#NSS學校 [Guest] 校園欺凌（我都晤知算唔算係） 長文慎入 小妹今年f2，早排就同11個同學好熟，但係因為種種原因（晤方便講），令到一個又一個同學俾人踢出我哋嘅小圈子。 至於點解我會話係校園欺凌，就係因為有四個同學（簡稱A,B,C,D) 喺學校杯葛、玩挑撥離間。 本來我同A係好好嘅朋友，直至到B嘅出現。B其實為人都算虛偽，成日都同我講佢唔鍾意D，但係喺佢面前扮到好鐘意佢咁。我自己可能大家覺得，中學生少少爭執好正常啫，但係事情冇你哋諗得咁簡單。 好入返正題，咁之前我哋Christmas Party 就要分組，本新我已經搵唒同學一齊一組，點知佢哋原來私低下已經分好唒一組（冇我喺入面）ok 冇問題，我冇話一定要同佢哋一組，咁所以小妹就同左一個冇咁熟嘅friend一組。 未暫停面授課堂嘅時候，我哋基本上每一日都一齊食lunch, 直到有一日佢哋開始唔睬我，我嗰陣都一頭霧水，問心無愧我自己冇做過啲乜嘢，咁我見到佢哋唔睬我，就冇再同佢地一齊食lunch，就自己一個食。我有第二個friend（簡稱E) 同佢哋食lunch，E 就同我講佢哋食飯嘅時候係咁講我壞話。我都明講人壞話係好平常嘅事，所以我都冇擺喺心到。 A 平時都係早過我返學，加上我哋嘅座位又係好近，佢有一日就坐咗喺我個位度同佢啲朋友傾偈，我返到學校之後就好似平時咁樣擺低書包，咁佢自己都企起身，讓返個位俾我。我擺低咗書包之後，佢一腳踩咗黎我隻左腳度（仲要係好大力嗰隻），我就同佢講：「你踩到我，可唔可以縮一縮腳？」咁佢當然就扮佢聽唔到我講嘢，繼續踩啦。過咗一陣，佢先至縮番腳，返返去自己個位。我心諗：一個人到底係幾冇家教，連講對唔住都唔識？我又再一次咁樣忍佢哋。 至於最嚴重嗰次，佢唔單止喺學校杯葛我，仲叫我身邊所有嘅朋友遠離我。估唔到真係有同學信咗佢哋，同我絕咗交🥲。咁我都有send message 問A 做咩要咁對我，同埋解釋返佢誤會咗我嘅事。B 成日都喺度挑撥離間，A 又真係信佢所講嘅嘢🤦🏻♀️。A 就同覆左我:
#NSS個人 [GUEST] 04年 今年DSE 自問對DSE睇得唔重，因為唔想比太大壓力自己，但係就算冇學業嘅壓力，都好多好多其他問題纏住我。 阿媽賭錢販毒，入左去坐。屋企個阿爸唔係親生，對我同屋企兩個細佬不聞不問，所以我15歲就出黎賺錢養自己、照顧細佬。但係我玩開運動，要用好多錢，所以每個禮拜都好忙，忙住返工。喺學校係學生領袖，有啲咩學校都私底下搵我傾。屋企有個長期病患嘅公公，但係上個月過左身。就算有幾多事發生，有幾多責任在身，我自問全部都處理得好好。直到今次停課，我實在撐唔住了。 自己鍾意左個男仔6年，同佢糾纏左6年，最近終於終於叫做放低左佢，佢曾經係我返學、生存嘅動力，但係唔知係咪因為佢從我嘅生活消失左，我好似冇左個支柱咁，習慣左有佢嘅存在。加上疫情令到好多舖頭都唔開，我老豆間公司都唔例外，佢依家每日喺屋企睇片、食野，由朝到晚都係咁，過得好chill，但係我完全冇私人空間。就黎考DSE，所以我都返少左工，諗住喺屋企專心溫書，但係佢每日喺屋企hea，搞到我完全冇地方溫書，我冇自己一間房，間房比細佬霸住，更加唔適合我溫書。我都唔介意佢喺屋企同我一齊生活，但係佢嘅性格，少少唔順佢意嘅野就講曬粗口發脾氣，邊個想同佢相處。所以我到依家都只係睇過下啲書，每日匿埋喺間房到過。但係每日都要聽佢問候我母親，好辛苦。唔知係咪太耐冇出街，冇見啲frd，成個人都好down，可能係之前儲埋嘅壓力，每日一到夜晚就開始喊，喺到諗我嘅人生有咩意義，好似為生存而生存咁，遲早都係死，點解我要咁辛苦生存咁耐先死，每晚都希望自己一睡不醒…我曾經嘅目標係奧運，但係依家連跑步嘅動力都冇，我知做運動心情會好啲，但係我依家做運動都會成為我嘅壓力。自己有追開星，BTS同BTOB，每次睇佢地的確好開心，但係我知道佢地都只係填補緊我心靈嘅空虛，我用盡所有方法令自己開心返，但係就係開心唔到，要對住外人先可以自然咁笑到。 生存得好辛苦，所以搵左學校社工傾，佢不嬲都有follow我屋企嘅事同我嘅情緒，但係唔知係佢唔get我定係我講得唔清楚。佢淨係覺得我係因為DSE太大壓力，所以情緒先唔穩定，但係我自己好清楚唔係咁樣。 自己都有好多可以談心嘅朋友，但係唔想比佢地知我原來係咁嘅狀況，一直以一個完美嘅狀態呈現比佢地睇，唔係話收收埋埋好似神秘啲咁，而係我唔想咁赤裸裸咁喺佢地面前，每個人都有一啲唔想比人知嘅野，但係我太多野唔想比人知。 我好清楚知道其實自己想要啲咩，就只係想有個人可以撐住我，做我條柱，好想每日都聽到有人關心我，安慰我。個個都話先苦後甜，咁我要苦幾耐先等到甜，我驚我會等唔到…
#NSS個人 [GUEST] follow朋友的親戚真的很過分嗎？ 我有個問題想向各位請教 事緣一次，我跟朋友聊天，稱作a、b與c，無意中聊到ig follow人的話題，他們多次提到我有follow他們親戚，我一笑置之，覺得沒什麼問題。但是a說：「你很誇張欸，你follow我姨媽的朋友欸」我無法記起a整句話。但至少我明白a在強調我的荒謬，我嘗試跟a解釋：「我不知道他是你姨媽的朋友，但我覺得可以follow，而且她也accept了，我跟她的認識，不一定由你介紹，這只是我和她的個人關係。」這時候我感覺還好，只是把follow別人作為一個爭議話題罷了。 但是另一個朋友b說：「你也follow了我的表姐，為什麼要follow？你還follow那麼多你不會的人」b是個說話偏激的人，我嘗試說服b，說明我沒有做錯，但事件變得越來越激動。「你這樣很像臭雞，你這樣是濫交」b說這句後，我完全呆了。我無法想像b會這樣講「完全沒關係吧？follow不同人是臭雞？」我不甘地回答。b說：「我是為你好，我不想別人說你是臭雞，所以不要follow不同人，我沒有說你是臭雞，但別人會覺得這個行為是臭雞。」b一直說，一直說。在我腦袋里揮之不去。 然而a朋友再跟我講：「還有，你乾嘛follow我的小學同學，其他人沒關係，就是這個幾個不該follow」說實話，a的思維也怪可愛的，我怎麼知道誰是你的小學時期敵人？但這些話至現今依然清晰印在我腦海。他們兩個繼續不停講我什麼不該，什麼不好。那時候我很迷惘，是我不可理喻嗎？我真的是臭雞嗎？當時ab不停對我指手畫腳，a還瞪大眼睛問c：「難道你覺得她是對的嗎？」c回答：「我沒有說過她是對的！」那刻，我的情緒真的徹底崩潰了，從眼睛開始濕潤，一滴，兩滴眼淚掉在我衣服上，我一直提醒自己不要哭，不然最後自尊心也會沒了，但我無法再忍受他們的表情，最終我自己離開冷靜抒發情緒，有兩個人來安慰和擔心我，可笑的是他們並不是我三位好友之一。冷靜過後，我會到原位，和abc圍繞著一張桌子，無人說話，但我透過他們表情知道他們再次覺得我很荒謬：「為什麼要哭？這樣也要哭？」他們的表情太明顯了。後來我和abc發生了很多不愉快的事，但這是我感覺最深刻的一次。 到此為止，我想向各位詢問意見，我真的是不可理喻嗎？我follow別人一定要有a、b與c的許可嗎？我那麼容易哭，是不是自找的呢？我是個玻璃心的人嗎？ 這次是我第一投稿 加上我文筆不好 若有什麼地方惹你不滿 真的很對不起 希望你能體諒 謝謝🙏🏻 我也知道整個文章很多「follow」 希望大家不介意🙏🏻🙏🏻 各位 admins 辛苦了
#NSS學業 [Guest] 話說前幾日，班主任打電話黎，話我嘅mock考得咁差，又漏空咗勁多，跟住講我冇讀書，就黎DSE都唔發奮。 我又form 4開始，都係佢做我班主任，每次完咗測驗考試之後，佢都會係全班面前係班主任課到，講邊啲同學考得好，邊啲同學考得差，我就每次都俾佢當住全班面前，話我懶，唔讀書，但係我用咗好多時間，都係咁。我做功課嘅時間好長，成日做好耐，就算我幾用心都好，都比其他人做得慢。雖然考試可以加時，但係卷都冇一次係做得完，所以每次都比呢個班主任話我唔溫書，所以先唔識，漏空哂，我已經講過我係唔夠時間先漏空，佢又唔信。 其實我真係好羨慕其他人可以正正常常咁讀書，我每日用好多時間，都係溫到好小書，跟住成日又不自覺游雲。我真係好想考好個DSE，唔俾人睇死，但自己又好似做唔到😤 By 一個有讀寫障礙+專注力不足嘅form6學生 Sor for 1999 Admin pls po ig thx
#NSS學校 [GUEST ] (小妹第一次投稿，中文麻麻哋請見諒🙏🏻) 究竟要唔要轉校？ 大家好小妹f2 band 1中學，成績一直都OK，班裏面都有top5，但係因為學校為咗追成績，成間學校都好谷，係咁chur d學生，身邊嗰個都被學校搞到好大壓力甚至有情緒病，啲老師又冇乜愛心，淨係理啲成績，加上前排比老師屈做錯事搞到手冊記咗個污點，點樣解釋都唔會取消，每次諗返起都好唔開心，每次都要喊一餐（小妹對自己要求好高）同 埋本身小妹有宗教信仰，對我來講間學校就好似地獄咁，仲有小妹想將來讀一啲科目，間學校唔知點解冇提供到，所以因為呢啲理由都想轉去一間有信仰+冇咁谷嘅學校。 但係小妹其實係間學校裏面成績冇問題，啲老師都成日攞小妹做佳作，或者讚小妹。人際關係都冇問題，仲有好多friend，啲同學又好學又玩得，學校讀書風氣好好，之前老師都同我傾過計都覺得我適合呢間學校，班friend都勸我唔好走，加好驚去咗新學校之後融入唔到，但係小妺真係好唔鍾意間學校，為咗將來真係要走，但係又驚轉左環境之後情況更加差⋯⋯ 學期好快完，但係仲未決定到，小妺嘅媽媽話今年唔轉校就要繼續讀，而家成個人好矛盾，到底要點算好？ 唔該晒admin🙏🏻🙏🏻