較錫佢保護佢，試過幾日唔返學。 第一堂n有返，我地順利地傾晒分工。當我以為之後都可以好順利嘅時候，佢第2堂開始連續冇返3堂。好彩分好晒工，佢唔喺度對我影響唔算太大，咁我咪算lor(但係令我有少少唔妥佢，之後老師都有私底下同我講，如果n再唔返，到時佢嘅部分未完成就算啦) 而我只係關心地追問過佢嘅進度一次。 之後我哋開始討論practical，我負責基本動作，n負責一段短嘅routine。我提出咗兩個建議：第一，我將啲基本動作教識n，n將佢哋串埋一齊成為一套短routine；第二，n教識我佢隻「喺北京學嘅中國舞」，我將入邊嘅動作拆開變成基本動作咁教。其實我咁做係有原因，因為我有教跳舞嘅經驗，我希望兩個部份係有關連，咁其他人學嘅時候可以容易啲跟上，但係n就好唔情願，佢好堅持兩個部份唔需要有關連，原因係「佢隻舞啲動作好簡單」順帶一提，之前佢教social dance workshop嘅practical part指令好亂，完全冇講方向同拍子，我呢有跳舞底嘅人都唔係好跟得上啲動作同方向。其實呢個時候我絕對可以將我對佢嘅不信任表現出黎，但係我冇，因為我唔想顯得自己係一個唔信任朋友嘅人，我願意尊重佢嘅決定。 啱啱上一堂我地開始討論practical嘅時間分配，我話我最多20分鐘搞掂，but佢好堅持要我試教一次(已經feel到佢唔信我講嘅時間) 我就話我ok, 暫時唔使試教。點知n都係堅持己見，我地就喺呢個話題「傾」左十分鐘。之後n頂唔順，搵左老師入黎breakout room調解，佢第一句就話 ‘(我個名) and
#NSS學校 [Guest ] 今次係我第一次投稿,希望admin 幫手出post 🙇🏻♀️ 小妹今年中三，讀緊band1A英中，對選科有啲迷惘，想請教下大家🙇🏻♀️ 首先想問吓讀econ 係咪要數同英好？ 因為自己數學同英文都唔係強項（甚至係弱項）（可能dse攞唔到5） 見到學校economic選科公式係mathx4同埋engx4，econ 本身先x2 但係讀咗一兩課econ,理解都concept,跟得都唔錯,又想修。 想問我呢個情況應該點？揀唔揀econ? 之後想問吓chem係咪要數學好？ 因為我自己數學麻麻哋，聽人講又係要好多理解力 但又有少少想修🙈 同埋想問一問史科同bio 一齊會唔會太辛苦？ 因為史科一直唔錯+有興趣，所以想修一科史 但係又想讀bio,驚兩樣嘢一齊handle 唔到 所以想問一問大家咁樣修o唔ok 最後想問吓唔修m1m2會唔會有咩大影響？ 因為見到好多大學學科都話m1m2優先考慮，驚唔讀嘅話會有啲蝕底
#NSS家庭 [Guest] 我阿哥真係好煩。 *長文* 小妹中二，今年14歲，有個今年22歲嘅阿哥。我哋自細就冇乜溝通，因為年齡差距比較大，而且興趣同價值觀好唔同，所以根本冇嘢傾。細個嗰陣佢都仲會喺阿爸阿媽唔喺屋企嘅時候睇住我，不過我去到中學已經可以自己一個留喺屋企 (未夠16歲，但係有邊個16歲之前冇試過自己一個喺屋企呀)，於是我哋幾乎零溝通，就算係溝通都係嗌交 冇錯，我阿哥嘅性格係乜都可以嗌一餐嗰隻。我屋企張飯枱喺廚房隔離，飯枱其中一個位係喺廚房入邊，個廚房好細，如果有人坐喺嗰個位就一定要互相遷就先可以入到去廚房，咁有一次我阿哥就坐喺嗰度食早餐啦，我想入去廚房斟杯水，就同佢講唔該借借，佢竟然話：「借咩啊，見唔到我食緊早餐咩，係唔係唔識行呀？乜啲讀書人都咁on9㗎」，其實我都係想入去斟杯水啫，而且都有講「唔該」借借，使唔使咁惡呀 唔止呢一次，每次同佢講少少野，佢就會好惡咁回應，其實我平時好少同人嗌交，不過佢咁鬼惡，我次次都撳唔住團火，於是就會嗌交。你以為佢係大蝦細？錯喇，佢成日都同阿爸嗌交，佢呢兩年讀緊副學士 (因為轉咗科所以比較遲先開始讀副學士)，又有返工，成日都唔返嚟屋企瞓，就算返嚟瞓，多數都唔會喺度食飯，就淨係返嚟沖涼同瞓覺，不過佢一喺度食飯，就一定有交嗌，阿爸鍾意電視撈飯，食飯嘅時候會開新聞嚟睇，咁多數佢都會講吓入邊啲人點點點，跟住阿哥就會反駁佢，又唔俾阿爸發表佢嘅意見，阿爸身為長輩就梗係唔會讓步啦，搞到佢返嚟食飯就一定係嗌交嗌足成餐飯，大佬我想正正常常食餐飯啫，你就次次都撩交嗌 我頭先都有講過佢而家有返工，我估計佢收入都唔錯，始終唔使比住宿費，佢賺到錢之後，就成日話阿媽煮啲餸cheap, 你咁威你煮啦，成日嫌三嫌四。阿媽琴日買咗隻靚雞返嚟煮，阿哥又返嚟食飯，佢就話：「下次唔好煮雞啦，煮牛扒。」等陣阿媽煮完牛扒佢又會嫌三嫌四，真係好鬼煩。見佢咁冇禮貌，阿爸就話佢啦，跟住佢又唔聽人講嘢，其實你都唔使俾家用啦，仲有間屋俾你住，仲嫌棄咁多，係咪想* (請大家自行想像嗰粒我想講嘅字) 佢仲成日話我讀咁多書，第時做書蟲，真係火滾。你讀書唔好，搵嘅錢亦都唔係靠你嘅學歷，但係唔好踩我哋呢班努力讀書嘅人啦，知唔知有幾多人為咗dse日讀夜讀，我哋嘅夢想，唔好亂咁摧毁！ 我對佢真係有太多不滿，一篇文講唔晒，不過佢咁揮霍，佢對阿爸阿媽嘅態度又咁差，第時佢冇晒錢問我借，我實唔借比佢，唔好話我絕情，邊個叫你咁衰啫。有錢真係唔係大晒㗎！(而且你又唔係真係好有錢) 真係太不滿，可能有啲語無倫次，請大家體諒 sorry for 1999 唔該admin!!!
#NSS學校 [Guest] （一間普普通通嘅中學） 我想問下有冇人學校體育堂女仔係要做一字馬同一字馬考試直到中三，自從我升到呢間學校就討厭上體育堂，我覺得學校有啲傻傻地💩，話女仔條筋一定要軟，而且男仔就唔需要，不嬲骨頭硬嘅我日日上完體育堂下半身都痛，簡直第二日行唔到路。 而且個老師係我哋做緊拉筋動作嘅時候，數得勁慢。例如1，2…a同學做得唔好……，3⋯⋯，4，5⋯⋯，B同學做得唔好6……。點解學校對我哋女仔一定要條筋軟，仲要唔做都唔得，理得你乜嘢屎事都好，都要做，之後老師見你唔得仲會撳住你。乜世界上女仔一定要條筋軟同識得一字馬先得嘅咩🤷🏻♀️
#NSS個人 [Guest] 如何提升自己嘅人際關係 [之前透過幾次稿都無post出黎，希望admin今次可以po ig] #sorfor1999 #屌細力啲 前言 是咁的，小弟好似搞彎左啲野⋯⋯ 咁個問題嘅當事人就叫做B。佢就唔算同我超級frd，但都算係同我傾到幾句嘅，而有幾科我都係同佢一齊坐嘅。有一日上堂嘅時候，佢就係度搞我啲野；我就半開玩笑咁好大聲叫佢唔好搞我啲notes（個音量係足夠比老師聽到嘅）。佢就突然間變左面色咁講：「你有病ga？」，然後就無同我講野。到老師講完書要我地自己做野嘅時候，佢就同我另外一個frd（C）係度咬耳仔，然後佢地就係度笑，而我當時就被蒙在鼓裡⋯⋯ 落堂之後，C就私下咁同我講話B覺得我好煩，仲話B從來無當過我係frd⋯⋯ 我聽到果一刻我覺得好愕然，因為平時佢都有同我傾計，又有同我係度玩、開下玩笑咁樣，所以我一直都當佢係frd。第二日，C就話我唔係好識睇人臉色，成日get唔到人地心底入面係度表達緊啲咩，仲加把口繼續講啲無關事嘅嘢，就覺得同我講野好無癮⋯⋯ （所以B先覺得我煩）之後，佢仲話我幾乎可以話係無得救咁樣，同佢9成都做唔到frd⋯⋯ 所以小弟我到底應該可以先可以繼續同佢做到frd？佢其實份人唔差，而我都幾想同佢做frd⋯⋯ 同埋要點樣先可以學識睇人臉色，唔好再咁6uo，連人地講咩都get唔到？希望各位可以略施小計，幫助下迷途嘅小弟，thx🙏🙏！