—類投稿

#NSS愛情 [Spkc ] 小妹今年中二，最近同一個同班男同學傾得熟咗，我開始感覺到我有少少鍾意佢，但佢曾經同我講話佢鍾意男仔，我究竟應唔應該同佢表白？

#NSS學業 [guest ] chem 食💩 ARRRRRRRRRRRRRRRR

#NSS學校 [HSS] 話說小弟依家中三,升中一嗰年冇小學同學同我入同一間中學,但開學嗰陣好幸運地識佐兩個同班同學,他們來自同一間小學,下稱A同B,AB佢地一開始主動撩我傾偈,偈下偈就變到好熟,由喺學校無所不談、互抄功課、一齊食飯、放學,到私底下打機、約出嚟食飯睇戲等等,甚至開佐個得我地三個人嘅WhatsApp group,group名叫“淫X老祖group”🤣,一日基本上幾百條message走唔甩,果陣嘅我認為我地三個人已經超越“朋友”嘅關係 升中二嘅時候,又一次好幸運地我地三人一齊同班,雖然疫情影響,冇得實體見面,但我地照樣私底下傾偈、打機等等 問題就喺上年升中三嘅時候,轉捩點嚟喇,我同A（感情較B好）升佐去成績好D果班,B去佐第二班,簡單D嚟講即係我地唔同班,一開始我覺得都冇乜嘢,只係覺得喺學校同B見少兩面應該冇乜大不了,但我錯喇,升上佐唔同班之後,B明顯地喺group到講少佐嘢,少佐喺遊戲上線,因為唔同班嘅關係,我問功課等等都係直接whatsapp呀A,隱隱約約地我覺得我地三人感情已經變淡,而且B從此以後都冇等埋我地先一齊放學 開學幾個月後有一日,B同我地講佢溝到女,條女係同佢同班,果一刻我就知道我地嘅關係永遠唔會返到去中一、二果陣,溝到女仲會理我地咩 之後間中會約B打機,但多數佢都話要陪女唔得閒,有次同埋A約B出嚟食我嘅生日飯,B竟然答應,我一開始都開心佐陣,因為自從B溝到女之後,未試過約到佢出嚟,但係果日佢竟然甩我地底然後同條女去海洋公園,甩底都算喇,我同A想洩下憤係ig post個story話佢唔守信用甩底,跟住B女友post story好嬲咁問點解咁多人鬧佢條仔,阿姐呀,你條仔有約我地在先但係甩佐我地底同你去海洋公園,經過呢單野之後我同B基本上已經緣盡於此,無再聯絡,值得慶幸嘅係我同A嘅感情依舊很好,同佢經歷完呢單野之後,感覺好似比以前仲friend佐,有種明白彼此企埋同一陣營嘅feel 投呢篇稿嘅原因係想同大家講,要珍惜和理清依家嘅朋友,唔好等失去或者被傷害之後先嚟後悔 Sor for 長文and1999😬

#NSS愛情 [GUEST] 是咁的，小弟今年s4,A0…… 今年識左個女仔，個女仔有時會覆我story或者主動搵我傾計，有時我會好猶豫應唔應該主動搵佢，但係又擔心佢會唔會覺得好突然或者好奇怪。因為在我看來個女仔其實幾靚女，性格都好好，而小弟我自己唔高亦都唔稱得上靚仔，所以我都唔敢想像佢會對我有興趣。 所以想係呢度問下廣大女性學生，你地係以點樣嘅心境去搵男仔傾計，係真係有企圖先會搵佢？定係純粹想搵下朋友？

#NSS個人 [GUEST] 唔知大家對情緒病嘅理解有幾多 就以抑鬱為例 其實香港係全亞洲最多人患上抑鬱嘅地區 有15％人患上左 而患有抑鬱症入面有3％有自殺傾向 可能大家都會覺得香港咁多人 15％再3％ 六合彩中都未中啦 但係好遺憾咁講 我就係中左個個 我係係一個原生家庭長大 計埋我有3個小朋友 父母都有情緒病 不幸地 我嘅童年並不快樂 每日翻到屋企就係擔驚受怕 會諗究竟意外定係聽日黎先 冇錯 我父母都有家暴傾向 可能就係因為咁 我有好多情緒病 抑鬱 焦慮

#NSS個人 [GUEST] *長文慎入* thx admin 小妹f2 而家有個frd 但係佢識好多人 我識咗佢半年左右，同佢幾啱傾，但問題就係佢同好多人都好熟，有時幾佢出街佢又會拉埋其他佢熟啲人，然後出到街就係佢哋兩/三個喺前面傾計傾的好開心，而我喺後面戴住耳機跟佢哋行 我同佢講嘢佢都係好hea咁應，好似陌生人，但得我同佢傾嗰陣又好投入認真咁覆，真係有frd嘅feel，搞到我好似係後備咁嘅feel 但係我唔敢同佢講，小學試過一次三人友誼，我係被無視嗰個，同佢哋反映咗之後段關係就完咗，f1都試過五六個人，但係明明佢哋咁多個都玩得埋，唯獨我一個格格不入，同一個比較中心嘅人講咗，唔知係佢叫定點，佢哋冇再理我（佢份人本身bitch, 呢度extra嘢唔講）所以我都唔敢再喺友誼關係入面表達自己嘅感受，因為真係好驚再失去 一直都有好多投稿都係講呢啲問題，cm啲人都係話咩總會搵到真心frd，但係真係有咩？次次識到frd到最後都係俾其他人搶走個frd，再唔係就係俾佢哋原本嘅小圈子排擠，真心frd呢樣嘢完全唔存在喺我個世界 仲有就係啲所謂嘅frd成日同你心事台，最慘係講啲佢同其他frd嘅嘢，真係會有種「你嚟幫我解決問題啦，咁我就可以同佢frd返，但之後我唔會理你，有問題再搵你啦」 其實真係勁sad，有時屋企人問我同同學相處成點，我仲要扮開心咁話「我識到幾個frd好啱玩啊」但事實得我自己知，其實我只係佢哋嘅後備 我從來冇開心過。

#NSS個人 [lly] 小妹依家讀緊form2 唔知點解每次見到老師比功課就硬係覺得好多功課好煩。😣 做完功課然後要補習溫書咁樣，成日覺得時間好唔充足一日內就要做好多野，要爭取每分每秒。有時因為功課然後延遲食飯時間，阿媽入黎問我做咩唔食飯我都好差脾氣咁樣同佢講野。🥲 之後今年想轉校。雖然係學校都全級頭兩名，但係成日覺得自己唔夠班，好鬼差，肯定轉唔到校。同學都話我成績好叻，但係就自己我覺得都係補習老師嘅功勞其實又唔係幾關我事。 有時覺得太多功課或者成績唔理想就覺得好冇用好垃圾，諗負面嘅嘢，有時諗到脾氣超暴躁。係咁扯自己頭髮，整到頭髮都亂晒，又揼吓個地下。雖然理論上功課其實唔係幾多但係唔知點解硬係覺得好多野做。每次臨瞓都會係咁諗住今日做左d咩聽日要做咩，全部個腦都係度安排緊聽日要做咩。有時諗起有好多野未做完就好鬼煩好想喊出黎。搞到成日凌晨醒左（最嚴重係每一個鐘醒一次☠️） 雖然可能大家都承受到或者覺得我好負能量，但係小妹細個冇呢個咁樣嘅煩惱，係自從上左中學先有，都唔知點解會咁樣有咁多憂慮。想問下有冇咩方法先可以冇咁多憂慮？😭

#NSS個人 [[GUEST]] Sorry for 1999 我中一因為壓力大所以生左好多暗瘡 成塊面爛晒咁制 仲要本身唔係靚嗰批 結果比成班同學笑足成年 成日都叫我「暗瘡妹」、「丑女」之類嘅嘢 搞到我好焦慮，唔單止外形上，社交都係 雖然而家已經中三 暗瘡問題都算係改善咗 但唔知係咪因為有陰影 我開始變得好冇自信、好驚同人溝通、而且好驚會講錯嘢令到人哋憎我 每次同人講完嘢後 心裏面就會不停諗自己啱啱有冇講錯嘢 甚至有時只係同學一個眼神 我都覺得佢係因為討厭而鄙視我 所以我覺得同人相處好辛苦同埋好大壓力 我知繼續有呢啲咁嘅想法 只會令我個情況越嚟越差 其實我都唔想咁諗，但就完全控制唔到 結果而家一個friend都冇 而且成日都好唔開心

#NSS社會 [Guest] 人的離去 是政府的無良 還是醫療的腐敗？ 請容許小妹我在此訴說 是咁的 我嘅一位姑婆琴日就冇咗 我同一眾親戚只能夠進行呢個視像通話 希望都可以見到姑婆佢最後一面 由朝早七點開始 忽然有call 見到係親戚打嚟 我都有啲奇怪 但我仍然入咗去 然後我見到嘅係一格格嘅人 而其中一格係姑婆 佢咪埋隻眼好安靜咁 戴住氧氣罩 訓咗係醫院張病床度 郁都唔郁 冇晒生氣 。 我即刻反應到 佢…似乎已經唔係好掂

#NSS愛情 [我應不應該放棄呢段暗戀關係呢？ ] 大家好，小女今年F1，讀Band 1 中學，首先講左背景先，我暗戀果個男仔簡稱K， 我暗戀個男仔個緋聞女友簡稱A， 咁我就係我啦。 (唔好意思，講咗句廢話) 我暗戀咗K都有幾年，由小五開始就暗戀佢， 但可惜嘅係，我同K嘅成績有所落差，K係嗰啲運動好叻但成績麻麻嘅人；我係典型嘅淨係識讀書，運動唔叻嗰啲…咁樣我同K嘅差距已經夠大，仲要冇乜共同興趣，K鍾意打機；但我唔鍾意，見到佢打機嗰陣，我會周身唔自在，完全唔知佢做緊啲咩，覺得佢哋打嘅所有機都一樣。(對唔住，我可能又得罪咗人，especially for those who love playing video games，為此，我深感抱歉。)因為我完全係一個「打機白痴」。咁總而言之，即係我同K 簡單嚟講：冇可能啦！仲要佢而家讀緊嘅學校 係band2中間， 好似都唔係好溝通得到咁。再加上， 我同佢住嘅地方一個東一個西就算想拍拖都隔幾千里啦… 我仲喺度諗緊同唔同K表白好，身邊冇乜人知道我鍾意佢，得寥寥可數嘅人知。我之前細個又好似做咗啲令佢有少少討厭嘅嘢，就更加冇可能係一齊啦！ 跟住我本身都諗住，只要佢仲係單身，我都仲有機會嘅！ 結果出現咗個緋聞女友🙈就係A。