—類投稿

#NSS學校 [港島直升中學] 多謝admin揀咗我🙏 究竟點樣先可以處理好人際關係呢？ 講返背景先，咁我原本就有2個besties啦（小學已經好frd）咁簡稱A同B。咁今年我就唔係同佢兩個同班嘅，咁我就喺自己班識咗個新frd（簡稱C）。 首先講咗同AB嘅關係先。小學嘅時候係我同B frd先嘅，但機緣巧合之下我地三個就開始frd咗。去到中一我哋一路相處都好好。但問題嘅開端就係今年。咁因爲我唔係同佢哋同班，所以我自然就會喺新同學裏邊有一個較好朋友嘅人，而嗰個就係C。咁有一日返學嘅時候我就見到C，咁我就同佢一齊行，點知原來A同B喺我後面（我唔知嘅），之後同佢哋兩個放學嘅時候佢哋就開始講祕密。我問佢哋咩事佢哋都唔講。之後一路我都係同佢哋保持besties嘅關係，但我發現佢哋兩個好似開始疏遠我，有時佢哋會自己蹺住手走咗去，咁呢樣嘢固之然我係覺得唔舒服嘅，咁我都有嘗試去同佢哋兩個講，但係佢哋就好似左耳入右耳出咁樣，我唔知點樣可以有一個方法可以同佢哋相處得舒服。 然後就係我同C嘅關係。咁我哋係一齊坐埋所以熟咗嘅，咁一路我同佢嘅關係都係好正常，都係閨密嘅feel。我係一個好主動撩人哋吹水嘅人，一開始佢都會認真d覆我，唔知係咪因爲我真係太鍾意同人講嘢，所以佢開始hea覆我（但冇之後咁hea），但到後來發生咗一件事，我覺得係令我哋關係有d僵咗嘅事。事緣就係有日我同咗佢講我鍾意嘅人，點知原來我鍾意嗰個係佢地下情咗個幾月嘅男朋友。啱啱發生d咁嘅事關係點都會僵一兩日。但係之後我冇事搵佢吹水佢就開始好冷淡咁覆我（例如：「:/」「🌝」「hmm」）。 我覺得好無能爲力，其實我真係好想維繫每一段關係，我對待每一個朋友都係真心嘅，自認係一個好冇安全感嘅人，我好驚會突然所有朋友離開晒我。喺呢度我想請問大家有冇一啲建議係可以令每一段人際關係都令大家覺得舒服？或者有冇啲建議可以令我處理好呢啲朋輩之間嘅關係？

#NSS社會 [LTP] 想知道大家周圍D同學有己多個有ADHD , Asperger’s 等等嘅精神病 (admins pls change my wording anyway you like, Cantonese is not my forte, also greatly appreciate the English 👍)

#NSS愛情 [guest] 其實係咪做朋友好過做情侶 唔知由幾時開始無話不談，去到而家好多都講唔出。可能係由第一日一齊開始就註定左一齊之後，大家反而會漸漸收埋自己 由一開始大家相熟，咩話題都傾，無拘無束天南地北咁傾，傾下你今日係街度見到靚仔，我見到靚女，又或者打機邊個鍾意左你，咩都會講，大家都會攞大家d事去講下笑，有咩唔順順眼嘅就直接講出黎，一笑了之。 去到而家一齊左幾個月反而開始好似無話題，但係自從突然有一日你講左句「係你面前傾個d話題好尷」 就開始明白唔係話題無左，而係反而無做fd 咁樣咁放得開，好似fd咁天南地北咁咩都傾咩都講，而係互相有所顧慮 突然令我覺得，當初唔好咁衝動，係咪反而會一直到而家都係無話不談，咩都可以傾呢？

#NSS家庭 [guest] 我真係好憎我阿媽 首先，我阿媽係一個出軌既女人。 講真句佢都已經四十幾五十幾歲人，有兩個仔女，個仔已經接近二十九，個女又十幾歲就黎成年，佢仲係度玩埋d咩交友app，扮哂三十幾歲嘅女人係度溝仔，然後仲要真係約人出黎拍拖，係度攬身攬頸影住自己d錫錫相（我都係無意中係佢手機到睇到，真係好嘔心），而當中令我最氣憤嘅係因為出軌呢件事搞到我老豆身體變得好差，精神衰弱，身體多左好多病痛。 我老豆真係好辛苦，日做夜做自己一個撐起一頭家養活四個人，仲要向銀行借錢供我阿哥去外國讀書，自己死慳爛慳去還錢，之後仲要自己出錢投資開間小舖頭比我阿媽去做，入貨錢租舖頭錢都係我老豆出。 個陣我老豆好信任佢好愛佢，一出糧就過哂d錢比我老母，自己只係留一部分，唔係自己用，而係還比銀行（供我阿哥去讀書個筆），佢投資開個間小公司個戶口又落我媽名，唯獨交租份合約先落自己名，即係有乜好野就益我老母，衰嘢就會留返比自己，但係而家我老母就當哂d野係自己既，極度忘本，成日話咩間公司係佢嘅d錢係佢嘅，仲係我同阿哥面前講大話賣慘話所有錢都係佢自己出（我老豆有keep低所有帳單證明），但其實難聽d講句，佢咪只係一個sales，間舖頭係我老豆開嘅，身為售貨員既你賺到幾多錢都好d錢都係公司架啦，係咪？ 然後當初供我阿哥讀書嘅錢係我老豆出，我阿媽就當哂係自己辛勞付出咁，話咩咁辛苦賺錢養大佢，所以要求我阿哥比一半人工比佢（注意係比佢唔係比屋企）做家用完全唔過份，先唔好講一半人工做家用會唔會太多，比你已經有問題啦？仔又唔係你養嘅，點解佢要比錢你？係都比老豆啦係咪呀？ 真係好心疼我老豆娶左個咁既老婆返黎 第二，我老母從來冇關心過我。 由細細個開始佢已經唔係好照顧我，我生活嘅大小事都扔哂比我老豆管，不如先講下我老母係點樣疏忽照顧我嘅 以前我老母好賭成性，好在只係網上面賭下遊戲幣，唔係賭真錢。細個我眼睛成日發炎要滴眼藥水舒緩，有一次我搵佢幫我滴眼藥水嘅時候，佢就因為掛著打麻將game，就是但拎支類似眼藥水既物體就幫我滴，滴落去個刻辣到我隻眼痴線，聽到我大喊既時候，佢先發現佢滴左aa膠落我隻眼到，好彩即刻送去醫院冇盲到，個陣我仲讀緊幼稚園，但呢件事真係印象好深刻，所以記到而家。 其次，佢又係d好懶嘅人，懶到連陪我出席校內活動都唔願意，寧願係屋企訓覺打機。小學嘅時候，每次我上堂拎獎，其他得獎者同學d阿媽都好以佢地為榮係咁係台下幫佢地影相，落左台又會攬實佢地，讚佢地好叻，得我一個係冇阿媽陪，我估佢仲係屋企打緊機訓緊覺呢。佢連家長日都懶得出席，要我老豆連續返完五日工之後，仲要星期六早起陪我去家長日，連書亦都叫我老豆假日幫我溫，佢就日日遊手好閒，直至後尾我老豆開左間舖頭比佢先有返d嘢做 第三，我老母眼中只有錢，我對佢黎講亦都只係一筆生意投資。 由細到大，佢下下都只係識同我講錢，先係我阿哥要比二分一人工，到我就係無論我學d咩，補習都好，佢都會同我計住計住，比好多好難聽嘅說話我聽： 「你睇下你，補習用左我幾多錢？你大個又比幾多錢人工返黎呀？」 「你呀而家洗我咁多錢大個要比三分二人工我呀」 「你除左問我拎錢之外仲識乜？你大個又有幾多回報比我？」 「點解要比錢你補習？你大個又會比返幾多錢我？」 每一次問佢拎補習錢，都會聽到類似咁既說話，反正係佢眼中只係得個錢字，就好似養兒防老咁，或者呢個字都唔太岩用，因為佢連養都唔願意養我，就算佢肯比錢我補習，d錢都係我老豆嘅，唔係佢嘅 第四，我老母好野蠻，覺得自己乜都岩，覺得自己大哂。 我身為一個女仔，閂房門有返自己私隱有錯咩？平時又唔關心我，但係又樣樣都要要管住哂，佢唔比我閂門做自己嘢，但其實我閂門係有以下原因： 1. 我地全家不幸中左omicron，而家居家隔離緊，為左保護自己，保護屋企人，係屋企入面戴口罩應該算係正常掛，全屋得佢一個冇帶，咁我閂房門保護自己都係正常姐，偏偏佢又好鍾意門都唔敲就開我房門，仲要鬧我閂房門做咩，咁我係自己房都會帶口罩雙重保護嘅，但有時候可能食緊嘢，佢入到黎鬧鬧鬧既時候d口水噴哂落我d飯到，就唔太衛生lor 2.

#NSS家庭 [GUEST] 小妹已經受盡姐姐同佢男朋友嘅閃光彈了。由於我非常之不滿，所以我要發洩！ 多年來姐姐都係同我同一間房，第一，佢每次發脾氣嘅時候，佢就會暴走，突然間尖叫，又爆喊，而我啱啱好就同緊我朋友打機，我係非常，非常尷尬！都唔知點算好！ 第二，我之前都好早訓教，而加佢夜晚每次都打電話比男朋友，個啲甜言蜜語聽到我雞皮疙瘩，係完全訓唔到個隻。有日我要同朋友出街，然後係出街嘅前一晚，我姐姐係嘈到我凌晨三點都訓唔到，我嬲到喊！我係講真！我有反抗㗎，但佢嘅脾氣係穩定地差！不過對男朋友仍然好似寵物咁錫。 補充返，我唔係妒忌姐姐有拖拍，而係佢真係嚴重騷擾到我訓教，又會突然變哥斯拉發脾氣，所以我先會咁嬲。 Sorry for 1999

#NSS社會 [MK] 而家IG成日出現啲卡點，BGM又係大陸歌 用晒啲瘦面filter,著貼身裙用隻手向下反V貼住大腿對住塊鏡影相 Post 張相將佢edit到閃下閃下（特效） 介手又要post story,講到自己好慘 又周圍認阿哥家姐 特別係某部份09，成日用WeChat，抖音 漸漸開始變晒大陸文化 停啦好嘛…… （PS唔係特別針對09，只不過我見到嘅post大部份都係呢個年齡層)

#NSS學業 [想修讀學校冇嘅科] 大家好， 自身就讀緊嘅學校冇想修選修個一科，咁樣可以點算？😢

#NSS個人 [GUEST] (admin pls post🥺🙏🏻🙏🏻) 大家好 最近我一直煩緊以下呢件事 好希望大家睇完之後可以俾啲意見我🙏🏻🥺 話說係咁既 大既幾個月前我因為鍾意某個明星而係ig度開左個fanpage🤫不過我媽咪就唔知既 (佢平時好嚴 如果俾佢知我有 fp 既肯定會話我 叫我唔好同 online frd 傾計) 😩不過最近佢好似開始發現左呢件事 佢試過陰陰嘴問我:你同邊個傾計呀下😿佢最近仲要特登開左個IG ACC 好似特登想監視我咁 搞到我勁大壓力 有時同fandom frds傾緊偈又唔可以係佢面前係咁打字😳雖然我已經block左佢

#NSS家庭 [Guest] 小妹有個好乞人憎嘅阿妹, 忍左佢好多年, 今次真係頂唔順佢, 所以想開po呻下。 是咁的, 因為學校PE堂規定要開cam, 仲要跟住佢做一啲拉筋動作(需要頗多空間, 例如平板支撐, 掌上壓等等)。我屋企唔大,得一個岩岩好夠大嘅空間俾我做, 而且屋企人都比較少經過嗰個位置, 只有行入廚房先會經過, 所以我就一早同屋企人(包括阿妹)講明左我某個時段會係嗰個位置度開cam上PE堂, 等佢地經過嘅時候留意下,尤其係我阿妹, 因為佢好介意入鏡頭。 問題黎啦, 喺我上緊PE堂嘅時候, 阿妹突然想入廚房拎野食, 佢見到我開住個cam做緊運動, 就開始鬧我阻住佢。我知佢唔想入鏡頭, 所以我同佢講, 俾多30秒我, 因為個老師話做多30秒就可以抖一抖。但係佢仲繼續鬧我喺屋企開cam上堂對佢做成不便, 仲話

#NSS家庭 [GUEST] 【只是我的生活，我很無聊，好嗎？】我的粵語和英語都不好，但我懶得一個字一個字地寫漢字(這是翻譯的)，所以我們開始吧。是我一個人還是其他人都一樣？我討厭我的生活。我媽媽每天每晚都在罵我。然後她哭後從頭再來。我受夠了，但我也不能責怪她，因為我的家人經歷了很多糟糕的事情。我們曾經是中產階級，或者至少足夠舒適地住在香港（不是吹牛，曾經與蔡少芬和毛舜筠是鄰居）。我父親曾經擁有幾間療養院，每年可賺取 200 萬港元。當時他正在和幾個女人約會（咳嗽，混蛋）。然後我媽媽在婚前就懷孕了。然後，他們結婚了。我媽媽在30多歲的時候就和所有的朋友斷絕關係並立即辭職，因為這是她的夢想，依靠一個有錢的、年長（16歲）的男人撫養兩個孩子，然後過上幸福的生活。 .她不像現在那麼敏感和控制，但每當我的字跡難看或說話太多或和妹妹聊天太多（字面意思）時，她總是用不同的東西打我。當我還是一年級的時候，我在校外有 8 種不同的課外活動（包括游泳、不同類型的舞蹈、典型的中文、英語、數學和繪畫）。然後，我父親在賭博中輸光了所有的錢，並在那裡欠下了數百萬的債務。我媽媽很傷心，那時我只有 7 歲。我媽媽告訴了我，我們在浴室裡哭了，沒有告訴我妹妹（她只有 5 歲，呵呵）。他們離婚了，這樣我爸爸就可以用一半的房子來還債。然後她之後又和很多其他男人約會。 以上這些在精神上傷害了我媽媽很多。問題是，受傷最深的是我！她成功升級為一個更嚇人、控制欲更強的媽媽！她從不讓我穿暴露的衣服，比如普通的短褲。她告訴我，男人一看到我就會想強姦什麼的。Bro……我從來沒有去過我朋友家，因為她（仍然）認為並說服我，我所有的朋友和他們的父母都是綁匪和強姦犯。然而，她多次試圖說服我和我的老師約會。有很多次她告訴我她氣到想自殺，想把我和我的妹妹帶到她身邊。我發誓我沒有做任何作為人類、女兒或孩子不正常的事情。有一次我求了她三個月或更長時間去我好姐妹（我愛你）的家，因為我要移民到另一個國家，再也不回香港了，因為我媽媽……你知道！她終於答應了！我非常興奮，我計劃好了那天我要做的所有事情。那是我第一次去別人家/家裡開心。沒想到，當我在門口，離開家時，她要求我不要去，因為“太遠了”。我那時巳經 14 歲了，我的學校更遠。我求她很久。可是, 她又打了我，告訴我如果我走了，她會從字面上殺死她自己和我妹妹。我很害怕，所以我沒有去。我的朋友們非常失望，但他們理解我（他們是有史以來最好的人）。我真的不明白為什麼我媽媽會做這一切。在我們離開香港的前兩天，她突然告訴我一些可怕的事情（我忘了）。我們吵架了，她又把自殺的事告訴了我。然後我非常非常情緒化，我拿刀子在她面前試圖自殺，用刀子刺向我的脖子（有血但我還是不能，仍然害怕）。她沒有任何反應。她什麼也沒做。她沒有表現出尊重。那一刻我徹底明白了，她根本不愛我。她想要的只是感覺一切都在她的掌控之中。她知道我不敢自殺。 我有很多驚恐發作。 我去過一次急診室。 我真的很想告訴醫生我的真實感受，但我告訴她和警察這只是青春期。我將會後悔的，但我現在還和她住在一起，她仍然控制著我的生活。這不是一條求助信息，只是想告訴你們，如果你們有脾氣/三觀不正的問題，千萬不要生孩子! 圖Link: https://www.pinterest.ca/pin/242279654943982344/