[GUEST ] 小妹今年f3, f6畢業之後想去外國嗰邊讀書(暫時想去澳洲), 可以嘅就順便喺嗰邊發展同生活。但基於以下原因我都唔知點好。 我屋企嘅經濟條件供應唔到我去外國讀書, 我係住公屋, 父母一個月嘅收入唔算好多, 依家我有補習中英數, 已經洗咗父母唔少錢, 我想報某啲興趣班 嘗試唔同嘅新事物 培養興趣, 同埋想買多啲書, 都唔可以好似人哋咁想要就可以即刻報即刻買。 加上去嗰邊讀書, 起碼都要去一次澳洲了解下個環境先, 我從來都未試過出國, 去旅行都冇錢去, 要出國讀書應該係遙不可及…外國讀書一年嘅學費咁貴(其實我唔知幾多錢, 但知一定好貴) ,當依家開始儲錢都應該係冇可能有足夠嘅金錢供應到我去外國嗰邊讀書。 除咗經濟問題, 仲有一個原因就係我健康問題。我嘅身體比較差, 有慢性疾病,
#NSS學業 [Guest] 是咁的 小妹今年f3,讀緊間band1A女校,成績中等偏上掛…,全級四十幾咁樣 之前喺呢間學校經歷咗好多非常不公嘅事, 令我對呢間垃圾學校嘅人同事都好沮喪同失望 我係一個好鍾意art同藝術創作嘅人,近排察覺到香港有間高中書院叫hksc,係專讀art,設計之類嘅嘢,(非廣告，真係想了解）而且風向都feel到好自由,老師都好有heart,我好想f4轉讀呢間,睇吓可唔可以嘗試更多野,但係我好驚做錯選擇 去,定唔去？ 但係,我家媽子俾我嘅感覺其實好守舊,都係個啲覺得讀大學就可以出人頭地,搵到好工嘅人,我好驚佢會拒絕（老母份人比較強勢 而家想問下各大施主/讀緊嘅人其實真實嘅書院係咪真係咁自由？有冇落差？同埋有啲咩建議可以俾到我… Thanks:)
#NSS學校 [某中學] 人類有權唔打疫苗 我想講就係咁簡單，憑乜嘢逼我哋中學生打疫苗？大家都係人，大家都應該有權選擇自己嘅嘢，我係唔愛惜自己身體呀，又如何？學校班老師借啲意講到疫苗好重要咁，唔打又會點xyz咁，我想問下你媽媽安好嗎？我同你班谷針老師講，我一針都冇打過，但係乜事都冇呀，唔好講到冇打會死咁啦。 你班谷針老師係一復課嘅時候就不斷問人，「你打咗針未呀？」「你快啲去打啦」「我都打咗3針呀！」我想問，關你咩事呀？我打唔打又點？打完3針好威威？ 最後想同大家講句，冇人打政府就推行唔到惡法，你每打一針就間接逼害緊冇打針嘅人，唔好同我講「反正都要打㗎啦」，人反正都會_，又唔見你_🥰我係唔打㗎啦，你班老師點谷都冇用㗎啦，2月24號我慢慢自生自滅啦😘 #人類有權唔打疫苗
#NSS家庭 [GUEST] 小弟今年17歲，有個扑街老豆，想屌柒佢，比大家睇吓佢幾扑街 自私撚，老母煮好晒餸，食得飯自己9衝入廚房攞筷子，淨攞自己筷子，自己飯。食相又核突，係咁食成隻狗咁，驚死人地搶佢飯咁，自己鐘意食嘅餸自己食晒，唔留比人。食完就走入房，咩都唔做，抬唔執，唔洗碗，最扑街係自己宵夜食完唔洗，留係到聽日比老母洗。 佢成日講佢d做人道理聽到想打7佢，叫我快啲娶老婆，話娶左唔洗做咁多野，比哂老婆做，呢啲人真係正扑街。自己成個廢柴咁，45歲人返工一個月搵得萬五蚊，係到9叫，不思進取，講到自己幾勁，有十幾人比佢管，自己點玩d新人，又咪係得萬五蚊一個月，成個on9咁，返譚仔人工都高過佢，仲話自己唔洗服務人，啲人唔配佢服務。 細個8歲生日老母買個蛋糕比我，咁啱星期日，個扑街係屋企，咁細佬同老母唱生日歌比我，又影下相咁，個扑街唔知發咩神經，一下打爛個蛋糕，話影m9咁耐冇得食，細個真係哭出來，童年陰影，而家都唔會再係佢面前搞任何慶祝。 性生活，老母返完工，攰唔想扑，凌晨係到9叫，話咩滿足唔到佢，驚死我同細佬聽唔到，仲打老母，我好嬲，但又做唔到啲咩，只可以繼續扮瞓。 個扑街極怕阿爺，聽我老母講佢啱啱中七畢業，阿爺比錢佢做生意，個扑街攞去炒股票，輸到死，賠左300萬，阿爺勁嬲，嬲佢炒股，幫佢還左，但係仲嬲緊，直到結婚，比左間屋我哋住，而家都住緊，所以個扑街怕佢老豆老母，比人屌完返嚟屌我哋，滿足自己嘅自卑。 成日係屋企食煙，臭到死，局全家聞煙味。諗住等細佬大個d，同老母搬出去。等個扑街自生自滅。
#NSS社會 [GUEST] 小弟想喺度分享下我呢排中covid嘅經歷 Day 1：朝早喉嚨痛+流鼻水 Day 2：喉嚨痛再嚴重咗少少，同埋開始乾咳，於是乎用快測去驗，結果係陽性 Day 3：發燒同發冷，成個人好攰，食咗止痛藥，瞓咗成日 Day 4（投稿當日）：比起琴日冇咁攰，退咗燒同冇再發冷 呢排睇ig有唔少人都中咗招，症狀同一般感冒冇乜分別，同埋有冇打針對於隻病都係冇分別，因為我屋企人症狀同我一樣 Btw依家啲醫學磚家咁好笑嘅，睇完水渠睇屎渠，又睇乜7通風系統，今日仲要講中covid會影響生育🤣係咪知道「腦霧」已經嚇唔到人，真係谷針無所不用其極，係真嘅話相信人類已經滅絕咗，同埋真係當我哋唔知外國已經陸續開始共存，包括取消口罩令、取消疫苗護照、放寬入境限制，甚至乎取消成個接種計劃 最後講多一句：收皮啦渠王勇
#NSS個人 [Guest] 究竟生存有咩意義？ 由係阿媽出世個陣，我就無得選擇我想唔想留係呢個世界上，細細個，阿媽叫我做咩咁我就要做咩，阿媽叫我聽老師話，我聽，阿媽叫我唔好揀飲擇食，我聽，阿媽叫我唔可以做咩，我就唔做咩。 以前無自我思考嘅能力，就會覺得聽人話就係乖，我聽老師，阿媽話，佢哋就唔會鬧我，仲會讚我，我會覺得開心，但係慢慢開始就會發現，自己就好似個公仔咁，人地叫我做咩我就做咩，唔比我做我就唔做，我生存嘅意義又係咩呢？ 我而家中四，我由上到中學開始，有可能係叛逆期嘅影響，我開始欠交功課，唔溫書，從一個成績唔錯嘅學生變成一個成績差，無責任感嘅人。我無在聽佢哋講要做功課要溫書，但係我亦都唔係做緊一啲自己想做嘅嘢。 好多人會話自己有啲咩夢想，有咩目的，但係我諗嚟諗去，都無一啲自己想做嘅嘢，其他人眼中我可能係一個好鍾意打機好懶嘅人，我承認我係一個好懶嘅人，但係打機對於我嚟講只係一件唔討厭嘅嘢，係一件令我無咁無聊嘅事情，並唔係想做，只不過係對比於溫書做功課來講無咁討厭嘅事情，如果我呢一世人最唔討厭做嘅一件事，或者係了結自己嘅生命掛。 可能你會好奇，如果唔討厭，點解我到而家都仲喺度，我係一個好細膽好驚痛嘅人，平時望落去好似好開朗活潑，其實我只係將一啲唔開心嘅嘢收埋，收到真係得返自己一個嘅時候先會攞出嚟，我好驚同其他人表露自己唔開心嘅一面，淨係會同人講開心嘅嘢，由細個到而家都係咁，其實屈住屈住都幾難受，但係我唔夠膽同人講，我驚人地對我嘅意見，都驚喺某啲事情做唔好之後會令人失望，而搞到自己好緊張，好攰，點解我會生活得咁辛苦，我生存係呢個世界上有咩意義，明明無問過我就令我出世，明明有啲嘢唔想做亦都可以唔做，點解要比我做，明明我根本就唔想係呢個世界上出現，明明我有好多機會可以結束呢段生命，但係都因為我嘅懦弱而失敗，我真係好憎我自己，好憎生存喺呢個世界上嘅自己。 （Sor for 1999）