#NSS個人 [GUEST] 小妹今年f2，呢排覺得自己有抑鬱症，其實唔係第一日咁覺得，由f1升f2嗰個暑假變得好憂鬱，又唔開心演變成鎅手，一開始用釘書機啲釘，到後來用鎅刀鎅手，七月尾八月頭嗰陣勁唔開心，不停鎅不停鎅，結果就有幾條疤痕，夏天一熱嘅時候就會變紅，好明顯，當時阿媽唔小心睇到問我咩事我都係呃佢話螢光筆畫嘅。f2嘅時候鎅過幾次，仲俾同學問我咩事，我都係話畫嘅。因為f2發生好多事，我變得好憂鬱，前幾日啱啱鎅完，鎅嘅時候發覺唔痛，反而好享受（？），因為呢個係我唯一發洩嘅方法。之前家姐f2-f3都有過抑鬱症，阿媽之前同爸離婚都有抑鬱症，幾年先好返，唔知係咪遺傳…好想睇醫生，因為我都覺得自己心理好有問題。但係冇勇氣痛阿媽講，阿媽好錫我，覺得好對唔住佢。唔知點算好…
#NSS愛情 [KYC] 長文慎入 俾人hurt過一次 我發覺自己唔再敢鍾意人 喺中四上網課嘅時候，我識咗一個女仔，佢喺一個好好嘅女仔。雖然我哋喺同一班，但係我哋唔太識對方，直到BIO堂一齊做功課，我哋熟落咗，變成一齊傾住電話做功課、溫書，一齊傾到凌晨，分享自己鍾意咩type 有咩目標etc 我哋互相都有好似嘅價值觀 思想上比較接近。另外，喺嗰段時間，我哋嘅成績好咗好多，考試入面一齊由中游上到前段，成功感真係好大。 之後，我哋都有keep住傾電話、曖昧，一切如常。喺復課之後，我同咗佢表白，而最可笑嘅事發生咗，我最好嘅朋友喺第二日同咗佢一齊。我好似一直俾人隱瞞咗，好似一個傻仔。自此，我哋冇再傾過計，而好似三個人都有共識唔提呢件事，所以呢件事成為咗我哋嘅秘密。 自此之後，我對愛情冇咗信心，亦都話俾自己聽，要將一切做到最好，唔可以衰俾佢哋睇。 過咗一年，我同一個同級嘅女仔多咗交流，佢成績好好、性格好nice、好鍾意笑，有小小怕羞，即係鄰家女孩feel咁，亦都係我鍾意嘅類型。我哋會一齊傾偈、約出嚟玩、互flirt。相處咗一段時間，佢有明示暗示，所以我知道佢鍾意我，但係我唔知點解自己鍾意唔到佢，只係有好感。同時，我知道好多人鍾意佢，因為之前嘅失敗，我冇信心可以好好愛佢，成日覺得有人比我更貼心、更愛錫佢，所以我決定放手，我覆少咗佢嘅信息，慢慢淡出佢嘅生活，因為我知道佢好多選擇，揀一個真正鍾意佢嘅人絕對俾我更好。 就係咁，我放棄咗。睇到呢到，或者好多人會覺得我好浪費，有咁好嘅女仔唔珍惜，其實我都知，但係自己仲未有能力面對一次挫敗，even失敗機率近乎0，我都唔敢冒險，我就係咁懦弱，對唔住。 喺暑假嘅時候，有個唔太熟嘅女仔（其他學校）成日覆我story，傾傾下先發現大家都有一樣嘅目標，想入一樣嘅科。自此，我哋多咗傾計，由一開始交換下升學情報，到傾下喜好、理想型etc 有日，佢約我睇戲，同佢一齊行街、睇戲，令我又重新有返心動嘅感覺，覺得同佢相處好舒服。之後，我哋又一齊睇咗月老，送佢返去嘅時候，我哋有意無意咁拍到好埋，但係我都係拖唔落手，我唔敢表白even我知道我鍾意佢。 我硬係覺得自己唔夠好，佢係band1名校；我只係普通學校。佢家境比較好；而我只係公屋仔。我好自卑、我好懦弱、我好驚失敗、好驚佢睇唔上我。因為失敗嘅畫面成日係我腦海浮現。所以，潛意識叫我唔好去馬。 我又失去咗一個企起身嘅機會。 之後，我努力麻醉自己，逼自己要keep住做到最好，好想證明俾人睇，我好有能力、好有決心、要令人另眼相看。但即使後來有女仔同我表白、approach我，我都選擇冷處理、婉拒，因為我感受唔到一個可以令我打開心扉，盡訴心中苦楚嘅女仔。 我好辛苦，表面上人人都話我好勁、好叻，好似多人鍾意咁，而我早嗰個已經殘破不堪嘅內心一直冇人了解，而嗰個傷口亦永遠唔肯結疤。原諒我忍咗太耐，實在忍唔住，只可以好卑微咁喺度分享。
#NSS愛情 [GUEST] 同個女仔識左幾年，一開始都只係朋友嘅朋友，之後一班人出嚟玩先真係識對方。過多一排開始熟，傾計都多左，有時都傾得好deep，試過幾次傾通宵。之後出嚟玩同佢都玩到好癲，亦由果陣時對佢有feel。身邊啲朋友亦察覺到我對佢好似有啲嘢，咁好快都傳到去個女仔到。個女仔私底下問我係咪鍾意佢，我一開始都冇唔知點答佢，只係叫佢唔好亂諗。過多一排我始終覺得唔講出嚟好唔舒服，諗左好耐先認，我認左之後佢都話對我有feel。跟住段日子我哋只可以係電話度做返自己，係其他人面前都盡量扮冇嘢。咁一直相處都唔錯，但因為我同佢始終未算成熟，而且大家都差幾年，又怕身邊人會有閒言閒語，所以一直都冇開始。過左一段時間，佢好似有心避我，成日都hea覆甚至已讀我，咁我一開始都冇當一回事，但情況都維持左一排，咁我唯有少啲搵佢，每次都係簡單幾句，但漸漸對話由少少變到完全係零，我一直將對話置頂，一直等佢搵我，但冇諗過最終差唔多兩年冇搵過對方。 直至上年尾一班朋友一齊出嚟玩之後先有返對話，但我感覺到大家同以前已經唔一樣，變成最熟識嘅陌生人。我曾經諗過忘記佢，畢竟我哋都冇真正開始，但始終我哋係有鍾意過對方。過多幾年係點冇人知，但我希望我會等到你，我亦唔會後悔一直等你。
#NSS愛情 [MMWC] 我曾經有個女朋友，佢同好多女仔冇分別，好鐘意笑，好純真可愛，少少無理取鬧，有戀愛腦。我哋一齊左九個月，話長唔長，話短唔短。 佢唔貪圖我金錢，當有好多女仔曬命自己有好多男友送嘅名牌禮物，好開心，佢收到我一個角落生物枕頭已經好開心。 可是，愛會隨時間流逝，我喺網課時識咗個女仔，外表，性格乜都好過我女朋友。而佢同咗我表白。我應承咗，因為同女朋友一齊已經因為時間流逝冇咗單純嘅愛，冇新鮮感。 分手前一日，佢問我，你如果遇到更好嘅女仔，互相愛慕，你會唔會愛我，堅持要我？我話：唔會，我會陪你過下半世。佢又問：如果你唔愛我，你會點做？我話：分手，唔耽誤對方 過咗三日一腳踏兩船嘅日子後，我同女朋友分手 我知道佢極之唔開心，但冇辨法。網課識嗰個女朋友好麻煩，要人定時報告行蹤，每個月情人節逼我送花送禮物。佢成日疑神疑鬼，我喺屋企佢又屈我出街約女仔，唔信任我。同佢一齊好辛苦 遇到其他人先知道我之前一手推開嘅女仔係最單純愛我嘅人，佢明知自己有好多更好選擇仍奮不顧身愛我，憧憬我地嘅未來，佢唔蠢，佢只係為我地嘅愛作一次豪賭。 兩個月之後，我網課個女朋友甩咗我，我大膽whatsapp返個ex，問可唔可以復合。佢冇男朋友都唔肯。 各位，希望你珍惜願意同甘共苦嘅另一半，唔好讓佢失望，失去先珍惜呢個一生難求嘅人。
#NSS個人 [Guest] 其實近呢幾年，覺得我個frd 好似同佢班中學同學friend d. 為咗方便大家睇，我會以A稱為我個frd A 同我係小學同學，但我地係讀唔同中學。係f1,2嘅時候，A都成日會好常覆我message,基本上一上線就即刻reply 我。 但依家，A就算上咗線甚至po 埋story 都冇覆，通常一日先覆一次… 每次A po story，成日都係喺度tag 佢d 中學friend,真係好嬲lor 其實我係中學，都唔算搵到真正嘅friend,（可能因為冇共同話題？）而A佢係比我social 好多，基本上佢嘅friend 一定比我多，因為我只係得A一個friend,而A有我之外其他中學嘅friend。 雖然A成日都話我係佢嘅best friend,但我都係覺得A同佢班friend 係friend d,搞到我成日妒忌佢哋…. 大家覺得點？
#NSS愛情 [Guest] 小妹鍾意的人(A)大我一年但同班 A拍過一次拖,而我是A0 *我唔知A依家係唔係拍緊拖 我鍾意A就快1年,我地中學先識 我依家基本上每晚臨睡前都會幻想 A拒絕我/向我表白/同A拍拖時做的事 因為網課,好耐都無見A zoom都唔會點見到佢,我好掛住A 之前實體課的時候,上堂我會偷睇佢 有時唔知點解佢會望過來我呢邊 跟著會同佢對視,但我都會即刻望第二度 好驚比A/其他人知道我鍾意佢 就連我的best frd我都無講 之前我測驗低分的時候佢安慰過我 (因為我坐喺佢附近) 嗰吓我個心好暖❤️🔥好開心 我唔知A鍾唔鍾意我,我有唸過趁長假期表白 不過我驚如果佢根本唔鍾意我 所以最後都無表白 但都驚如果A鍾意我,咁咪白白錯失機會?) ［我知我可能自大左D］ 不過真係好想知應該點做😢