#NSS個人 [Guest] 靠功課答案維繫嘅友誼 大家好小弟今年中二 讀緊Band2中學 如標題 我同朋友嘅友誼靠我比功課佢哋抄維繫 或者應該話我只係一個幫人哋做功課嘅工具人 啱啱識嗰陣佢哋有功課唔識做會客客氣氣走嚟問我 我就send我做完嘅答案比佢哋 起初我都冇乜所謂 但唔知由幾時開始 比得佢哋抄多 佢哋就當咗我比功課佢哋抄係理所必然 份份都問我抄 唔比就send啲黑面emoji😊又話會打我 我好反感呢啲行為….. 查實人哋冇義務俾你哋抄 我唔係你邊個 幫你係人情唔幫你係道理 憑乜份功課我辛辛苦苦做咗幾粒鐘 佢哋10分鐘都唔使就抄完我幾個鐘嘅成果 自己睇都唔睇就話唔識做 睇完又話唔識做 咁你咪自己亂做lol
#NSS個人 [GUEST=「興趣」和「夢想」的遺失，只因父親] 介紹翻背景先:F1，12歲，唔知大家有咩興趣，我好鐘意拍片、剪片、做創作，夢想係做YouTuber。咁我近排就想買sony嘅zv e10相機，由於自己無咁多錢係手，所以問左老豆攞翻D之前考試嘅獎學金:$4000(屋企本身有獎勵計劃)。但佢知道左我要買相機之後，就話:「買咩相機，不如買手機好過！」佢似乎唔多了解我，直接fail左。我一直都好想同佢溝通，但唔夠膽，直至今日(7/3)見到zv e10已經缺貨，都唔知點做，想問下大家🙏🏻
#NSS其他 [xxxxx] IG pls🙏🏼🙏🏼🙏🏼 Hello 大家 小妹第一次投稿 我嘅中文水平比我差所以如果我講到1999嘅話請大家見諒 以下我想分享上個星期發生嘅一件事 我係一個violin人 平時上堂都係上嗰啲小組班 (ps. 我唔係喺我間中學度學）我個班好少人 得兩三個 所以我喺呢一班入邊係所謂嘅拉得最好（唔係話咩晒命 而係我只係比較正常嘅一個 冇咩特別）我一直覺得自己拉得正正常常 音準啱 大細聲做齊 甚至比老師推薦我去拉Grade 8嘅歌（ps. 本人低過八級）個老師係呢五年入邊都冇鬧過我 但係上個禮拜… 話說我上個禮拜日就去咗打針 全個禮拜嘅狀態都唔係話好好
#NSS個人 [Guest] 係咁嘅小妹今年就f.4，有一個好好嘅男仔朋友，同佢同班左四年 下稱L，同佢就識咗差唔多五年，我啱啱識佢嗰陣已經開始鍾意佢，喺其中佢拍過兩次拖，而嗰兩位前女友有一位係我而家嘅好朋友（下稱W)另外一位係係我嘅同班同學(下稱H) 前年一開始W知道我鍾意L，所以佢約咗我同L同埋其他人一齊去玩，之後L同我講佢鍾意咗W，然之後就開始追佢，最尾追到W，W同我講佢好對唔住我，跟住我就同佢講其實冇所謂佢鍾意邊個我管唔到，祝佢哋幸福，跟住就同L保持距離。 去到暑假嗰陣W同我講佢覺得L好煩，又話佢一開頭同佢一齊純粹係諗住玩玩下，最尾W提分手話唔想佢嘅情緒影響到佢 又話佢哋唔合適。跟住L就梗係好傷心啦，情緒低落到一個點，我就成日陪佢傾偈、開解佢。 去到開學W話佢心血來潮想同返L喺埋一齊，咁我就梗係唔想佢繼續傷害L，但係W性格好怪，我又唔夠膽阻止佢，所以就同咗L講佢哋分手嘅真正原因，但L份人好心軟，W就成日走去搵佢，L又唔忍心拒絕，差少少佢哋就會一齊返。可能咁樣做好衰啦，但係W本身份人就係玩玩下，佢每一次拍拖都長唔過一個月，我唔想L再俾人呃。 件事完咗之後就去到幾個月前，H就同咗L表白，因為L以前鍾意過佢而家仲對佢有鍾意嘅感覺，所以就應承咗佢同佢一齊，咁我就好想死心，過咗一個月左右，H就同我講L對佢好冷淡，成幾日冇覆佢message，佢嗰陣就好驚，我就安慰佢話可能佢好忙唔好亂諗嘢，跟住過咗個星期之後L同我講佢哋兩個分咗手，係個女仔講既，原因係因為阿爸阿媽 佢覺得有壓力。咁佢傷心咗好耐我都陪咗佢好耐。 其實平時我哋成日都會講嘢，當佢有女朋友嘅時候，我就唔會搵佢講嘢，但係佢成日share啲post俾我，分享佢嗰日有啲咩事，有時會問我送咩俾女朋友好(・・?) 識咗佢咁耐，有同過佢唱K，去Party Room 、迪士尼都有去過。（一大班人一齊去，搞者係我🥲），都有同佢一齊夜晚深夜call過（又係一班人） 之前有個男仔同我表白 拒絕咗個男仔之後煩住我，佢都有幫過我同我講點樣處理。佢亦都有問過我以前嘅事(*_*) 佢成日搵我傾偈呀、會成日搵我吹水、亦都成日分享好多搞笑嘅嘢俾我，嗰陣我真係好開心。雖然係咁但我feel到佢當我係兄弟🥲 L分咗手之後佢就傷心咗好耐，話佢下年會去外國讀書，又話每一次鍾意一個人都俾人呃，依家都係放棄 算 乜都唔使諗。 但係我放唔低佢，又唔敢同佢表白，我唔想連朋友都冇得做，喺我同佢既心入邊大家都係對方最好最重要嘅異性朋友。我真係唔知做好。有冇人可以話俾我知我應該？(;´༎ຶٹ༎ຶ`) （ps.奉勸大家唔好因為鍾意一個人跟住投其所好同佢做朋友，因為你哋識得來耐就會變成好兄弟、好姊妹🙏🏽） Sorry for 1999
#NSS學業 [guest] 咁小妹今年f2，喺學校都發生咗啲事，記咗個小過，亦都知道學校好烏煙瘴氣（無關），仲同最好嘅frd鬧咗交，但係後尾又和好返。 咁依家同佢關係的確有少少尷尬，因為我成績本來都好差，全級倒數嗰隻，咁打算下學期努力聽書唔想留級，點知突然又疫情，又要zoom返，佢成績都係好差（我地排名次次都係連住一齊，唔係佢高我一名就係我高佢一名）但自從zoom開始佢淨係識問我抄功課，自己上堂唔聽書都算，仲要不停聊我傾計，好似想拖我落水咁，即係要死一齊死嗰隻。 點解我會咁講，因為我同佢講過我要聽書，上堂，但係佢次次好似咩都扮唔知咁，仲話‘點先，係咪打算自己偷偷努力，然後得我一個留班’睇到認真好震驚，邊個想留班…咁每次上堂都要做功課，textbook等，然後老師跟住學號一個一個問，然後次次輪到佢就走黎問我‘答案係咩呀，我唔識，救我呀’等等。我自認係一個受到少少影響就專心唔到嗰隻，佢咁樣真係好影響我。 但係自從鬧交之後我唔敢唔理佢，覺得之前鬧交好對唔住佢，覺得我唔理佢就係我嘅錯，加上學校嘢，學習方面壓力已經好大，仲要處理呢種人地關係，壓力大到次次唔開心到連喊都喊唔出，唔開心到鎅手，想大家俾下意見點處理佢呢種朋友，因為問心我同佢都冇乜朋友，只係望落去唔想太孤獨先做frd，我都知我咁樣好衰。但係想問下點樣先可以改善呢個問題，因為真係唔想留級。 對唔住大家，小妹文筆真係好差🙏🏻 sor for 1999 thx admin