—類投稿

#NSS個人 [Guest ] 打唔打針好 最近好多人中 本身我屋企人都唔想打針 但因為要返工所以要打 我就喺屋企上網課所以都冇諗住要打 但我阿媽同我講驚佢地可能會傳染俾我 叫我去打針 我本人就唔太想 一嚟覺得冇必要 仲有我係有針筒恐懼症 一諗起都驚 不過聽講touchwood如果真係中咗 會少啲症狀 但打完針都好似會有副作用 我其實真係唔想打但聽完人地講又好猶豫 真係驚會俾佢地傳染到

#NSS學業 [[Guest]] 小妹今年中四，發覺physic真係好難讀🥲平時一定會專心聽書，抄足筆記，因為自己知自己事，冇人哋咁叻。 以為自己上堂明哂，轉個頭做題目就一題都唔識做。明明公式就係嗰一條，但係寫極都寫唔到嘢落去。啲朋友解完條題目嘅答案俾我聽，以為自己明咗，落筆做其他題目又唔識做….考試之前做咗好多練習，但一到考試又唔識做😮‍💨 雖然呢一科唔叻，但係喺咁多科裏邊係比較鍾意呢一科，所以我真係好想讀好佢。 唔該各位靚仔靚女可唔可以俾啲解決方法我或者可唔可以話俾我聽有啲咩參考書，練習簿係值得去買，我一定會好感激大家🫂🥺 多謝大家睇到呢度～ Sorry for 1999🙇🏻‍♀️🙇🏻‍♀️ Thx admins ~~

#NSS社會 [GUEST] 首先雖然或者我哋唔係LGBT 但至少要尊重而且支持佢哋 我身邊有朋友係Lesbian 但係就算唔係長輩 而係同齡人都好 佢哋對LGBT非常反感 唔係針對我個Friend 而係對於LGBT本質上嘅厭惡同噁心 認為兩性之間只能夠男性同女性 唔能夠男性同男性 女性同女性… 總之如果你係LGBT 一係就有病 一係就唔正常 正常人都唔會變Gay或者Les 所以我想問下如果咁多位你哋或者身邊有人係對LGBT反感或者唔支持甚至反對嘅話 我希望你哋可以講下理由俾大家聽 當然唔係想鬧你哋又或者做洗腦工作 只係想討論同聽下你哋嘅睇法 例如我父母 佢哋覺得呢一個係違反人類基本道德 係非正常 係病

#NSS其他 [GUEST] 乜高有錯咩？ 雖然呢篇好抵屌，但係高真係有錯咩？（女仔）希望大家睇埋落去🙏。 其實你覺得有啲高嘅人想咁高嘅咩，日日俾人話咁高點解唔去做model或者打籃球。又會成日俾人問點樣可以生高啲，但係認真我真係係唔做運動，日日攤喺張床嗰啲。F.2 170cm/50kg 可能好多人都覺得高好好，好正。但係我完全唔覺。例如，我平時喺度等巴士，隔離有個矮過我嘅男仔我會覺得勁尷尬，同埋每次企喺啲frd隔離一齊行，我啲frd個個都係差唔多160，平排我會突咗個頭出嚟，會好怪。買鞋嗰陣，好少女裝鞋有我碼，因為我鞋碼係41-42，次次都淨係可以買到男裝。返學、見親戚好彩就會俾人講話又高咗嘅，有時唔好彩會俾人屌，話我生咁高做咩。 其實矮同高都冇錯，我哋個個都係人，點解有啲要因為身高問題俾人屌，大家都係有血有肉嘅生物，我哋有感情，都會唔開心，所以請你哋唔好再屌🙏。 sor for1999

#NSS個人 [GUEST] 其實中學生用8000蚊買電腦正唔正常 覺得自己需要用 但係罪疚感好大 好似令屋企好大負擔

#NSS愛情 [GUEST ] 小妹我文筆好差，篇文可能有好多錯字。Sor for 1999🙇🏻‍♀️🙇🏻‍♀️🙇🏻‍♀️ 長文慎入 從嗰一刻起，我覺得自己真係好污糟。 小妹而家13歲，我嘅ex而家16歲。我哋係喺IG識，嗰陣佢dm問我係咪同一間學校，咁我就答佢係。之後，我哋都一直有傾計。 過咗一排，佢就問我一唔一齊。因為嗰陣都有啲啲鍾意佢，所以就應承咗佢。（呢個絕對係我人生中做過最錯嘅決定） 喺頭嗰幾日，我仲都覺得自己好幸福，仲都好無知咁活喺呢個所謂嘅童話故事。但係，直至到有一日，佢開始提起關於性呢樣嘢。 內容大概如此（可能有幾隻字唔一樣） Ex : 我身邊有啲frd十三、四歲就破咗處喎 我：吓？！我接受唔到呢件事囉 Ex：有咩接受唔到啫 Ex：而家好多人都係咁㗎啦 我聽到佢咁講我真係呆咗，完全唔知俾咩反應好。不過好彩嘅係，喺嗰一日佢都冇再提過性。但係，佢之後都會不斷咁提起。嚴重嘅試過傾4個鐘電話，佢淨係講關於性，不停話自己好羨慕，我聽到好辛苦好大壓力。 但係估唔到事情發展到一個不可收拾嘅地步。嗰日佢叫我去搵佢。因為佢淨係俾咗個地址我，我唔熟嗰邊。但萬萬估唔到，佢竟然拉咗我入殘廁。佢好粗暴咁撕開我件衫，然後強迫我同佢發生性行為。我聲嘶力竭咁大嗌救命、唔好。可惜，嗰度位置好偏僻，冇乜人經過。我嗰陣覺得世界上冇人可以救到我，一絲曙光都冇。 佢做完所有嘢之後，就自己離開係一個咁污濁嘅地方。而呢個地方就剩返我自己同埋我嘅哭泣聲。過咗一陣，我執拾好自己，好痛苦咁樣離開呢度。但係嗰陣嘅我邊度都唔敢去，更加唔敢返屋企面對屋企人。我覺得自己真係好污糟。世界上好似容納唔到我。我去到屋企附近嘅公園，坐低咗差唔多成個鐘，先至肯返屋企。 因為唔想令到屋企人擔心，我選擇逃避呢個問題。扮到自己好似平時行完街返到屋企咁，一樣咁嬉皮笑臉，實際上只係強顏歡笑。去到深夜，嗰一晚我完全瞓唔着。之後都不斷發惡夢，無一晚瞓得安樂。我不斷咁諗，點解受傷嘅要係我？而點解佢就可以繼續逍遙快活？ 但係件事仲未完，佢一次又一次咁威迫我。而我一次又一次俾佢傷害自己。我覺得自己真係好傻，我自己都唔明點解當時要咁做。 但係始終紙包唔住火，喺年初二呢件事俾我媽咪發現咗。佢拉咗我入廁所，大大力攬住我。嗰次係我第一次見到媽咪喊，媽咪係我心目中係一個好堅強嘅女人。眼淚喺佢眼眶湧出嚟嗰一刻，我攬實佢。用顫抖嘅聲線同佢講：「我冇事㗎」而媽咪不斷同我道歉，話自己冇好好保護我。我想喺呢度講，你已經係我心目中最好嘅媽咪，錯嘅並唔係你。 不幸中嘅大幸係我肚入面冇生命。但係事隔半年，我仲都放唔低呢件事，一直耿耿於懷。喺呢度我奉勸咁多位，網上面識人真係要謹慎啲，真係要帶眼識人。不論男女都有好好保護自己，唔好比壞人有機可乘。

#NSS個人 [GUEST] 唔知有冇人同我一樣都係有少少潔癖, 我特別係對廁所嗰方面。 我屋企廁所嗰個洗手盆隔離有個counter, 通常係放風筒/抹手毛巾嗰啲嘅, 咁有時我屋企人去完廁所,隻手未抹乾淨就fing到成個counter都係水, 我會睇唔過眼, 要抹到一滴水都冇為止, 仲成日會因為呢啲問題同屋企人嘈。 又有時候個廁所板成日都會有啲尿漬或者濕咗, 我又會落啲梘液或者係咁用水抹, 仲會因為個廁所太污糟 然後崩潰 qwq 最近我啲潔癖仲越嚟越嚴重, 幾乎要日日抹張書枱, 要一粒塵都冇為止, 如果唔係就好似發咗癲咁樣喺度抹。 我都頂唔順自己呢啲痴咗線嘅問題,但係又改變唔到,想問下有冇方法可以減少啲潔癖🥲thx

#NSS個人 [GUEST] 小弟依家16碎 身高173 體重58kg 我本身一路都有減肥 由62減到依家58 之前仲諗住再瘦啲（減到55kg以內） 但最近突然好想再生高啲 想去到180 唔知我仲有無機會繼續長高呢 如果可以嘅話點先高到？同埋如果增高同減肥淨係可以揀一樣嘅話我應該揀增高定減肥好？ sor for 1999🙇🏻‍♂️

#NSS個人 [Guest] 長文慎入 我唔知係唔係鍾意左個friend… 是咁的 我同佢係小學都只係高年班同班過一年 叫做認得對方 同見到會打招呼咁嘅程度啦 但係其實我由小一參加比賽撞到 一齊傾過計 玩過之後 就一直都對佢有好深印象 我自己都解釋唔到點解 總之就係對佢有一種莫名其妙嘅感覺 想同佢做friend 傾多啲計咁 （雖然呢件事應該淨係得我會記得） 喺學校如果聽到有關佢嘅嘢 都會問多幾句 去到中一 我第二次同佢同班 由於我地係同一間小學升上嚟 咁就決定拉多幾個人一齊圍堆食lunch 之後就一直都keep住好熟 佢join乜我跟埋

#NSS愛情 [guest] 為鍾意嘅人可以去到幾盡？ 最近鍾意一個耶證嘅女仔，但係佢話一定要受洗成為信徒先可以拍拖……….🥺 耶證道德標準高，但真係只是異教徒不能拍拖而否定經過嘅其他嘢咩？😔 我尊重佢嘅信仰，但我唔想因為宗教而放棄愛情，大家其他方面都好夾🙏🏻 每次都覺得好無奈…. 利申：無宗教，想知道係咪真係要咁？