—類投稿

#NSS學校 [not really want to show] 女校真係會有愛情嗎 我係一個來自女校嘅中學生 大家都話我性格比較似男仔 唔斯文 又唔鍾意睇書 淨係覺得打籃球好適合自己 小學我基本唔同女仔玩 亦都唔覺得自己會彎 （鍾意女仔 因為阿爸阿媽擔心我會係中學怕拖 所以就叫我入左間女校 本身以為中學生活都會好平淡 點知事情完全發展到意料之外 我係度認識左一個同級嘅校隊隊長 佢讀書運動比賽都好勁 我一直好仰慕佢 其實我小學比賽都見過佢幾面架 所以對佢嘅印象都好深（實在太勁） 偶然一次我突然發現我哋兩個嘅喜好幾乎一樣

#NSS其他 [GUEST] 小妹用緊Air4同有支apple pencil , 想問下想買ipad套有咩ig shop推介 , 想要有得冚埋有得托住個ipad嗰種😬 同埋mon貼個價大概係幾多錢 , 前牌見到有個係專for多用apple pencil寫野可以寫得順啲嘅類紙膜， 100幾咁 ,唔知算貴定點 ,又或借有冇Mon貼ig shop推薦 , thankssss! 可能形容得唔太好 希望大家睇得明 sor for 1999🥸

[GUEST] 希望admin可以po ig 啦 小妹中三，移民嚟英國 嚟咗半年到冇乜特別開心反而傷心多過之前好多 好多人會覺得我身在福中不知福（當然我知有得移民好好），其實移民唔係好似去旅行咁開心，大家都淨係覺得移民離開香港好開心，唔係囉。過到嚟問題多多，日日以淚洗面咁（其實可能係我自己問題，resilience 低得滯）要喊根本唔係一件難事只不過係睇我得唔得閒，我得閒即刻喊到（應該去做演員），但又唔可以成日喊，喊到隻眼腫晒點返學呢。 過到嚟英國，係當然會識到friend啦 要返學㗎嘛，但係我本身個人比較內向同埋要耐啲先可以同一個人熟，仲有社恐，變到有少少唔識同人溝通咁，但係其實自問英文一啲都唔差溝通能力都幾好，溝通應該唔成一個問題，但就偏偏成日好似唔識講嘢咁。 我本身個friend group根本就係完美，我夠膽講如果我唔走可以做一世嘅朋友，直到老。但係而家淨係得facetime冇得再約出嚟挽，一齊返學，仲要移得民就梗係預咗一世都會喺英國（至少我成家都係咁諗）咁就即係永遠都淨係得facetime最多只係返香港一陣，都只不過係去旅行，我同我啲friend究竟要個心點樣永遠都唔變先可以繼續做一世嘅好朋友。其實好難，淨係少咗日日一齊返學，佢哋又唔係會成日好主動message嘅人，佢哋已經變咗好多，我特登就佢哋嘅時間傾偈一向即刻覆嘅變到兩日先覆lu。 以前我以為我一直係佢（friend group中其中一個人）最好嘅朋友，仲驚我走咗唔知佢會點呢，原來係我諗多咗，係我需要佢多過佢需要我，以前我哋差唔多日日都傾偈，而家？講出黎都笑死人，一個月講三次嘢，講親都係垃圾廢話，話facetime都只不過係好似開ig live咁冇嘢講。嚟咗只係半年成個friend group淨係得一個最最最friend嘅冇變一樣咁friend。諗返起我就走嗰陣時佢哋仲話要永遠keep住咁friend，寫俾我嘅卡我每次睇每次喊，仲要一次比一次喊得勁，真係笑死人，或者佢哋已經唔記得佢哋喺張卡上邊寫嘅承諾永遠咁friend lu，所有嘢都只得我一個懷念笑死。 由上年決定移民到而家移咗民嚟咗英國，呢段時間我諗係我暫時人生中喊得最多嘅時間。未嚟英國之前，我喊，驚同我啲friend冇得再咁易見面，唔再friend都仲可以見，而家？喊完都係咁，咁咪少啲喊囉。可能只係兩年前嘅我都冇諗過兩年後嘅我點解無端端會喺英國，仲要日日喊添。由細到大屋企環境都幾好，喺香港生活好好，所有嘢都好安定，我日日都好開心覺得自己好幸福，諗都冇諗過會移民。其實依家諗返轉頭生活安定同開心唔係必然，喺香港想移民但冇得移民嘅人，唔好淨係睇人哋移咗民以為好好，其實應該好好珍惜可以同屋企人朋友住喺同一個城市冇時差嘅生活。 雖然我講到移民嚟英國講到好似好差咁，不過其實係因人而異（我兄弟姊妹十分正常全家得我一個會喊到死咁），我個人比較難放得低同埋都幾依賴其他人，可能係因為呢啲原因令到我有咁嘅感受啦，就嚟移民嘅人千祈唔好睇完呢篇嘢覺得 自己好似去送死咁，其實有好多得着㗎。不過其實我都只不過係嚟咗半年，耐咗可能應該會好啲。就移民嚟英國嘅人唔好咁多擔心多挑戰但總會捱過去，唔好咁易放棄，加油！ 衷心感謝你睇曬成篇野

#NSS個人 [Guest] 4月29號嘅時候， 見到啲人喺度搶唔到Mirror演唱會飛, 咁我 見到演唱會飛咁搶手, 擺上網賣一定好多人爭住入錢畀我啦! 點知, 真係如我所料, 一擺上carousell到賣, 就有超過99個回覆. 覆到我手都軟埋, 但事實上我根本就係冇mirror演唱會飛, 本身係諗住試下係咪真係咁多人要, 但發覺我講話要收住一半訂金, 都咁多人爭住幾千幾先咁樣入畀我. 當時我見到我自己戶口多咗咁多錢, 真係好開心, 但好快我開始淆底, 因為支付工具有實名制, 到時啲狗搵上門 ，咁我嘅中學生前途就盡毀。 🔚於是我開始諗住退返曬啲錢畀人 ，呢個就係結局 。最尾想問下

#NSS個人 [GUEST] 想知大家而家對於女仔嘅重量容忍度係幾多。小妹中二，161.5/56.6kg左右，見好多同學4X kg好羨慕，同埋D ig shop model瘦到可以著勁短top，好似完全冇肚腩咁。自己有試過運動減，減到50 kg左右，但好快反彈。 好多男仔見到已經話係肥婆，係咪冇男仔鍾意超過50kg嘅女仔？而且自問樣唔太靚 Thx admin btw

[GUEST] thx admin pls po ig 小弟中三，有親生爸爸同繼母。我同爸爸嘅關係好好，佢非常錫我，由細已經plan定想我完dse去外國讀書同定居。佢話我去外國可以見識多啲野，搵份好工開心生活。 但我好擔心如果我自己移民爸爸留喺香港點算，我係獨生子冇兄弟姊妹，佢病咗冇人照顧，我喺外國又無能為力。到時我請工人我都會覺得自己不負責任，佢咁辛苦養大我，我自己走咗去，佢嘅退休生活又咁悶。 其實我對外國嘅憧景唔算大，但對香港嘅自由比較擔心，我唔知道2047香港會變成點。我而家嘅成績都唔差，若然dse考得好可以喺香港搵到好工作，我都唔介意留低，不過都係驚香港嘅自由會消失，到時再走就太遲。 都仲有幾年時間比我諗清楚，想問有冇獨生子女有移民嘅經驗，你哋點樣照顧到父母嘅感受同日常生活？同埋帶埋父母移民嘅話，老人家會唔會難適應？ Sor for 1999

#NSS個人 [GUEST] hihi我係#NSS220430A 嘅樓主 我知道我上次寫錯咗好多字，並引起你哋嘅討論 sorry，唔好意思🙇🏻‍♀️，其實寫嗰篇嘢嘅時候，我喊住寫，真係忍唔到，所以可能錯字自己都唔知，對唔住。但我唯一嘅目的都係想大家比下意見我，而唔係攞我寫錯嘅字笑我🙇🏻‍♀️，我唔係住金字塔，mummy係媽咪嘅意思，我會改返Mommy，thank you and sorry🙏🏻

#NSS個人 [GUEST] Hello 大家好，我係#NSS220423B嘅樓主，好多謝大家嘅意見同支持，我全部都收到晒啦。 雖然停咗學大提琴，但係而家依然有自己無聊嘅時候拉下，同埋練下orchestra，希望冇咁快生疏😅。 另外最近都收到之前考嘅ATCL結果啦，係90分嘅佳績，總算係俾我老師最好嘅一份離別禮物。 其實我希望可以喺中學畢業前靠自己自學考埋個LTCL返嚟，唔知有冇過來人可以分享到經歷呢？究竟LTCL可唔可以自己自學到返嚟呢？ 回覆留言— 1）有好多人鼓勵我睇TwoSetViolin，我當初真係估唔到會有咁多人提起佢哋！其實我係佢哋嘅超級fans✌🏻，勁鍾意Brett同Eddy，唔知呢度多唔多twosetter呢？😁 2）見到留言區有人話「中學唔玩幾時玩」同「唔學唔代表唔拉」，其實我好認同，因為我好鍾意音樂，就算冇再學都好，我仍然有自己學一啲我自己好鍾意嘅曲目。 3）識拉唔等於識教琴，即使我要pursue music career 我諗都只會係做演奏家，但出名嘅演奏家有幾多個？我自問又唔係拉到top tier，老老實實出路好少，我諗我都係當興趣keep住拉算～ 最後衷心感激每一個留過言嘅巴打/絲打🙏🏻 sor for 1999

#NSS學校 [Guest] 多數人做project最憎嘅都係freerider啦，但係我最憎嘅係做9成嘢但係做到成pat屎嗰個人。 小弟f3, 話說呢排有個geog project啦，3-4人一組，我同我兩個好兄弟第一時間group咗，交咗名單比阿sir, 點知最尾有個女仔剩低，有兩組都係有3個人，阿sir問佢想去邊組多啲，另一組就係有佢啲friend嘅，不過聽聞鬧咗交所以杯葛佢，所以佢就揀咗嚟我嗰組 我同嗰個女仔係第一次同班，完全唔熟，平時見佢都幾好人，就覺得冇乜嘢啦，但係第一次開會，佢講咗第一句，我就覺得pk喇。 「我哋分開做吖」，我哋同你唔熟，本身都需要溝通多啲㗎啦，分開做咪即係連本身溝通嘅機會都冇？佢係‎whatsapp一日online幾分鐘甚至完全唔online嗰隻，想搵佢仲難過登天，第一次約開會都係我send email，佢過咗4日先睇。 好啦你而家一人塞一part，分開做我都算，我哋做晒之後約你開會，你又唔睇email， whatsapp又唔睇，我哋三個自己開會，一打開個powerpoint, 嘩，我哋原本做嗰啲嘢呢，比你改晒，改嘅程度係我哋原本係寫對比A同B，佢改咗做對比C同D，不如你一早講定成份你做晒呀！好彩我之前save咗份copy, 我哋三個直接搬返原本嘅內容落去，send埋email比嗰個女仔，叫佢唔好再粒聲唔出又亂咁改我哋啲嘢，如果真係想改就出聲，全部人同意先改得。 點知第二日我得閒冇嘢做開個powerpoint嚟睇，個女仔又改咗做對比C同D，咁我即刻同兩個兄弟講啦，我哋傾完之後決定費事再同佢糾纏，反正對比C同D係合理嘅，不過個女仔grammar錯漏百出，內容又九唔搭八咁，於是我哋又send email比佢，同佢講佢寫啲嘢有錯，一係就佢自己改返佢，一係就我哋幫佢改 (兩日內唔覆嘅話)，好啦佢兩日後冇覆，我哋幫佢改，一日後佢又改返做佢嗰堆錯漏百出又九唔搭八嘅嘢。我哋三個已經放棄同佢溝通，由佢亂來，諗住臨deadline先改返啲嘢。 幾日前，阿sir上堂嘅時候開breakout room比我哋傾project，個女仔話佢已經寫好份presentation嘅稿，嘩，你都分得幾平均喎，8分鐘嘅presentation，我哋三個一人一句，一人最多20秒，其他全部都係你講，阿sir之前講明個presentation係individually marked, 即係你諗住我哋三個唔合格，你自己一個高分啦。正當我想同佢講數，佢就離開咗個breakout room 6/5星期五就presentation喇，如果再唔搞掂 條pk, 我哋三個真係玩完㗎喇，presentation講得嗰一句加上嗰個powerpoint嘅質素，實唔合格，個project佔成績表個分15%，我哋三個geog不嬲都唔高分，冇project幫手拉分真係會揀唔到科㗎喇，我真係唔想比呢條pk整死，有冇人有方法？

#NSS個人 [我成日夢到佢] hello 大家好，我呢排有個問題困擾左我好耐。我成日夢到一個小學同學（男仔，樓主係女仔），佢以前對我好好成日同我玩，我哋又一齊補習+樂隊，以前差唔多日日見，玩得好close ，係小六畢業last day 嗰日佢同我表白，我冇答佢（因為個時仲未好明白愛情），因為嗰陣時我好少用電話，都冇留到佢電話。只係後尾有follow ig ,而家隔咗幾年，我又成日夢見佢，但佢已經去咗外國， 好少聯絡。我而家可以點？我投稿係因為我又夢到佢同我表白。😳