#NSS家庭 [GUEST] Admin plz po ig thx 大家好，我係一個來自單親家庭嘅女仔，佢哋係我好細個離咗婚，我跟爸爸。 由細到大，我爸爸同埋佢嗰邊啲人都成日同我講離婚係我媽咪嘅錯，叫我唔可以搵佢見佢，唔可以叫佢媽咪要叫全名。雖然好似已經係我幼一嘅時候離婚，但我爸爸咁多年嚟對我做過嘅嘢我全部都會記得，鬧我打我控制我。 成日講到佢因為我而冇得再婚，我好辛苦成日喊，點解當初要爭我返嚟。 細節位我唔想講太多我驚我啲朋友認到我，可能之後真係頂唔順再講。 去到琴日，佢突然打嚟鬧我鬧咗好耐，佢要求我交出ig密碼，我唔肯佢就打我嬲我，唔俾我上堂，話唔好用呢個做籍口，返學唔關佢事。啱啱我同佢因為交ig件事鬧交，佢喺度「陰陽怪氣」講：「你都係向住你媽咪鍾意佢多啲㗎啦。」，我唔想同佢嘈我就求其講係，點知佢係咁鬧我，我真係好辛苦好攰，我唔想再同佢嘈，好想逃離佢⋯
#NSS學業 [GUEST] 大家好，我今年中四，諗緊關於補習嘅事。 我小一已經有上英文班同數學班，小三已經冇上英文，成績一直keep到，不過中二嗰陣阿媽喺我唔知情底下幫我報咗補習班，其實嗰陣我啲英文成績都唔錯 (b1a全級頭三十)，實在唔明阿媽搞乜。 補咗兩年幾，多多少少都有啲得着嘅，不過唔多囉，補習社進度好慢，個阿sir仲成日吹水唔係講題目，冇錯我啲英文成績一直冇退步，不過我覺得係因為我平時有睇書同做練習，唔關補習事。咁其實我糾結啲咩？話說我學校有個中五嘅師姐都補呢間，我小學已經同佢同校，我小六嗰陣佢返過嚟小學，嗰陣我補緊課，個老師介紹佢嗰陣，話佢喺中學讀得好好，但係英文好低分，不過呢個補習阿sir話師姐而家paper 1攞95分，有咁大進步，可能真係關阿sir事，不過我知道師姐一向都好勤力，所以亦有可能係佢自己嘅努力。高中溫書嘅時間好寶貴，一星期要花兩個鐘嚟補習，亦唔平，如果冇用，就真係得不償失。 至於數學，我仲係上緊小學嗰間，叫k*mon, 藍色logo嗰間，可能有啲人唔知佢係咩嚟嘅，我稍為解釋吓，佢唔係跟住你學校嘅進度，而係會因應你個人嘅進度安排課程，你係學緊未來1-3年或者更耐要學嘅嘢，所以正確嚟講佢唔係補習社。正因為佢唔係補習社，作用只係穩定我嘅數學基礎，如果真係好忙嘅話絕對可以quit 我考慮緊使唔使補習嘅係中作同英作，因為佢哋唔似得其他科咁可以研究marking，冇人幫手改嘅話真係幾難進步，不過去補習嘅話又會少咗好多操卷時間，我比較唔掂嘅係呢兩科 (我雖然英文整體成績ok, 但係作文次次都唔高分)，我想問有冇人唔補作文，成績都唔錯？另外有冇啲補習嘅意見？唔該晒！ 作文真係唔好，請體諒 admin plz post ig
#NSS個人 [guest] （長文慎入）小妹今年f3，生活係一個好幸福嘅家庭。 我生活係一個四人家庭，阿爸阿媽都系讀書人，經營緊一個購物網站，雖然我細個嘅時候佢哋會打我鬧我，但系當佢地知道用打鬧唔系一個好嘅教育方式嘅時候，佢地已經9年冇打過我同我家姐，而轉做好聲好氣咁同我哋講野，教育我哋，所以每當睇到其他家庭d爸爸媽媽嘅行為（例如打，強烈嘅控制欲）我就會覺得我有個咁好嘅家庭真系好幸福好幸福。 但系我覺得我好似身在福中不知福。 疫情開始嘅時候，每個人都唔好過，我父母嘅經濟都進入困難，嗰陣時候我仲未有自己好幸福嘅諗法，所以我將父母對我嘅好全部都覺得係理所當然。每次我諗到呢度就想殺咗之前嘅自己，漸漸地，我唔會再反駁我阿媽同我阿爸，諗到佢哋對我嘅好，我就唔忍心辜負佢哋，一切都好順從佢哋。f2嘅時候，我甚至考到頭30，我父母都對我好滿意，而我一直都約束自己，見到父母嘅努力，唔想再比更多壓力父母，我唔敢同佢講關於自己嘅煩惱，唔系驚比人鬧，而係驚會令佢地會為咗我而煩惱。 但系f2最後一次考試，我唔知點解咩都唔記得晒，成績直線掉落，係我考得最差嘅一次，最低分嘅卷甚至只得17分，雖然我阿爸阿媽冇講咩，但系我覺得我對唔住佢哋。 从個陣開始我就覺得自己怪怪地，我嘅記憶力開始變差，情緒都開始變得奇怪。我以為係我失常後嘅抑鬱情緒，但系唔知點解我真系咩都記唔住，就連朋友同我講過嘅野，阿媽嗌我買野我都會唔記得。而f3第一次ut，我諗到f2嘅經歷，由一個月之前就開始溫書，我以為嗰次唔會炒，但系成績出嚟我唔系啱啱好合格就系差幾分及格，嗰一刻我覺得自己冇資格生活係呢個世上。而都係因為噉，我更加唔敢俾我阿爸阿媽嬲，我係佢哋面前唔會喊，唔會嬲，只系會比佢哋笑容。 而我因為一直用我阿爸阿媽嘅視覺睇我，令到我好識企喺其他人哋嘅立場諗野，例如其他人做咗一啲令我唔開心嘅事，我都會笑笑口話冇野，因為我唔鍾意其他人係我玩嘅時候發嬲，所以我知道佢哋都唔鍾意佢哋玩緊嗰陣時候我發嬲。而我朋友都一直話我好好人，但系其實我當下唔開心到成身都喺度震，但系我都只系比個微笑比佢。因為我唔想佢都唔開心。 而我家姐就同我完全相反，佢好似冇見到爸爸媽媽對佢嘅好，而家經濟唔好，佢手機啱啱好壞咗，阿爸阿媽儲咗幾個月錢幫佢換咗一部手機，但係佢一拎到手機就一直喺度打機，一直打一直打，由朝打到晚，連我都覺得過分嗰隻，搞到我依家真系超憎光遇（佢一直打緊嘅就系光遇）。有一次我阿媽要收佢手機，佢甚至同我阿媽搶，令我真係好嬲，但係我甚至唔知係嬲佢對爸爸媽媽唔好，定係我妒忌佢可以自由自在噉玩。 佢接觸咗網上之後，成日都去睇嗰啲文案，搞到佢自己成日話自己有抑鬱症，理由係因為佢同佢朋友唔係同一班等，而問過專業嘅輔導員，佢都講呢個字係青少年期間正常嘅情緒，但係佢都唔信，堅持自己有抑鬱症，成日都唔聽阿爸阿媽話。 我阿媽都成日同我講好彩仲有我如果唔係會俾我家姐逼瘋。但係每次聽到呢句，再諗起我對我媽咪做過嗰啲唔好嘅嘢，同埋一直下降嘅成績，我就會覺得自己消失比較好，我配唔上佢哋嘅期待。我甚至覺得如果我死咗，我家姐就會變好。 而最近，我發現我越來越控制唔到自己嘅情緒，我會突然之間喊，突然之間嬲，吃完飯之後會嘔，即使唔系好飽，但系每當呢個時候，我都會自己收埋一個人唔波及到其他人，都唔敢同人講，因為驚佢地擔心我，仲要諗點樣安慰我。我有諗過要唔要自己去睇醫生，但系我查咗一下費用，立即刪除咗呢個選項。而學校最近嚟咗一個代課老師，佢真系好煩，只系識浪費時間，全班都好憎佢，依家一上佢嘅堂，我就會好煩好焦慮，我本英文書已經比我發洩得好多劃痕。我好對唔住本書，對唔住我阿爸阿媽，對我咁好，我仲發生啲噉嘅事。 而就係啱啱，我做緊唯一可以令到我冷靜落嚟嘅事（即畫畫）嗰陣時候，我阿媽突然之間嗌我幫手翻譯一d字，其實啲字唔難，就系好多。而我本來想應承嘅時候，突然之間嬲嘅情況又開始，我開始唔知點解流眼淚，雙腳都停唔到咁喐，我本來想入房冷靜一下先，但係諗到如果嗰陣時候就入房嘅話會好冇禮貌。我阿媽見到我咁樣就好好笑，以爲我純粹唔想翻譯，想過嚟抱我一下。但系佢一掂到我，我就反射性噉嘅樣推咗佢一下，嗌咗一句：「唔好搞我」就跑咗入房 當下我即刻就好後悔好後悔，我覺得我冇面再面對我父母，想就咁死咗仲好d，我系房入面喊咗好耐。而我冷靜完出嚟嗰陣時候聽到我家姐仲喺度打緊機，同朋友傾緊偈嘅時候，我想殺死自己嘅心更加強烈——我家姐都已經噉樣，我仲唔聽阿爸阿媽嘅話，佢哋會唔會好崩潰。諗到呢度我嘅眼淚止唔住噉樣流落嚟，再次入咗房。 而我阿媽搵左佢朋友嘅女a幫佢翻譯，a二話不說就應承咗，而我阿媽應該都忍咗好耐，終於同我哋講：睇下人哋阿女，佢媽咪對佢好嚴格，佢依家係大學自己賺錢，我一直喺度諗緊我嘅教育方式（即唔打用愛感化）會唔會係錯嘅。 聽到呢度我更加確定咗我唔應該存活係世上面，我唔配得到我阿爸阿媽嘅愛，佢哋對我咁好，但係我一啲都冇回報佢哋，一啲都唔努力，考到噉嘅成績，仲要駁佢哋嘴。 我而家真係好憎好憎自己，憎到想殺咗自己，但係我驚佢哋會傷心，我唔知點算，我唔敢搵社工，因爲我知道佢哋一定會通知我父母，如果你睇到呢度覺得冇乜嘢嘅話。你可以當做一個唔重要嘅文章划走就都得，如果你想鬧我嘅話都可以，希望唔好阻到你嘅心情。
#NSS個人 [guest] 小妹今年F5 讀緊band 1 但係成績認真係差 但係冇乜心機去讀書 而且屋企又唔算富裕 老豆人工頂多兩萬多 一家五口 由兩年前講起 老豆突然迷上咗槍game 一隻比較多外國人嘅game 半年前就俾我同老母發現懷疑偷食 同一個話自己係沙地阿拉伯家族做珠寶生意嘅女人講好肉麻嘅嘢 當然嘈咗上嚟 佢話人哋因為佢喺遊戲行為正直所以睇得上佢？？？（即係一睇就feel到類似詐騙嗰種… 唔係自己踩低個老竇 但係認真佢英文都唔識 同個外國女人傾偈都用Google Translate== 睇上你條毛毛咩）但係老竇好大男人主義 同埋好霸道 一口咬定係佢係真 總之聽極都唔入耳
#NSS個人 [guest] 小妹今年F5 讀緊band 1 但係成績認真係差 但係冇乜心機去讀書 而且屋企又唔算富裕 老豆人工頂多兩萬多 一家五口 由兩年前講起 老豆突然迷上咗槍game 一隻比較多外國人嘅game 半年前就俾我同老母發現懷疑偷食 同一個話自己係沙地阿拉伯家族做珠寶生意嘅女人講好肉麻嘅嘢 當然嘈咗上嚟 佢話人哋因為佢喺遊戲行為正直所以睇得上佢？？？（即係一睇就feel到類似詐騙嗰種… 唔係自己踩低個老竇 但係認真佢英文都唔識 同個外國女人傾偈都用Google Translate== 睇上你條毛毛咩）但係老竇好大男人主義 同埋好霸道 一口咬定係佢係真 總之聽極都唔入耳
#NSS學校 [GUEST] 唔知有冇人同我有一樣嘅煩惱🥲 今年F.3，但係學校一個真心嘅朋友都冇，普通朋友就好多，但佢哋全部都有自己嘅圈子，唔好意思加入佢哋….. 之前都有一個死黨，但之後佢就同班上嘅大陸同學玩得好埋，所以之後我就離遠咗佢，費事阻住佢同其他人玩，冇再搵返佢。 宜家係學校淨返一個算係玩得埋嘅frd，我哋係同班，都係香港人，佢本身都有一個朋友，但唔同班。但佢好似好鍾意學我？ 識佢之前都唔覺，但近排就發覺我用咩佢就用咩，我買咩佢跟住買，連講嘢嘅語氣都同我一模一樣🌚好似有啲恐怖，搞到我有啲唔太鍾意佢，但宜家除咗佢之外就冇學校嘅其他人同我玩…..(因為全級80%都係大陸人)😢 所以我係咪應該就住佢？放假就可以約小學同學出嚟玩，但一諗起仲有成3年中學要讀….自己一個又尷尬就唔知點算好….😢