—類投稿

#NSS愛情 [Guest] ThankQ admins, plz po IG~ 文筆差我自己知道 但係想記低自己感情 所以希望大家唔好介意 同埋書面語請注意~ * 人海茫茫，唯你，我一眼看到。 在我的印象裡，你背著一個黑色的書包，掛著龍貓的小鑰匙扣。但似乎你的正臉，我記不太清。 暗戀就是這樣，希望我能走在你前面，讓我可以出現在你生命裡，哪怕一瞬間也好。 但同時害怕你掉頭，最後反方向的離開了。 就是這樣，我一看見他，就快步跟在他身後，然後跟隨他腳步慢慢地走。 ** 那次在樓梯碰到你，你禮貌性地點了下頭。我故作冷靜，微笑著走了。你頭也沒回就直徑走進班房。也對，在你眼中，我就只是個師妹，跟你一點關係也沒有的同學。你那時遇到的我，只是一個如陌生人一般的正常人，沒有情緒地看待我。但你不知道的是，我回到了我的教室，我高興了一上午，興奮地告訴我姐妹 ——他看到我了！他知道我的存在了！ * 我現在回想，真的好累。 害怕著你身邊會多了一個女孩，害怕著你的心屬於另一個更優秀的女生，害怕著你女朋友出現了。 想告訴你「我喜歡你」。 如果這世上有藥效為「勇敢」的藥，我想你已經聽到了我對你說的這四個字。

#NSS社會 [某男校（唔重要] 小弟真係跪求大家睇晒佢，雖然好長，但求吓你哋。 大家有冇覺得好似輕視咗個疫情或者覺得中咗好平常？你話我係道德撚又好 恐懼撚都好，我覺得大家都係應該要對疫情有返咁上下重視，我唔係要叫大家打針嘅苗撚，但基本公德心同自律根本應該要有。 大家諗下點解第五波會爆得咁勁？事源係某航空公司嘅空姐空少唔遵守隔離防疫措施，因為呢個漏洞，喺一月初嘅時候，香港漸漸開始出現社區感染。依家唔係興師問罪嘅時候，疫情已經爆到返唔到轉頭，雖然話呢幾日有回落，但其實每日都有數以百計人死。 入正題，我個妹有個朋友（下稱A），A因為親戚所以成為咗密切接觸者。本來都冇乜嘢，阿妹話A要困自己喺間房入面隔離七日。本身聽完就算，好彩阿妹冇見過A。但係，今日阿妹好嬲咁樣同我呻，話A竟然未隔離完就出街，仲要大言不慚咁話如果佢中嘅話一早中咗。但係，其實每個人身體唔同，潛伏期只係一個參考，佢隔離期根本未完。我心諗，點解啲人可以咁冇公德心。大家可唔可以將心比心，唔好覺得中咗係理所當然？隔離安分守己，自律係責任。雖然A有解釋話自己係非出街不可，但我都依舊覺得A好有問題。A仲好可笑地挖苦咗我阿妹一句，「你咁驚咪唔好出街囉，恐懼L」。有冇諗過，點解出街就一定中！咪就係你呢啲自私嘅人囉，你唔知都算啦，仲懶係言之有理咁。 大家可能覺得自己年青力壯，中咗冇乜嘢。但其實根本就唔係連登班人講嘅just a flu咁簡單。可能大家覺得我係恐懼撚，係，我認。但大家有冇諗過有好多人嘅生活係比呢波疫情擾亂，例如身為應屆dse考生嘅我日日都要擔驚受怕，擔心考唔到試。又例如屋企有老人家小朋友嘅，擔心佢地會有事。我有親戚做司機嘅，佢係經濟支柱，擔心會因為中，令到全家冇飯開。 但最近，我發現大家好似對疫情覺得稀鬆平常，覺得只係小感冒，冇乜嘢。可能因為越嚟越多人中，大家覺得理所當然。我明白政府依家已經唔會好似之前咁，密切接觸者要強制入竹篙灣二十一日，要強檢etc。唔會再有資源，醫療系統已經奔潰。好多人中咗寧願自己好返唔上報，喺香港呢個無能嘅政府嘅管治下，我認為大家真係唔應該放低警惕，要繼續以謹慎態度去看待。你知道自己有機會中，就乖乖地隔離，唔好走出街害人。你永遠唔會知道，可能你咁樣出去行兩步，咳兩聲，你會傳染到個好地地嘅老人家，好地地嘅小朋友，比你搞到冇咗條命。你永遠唔會知道，你可能純粹出一下街，就搞到一個人冇得考dse。 我知道大家可能覺得我好誇張，但我真係好火滾。見到A ig仲repost咗個post話，啊三個月前聽到朋友中，好驚。依家聽到朋友中，哦。 小弟已經唔知可以講乜，只能夠喺呢度卑微地麻煩各位，將心比心，如果繼續有啲咁自私嘅人，覺得中咗冇乜嘢，隔離純粹做吓樣，小弟求吓你哋，唔好覺得理所當然，切身處地為其他人諗吓。你哋唔係唔知，第五波係因為防疫漏洞，因為啲自私嘅人唔自律，先會爆得咁犀利。再咁樣落去，個疫情永遠都完唔到。

#NSS其他 [guest] 最近身邊有好多人都有好多負面情緒😮‍💨 每一日都比唔同嘅嘢影響住自己嘅心情🤥 身邊嘅人多數都會話唔好唔開心啦之類嘅嘢 其實好多時候都唔係我哋可以控制到 負面情緒嚟到嘅時候 想走都走唔到🥲 喺呢度想同咁多位講 喊唔代表懦弱 反而係勇敢咁抒發自己嘅情緒出嚟‼️ 有時適當咁抒發情緒無論係用咩方法 都好其實都可以幫到自己好多😌 想同大家講一聲 加油 無論而家你處於咩環境有幾唔開心 雖然好老土 但係點都會有一日可以冇事 雖然唔知要幾耐 但係慢慢解決問題 雨過一定會天晴 慢慢撐過去一定會冇事 👐🏻 加油🙆🏻‍♀️

#NSS個人 [GUEST] 小女今年F.3，因為近排嘅疫情，屋企人依家日日都叫我去打針。咁其實我到目前冇打過，呢枝針其實我就真係信唔過，硏發一年都冇嘅針，後遺症呢啲都唔知有冇，而且其實打完都中，對我嚟講其實係廢。依家打完一針，就自然有第二第三，遲啲可能仲要再加，但重點係打完有用OK，但依家係打完都冇用，咪一樣咁多人中，再加埋正苦嘅迫針，其實係幾反感。咁依家疫情都幾嚴重，雖然話係感冒症狀，但始終都可能有後遺症，同埋有可能有重症，咁就係因為咁，我呢排就係咁比我父母迫針，咁我當然係堅決反對，但佢哋真係令我覺得煩，「打咗針先唔死㗎，唔打一定會死㗎」「你等陣中咗又要連累到我哋」「依家嗰個都打，醫生，專家都打，又唔見佢哋話驚」(仲有更荒謬)，我真係勁無語，由朝早講到夜晚，普通傾閑計最尾都可以扯到去打針，佢哋嗰諗發根本就係覺得打完針係百毒不侵，日日同佢哋嘈，又比佢哋虎，有時我都懶得同佢哋繼續嘈，忍下算，但我依家真係覺得好煩，好崩潰，我真心唔知點算好。多謝大家睇到呢到，祝大家都身體健康。 Sor for 1999 唔該Admin

#NSS個人 [Guest] 跟各位說聲抱歉 我以下會使用書面語。 鄙人是一位f3女校學生(雖然我覺得自己是男生),患有重度憂鬱症。 在學校,別人認為我是一個樂觀、散發正能量的人,但是 我卻是一個會自我傷害,甚至曾經嘗試自殺的人。我的朋友,感覺都不是真心的,我有一次在學校過度換氣,我倒下來了,他們在我背後笑。 我在一年內就住過醫院6次,我的家人不會關心我的病情,他們會在家裡對我說難聽的話 例如:我們真的後悔當初生了你這個廢物出來。 每一次我有情緒,他們只會報警,或是塞一堆藥進我口裏。 我無時無刻都能聽到「他們」罵我,我不知道「他們」是誰。「他們」總是會叫我去死,我有幾次受不了,就開始自傷。 生而為人,我很抱歉。我對我的出生感到抱歉。 謝謝你看到這裡,我…真的很想自殺。

#NSS個人 [GUEST] 唔想人哋救我 小妹界手界咗有成年，遺書都寫過，抑鬱情緒都持續就嚟一年幾，原因有家庭/友誼/愛情等等啦。 家庭就老豆老母就成日嗌交，我覺得好嘈好煩😀；友誼就係我之前做咗一啲嘢令到佢哋講我是非之類，所以我有一排都好耿耿於懷，之後佢哋見到我唔係幾開心就同我道歉啦，雖然友誼方面影響係比較少；到愛情啦，係佢提分手… So far我都仲忘記佢，我做咗啲嘢令佢討厭我，嗰刻開始我就開始界手，我明拍拖真係影響咗好多。 我有好多朋友都有安慰我，佢哋亦都有叫睇醫生。我亦都有搵社工，但我嘅感覺就係唔想人哋救我，唔想睇醫生，唔想因為我有病令到佢哋同我講嘢好小心，日積月累嘅唔開心令到我好想Die，雖然唔知自己係咪真係有抑鬱症(´-ω-`)

#NSS其他 [何文田區男女校] 我今年f3 我有mdd ptsd anxiety 等等，每日都好想自殺亦成日鎅手。 講真見到啲famj 成日扮鎅，然後影出嚟博同情， 但係喺close frd story 就post 去玩嘅嘢，真係好喎乞人憎，亦都睇到我好唔舒服。 其實真係可唔可以唔好扮，試過就知幾痛苦，真係唔係玩玩下 另外因為呢啲病我F2之前已經留過一次班 ，今年可能要再留，啲frd 嗰個下年就F5 而我可能要再讀F3 ，我真係好驚人哋畢業我仲讀緊F3 其實我係咪真係咁冇用?點解我咩都做唔好。 Sorry for 1999

#NSS個人 [GUEST] hi大家 小妹f4 我有焦慮症加抑鬱 宜家情況有比以前好咗 但係更多嘢就慢慢出咗嚟 容貌焦慮 冇安全感 自責 冇自信 覺得自己好廢 負面 朋友唔算多 得兩三個走到入我個心度 聽到安慰會好感激但係問心幫助真係有限 唔知點解 覺得所有問題都係我嘅錯 朋友冇覆我message 我會諗佢係咪唔鍾意我定我講錯嘢 每日loop 返學social壓力上升 老師問我問題由以前f1自信答 到宜家明明識但不知不覺手震 頭暈

#NSS個人 [[Guest]] (有啲長)小妹係一個好普通嘅f1學生,由細到大我都好唔鍾意我啲屋企人(包括親戚)好細個開始,因為我較為獨立同早熟,所以我係一個好透明嘅透明人(當然大個咗啲就更加係)我見得細個嗰陣我同我一個表姐(同年,friend)因為我地都係小透明,所以有好多野我哋都一齊做自自然然就好Fd。 我哋有個同年嘅表妺(我同我表姐都好唔鍾意佢)佢超級公主病,佢以前係一日一玩具,因為佢肥肥地(嗰陣我地9歲la ha)有日有個表哥成日去玩佢話佢肥,跟住佢喊啲親戚就會狗衝過去安慰佢,咁因為我同我表姐咩都冇做過係一邊傾偈,唔知做乜佢喊完話佢喊嘅原因係我地唔理佢(我地有理佢不過唔多)跟住我同我表姐就比成班親戚鬧,喊到成塊面都係眼涙都照鬧,跟住我見到佢係隔離陰陰嘴笑,咁我返到屋企就同我老母講啦,佢話我咁細個就學人講大話,跟住成巴車過嚟,冇錯,我係呆_咗企喺度,塊面有個紅色嘅巴掌腫左嗰隻。 直到而家,我因為我屋企人對我做嘅事好多都成為咗我心入面嘅刺(太多啦講唔到),我十分之渴望離開呢個家庭,想問下大家有咩建議,多謝你哋咁有耐心睇曬🙇🏻‍♀️🙇🏻‍♀️

#NSS學校 [CFSS] 由2月開始，一直都睇到有師兄師姐有投稿鬧學校，有部分真係無理嘅投稿，無可否認學校嘅政策一直都令學生好不滿，小妹今年中二，希望將學校真正嘅問題講出嚟，小妹自認自己嗰級嘅學生同老師質素越嚟越差，學期初嘅一次ICT小測，竟然有兩班一齊作弊，全級所有中二學生放學後被要求比助理校長,副校長同校長訓話，但係現場5位校長係指責學生影響學校聲譽，而唔係指出同學嘅錯誤，講返自己班，有一位嚟自大陸嘅同學，經常喺課室撩事鬥非，與同學意見不合就出手打人，放咗學就流連喺酒吧，與無數女仔發生關係，喺學校同佢講過野嘅女仔都可以話係佢女朋友，包括小妹，小妹真係好大壓力， 另外喺上學期嘅考試，中文科出卷嘅老師可以成個部分，成條題目出錯，竟然冇一位老師發現，而喺收卷前35分鐘先發現大量問題，完全冇同學有時間去研究題目嘅錯誤，亦導致有好多同學考得好差，而呢件事根本冇一位老師回應過，甚至有老師認為係學生能力差，呢個就係中華基金中學嘅問題，之前校長都上節目接受訪問，講到學校有幾好，希望學校可以正視呢啲問題。 Sorry for 1999