#NSS個人 [Guest] 其實我有情緒病,去社工室有咩問題？ 以前f2f lesson 嗰陣,我每個禮拜都至少要去見社工一次。雖然我唔想,但係唔去社工姐姐就會瘋狂打電話比我老母🥲 自從升咗上f3 分咗去一班完全冇朋友嘅班 我同啲同學好唔熟 ,同佢地相處甚至會嘔 / 呼吸困難。過咗一個星期,我照常去社工室,同社工講我喺班上面嘅情況,社工居然同我班主任講。之後班主任同咗全班講我嘅事、叫佢地多啲關心我,啲人知道咗就係咁笑。我嗰陣好難受、好想消失,唔明點解佢要咁樣講。 又一禮拜過去咗,我照常去社工室,我班長居然同啲同學一齊笑我「有問題」,雖然我隔離班啲朋友都叫我唔使埋佢地,但係呢件事我一直都忘記唔到。 我真係頂唔順嗰班八婆:))) 可以點算
#NSS個人 [GUEST] 多謝admin揀咗我🙏 究竟點樣先可以處理好人際關係呢？ 講返背景先，咁我原本就有2個besties啦（小學已經好frd）咁簡稱A同B。咁今年我就唔係同佢兩個同班嘅，咁我就喺自己班識咗個新frd（簡稱C）。 首先講咗同AB嘅關係先。小學嘅時候係我同B frd先嘅，但機緣巧合之下我地三個就開始frd咗。去到中一我哋一路相處都好好。但問題嘅開端就係今年。咁因爲我唔係同佢哋同班，所以我自然就會喺新同學裏邊有一個較好朋友嘅人，而嗰個就係C。咁有一日返學嘅時候我就見到C，咁我就同佢一齊行，點知原來A同B喺我後面（我唔知嘅），之後同佢哋兩個放學嘅時候佢哋就開始講祕密。我問佢哋咩事佢哋都唔講。之後一路我都係同佢哋保持besties嘅關係，但我發現佢哋兩個好似開始疏遠我，有時佢哋會自己蹺住手走咗去，咁呢樣嘢固之然我係覺得唔舒服嘅，咁我都有嘗試去同佢哋兩個講，但係佢哋就好似左耳入右耳出咁樣，我唔知點樣可以有一個方法可以同佢哋相處得舒服。 然後就係我同C嘅關係。咁我哋係一齊坐埋所以熟咗嘅，咁一路我同佢嘅關係都係好正常，都係閨密嘅feel。我係一個好主動撩人哋吹水嘅人，一開始佢都會認真d覆我，唔知係咪因爲我真係太鍾意同人講嘢，所以佢開始hea覆我（但冇之後咁hea），但到後來發生咗一件事，我覺得係令我哋關係有d僵咗嘅事。事緣就係有日我同咗佢講我鍾意嘅人，點知原來我鍾意嗰個係佢地下情咗個幾月嘅男朋友。啱啱發生d咁嘅事關係點都會僵一兩日。但係之後我冇事搵佢吹水佢就開始好冷淡咁覆我（例如：「:/」「🌝」「hmm」）。 我覺得好無能爲力，其實我真係好想維繫每一段關係，我對待每一個朋友都係真心嘅，自認係一個好冇安全感嘅人，我好驚會突然所有朋友離開晒我。喺呢度我想請問大家有冇一啲建議係可以令每一段人際關係都令大家覺得舒服？或者有冇啲建議可以令我處理好呢啲朋輩之間嘅關係？
#NSS學業 [Guest] 是這樣的，小弟大半前同幾個同學一齊做咗學校IG secret嘅admin(followers大約有2000+人)，嗰陣以為自己一定搞得掂，應承屋企人會管理好自己先出投稿。但就喺2個月前，有同學出咗投稿講繁體字同簡體字，引嚟唔同同學嘅聲音，有D同學火上加油，一部分話要廢繁體字嘅投稿，一部分話廢簡體字，仲有一部分就覺得咩語言都可以除咗粗口全名，然後進行咗投票。結果係咩語言都可以，但之後投稿又變質，一邊鬧語言，一邊鬧政見同香港文化，不過為咗避免國安法，我哋選擇咗加警告，必要時唔出，但係好多投稿都太灰色地帶，無可能每個投稿都同其他admin傾好晒先出。最煩係唔理投稿講咩照出嘅話，我人生安全受威脅，唔出又俾人鬧，基本上而家係裏面內訌，外面打仗，但唔做又唔得，呢個時候請人根本無人會做，係人都知要執手尾，邊個會願意，進退兩難。但每日對住100+以上嘅投稿，內部admin又喺咁嘈，真心難頂。
#NSS愛情 [no] （文筆差，請見諒）我會用短文嚟講我同佢。 首先我同佢都係中學生 一開始佢喺我個friend個ig story度認識到我，我仲好記得佢dm我第一句係「hi,你都鍾意mirror？我整咗啲應援你要唔要？」我好果斷咁答我要，咁係因為我見到佢同我喺同一間學校同一個年級所以我先話要，到第二日我第一個小息就行咗出走廊搵佢，當我喺度望緊邊個係佢嘅時候。有一個冬菇頭，唔算太高嘅男仔行到我前面原來就係佢，但係唔知點解我一見到佢嘅嗰一刻我心動咗。其實我都唔知點解只係望到佢嘅第一眼我就鐘意咗佢， 然之後我就慢慢同佢越傾越多計直到我生日嗰一日我鼓起勇氣同佢表白原來佢都鍾意我而且佢有一個比較內向嘅人佢唔會主動搵我講完之後我就同咗一個識咗唔夠一個月嘅人一齊。我哋一齊之後晚晚都傾電話最少傾一個鐘頭，但係好可惜因為我哋太快一齊…我哋越嗌越多交。我好記得嗰一日係十二月二十號，我同佢同埋幾個朋友一齊出街跳舞，佢嗰一日全日冇同過我講嘢其實我都已經知咩事但係我選擇扮唔知。喺我哋休息緊嘅時候佢因為要補習所以走先，我就冇理到繼續跳舞，就喺晏晝嘅三點三十四分佢send whatsapp同我講分手，而我當時買緊嘢食所以冇睇到。直至我返到跳舞嗰度坐低一開電話就見到嗰句分手，我當場喊咗出嚟我啲friend行過嚟問我咩事我同佢我分咗手之後啲friend即刻打電話比佢係咁鬧佢係咁鬧佢，我返到屋企都係咁喊。 分咗手之後兩個月我已經放低咗件事，其實當時我已經預咗咁快一齊同佢會好快咁結束。所以我只係想講一句，我放低咗你架啦Nemo。 sorry for1999 唔該小編
#NSS愛情 [guest] 話說小妹上年係IG到識咗個男仔 直到依家都有keep住日日傾計 但係開始覺得佢好煩 佢成日同我講佢做咩（例如操緊卷/打緊機..）但係我真係唔知點覆 成日都會覺得有啲尷尬 有次佢唔開心 就陪佢傾計 由凌晨兩點幾傾到朝早五點幾 問題係我嗰日仲要返學 但係唔想佢自己一個唔開心 就決定陪佢😭之後佢就話佢個心情好返好多 咁我都開心嘅 可以安慰到佢 隔幾日佢就話覺得好大壓力 唔知點算 我就一邊傾啲會令佢分心嘅話題 問可以點幫佢 佢就話其實感覺好咗好多 話同我傾計唔會有壓力 所以就比較會放鬆啲 跟著就開始日日都同我傾計🤭 問過啲frd意見 佢地話我同個男仔一定係曖昧關係
[guest] 小妹移民英國一年，喺香港嘅時候英文已經唔太好，嚟到呢度咁就自然難跟上進度啦，同埋我個人可能比較怕醜，唔敢係英國人面前大膽講英文，都唔敢同佢地傾計。 每日返學都冇咩機會練到英文，就係正正因為英文嘅問題，我好多科都好低分，有時候唔係唔想讀好書，係上堂嘅時候都根本聽唔明。所以感覺好挫敗。 嚟英國嘅香港人個個成績都好好，咁就大大反映到我嘅問題，我有時候放學返屋企都會溫返學過嘅嘢，好似phy同埋bio咁，全部嘢都係用英文學，我就記唔到啲生字，搞到我全部都好差 呢排成日諗，我會唔會真係唔係讀書嘅材料，點都好我自己都係覺得讀好書先有將來。我依家未出社會工作，單單係學校，成績好嘅學生特權多，受同學歡迎，受老師愛戴。我父母唔係對我唔好，佢地好想好想我讀好書，但凡我有少少成績佢地都會買好多我鍾意嘅嘢獎勵我。 唔知有冇人明白呢種心情，我都承認我依家未盡力做好我自己，但我已經俾呢種負面情緒困住咗好耐
#NSS其他 [九龍一間啱啱升band2嘅女校] 今年學校嘅學生會，真係好少人支持佢哋，唔講呢啲，就講今次嗰活動，完全係描圖😅 學生會仲特登Post story 話「係原創 冇抄人嘅成份」，但之後俾人發現咗係一位日本人嘅畫作，已經係染出日本，前幾日仲有其他ig post過出嚟，染出日本仲唔夠，仲要染出香港
#NSS學校 [九龍城某女子中學] 大家好，眾所周知，肥娥將我們的暑假提前到3月17，本身都覺得有啲嬲，但我的學校唔但止令我仲嬲，仲令我好無語 1.我地五星期的「暑假」功課高達52樣，仲要唔係開學先交，係每星期交啲，噉樣黎交，換言之，今個星期無做埋下星期嘅功課，你嘅星期六，日係需要係屋企乖乖地做功課架😀 2.我地嘅班主任會隨機某朝早打黎，佢話「我相信你地仍會早起身，所以我決定12點至2點之間打比你地」其實我今個「暑假」我冇諗住要早起身😊，我想通宵，朝早先訓，結果我幾點起身都要比佢管住。🙂班主任，我真係好L愛你😘 謝謝大家有耐心睇曬,thank you sor for1999