—類投稿

#NSS愛情 [GUEST] 2021年的一月，我開始了第一段愛情。2022年的情人節，這段愛情也結束了。 （PS:文筆唔係好好） 這一年多的時間裡有喜、怒、哀、樂。我很愛她，可是沒有經驗的我不懂怎樣去表達出來。我也時常因一些小事而去她發脾氣。我知道我有不對的地方，但我也會盡我能力去寵愛她。 隨著一起的時間舊了，她開始向我有了更多的厭倦和冷淡，更何況無理取鬧。她連一些日常事情也要欺騙我。而且，經常用分手來威脅我。我深知她已經不再那麼愛我，但是我仍繼續向她屈服。 還記得有一次慶祝節日時，我用心製作了一份禮物給她。正當我滿懷期待送給她時。她只説了：「我還以為是什麼名牌，你送這件垃圾給我？」雖然她根本沒有想過送什麼禮物給我，但我在被比責罵後立刻熬夜織一條頸巾給她和買了一些禮物。可笑的是最後那一條頸巾也被她丟棄。 再過了一段時間，我們的感情也即將邁向終點 ，在這段時間我也經常想過是否要分手。但天真的我佢認為她總有一天會改變。只怪我太愛她。 情人節前一個星期她突然跟我說分手，當時的我沒有再像之前一樣立刻思考什樣挽留，只是叫她仔細想一想。我也知道她已經不愛我了。 在情人節的早上，陽光柔和，陣陣微風。半睡半醒的我已經聽到媽媽在外面製作早餐。此時，一個獨特的鈴聲從手機中響起。聽到這個鈴聲的我立刻張開眼查看。對的，有些事始終會發生。我也沒有跟她説什麼。 我們總是以為，我們會找到一個自己很愛很愛的人，而對方也會很愛自己。可是當我們回首，才發覺自己曾經多麼天真。我放下了尊嚴，放下了個性，放下了固執去愛你。但是結果卻不如預期。希望你日後能幸福吧。 同時亦都希望各位天真A0少子拍拖記得愛惜自己多啲。

#NSS家庭 [GUEST] Hello 我係 #NSS220215D 嘅樓主 最近我有喉嚨痛同埋發燒嘅跡象(*´-`) 之後連續兩日快速檢測結果都係negative 咁就去睇普通樓下診所而家仲食緊藥 情況比第一日好但係都未叫完全好返 – 我而家無論係肉體定係心靈上都承受緊好大嘅痛苦 本身已經發咗兩日燒又頭痛又頭暈咁 我啊媽又不停喺度同佢啲大陸朋友傾我嘅事 成日喺度罵我前幾日做乜落樓下商場買嘢 又鬧我中咗肺炎嘅話會傳染埋比佢哋….. (我係去買野食唔係行街唔係玩) 真係好嘈好大聲好煩，我想訓都訓唔到 佢就係不停咁囉嗦講嘢令到我真係好攰 仲要我喉嚨痛已經冇力氣去回應佢 – 如果呢幾日嘅行為係媽媽對我嘅關心 我真係未試過因為其他人比我嘅愛而感到痛苦 我淨係覺得好唔開心好攰好辛苦 點解我阿媽呢幾日都淨係不停咁鬧我

#NSS文化 [GUEST] 事先聲明，我寫呢篇文完全冇意思要diu 9任何人。 語氣重咗嘅地方大家見諒。 呢排見到有陣時有人會放一啲自己寫出嚟嘅散文/短故上NSS，然後文筆唔錯，大家就覺得佢可以出得書、作文5**。明白大家有陣時其實係想要鼓勵樓主，但係我唔排除有人其實真係睇完你哋嘅留言，諗緊呢啲嘢可以成真。覺得寫文寫得唔錯，就可以出書做作家。 咁我睇咗的確係唔錯嘅，但係大家有冇諗過出書同埋5**呢兩樣嘢個門檻究竟有幾高。其實係你哋自己對眼比較低丫，定係你哋唔係好知道現況係點呢？ 首先由5**講起，文筆只係其中一個評分嘅準則，文筆好但係離晒題你照樣都係得個2，所以樓主喺呢一方面係完全講啱晒。就算文筆幾好，拎去參加徵文比賽拎晒獎都好，返到學校老師照樣俾個唔合格你。我係過來人，我最明白嗰種感受，徵文比賽拎晒獎，我連大陸人都打低埋，返到去學校10分滿分嘅作文，我照樣拎4分。因為佢根本唔係用緊一個文學嘅標準去睇呢篇文，佢只係用一個考試嘅標準評核你嗰篇文有冇得分。文得比所有人讚嘅我，我照樣唔敢講我到時DSE可以拎五星星中文作文。好，我相信呢樣嘢應該唔只我一個人講過，樓主都好清晰，所以我呼籲大家唔好見到人哋嘅文筆好似比你好好多就會覺得人哋一定係拎緊高分。其實我哋唔係好你好多，只不過偶然喺文筆上面可能會得到人嘅賞識。文筆呢樣嘢都唔係咩天賦，好多時候都係靠努力睇書模仿人哋嘅文筆而得翻黎。你見到我哋寫嘅每一篇文，背後都可能係我哋多年睇書以來累積嘅所有文句辭藻。 好第二樣嘢，出書。 大家係咪仲覺得寫一篇文文筆好好就可以出到書？首先一本書起碼有八萬字，係唔係每一個寫到2000字文筆好好嘅人，都等於可以寫到八萬字優秀嘅作品？好啦，就算當你寫到八萬字出嚟之後，你要點樣出版？你知唔知其實而家絕大部份嘅出版社好多人不斷投稿，但係冇人應。因為作者遠多於讀者，寫作呢個行業不嬲都係式微緊，我相信呢樣嘢大家都知。只要出版社覺得你個作品冇價值，佢絕對唔會簽約。就算俾你搵到出版社簽約都好，只要唔係一間大嘅出版社，你三個月做盡宣傳上埋IG賣廣告，最多都係賣到40本書。真正投身寫作呢一個行業，大部分未成名嘅人，幾乎每日都係作者求緊讀者嚟睇佢啲書留一條留言作者都會覺得好感動。所以唔好睇嗰啲孤泣果D大作家經常有人買佢嘅書，你就覺得出書唔係好難啫。事實係大家不斷email投稿投稿投稿，冇人應過我哋。Penana寫左20萬字，肝都爆埋，辛苦經營咁多年嘅能力，我都唔敢幻想我可以出書。 我哋會檢討自己係咪出咗問題，要求唔同嘅同等作家評論我哋嘅作品，但係大家最後得出一個答案：大家時運未到，唔係我地唔夠出面嘅作家寫得好、能力不足，甚至我哋大部份人都可以屌打出面所謂嘅「成名」作家，但係根本就冇人肯出我哋啲書，未成名你乜都唔係。我有時候覺得我哋好似乞衣咁，係咁求人、咩都做晒，為咩？ 而當時喺下面留言話睇你出書嘅人，最後係咪真係會買你啲書？定係佢哋淨係純粹嗌你行入個苦海裏邊？就算真係買都好，做你忠實fans，又總共有幾多本書賣出去？你最後又要蝕幾多錢離場？ 所以我希望大家唔好比樓主假希望。亦都唔好以一個門外漢嘅角度，覺得出書好容易，5**好容易，作家舒服，睇Lihkg多就覺得出書門檻低。 sorry，呢篇文可能會得罪大家，覺得忠言逆耳。 但請大家體諒我，原諒我的文字義憤填膺，原諒我急欲讓大家清醒，原諒我因為寫作揮霍多年青春，最後卻變成表面滿腔熱血，但又偷偷把自己文字藏起來，並且對你們所有人的鼓勵麻木的人。我不敢去數自己為了那虛無飄渺的夢想失去過的東西，甚至不敢在別人面前提起我這幾年做過些什麼，每次面對家人的追問我都是支支吾吾糊弄過去。寫出好文章的人固然都是有努力過，但請大家不要報以假希望。不要偶爾看見奇蹟，便說那是俯首皆是的機會。看見還沒有成功的人，然後說幾句風涼話說，你沒遇見只是你能力準備不足。 奇蹟不是每天都在發生的，起碼沒有發生在任何人身上。沒有發生在我身邊人身上，更沒有發生在我身上。 最後我只是想說一句，「我真的已經很努力了。」 一個深陷寫作苦海七年仍無法出書、深夜情感爆發嘅同路人 2022.03.03撰 （放負文）

#NSS家庭 [真的很苦惱呢！本人自小甚少有失眠一事，但係直到我啊哥上到大學暑假翻黎開始就開始長期失眠。] 是咁的，我啊哥有住hall,常聞大學由晚上12點正式開始工作，不知因為這樣而導致遲睡覺。故事的開始是在暑假說起。先簡介一下，本人居住在8，90年代的公屋，屋型長方形，房都是自己間的。家裡分三部分，一入去便是客廳，中段左邊為廚房，右邊為母親房間；最後部分左邊是廁所，中間是露台，右邊是我和笨蛋哥哥的房間，相連着母親的房間，中間一整條通道是走廊。在晚上，因為房間不是用牆來作間隔，而且母親的房間有窗是對着客廳，在高處的，很難形容抱歉，總之就是客廳的光線能透到房間，而且我與母親的房間亦是差不多，不是全封閉，剛好對正客廳的燈光。 插序 因這不是我今日想提的重點（我以前小學的時候，我還是跟母親睡覺，笨蛋就在我現在跟他上下隔床的房間睡，整晚開着燈，很煩呢！這是我失眠的開端） 故事1，2年前，正是疫情，人人回到家中，我真的很痛苦呢，因為我哥哥每天都2，3點才睡覺，真的很離譜，也喜歡在這樣的時間洗澡。開着音樂，播放YouTube,很大聲，我很敏感，這時我正正如此大失眠，每天晚上都有燈光，聲音吵着，有時好運的3點多睡著。但是因為當是放疫情假，加上我實在受不了長期失眠，我慢慢習慣了玩遊戲到2點才睡，但是魔高一丈..笨蛋越來越晚睡，4點5點6點7點…我也試過1星期每天都2點上床，連續幾天都是5，6點才睡着。） 故事2，回到現在，笨蛋說要退學？去實習，吸取經驗，遲D再接上去（year3）,這次他認識了一位女朋友大約每天凌晨開始聊天，真的很大聲，我家隔音巨差，唉！然後又學人做gym，搬野大聲到爆炸，差不多每天母親都會被吵醒。在與女朋友對話時又對我好無禮，懶型 又句句粗口…好傷心呢 有人會問，你又唔同佢好好溝通？同一個自私的人很難溝通，我經過數月時間感化他，才有一點才效，（只是不斷煩他）他很怕被煩，除了女友，對家人脾氣又差，我媽就很不滿，畢竟他實習有一點經濟能力。之前發脾氣頂唔順（因為佢買左個保險箱來防止我偷吃他的朱古力）母親不滿，最後大家互罵。你只要跟笨蛋吵架你就知味道，一定要贏，跟你講些可笑的道理，感覺就是欺負弱者。畢竟是很煩的，只是一件小事又要贏，叫他去涼衫話一陣先，明天起身才發現都沒涼，算拉 我幫佢涼左算。 對了！為何這麼執著，這裡畢竟有一位未提過的人物，導致母親要獨力承擔，打兩份工，所以休息很重要呢！我不忍心看到她每天都被笨蛋吵醒，又不能罵笨蛋，因為在女朋友面前誰也是錯的，只會同你講 撚有聲咩 什麼什麼睡覺睡醒是什麼科學證明，真的不想跟他議論了。唯有多跟他發幾次脾氣，吵幾次交 唉可能我會講到1999XD但希望有人明白我的思緒，純分享，我相信各位給的建議都是沒有用處的，畢竟最後都只有跟他吵一次才可改變他 笑4，現在是2點47分，他在客廳做gym，母親應該沒被吵醒，明天8點要上zoom了！各位晚安 對了 可不可以發在IG上，畢竟我不熟悉其他網頁，平時都在看IG，各位能留言對事情的看法嗎 嘻嘻 寫得好差 sorry!

#NSS愛情 [深水埗區某中學] 《唔知佢有咩感覺》 小妹今年f3，係f1識左一個女仔朋友下稱W，佢有一個男仔朋友下稱P，平常會三四個人一齊打下機傾下電話咁。 同P真正認識係一次偶然，P同我講其實佢鍾意W，從此之後時不時要係佢地鬧交嘅時候幫手做下中間人咁，同P私下交談嘅次數都越變越多，但內容大多數都係P同我傾W嘅事+我諗計撮合佢地。 之後我地之間嘅交流唔再限制於W嘅事情上，IG見到好笑嘅片會互相share比對方，W遊戲唔在線會間唔中兩個人打機咁，呢個時候我未意識到有咩問題，仲覺得我地係普通朋友。 f2下學期我意識到自己可能鍾意左P，但係我冇放係心上面，仲以為只係單純對朋友產生依賴感。呢個時候P同W表白左但係食檸檬，原因就唔係度公開喇，W好糾結怕拒絕會損害到朋友關係，呢個時候除左聽W傾訴外，仲要安撫P受傷嘅心靈（？ 而家f3，P同W仲係一對好好嘅朋友，我可以肯定嘅係我鍾意左P+W對P冇興趣，呢段期間我成日借住真心話/隨口一問嘅問題，想知道P對W仲有冇感覺。P每次都笑笑口咁話冇感覺喇放低左喇咁，但係佢每次對P嘅雙重標準同埋特別待遇都令我懷疑，P究竟係唔係真係放低左W。 之後屋企計劃可能會移民，我怕如果唔講會有遺憾，但係如果佢對我冇感覺嘅話，我覺得講黎都冇用，無謂徒增尷尬。 而家網課我同佢完全冇交流冇傾過計，其實正路應該係維持現狀，但係我又好糾結唔知點做。 Sorry for 1999

#NSS愛情 [fkyc] ［表白唔容易 暗戀更難…］ 小妹第一次投稿sor for 1999 Hi 大家好，想同大家分享一啲野 是咁的，我鍾意咗一個人 係我Ching 佢好好人，好nice，有時會搵我傾偈，大家互相分享，互相安慰，唔係靚仔但係係耐看形，佢喺學校都算係風雲人物老師眼中嘅王牌。 我鍾意咗佢3年幾，為咗佢我亦更加努力改變自己，擺脫以前嗰個懦弱不自信嘅自己，以佢為目標，來之不易要經過努力先可以得到，我希望企佢身邊嘅女仔都好似同佢一樣閃閃發光，就算最後失敗咗，我都改變左我自己，都冇壞。但係我唔敢表白，因為佢要考DSE唔想阻住佢.. 我喺之前就有同朋友傾過 佢哋都叫我表白 相信留言嘅人都會叫我去表白，我都明「青春無悔點解唔搏一搏」但係……表白真係好難呀！！！！相信大家都知 女孩子係一個會思考好多，有好多顧慮嘅生物 我嘅朋友成日都同我講「我覺得佢對你有嘢㗎」「你睇吓佢都冇對過我咁樣」之類咁嘅嘢，自己聽到呢啲都會開心🤣但係嗰份勇氣都係冇,好多時都會顧慮唔會打攪到佢，會唔會我講多咗定係佢唔鍾意我。 之後我都同我朋友講咗我有嘅顧慮，佢哋就同我講「不如畢業之後再表白啦！我覺得佢對你有嘢一定冇問題㗎！」嗰陣時我就下定決心！好！等時機一到就係啦！因為真係唔想耽誤DSE 。 但係而家因為疫情，我個心又開始動搖…到底要唔要繼續？暗戀真係好唔簡單。 Sorry for1999

#NSS學校 [guest] 有冇人同我一樣好憎CML 橫掂中四就唔會再讀 唔明學黎做乜 果啲編程大個左又唔會用到

#NSS個人 [GUEST] 小妹今年Form 3, 要選科 我從Form 1開始就已經決定好一定會修VA, 但我而家好似對自己嘅drawing skills漸漸變得冇自信 可能因為睇得多人哋畫畫 我覺得我嘅drawing skills 同其他人比起, 我差好多 我大部分畫作都係reference其他人去畫 好少真係自己諗出成個idea 近排我開始諗, 修VA可以為我嘅前途帶嚟咩幫助 Fashion designer? 我冇足夠嘅creativity 漫畫家? 我又唔係擅長畫人物 室內設計師? 我覺得自己未夠班

#NSS家庭 [ccchwc] 有一個瞬間我想殺咗阿媽 小妹今年14歲，爸爸成日公幹唔喺屋企住，所以媽媽又要負擔家庭同工作。我知佢壓力大，不過佢唔開心都只會向我發洩，話我垃圾，乞衣，賤人。佢成日都話唔想打我，但係佢一發嬲就掃晒d野落地，係到“咆哮”，仲試過扯我頭髮掟我落地，然後我尾龍骨位置成達瘀咗。我嗰陣時勁嬲，我有打算去廚房攞菜刀界落佢到，最後我只係還手大力啲扯返佢頭髮。 我唔係因為青春期反叛而唔鍾意佢，我小學嗰陣已經好唔妥佢。我知道有時候會係我做錯野，不過我自己就覺得其實小事，我自己做返就得。例如我唔小心倒泄水（我自己有清潔返），坐sofa掂到佢，等等。我唔知道其實呢啲野係因為我大事化小定係佢小事化大，想睇大家點唸。 我其實好想18歲就搬出去，我唔知點樣先可以脫離佢，佢仲話我大個一定要同佢住，唔係就叫做不孝。我屋企經濟唔差，不過我知道佢由細都揼哂D錢畀我用。我宜家同佢嘅關係就只有金錢上依靠佢，我唔鍾意佢，可以講得上希望佢早啲死。 我宜家日日同佢鬧交都好煩，所以我索性唔反駁由得佢，不過我知道我有一日一定頂唔信，真係會還手。我希望大家比到意見我thx

#NSS學校 [kcss] 下稱主角為N。 N係我初中嘅數學老師，普通中年男性，望落唔似係惡老師。但係，當上咗幾堂佢嘅數學堂之後，我發覺件事開始唔對路。由小事開始先啦，N嘅派簿方式可謂別具一格，其他老師係派畀頭一個學生等佢哋傳去後面嘅，N就型棍喇，佢會飛簿，而且好鐘意飛簿。 一本A5簿可以畀佢飛去頭一個位，都可以飛去最尾嗰個位，佢自己就嘅話:「我唔係飛簿，係派，咁樣派得快啲。」當佢一飛簿，啲同學就左閃右避，有人咁啱避開本嘢，都有人畀佢飛中個頭，畀其他人笑。啲數簿會喺空中揭開，好似白鴿咁喺課室度飛，跟住跌落地下，本簿嘅同學就要走去執。嗰陣係低from，人笑我又跟住膠笑，全班都喺度笑，個場面真係好荒謬。佢就話自己已經做咗依件事好多年喇🙂 依啲都係小事，N最出名係佢嘅教學效率。 作為一個數學老師，佢會喺堂上不停吹水，一堂35分鐘，得5分鐘教書。對此，佢曾經講過:「如果你覺得數學堂好挽，自然會認真聽嗰5分鐘嘅書啦!如果你覺得數學堂唔好挽，就算我講足全堂，你都唔會認真聽書。」……N都叫過我哋適時叫停佢嘅吹水，不過，我就親眼望住有個同學係咁叫佢講書，叫咗好多次，N都充耳不聞，當聽唔到，繼續吹水，直接到咗最高境界。 作為一個學校嘅職員，N喺堂上同我哋拆解校歌，逐句分析歌詞，又話歌詞唔啱又話歌詞無營養。佢仲話自己以前係男高音，然後即場唱校歌。喂大佬我唔想知啊…… 慶幸後來N畀人調咗職，我亦都無再畀佢教喇。當我以為我嘅校園生活開始有番啲陽光嘅時候，時隔4年，N再次番嚟依間學校，做我嘅老師😀喺佢行入門口嗰刻，我終於明白到乜嘢係「暴風雨前的寧靜」。我有預感依班將會變得不幸。 今年學校加咗一科聽OLE嘅科，N就教嗰科，內容大概係關於義工服務嘅。有次網課係全級一齊參加，要開cam，嗰堂之後嘅第二日，班主任同我哋講好多人畀人記咗缺席同違規，叫我哋確認下。我一睇個表真係屌出聲，全班得幾個人無畀人記，其餘全部人都記曬。成級百幾人，N記咗幾十個，半級😀(大部分人都有開cam，露下頭咁啦，嗰排啲規定比較寬鬆，喺所有科嘅老師都無話我哋嘅情況下，N直接記半級人違規同缺席，無原因缺席當曠課。) 可能訓導處都覺得離譜啦，後來一個同學都無追究同記違規。N直接由「玩得嘅老師」成為全級公敵。 OLE嘅內容大概係關於義工服務嘅。一個星期得一堂，咁每一堂都會播片播ppt。每次完咗都要做google from，佢就要你寫低你喺依半個鐘入面，你喺知識上、技能上、態度上有咩學到同領悟到。 每堂，都播差唔多嘅片，但又每堂，都問你一樣嘅問題。仲要有字數下限添。 冇考試嘅OLE只計功課分，變到成班人都不斷讚義工服務有幾好幾好，吹噓義工服務點改變到人改變到自己，但係一切「得着」都係作出嚟，用嚟搏佢個「A」。望住佢個google from後台啲人嘅答案，真係得啖笑。唔係話義工服務唔好，只係咁嘅教學模式完全扭曲咗義工服務本質，口上就話要服務大眾熱心助人，但係心入面跟本一啲都唔係咁諗。經過咗咁多堂，OLE已經成功咁令一眾學生反感義工服務。 多謝你睇到嚟依度