—類投稿

#NSS愛情 [Guest] 我覺得自己好似越黎越似playgirl….. 其實大家點睇交友app呢樣嘢？小妹之前都有玩玩下交友app國際版local嘅都有，之前玩係為左解壓,同埋無聊啊嘛，自己又無好多特別興趣,小毒L黎就玩囉…之後今年無啦啦好渴望拍拖，想有男朋友錫自己關心自己…所以又識左下人，從開頭係為吹水到開始內心開始認真左，之後約埋人地出黎食買玩喇，開頭都好似朋友，點知對方都幾主動，同我搭脖頭有身體接觸，好感慢慢增加….但之後少約左就無下文喇 後黎我慢慢開始中意呢種約新網友嘅新鮮感，聽下唔同人對一件事嘅睇法啊真係幾有趣。不過好多時我都係約人地一兩次就唔約，而對方又無啦啦沉沉地…利申我無特別做d咩舉動呀 但我有時覺得唔想就hea人。其實係好似幾衰…不過覺得有時係唔可以勉強自己真係扮有嘢對人有意思咁啊嘛….我似乎係enjoy識人而唔係話拍拖發展咁，但又想認真搵個中意嘅拍拖，我係未係度亂搵亂約？好矛盾…其實以前自己都好乖唔係咁….係入面有d人多多少少影響左自己個價值觀….有左d改變…唉真係覺得自己好似就黎壞左，希望大家點醒我謝謝 sorry for 1999

#NSS文化 [#NSS220307B 嘅post 主] Hi 又係我。 #NSS220307B 嘅樓主。 香港係文化沙漠果然名不虛傳。 喺篇文下面我見到好多負評，其實係意料之中嘅事。講真果句其實我篇投稿裏便都已經講話我唔係想要屌鳩任何人，亦都講話明白大家其實係想要鼓勵寫文嘅人，但似乎其實一大堆人錯晒重點。sorry都講咗幾句，大家都係唔收貨，又係話我玻璃心碎。 我寫完今日呢個投稿之後，估計下面又係一堆留言講話「閱」、「skip」。 大家都唔明我嗰個重點其實喺邊，串啲嗰句大家DSE卷一咪就係咁樣拎2架囉，又鍾意淨係睇標題就落定論，睇篇文又唔睇晒，唔會自省其身，淨係一味留言話「唔睇」。 果篇嘅第一段先講話我係回應返大家嘅留言，針對NSS近況做出自己嘅見解。 然後其實下面兩三段我個重心都唔係講緊大家嘅留言唔好，而係講創作艱難，文筆得來不易，同埋本地作者出書困難。 結果大家就先入為主覺得我就一定係屌緊大家，我第一句都已經講咗我唔係呢個意思。 成篇投稿都係表示「創作艱難」，同埋想大家反思我哋有啲咩真正可以幫到一啲好似樓主一樣對創作有熱誠嘅人。 我以為我寫完呢篇文之後下面會有人留言話「無論點我都會買樓主嘅書」、「咁嗰陣時樓主文筆真係好好呀嘛，我好支持佢嘅創作。」、「你咁樣太睇小我哋，我哋係真心支持佢繼續寫文嘅。」 但你話我馬後炮都好，點知咁樣一篇投稿，只係質疑話出書同埋拎五星星好困難，其實已經睇出你哋呢班人嘅本性，你哋開始由「樓主出書我第一個買」轉向「其實我叫佢出書都係講吓笑啫」，根本就係見異思遷，完全成功俾當時樓主見到大家其實留緊啲咩言。 見到困難絕大部份人嘅諗法唔係繼續支持樓主衝過難關，而係即刻縮沙話「我都係講笑啫」，真係同「射後不理」差唔多。 當我喺度質疑緊大家其實係咪真係會支持樓主嘅時候，你哋唔係反駁我嘅質疑，而係都係講「唔好發夢啦」呢啲咁嘅嘢。 有人話我玻璃心碎，但我以前都有試過喺呢度投稿作文，大家都有讚過我5**，當下我就覺得好開心，但係後來又發現似乎大家係見人就讚，一啲實質少少嘅評論都冇，見到書面語就一模一樣comment話「5**」、「出書」，仲有人話睇作文睇得多得滯叫Admin Ban曬文學作品。 但係衰啲講一句，點解我哋選擇放啲文上嚟？而唔係投稿報章？又唔係去小說網站寫？ 投稿人哋覺得你冇名氣唔會收，小說網站冇人睇。 我哋真係為咗流量㗎咋，根本大家都唔會想睇文，偶然出嚟投稿大家先會嚟睇。

#NSS個人 [Guest] 我到而家都仲未放低到我初戀 我我同佢分手咗半年有凸 當初因為一啲誤會分手 我自己又係白卡妹嚟嘅 一分手/嗌交就痴線 無論係frd定係ex 對於個ex我係比較偏激 我唔知可以點算 咁樣落去唔會有人再想同我做frd 我都知道自己咁樣屬於「恐怖情人」 我唔想傷害到人 但係我控制唔到自己 我永遠都係諗到一樣諗唔到第二樣 咁樣落去 我仲可唔可以支撐到肺炎過後都係一個未解之謎 淨係前幾日 我阿媽都因為我嘅一啲行為而驚到就快工都唔返 我而家冇得同社工傾 又冇得見心理學家 BFF我係有 但係我冇理由一生一世都依賴佢 我想自立 但係我做唔到…

#NSS社會 [GUEST] 可能我諗野太怪同陰謀論，但個仆街政府唔聽電話令好多陽性報都廢事，因為知無用，咁政府就做到條數: 大陸派人落香港有效控制疫情。都未知呢張單埋幾多錢，根本係偷香港人錢，呀唔係屌，係搶🖕🏻

#NSS愛情 [GUEST] 是咁的 小妹鐘意咗個人好耐 我哋其實係雙向但係我哋並冇一齊……. 我曾經表白過 但係佢嘅回答好蒙糊 所以件事就不了了之 我哋嘅關係亦都從此僵持到而家 其間有互block 過 佢亦都有向我表明心意過 但係我因為表白失敗唔敢再承應自己鐘意佢 直到琴日我個frd開導咗我 我下定決心要同佢一齊 我叫咗個frd去試下水先 但係佢話以經不想再知任何關於我嘅嘢 仲未同佢講到我想講嘅一切 佢以經block咗我同埋個frd 換埋ig號 直覺話比我聽今次真係玩完 我都知我好垃圾 我唔知點算 我可以點做我要點 樣放低

#NSS學業 [大學讀電影好唔好？] 大家好，小妹今年中5 對電影方面好有興趣 想畢業之後入間讀film嘅大學，但又有啲擔心會唔值(? 大學覺得讀呢行值唔值讀四年？之後有冇前途呢? 唔該admin po ig🙇🏻‍♀️

#NSS愛情 [Guestt::) ] 我係 #NSS211109D 樓主～～ 就咁既，我想對上次情人節果篇加返少少補充。 A喺最後咪講咗句勁L尷尬既野，我之後問返佢，佢話原來係佢班損友教嘅😂A話：「你知我唔識講野架啦，所以！我去揾班A0戀愛大師求教。你知唔知我練左幾耐先可以咁厚臉皮，臉不紅氣不喘咁講出黎。同埋我想講果句野真係好～～～老尷，救命。」 嗯，果然係有人教嘅。我認識嘅A係唔會講出D咁嘅嘢。笑死：）

#NSS愛情 [GUEST] 其實我真的很喜歡你，只可惜我們有緣無分。 在得知你有女朋友後的當晚，我在床上無聲地躺著。抬頭仰望天花板，腦內一片空白……心裡想著的，全都是你的樣子。 我知道一見鍾情未必有好結果，我知道你不會看向我……但我仍然願意默默坐在一旁看著你的每一分每一秒，繼續喜歡你那無可替代的笑容。 每個人都有自己的戀愛自由，所以我當然不會去干擾你的戀愛——能看著喜歡的人幸福的樣子，即使你對象是誰，我也感到非常開心。 ……只是，讓你幸福的人並不是我。 想到這一點我就更難以入睡了。 每次上課時的分組活動，我們都會被老師分到同一組。我很享受這種兩人的獨處時光，而我每次分組活動結束後心裡總會感到寂寞，擔心著下次的活動還能否與你同一組。 情人節那天，我曾經打算向你寫信匿名表白。 但自從我看見你和那位女生走在一起，我便徹底打消這個念頭。 希望日後的你和我都能獲得各自的幸福，快樂地生活下去。

#NSS家庭 [某男校] 我阿爸阿媽自從2021年1月開始，已經冷戰咗一年幾，有時有啲爭詏，有時都幾和睦，甚至今年情人節，佢哋主動買蛋糕、買花慶祝。本來以為咁就可以和好，但自從我哋中咗 covid 之後，件事180度轉曬。 前幾日，我阿爸、阿爺、我快速檢測呈陽性，當中全屋得我阿爸有出過街。我阿媽怨「你（我）老竇啲衛生意識咁差，口罩周圍劈，返到屋企唔即刻沖涼，返到嚟啲衫唔即刻洗，累全家」等等。我阿爸話：「而家好多香港人都中。」我阿媽就反駁：「就係因為有你呢啲冇公德心嘅人，你係咪想全家中曬先開心？」我覺得我阿爸好自私，但費事佢哋衝突再升溫，我就講我阿爸有好大壓力，試圖安慰下阿媽。阿媽返到房之後，打畀阿婆，將件事話畀佢聽，阿婆反而火上加油，講阿爸幾唔好，最後阿媽講：「我帶阿仔（我）外國」，我聽到呢度好心痛，好驚之後阿爸阿媽會唔會離婚。 過咗幾日，我阿爸條T線淺咗，而我同阿爺病情冇乜點好轉，我阿爸就開始返工（佢自己做生意，所以冇得請病假），佢份人搵少啲都唔得，我阿媽喺家庭 whatsapp group 鬧阿爸好自私，冇做好公民責任，如果阿爺出事邊個負責等等，阿嫲喺個group 裏面試下調停：「而家唔係追究責任嘅時候，大家要團結」，但我阿爸乜都唔講就踢阿媽出群組，block 佢 whatsapp，搞到我更加唔開心。 而家我好似畀兩個人夾住，兩個都係我最親嘅人，兩個平時都對我好好，佢哋嗌交嘅時候我左右為難，唯有講下對方嘅優點，或者轉移話題。其實我真心唔想佢哋離婚，我希望有個完整嘅屋企，開開心心我就滿足。 sor for 1999 求 admin 儘快 po ig

#NSS其他 [為地球著想既人] 貓貓是世界上最可愛的生物，事實上距離他們統治世界的日子早已不遠了，不論時社交媒體還是現實世界，貓貓占據著我們的生活。人類總是無法抗拒的被貓貓的魅力吸引，而不斷給與貓貓特權，縱容他們的無禮和任性。不過，事情還有轉機，我們人類還有最強大的武器-貓罐頭。貓貓們現階段還沒有辦法擺脫美味貓罐頭的誘惑，我們能做的，就只有不斷研發更完美的貓罐頭，讓貓貓們放棄奴役人類，這將會是一場人類歷史以來最大型的非軍事戰爭，而對手并非人類，而是一種用可愛作武器的-貓。 好吧！道理誰都會講，具體來説應該怎麽用貓罐頭守護地球主權還是要回歸到普羅大衆的意識。目前能察覺到貓貓危機的人少之又少，沒有足夠的資金和人力自然無法構成巨大力量，我們需要警惕世人。敵人善於利用網絡引起人類的關注，并且他們的計劃可以說是非常成功，或許是入侵了串流平台的系統，貓貓影片幾乎都能夠得到大數據推算的青睞，從而很容易獲得回響，這種惡性循環成就的現時貓貓們的優勢。貓貓吃罐頭的模樣被認爲是世界上最可愛的畫面之一，目前被洗腦的可憐同胞都爲了這個畫面而無條件給與貓貓罐頭，過於輕易地獲得罐頭，令它失去了價值。因此在罐頭的價值還沒有完全消失以前，在局勢還能挽回的時候，請立刻停止這種加速劣勢的行爲！ 市民能做的不多，我們能做的只有安分守紀，做好自己的本分，不要再傷害地球了。 圖Link: https://ibb.co/3dHY43m